ورود سامة ..
يحيى ادريس ..
14 part
ياسمين .. ماعندكش فضول تعرفي حاال بنتك
رضيه .. عاندتيني ومشيتي شفتيها
ياسمين .. بنتك في غيبوبة ي رضية زهراء ف غيبوبة
رضيه .. عيونها امتليو دموع وطبست راسها
ياسمين دموعها طاحو خنقتها العبره العيل عايش على جهاز تخيلي
رضيه كورت يدها وحطتها ع فمها وجسمها يرتعد قلبها يتقطع قاعد
ياسمين .. الله اعلم توعى من الغيبوبه ولا لا ..
رضيه .. مسحت دموعها وقالت اطلعي ..
ياسمين .. اللي عليا درتها وطلعت من دار امها شور دارها ..
هارون .. حطيلي حاجه ناكلها ..
نرجس تحط عوايز ف شباك والله تعبانه من صبح مصبيه
هارون .. نشاور فيك نا جيعان حطيلي سمسام من صبح ف مستشفى
نرجس .. عليش ف المستشفى ..
هارون .. زهراء جابت ويطيح من بين يديها تبسي
هارون .. كنك ترفسي انتي نمشي نغير جيبي صفره ف مربوعه
خشت ياسمين بعد غيرت دبشها عطشانه وبنرقد متكسره تكسير
نرجس .. كنتي عندها ..
ياسمين .. عند من ..
نرجس .. من يعني اللي ماتسمى
ياسمين .. شافتلها بتضييقه عيون نا اختك كبيرة على فكرة
نرجس .. مشيتيلها تباركيلها على العيل اللي جاباته من حبيبي
ياسمين .. وطي حسك يسمعك واحد من يكسر عظامك هنا
نرجس .. هم يكسرو عظامي بس انتي كسرتي خاطري بمشيتك لها
ياسمين .. نرجس زهراء جابت ف ثامن خشت ف غيبوبة وضعها
نرجس .. الله لا يردها ولا يصدها
ياسمين .. مكنتش نعرف انك حقوده هك ..
نرجس طلعت موالح من الكوشه اللي مافيك بارده ..
ياسمين حطت كبايه اميه ع الخامه وطلعت ..
...
رواند .. انتي صح اللي وراها انتي ..
نوارة .. اها نا شن تبي اديري شن
رواند .. قلبك قاسي انتي ماتحسيش تخيلي حفيدك مات حفيدك هذ
نوارة .. الحفيد اللي يجي من بنت شعبية مانبيه
رواند .. مش مصدقة اللي تقولي فيه وصلت بيك لقتل الارواح
نوارة .. اهم محد مات
رواند .. وطفلة اللي ف غيبوبة هذ طفلة اصغر حتى منا نحنا حرام
نوارة .. حرمت عليك عيشتك وطي حسك
رواند .. انتي مستحيل تكوني ام مش ام انتي مستحيل تكوني انسانه
نوارة .. شافتلها بتعجب لكن جمدت بعد شافت عبد الله ..
عبد الله .. كنت تبكي ف حضنك ونشكيلك وانتي سبب
نوارة .. وجهها انصفر وتلكلكت ف الكلام
عبد الله .. شن درتيلها
نوارة .. هاه مادرتلها شي
عبد الله .. سمعت كل حاجه
نوارة .. انت فاهم غلط نبصر مع اختك
عبد الله .. لو صارتلهم حاجه عمري مانسامحك عمري
نوارة .. الله لا تسامحك ي رواند
رواند .. خايفه على زعله ومش خايفه من ربي وطلعت ورا عبد الله
عبد الله .. شن تبي
رواند .. جايه معاك نشوف ولد خوي ومراته
عبد الله .. ولع سيارة وتحرك
...
اشرف يشيل ف اثاث روح تعبان ويحس ف ضهره وهو يمشي ع كرعيه شافه خوه اركب ركب وهو يتحسس ف ركابه ..
علي .. ايش زرك عليها الخدمة الحرفة ي خوي ريت منها مكسب كويس تعال معانا وتعيش ملك ضحك اشرف وقال صحيت ..
كنك مش عاجبك خدمتنا تجيب فلوس وانت ف مكانك ..
اشرف .. بارك الله فيك ي خوي نا ف رقبتي عيال ومانبي الحرام
علي .. على راحتك ونزل اشرف يفتح ف حوشه
كانت نسرين متربعه ع سرير تعد ف زلوف وتمضغ ف مستكه
وفرحانه سمعت صوت باب انفتح دست لفلوس تجري ف غلاف
مخدتها وتسمع اصوات عيالها باتي جا جبت حاجه وقفت تأكدت
بنتها راقده وطلعتلهم انت جيت ..
