ورود سامة

Part3

ورود سامة /الفصل الثالث
#يحيى_ادريس

خشت ياسمين لدار وهي تبكي
توليب / ياسمين كنك صار معاك حاجه شفتي حد
بنبره باكيه / فرحه اليوم يقول فيها لي بكل وقاحه
توليب / معلش حبيبتي ياخذ سوك
ياسمين / وهي تنفض ف دبشها شن درتله نا بس
توليب / دموعها ف عيونها
ياسمين/ قهرني  ي توليب شن ذنبي نا ف خالتي ااه
توليب / سامحيني حضنتها وبكت معاها
ياسمين / دفتها بخفة عليش نسامحك
توليب / اصلا نا درت علاقة مع علاء وسئلني عن اسمي قتله ياسمين ولما جو يسئلو م حكوش عن
خالتي بس علاء يحسب ان نا هي اللي انخطبت وقال ان داير علاقه مع ياسمين ومحد يجي شورها ..
ياسمين / عاودي شن درتي
توليب / اسفه منحسبش موضوع يوصل لهنا طايشه
ياسمين / انتي استخدمتي اسمي نا
توليب/ ندمت والله تاكل ف صوابعي ندم من فاتحتك
ياسمين / اااه شن درتي فيا انتي
توليب / سامحيني سامحيني
ياسمين / ع شن نسامحك ي واطيه ع شن نسامحك يا كلبه دمرتيني وضربتها كف ورا ورا كف وتوليب تبكي
وياسمين من كثر ماضربت توليب طاحت ع الارض
تعيط وتبكي لعند رقدت من البكاء ومن هنا بدت القصة ..
...
ياسمين بدت اطارد ف توليب وكرهتها معيشتها
وكانت توليب عشان هي غالطه تسكت وتحمل
توليب/علاء نا مش متحمله خلاص خوذني حتى ف دار
علاء / متأكده من كلامك هذ
توليب / اها خلاص مليت وراس امك تعبت
علاء دز امه وخواته كانو عائلة ع قد الحال
ياسمين/تبي تزوجي وتعيشي حياتك بعد خربتي حياتي
توليب / شافتلها بحزن ..
ياسمين / مانيش مسامحتك لا دنيا ولا اخرة ..
توليب / ياسمين لا ارجوك ماتدعيش ..
ياسمين / نفضت يدها حسبي الله ونعم الوكيل
توليب / قعمزت ع كرسي تبكي
نرجس / بحتي في هنا متخربيش مكياجك
كان فرح توليب سريع سريع فاتحة والفرح مع بعضهن كان الفرح بسيط ولان ف فصل شتاء
اندار ف الحوش جوا مش خيمه زي نسرين ...
كانت نسرين مقعمزه زي ضيفه واللي يجارن غادة وامل ونرجس وزهراء وردة كانن يعتبرن ف بداية
مراهقتهن حتى هنا ومهاب وبلال يلعبو ..
ياسمين / كانت لابسه قونه سوده وماليه صوف وتشوف لاختها كيف فرحانه دموعها ف عيونها
بعدين كي جو بياخذوها وتطلع زفة ركبت ياسمين لدار وبدت تبكي وتبكي خشت نرجس حضنت ياسمين من ظهرها وياسمين تعيط بقهر ..
..
علاء اجر حوش يقعدو فيه هو وتوليب ..
رفعلها طرحه وقال نورتي يالحب ..
ضحكت توليب نقولولك اي اسم توليب ولا ياسمين
توليب / معش تذكرني خلاص ي سامط
علاء / تعال معاي ي سمح نبيك ف موضوع
..
الايام تمشي بسرعة البرق ..
جت توليب وحتى نسرين حضرت صار عشاء عائلي
كانت ياسمين طول الوقت ف الكوجينه او تقرا ف دارها وكانن زهراء وردة يبحتن ف توليب وخلاص
وكانت الحياة طبيعية
لعند اخر يوم ف امتحانات جامعة
غدير / ياسمين
ياسمين / نعم
غدير / شن صار معاك
ياسمين / حمدلله حليته كله
غدير / بتقولك
ياسمين/ همم
غدير / لو جاك عريس توافقي
ياسمين / ابتسمت عريس
غدير / خوي ضابط وملو هدومه
ضحكت ياسمين وفجأة شافت عمر وقالت موافقه
غدير / بسرعه هذي يعني نحكيله
ياسمين / هو مايعرفنيش
غدير / هو اللي قالي ندور ع وحده
ياسمين / تمام ابتسمت انا لازم نمشي
غدير / باي
..
