ورود سامة

Part 12

#ورود_سامة
#يحيى_ادريس
‏12 part

توليب / تبكي ف فراشي ي واطي ففراشي
علاء  / والله ما فاطن روحي كنت نبيها ديرلي قهوة
توليب / تخبط ع وجهها ينعلي نا ي كسرتي
علاء / توليب وطي صوتك
والوليه اللي معاه تلبس ف عبايتها وشاحها
توليب مسكتها نفضحك قدام راجلك وعويلك انتي
لا وراس امك لا نحنا صبايا كي بعضنا استري علي
توليب / نستر على من كلب وخذتها من شعرها
نفضح بيكم انتو الاثنين نهايتكم ع يدي
علاء / بدا يبكي وولدي او بنتي اللي ف بطنك يجي ع دنيا شن ذنبه يقولو بوه مش كويس ..
توليب / كنت تحسب حسابه قبل ماديرها ي وسخ
والوليه هربت تجري وتوليب تخبط ع بطنها اااه هذ اللي كاسرني هذ اللي مخليني مانقدر ندير هذ بدت
تخبط ع خدودها وتبكي لعند كحلها سايح وعلاء
حاول يهديها بس فشل ...
نفسه عبد الله اللي خايف وخش بمرته للاسعاف
وهي ف حضنه وهو يقول ف حد هنا ويعيط لعند
جابوله نقاله حطوها فيها قالت عبد الله قول لهلي  وخشو بيها يجرو وعبد الله قعد واقف ف طوارئ
وساعة ورا ثانية تمر عبد الله يسأل فيهم ويقولو
وضعها خطير عبد الله خاف وقعد لصبح ومزال
ماجابت لعند ماطلع دكتور اسمع انت لازم توقع
ان نديرولها عملية
عبد الله / عليش نوقع ديرو
دكتور / في خطر ع حياة الاثنين المريضة وضعها خطير وهي حاليا ف ثامن
عبد الله / حط يديه ع راسه
ومرت ساعة ورا ثانية
كانت رضيه ادير ف شاهي ..
اياد / نمشي نجيب حليب وخبزة
رضيه / على ماسقيت زرع ولقطت نعناع طلع اياد
سيب باب مردود رضيه لقطت نعناع حطاته ع طاوله ف الحاجر وبدت تسقي ف زرع مع خشة واحد برمت اياد ولدي وشافت عبد الله انت شن تبي هنا بأي وجه جاي ياحلوف يا مهزب انتلف ياعديم اموره اطلع برا حوشي اطلع الله لا تربحك الله يفرق عظمك على جلدك كي مافرقت بين الخوات اللي يفرقك على اعز ماتملك كي مافرقت بينا وبين بنتي
ياالنذل يالواطي
عبد الله بصوت مبحوح / لا بالله عليك لا
رضيه قالت بتهكم / تبكي والله طلع عندك احساس
نرجس فتحت روشن دارهن شافاته واقف مع امها
كتله غضب مجرد ماشافته طول لبست حجاب
عبد الله / ماتدعيش ب اعز مانملك بنتك وحفيدك
رضيه  / بنتي انتو خليتو فيها بنتي ما خلاص
طلعت نرجس وف يدها ساطور اطلع من هنا اطلع
رضيه خذت بنتها توا يمشي يمي توا يمشي
نرجس / قوليله يمشي توا مانيش مسامحتكم ما
رضيه / امشي ي مهدود امشي عطك مايهدك وكانن بيخشن لحوش
عبد الله / زهراء ف العمليات وفي خطر على حياتها
رضيه / الله لا يردها صكرت باب وقفت وراه
عبد الله / يخبط ع الباب عمتي بالله عليك زهراء حالتها خطيرة ف ثامن وخطر عليها وع جنين
رضيه / غمضت عيونها بألم
مسح دموعه بكمه ومشا وهو مهدود الحيل
نرجس فكت الحجاب وقالت موقحه البارد
رضيه / تمسح ف دموعها
نرجس / رد بالك تفكري تسامحيها
رضيه / سكتت
نرجس/لو سامحتيها وخشت من باب الحوش نطلع نا
رضيه / مانيش مسامحتها مانيش خليني ف حالي تو
نرجس / طلعت وسيبت امها تخمم ف كوجينه
..
نوارة / خشت لكوجينه تقول الخدم نبي فطور ملوك
الخدم / قالو حاضر وطلباتك اوامر
وف ربع ساعة طاولة جاهزه قعمزت هي وابتسام
فطور كأنه ف مناسبة وضحك وسهوكه خشت رواند
رواند / صباح الخير
نوارة / صباح الورد والياسمين
