ورود سامة

Part 17

لو الحلقة ماعليهاش تفاعل هتوقف رواية بدا من الحلقة جاية
لأن حرام وظلم نكتب ونتعب وف الاخير نلقى تعليق واحد و5 لايكات لو الحلقة مافيهاش تفاعل اعتبروها الاخيرة لاني مش هنتعب اكثر من هك ع الفاضي
ورود سامة /

خشت للمستشفى ف يدها باقة ورد فتحت باب الغرفة اللي فيها
اختها كانت زهراء متمدده وتشوف لروشن بحزن التفت لما سمعت
باب انفتح انصدمت اخر شخص توقعت تشوفه قالت نرجس ..
نرجس . حمدلله ع سلامه ..
زهراء .. بلعت ريقها وتشوفلها ..
نرجس .. سمعت قالو قعدتي مقعده ..
زهراء .. دمعو عيونها ..
نرجس .. هذ نيتي عشمي مش ساهل ..
زهراء .. فمها يرجف اطلعي برا ..
نرجس .. ابتسمت اصلا مش جاية نطمن عليك جاية نشفي غليلي
زهراء .. برا اطلعي برااا برااا
نرجس .. يوم زفتك ياما عيطت كيف عياطك توا ..
على جية رضيه ومعاها ياسمين شايله ولد زهراء ف حضنها
فتحو باب قالو نرجس انصدمو وقت شافوها ..
نرجس .. جيت نطمن على خيتي حمدلله ع سلامتها وطلعت
رضيه .. لحقت نرجس شن درتي لاختك تبكي
نرجس .. مادرت شي كنكم انتو
ياسمين .. هذ وليدك زهيره
زهراء .. شافتله بحزن
ياسمين .. ماتبكيش انتي قوية عشان خاطر ولدك شوفيه
زهراء .. شافتله ي عمري انت سمح ياياسمين
ياسمين .. لمن بيطلع يعني شين ماعنده لمن يطلع
زهراء .. مسحت دموعها
..
نوارة .. عبيده تعال سلم خالتك نوال
عبد الله .. مرحبا
نوال .. حمدلله ع سلامتها ان شاء الله
عبد الله .. الله يسلمك
نوال .. شخبارها توا
عبد الله .. كويسه
نوال .. بس بنتي فريحة دكتورة غادي قالت مرتك معاقه
عبد الله .. شنو معاقه مافيش منه كلام هذ حسني الفاظك
نوارة .. عيب احكي كويس مع خالتك
عبد الله .. زهراء خط احمر حتى لو انتي شخصيا يمي مانسمحش لحد يغلط فيها بحرف
فريحة .. امغير سلم علينا ي ولد خالتي
عبد الله .. انستو ومشا وسيبهم
نوارة .. سحر اسود دايرتله اكيد
نوال .. اكيد
نوارة .. شن قلتي ي فريحة
فريحة .. والله لو يعاملني زيها مانقولش لا نجي حتى ثانية راضيه
نوارة .. شن ثانية ماعنده مايدير بيها مشلوله تقعد عند هلها
فريحة .. ابتسمت
...
ف احلى فصول ثالثة ثانوي مدرسة خاصة مختلطة ..
نادت الابلة اياد **** 9‎/10 والاسم اللي بعده فرح 10/10
برافو صفقولها اول مره تصير عندي حد ف كيمياء يجيب درجة عاليه هك انقهر اياد وقال عشان معاوده سنة حافظه المنهج ..
بدو يضاحكو وهو شافلها ب ابتسامه استفزاز هي كانت فرحانه
وكلها حيويه انكسرت فرحتها وثقتها بنفسها بس مبينتش ودارت روحها عاديه لكن ناويتله على نية يستر الله منها ..
في الوقت نفسه خشت نرجس لجامعة بعد شفت غليلها ف اختها
بين م الجميع مبهور بيها ويشوفولها كان اثنين يتكلمو عنها ..
ايوب .. امشي اعترفلها سقد روحك ..