زهراء مطلعه جمتها من الوشاح ولابسه زي المدرسة وجنبها ورده تحكيلها ..
وردة / نبو نديرو خليطه نا والبنات تخشي معانا
زهراء /مقدمك ي وردة
وردة / وين ماشيه ي جديده
زهراء / بناخذ حاجات من محل وخشت
شافت عبدالله مع صاحب المحل كان صاحبه ..
زهراء / خشت وبدت تاخذ ف برنقلز وشوكولاطات
عبدالله / الناس اول ماتخش لمكان تطلق
زهراء / شقلبت عيونها مادخلكش را نطلق فيك شيشه هذ
عبدالله / لسانك ملوي ي زيتونه
زهراء عيونها تعبن دموع احترم نفسك مش زيتونه نا وطلعت من المحل تبكي وتقول خزي ..
عبدالله ابتسم بصدمه شن درت نبصر عليها ..
صاحب محل البنت هذي مدلعه وبعدين ضحك حتى انت مالقيتش بيش تشبها الا ب زيتونه ..
عبدالله ضحك وقال كنها زيتونه سمحه وطويله ..
صاحب محل يضحك عليه عندك علم هذي اخت من
عبدالله . من
صاحب محل اخت نرجس
عبدالله / لا يراجل متقولش خوات بكل
..
زهراء / طاحت ع سرير تبكي
وردة / كنك زهراء مش ع اساس مشيتي محل
زهراء / حقير هذك قالي تشبهي زيتونه
وردة / من هذ
زهراء / الراجل الاصفر لعيونه زرق
وردة / قصدك اللي تحبيه
زهراء / صكري فمك
وردة / باهي خلاص معش تبكي
زهراء / حيوان خزي
وردة / ضحكت عشان انتي طويله اكيد شبهك بيها
زهراء / هاها عليك حناطه مايضحكش را مايضحك
_____
كان علاء واقف قدام مرايه الحمام يحلق ف لحيته
لابس كانتيرا رصاصيه وسروال امريكي ..
جت توليب ف يدها تبسي ابراك عمتي دزاته لنا
علاء / شكله سمح
توليب / سقد روحك تعال كول
علاء / تعالي بس نبيك ف موضوع جيبي معاك تبسي
توليب / ف الحمام مش من جدك
علاء / تعالي بس
قدمت وف يدها تبسي قال وكليني
توليب / ي مقرف
علاء / هي
توليب / بدت توكل فيه
علاء / نزل تبسي وقال حلقيني انتي
توليب / نجرحك انت حر مش شوري خذت موس
بدت تحلقله ف لحيته بدا يبوس فيها وهي تعيط
وتضحك خذاها ومشو ف عالم اخر ..
..
مربعين ع صفرة الغداء ويشير بين مراته وبناته
حادي وبادي بو البغدادي شال وحط عليهم قول
وهو يعد وصل ف رقم عشرة عند امل وقال الحائزة
ع لحمه الغداء لليوم امل وبدا يصفق ويضحك
صفاء / ربي يثبت علينا العقل ودين يارب
سالم / هي كولو كولو
غادة / تاكل وعيونها ف لحمة امل
كان هك نظامهم كل مره دور على حد ياخذ لحمه متخيلوش انها لحمه وطنيه لا دجاج 😁
...
رضيه / واحد فيكم يجيب دقيق نريد ندير عصيده
فجر / مش ماشي عدي ي اياد
اياد / لالا عليش كل مره انا انا امشي انت
رضيه / سلحت سباطها امشو ي عيال كلب
فجر / مش ماشي وقعد يلعب ف بلاستيشن
اياد / تخسر دوري بعدك
فجر / هز راسه بمعنى ملح
زهراء / توا نمشي نا نجيب دقيق تبي حاجه اخرى
رضيه / طلعت فلوس من صدرها شيشة رب معاك
زهراء / من جاينا
رضيه / جايات خواتك
ابتسمت زهراء مع خشة ياسمين قعمت من خيار
رضيه / شن في غريبه طلعتي من دارك
ياسمين / جايني عريس
ابتسمت رضيه من هو ..