رواند / شافتلهم ب استغراب وقالت وين عبد الله وزهراء
الخدامه ي ناري استاذ عبد الله طلع بيها وهي بين يديه لمستشفى رواند قالت حيه وشافت ل امها كيف تاكل ببرود يمي مش مزال بدري عليها
نوارة / عادي ف عيال يجو ف سابع
رواند / هلبت سابع الثامن خطير
نوارة / ماتخافيش توا تجيب غيره
رواند / انتي مروقه ع غير العاده را يطلع اللي ف بالي صح
ابتسام خذت زيتونه شن اللي ف بالك
نوارة شافت لخدامه بتفنيصه لعند طلعت من حذاهم بس كانت تصنت من ورا الباب
رواند / الاعشاب اللي امس ديري فيهن ضريتي بيهن زهراء
فتحية الخدامه حطت يدها ع فمها وشهقت
نوارة / انكلبتي شايفتني سفاحه قدامك تخيلي حد سمعك
رواند / ان شاء الله نطلع غلطانه
نوارة / انتلفي من خلقتي
...
مقعمزات نرجس وياسمين وردة يحطن ف الحاجات ف الخلوط من حلوى وشوكولاطه ولوبان ومستكه وكيس صغير مكسرات
ياسمين / غريبه توليب طولت
نرجس / اكيد امس سهرة صباحي
ياسمين / ضحكت عليك صايعه كلي انتي
اما نسرين رابطه راسها ولاهيه بنتها 24 ساعة تصرخ
وجنبها امل تراسل ف صاحبها وتضحك وغادة مع رضيه وامها يديرن ف مثرودة وهي تزلط ف لوز وتمر
ورضيه احكي عن زهراء وكيف عبد الله جاها وصفاء
صفاء / حرام مقوى قلبك لبنيه صغيرة شوفيها
رضيه / نار ف قلبي شعلتها زهراء نار هن
غادة / كان خاطرها تحنن قلب خالتها ع زهراء بس خافت ومبتش تشارك ف موضوع لان رضيه طبعها
صعب وممكن تبك فيها هي فضلت صمت ..
...
علاء / انا اسف
توليب / اسف صار تمسح ف دموعها من يوم وغادي نا وانت مجرد زوجين ع الورق بس
علاء / لا توليب حبيبتي
توليب / ماتلمسنيش ي قذر متقربش ي نجس
علاء / شافلها بحزن
توليب / نا وانت خلاص اللي جامع بينا اللي جاي او اللي جاية ف طريق مش عاجبك كلامي نفضحك ونفضحها قدام راجلها ي قذر ي عرة رجاله وتفلت عليه
علاء يشوفلها وهو ساكت ..
...
فتحية خشت وجهها اصفر ..
يقين / كنك وجهك اصفر يام
نجوى / ابلة فتحية انتي كويسة
فتحية / عضت على شاربها تحتاني شكلها الحاجه نوارة هي اللي دارتها ف مدام زهراء
يقين / شن دارت
فتحية / طيحت عيلها
الاثنين مع بعضهن شنووو ..
..
ياسمين / شن هذ اللي سمعته يمي
رضيه / وطي حسك
ياسمين / زهراء بين الحياة والموت وانتي ديري مثرودة هنا
رضيه / صكري خاربك
ياسمين / كيف هك حرام عليك يمي
رضيه / حرم جلدك على عظمك
ياسمين / كان انتي مش ماشيه نمشي نا نشوف اختي
رضيه / تمشي يومك اللي هو
ياسمين / يمي حرام زهراء اختي لصغيرة را
رضيه / انا هذ اللي عندي
ياسمين / ماقدرتش تحمل وطلعت
رضيه / زهراء
خشت مربوعه كان هارون متكي يتفرج ع الجزيرة
ياسمين / هارون شيلني زهراء ف مستشفى
هارون / دف طفاية اللي قدامه كنها شن في
ياسمين / بين الحياة والموت
وطلع هارون ب زهراء يجري لمستشفى ..
مجرد ما وصلو طلع دكتور وهو ساكت والممرضة ف يدها طفل يبكي عبد الله ما اهتمش ب ولده وقال مرتي شن صار فيها ..
ياسمين / خذت منها البيبي وهي تشوفله ابتسملها وردتله الابتسامه هارون واقف جنبها قال ضحكلك
ياسمين ابتسمت وشافت للمرضه

انا لله وانا اليه راجعون ..
زهراء / شافت لطفل
وعبد الله وخر ودموعه في عيونه
هارون شاف لياسمين اللي ترتعد هي كلها
.....
للحديث بقيه