عبد الحفيظ .. خايف تردني مستحيل ترضى بيا
ايوب .. خلي عندك ثقة ف نفسك شوف البدلة والله لو بنت كنت خذيتك كان عبد الحفيظ لابس بدله قهوية وماشط شعره ع جنب
زي عبد الحليم حافظ ونظارات طبيه قاله هي امشي خوذلها شعر
اللي كتبته لها وهي هتوافق عليك طول ..
مشا عبد الحفيظ بعد ماتشجع وقال دكتورة نرجس دكتورة ..
كان صوته فيه شبه من اطفال هو شخصيته خجوله وانطوائي
شوية هي وقفت وشافتله برفعة حاجب نعم ي دكتور حفيظ
عبد الحفيظ بنقولك حاجه وجهه احمر وبدا يقرا ف ورقة ويده
ترتعد وهو يقول انتي سمحه ماكيفك كيف سماحه زول سماحه عين
انتي تميتي كيف الكيف انتي كيف ادمان الهروين انتي طبعك والحس
لطيف وانتي ياحد الزين ونا مو شاطر ف التوصيف احترت اني نبدا من وين انتي ماكيفك جا ف ريف ولا كيفك في الميادين سماحه عود ودم خفيف وناسك روس معروفين اجواد خبر ناسك ماهو تزييف
خبر قبل العثمانين خبر مايبي شي تأليف بدت نرجس تضحك
وهو ارتبك عجبك انا نحبك وناوي الحلال واللهي واللهي وكان كله يرتعد كنك تضحكي !..
نرجس .. ضحكتني عطك عصيده ووه ناقص عليا غير ناخذ عبد الحليم حافظ ومشت وسيباته مش فاهم قصدها ب عبد الحليم حافظ
ايوب .. شن قالتلك
عبد الحفيظ شاف لناس كيف تبحت فيه ويضاحكو مشا يجري يلم
ف شيتاته واوراقه وطلع ب شنطة لاب وناس مستمره تضحك
وهو دموعه ينزلو طلع مكسور الخاطر ..
..
عبد الله .. شن تبي تسميه ..
زهراء .. انت ف شن خاطرك ..
عبد الله .. شن رايك ف آيآن
زهراء .. يجننن عشان هك قتلك اختار عرفتك تختار حاجه سمحه
عبد الله .. زي مااخترتك
زهراء .. ابتسمت
رضيه .. هاتو خلاص بنروح بيه هارون يرجى من بدري
زهراء .. شكرا امي
رضيه .. طلعت وسيبتهم
عبد الله .. باس يد زهراء حجزت تذكرتين ل المانيا ان شاء الله يوم الخميس نطلعو
زهراء .. ربي مايحرمني منك يارب
...
علاء .. واقف يلف ف الحشيش تبي
توليب .. شافتله ب إزدراء
علاء .. ضحك كنك
توليب .. شي
علاء .. مرايف عليك ي الحب
توليب .. حول غادي منقرفه منك
علاء .. وليش قاعده هاه
توليب .. بختي بختي
علاء .. لولاها ذراعها وهي تألم احمدي ربك الف غيرك يتمنني
توليب .. دموعها ينزلو
علاء .. ديري روحك شريفه نسيتي زمان عطيتيني اسم اختك ذكرتي ولما جا يخطب ف اختك راجل قتله شوري ونحكي معاها
توليب .. خلاص ي حقير ي نذل
علاء .. ماتستشرفيش عليا حركات راك محترمه
توليب .. غصبا عنك محترمه ي واطي
علاء .. ضربها كف ورا الاخر وهي تبكي
توليب .. تحسب ما وراي حد واللهي نوريك ي بتاع الحشيش
علاء .. انفعل وقعد يضرب فيها ع بطنها وهي تألم
...
خشت ياسمين لمدرسة توقع ..