ياسمين / خو بنيه تقرا معاي قالت ضابط
رضيه / شفتيه
ياسمين / هزت راسها بنفي
خشت زهراء للمحل خذت دقيقه وحكة رب
وجت بتخلص مدلها شكارة وقال اسف
شافتله بنظره حاده مانبيش وقالت عمو بكم هذين
صاحب المحل ب ب 4 جنيه ..
عبدالله / سامحينا ي زيتونه خلاص
رفعت اصبعها بتهديد معش تقولي زيتونه فاهم ..
عبدالله / اسف ي شن نقولك
زهراء / ماتقول شي خطاني بس خذت شكارة دقيق ورب وطلعت مع جية نسرين ..
نسرين / زهراء
زهراء / شخبارك وسلمت عليها
نسرين / تمام من جوا
زهراء / مزال ما جا حد
مهاب / خير زهراء
زهراء / خير ي سمح
بلال / قول خالتي ي غبي
ع جية توليب سيارة مازدا
نسرين / هذي توليب
زهراء / اها
نسرين / سبحان الله من يتوقع تاخذ واحد هك
زهراء / نصيب
نزلت توليب خير ي بنات خير خير سلمن وخشن
يحكن ومهاب وبلال قعمزو جنب خوالهم ..
ياسمين / اطلعيلهم توا نكملها نا
رضيه / شن في بينك وبين توليب
ياسمين / مافي شي يام عدي بس
نرجس / جابه لي عبودي
نسرين / سلم عبودك
ضحكت نرجس ..
ع جية رضيه سلمت وقعدن يهدرزن
توليب / وين ياسمين
وردة / دير ف عصيده
نسرين / نمشي نشوفها مرايفه عليها خشت خير
ياسمين / ابتسمت اهلا وهي تملك ف العصيده
نسرين / ربي يعطيك صحه
ياسمين / سلمك
نسرين / كنك ماطلعتي تسلمي
ياسمين / شفتيني شن قاعده ندير
نسرين / ياخذ سوك تستاهلي احسن منه ماتزعلي روحك
ياسمين / مش زعلانه انتي شخبار اشرف ولعيال
نسرين / لعيال برا قاعدين واشرف نفس ماهو لا خدمه ولا قدمه
ياسمين / ربي يصلح الحال
شوي وبدو يوتو ف لصفر وقعمزو ياكلو
وتوليب كانت تجنب ف ياسمين عشان خايفه منها
..
ومرو يومين جا فيهن خو غدير شاف فيها ياسمين ف جامعة ..
زياد  / غدير حكتلي واجد عليك بس متوقعتكش بجمال هذا
ياسمين / طبست راسها وهي مبتسمه
زياد / كملتو امتحاناتكم
ياسمين / كملنا بس قاعدين نتلاقو دفعه عشان حفل تخرج
زياد / مفروض نهرب لعند مايهلب تخرجك عشان الهدية
ضحكت ياسمين وقالت عادي ..
زياد / انتي تستاهلي كل هدايا العالم ..
ياسمين / كلك ذوق
زياد / مش ناويه تحجبي
ياسمين / نعتقد هذ حاجه بيني وبين ربي
زياد / اسف بس
ياسمين / منحبش حد يتكلم عن حاجه تخص لبسي
زياد / سألت امرأة الرسول صلى الله عليه وسلم، فقالت ‏له: كيف أخرج عن الدين؟ فقال لها الرسول صلى الله عليه وسلم: أخرجي شعرة من ‏رأسك ليراها رجل، فتخرجين  فما بالك انتي شعرك كله برا سامحيني بس انتي تعتبري فتنه جمالك هذ وشعرك تعرفي لو تحجبتي ربي يزيدك ويعطيك ..
ياسمين / عيونها دمعو وهزت راسها ..
تمام متفقين ياياسمين هنجيب هلي الاحد يناسبك

للحديث بقيه ..