مقبوله .. ابلة ياسمين ف واحد يرجى فيك عند المديرة
ياسمين .. ان شاء الله خشت لمكتب وطقت تفضلي
مبروكة .. هذي ابلة ياسمين
ياسمين .. سلام عليكم كيف حالك ابلة مبروكة وشافت لراجل افضل
صابر .. انتي كيف تهزبي بنتي عشان اختك وخوك
ياسمين .. من بنتك
صابر .. سحر تشكيلي تقوليلها مش متربية
ياسمين .. انا قلتها والله ما صارت
صابر .. سحر ماتكذبش
ياسمين .. واللهي عظيم مش هك الموضوع هي وقفت على خويا ف شارع ونا مش عشان ندافع على خويا بس تصبايتها ف شارع على اي شاب غلط خصوصا قدام المدرسة يحكو عنها نا نصحتها بيني وبينها ماقلتلهش مش متربية ولا عشان خويا من اصله ..
صابر .. بنتي جايبها تقرا مانبيش حد يعلمها الاخلاق وخوك ايش يبي ف مدرسة بنات
ياسمين .. غمضت عيونها بنفاذ صبر لو سمحت احكي ب اسلوب
صابر .. شفتي ي استاذة مبروكة
مبروكة .. حصل خير وانت ي استاذ لو مش عاجبك قوانين مدرسة خوذ ملف بنتك
صابر .. شوفي منظرك وتكلمي ع الاخلاق ي ابلة ياسمين وطلع
خذاها ف حالة صدمة استغفر الله العظيم واتوب اليه استغفر الله
..
فرح .. اياد ..
اياد .. نعم ي فرج
فرح .. نبي منك كراس الفيزياء
اياد .. ابتسم تفضلي
فرح .. مشكور وطلعت وسيباته
اياد .. شفتو خذت مني كراس بتاعي
قيس .. من ماشفنا شي
اياد .. انتو لا تحقو لا تسمعو
جلال .. شن رايكم اليوم مانلعبو مبارة
اياد .. العشاء عند من
محمود .. العشاء عندي العجوز ماهيش قاعده نديرلكم مكرونة على كيفكم
اياد .. تم
فرح .. ركبت ف سيارة وتحركت شافت اياد يمشي ع كرعيه
زادت ف سرعة وجت حذاه وعطاته ب لجناب راكبه ف بي ام
اياد انصدم وهو يشوفلها ابتسمت بخبث وبيبتله ومشت خلاته منسته
وشباب يضاحكو من صدمه ريت بنت راكبه بي ام ارنوب اخر زمان
اياد .. يمشي والعقل معاها
...
علاء .. شكلها تجيب
نسرين .. هي جاية جاية
طلعت نسرين لبست محرمتها وجلبابها وقالت لبلال عينك من خوتك
بلال حاضر وطلعت نسرين تجري لمستشفى وصلت قالولها جابت
خشت شافت بنت اختها ابتسمتلها وكلمت ياسمين وياسمين قالتلها جاية وخشت نسرين على توليب ..
توليب .. تبكي
نسرين .. حمدلله ع سلامتك ليش تبكي بس
توليب .. حضنت اختها ضربني الواطي ضربني
نسرين .. اكسر يده ان شاء الله
توليب .. ضربني لعند نزفت نحسبها ماتت قلت افتكيت منها
نسرين .. حرام عليك ماتقوليش هك
توليب .. هتربطني بيه طول العمر اااه
نسرين .. بكت مع اختها على حظهن المشابه
كانت ياسمين جاية تشوف اختها مرت ع الحضانه وشافت بنت
اختها ابتسمت بعدين خذت ولد اختها الاخرى مع رضيه ومشن
يطعمن فيه وهي طالعه ولد اختها يبكي وتسكت فيه ورضيه تقوللها
رضيه .. خلينا نشوفو توليب خلاص اركبي وجعني
ياسمين .. تبوس ف آيآن خلاص حبيبي خلاص اوليدي ..
عمر .. بنتي البطلة
ياسمين سمعت صوت وشافتله واقف ومعاه مرته وبنته قعدت تشوفله
امها عيطتلها ياسمين وكان صوتها عالي عمر شافها وهي شافاته
وكل واحد نار ولعت ف قلبه اكثر من ثاني ..