اشرف .. حاضن مهاب اها جيت وميت جوع شنو العشاء ..
نسرين .. عشاء شنو مانك عارف اني كنت عند هلي ..
اشرف .. اليوم لمه صح شنو مجبتيش معاك حاجه من غادي
نسرين .. تبيني نجيبلك ونا جاية على كرعيي كيف بنشيلهن
اشرف .. واحد من لعيال
نسرين .. لنقنك الا صحيح وجه واحد من لعيال بدال ماتقول ندير سيارة قاعد تحسب روحك مراهق تبيع سيارتك عشان تصرف ع شيتات ..
اشرف .. انتي عارفه كويس على شنو بعت سيارتي
نسرين .. لا مش عارفه
اشرف .. تمام نا نقولك نبي دبش للبيبي ي اشرف نبي شناطي للبيبي نبي قفطان للمه نبي مفروم وجبنه ودجاج عشان موالح للمه نبي حق العصير وحلويات وشوكولاطة نبي حاجه ذهب لبنت نبي حاجه لي
نسرين .. فنصت وهي تشوفله قاعد تحسبلي هذ واجبك
اشرف .. لا مش واجبي ندير هذ كله مش واجبي نا واجباتي نصرف عليك انتي وعيالك وكال وشرب ولبس ف العيد وبس الباقي قطاف
نسرين .. واللهي يابابا نا طول عمري هلي يجيبولي ف جديد
اشرف .. شافلها توا هلك ويجيبولك خش وسيبها
نسرين .. فقري وحساس لا ويعاير اخرى
مهاب .. شاف ل امه
نسرين .. اكتب واجباتك
مهاب .. طبس يكتب
نسرين .. سمعت بنتها تبكي جاية ي همي الاحرف
...
اتقلب يمين واتقلب يسار ما جاهاش نوم طول اليوم واعيه
وتفكر ف بنتها معش تحملت وبدت تبكي تبكي تبكي بقهر
حطت يدها ع قلبها حست بخنقة شافت ياسمين ..
ياسمين .. حتى انتي مارقدتيش
رضيه .. خايفه عليها بنتي هذي صغيره
ياسمين جت ل امها حضنتها وتباكن مع بعضهن
ياسمين .. توا نحنا نصلو قيام الليل وندعولها مافي يدينا شي
هزت رضيه راسها وخشت اتوضى ..
كانو عبد الله واخته يشوفو ل بيبي من ورا قزاز ..
رواند .. شن بتسموه
عبد الله .. توعى امه بس
رواند .. ان شاء الله توعى وتسموه
عبد الله .. ان شاء الله
...
رضيه .. صباح جابت ..
ياسمين .. شن سماته ..
رضيه .. على اسم بوها يحيى ..
ياسمين .. ماشاء الله عقبال مانفرحو بطلعة زهراء
نرجس .. شقلبت عيونها يمي نمشو دامها عزمتنا
رضيه .. وين نمشو
نرجس .. للغداء الي دايرته خالتي صباح
رضيه .. حالي حال غداوات اصلا
نرجس .. بناتها من اندادي وننسجم معاهن
وردة .. صح يمي نمشو جو سمح غادي
رضيه .. خطيني اكيد عازمه قمر اصلا صباح وقمر علاقتهم كويسه
ياسمين .. قصدك خالتي قمر قاعده هنا ف البيضاء
رضيه .. عقدت حواجبها وساكته
وردة .. من قمر
نرجس .. خالتنا
وردة .. وعليش امي ماتبيش تشوف اختها ونحنا عليش مانعرفوهاش
نرجس .. نحكيلك بعدين
...
بعد شهر طلع الطفل وعبد الله سلمه لياسمين ..
كانت فرحانه بيه وتشوفله طول طريق خشت لحوش هلها ..
رضيه شافاته ابتسمت وهي تشوفله قالت ربي يطمنا عن امك
نرجس .. هذ من
ياسمين .. ولد زهراء
وردة .. حي قصدكم نا كان اجوزت يبقى عندي بيبي
توليب .. هذ ف شن تفكر
وردة .. الفكرة تخوف صراحه زهراء بتبقى ام
نرجس .. وشن جابه ولدها هنا الصايعه هذ
رضيه .. كنك ي نرجس حوشه هذ را شافت لياسمين شن سموه
ياسمين .. مش عارفه الحق
نرجس .. يانا ي هو ف الحوش هذ
أنت تقرأ
ورود سامة
Romanceقمر تسرق نقود من زوج اختها وتهرب مع حبيبها وتترك اختها واطفالها ف ازمه حيث تتوالى معاناة رضيه مع بناتها المراهقات ومرور سنين وكل شخصية لها احداث عن بيت العائلة والترابط الاسري وزوجات الابناء وعن طمع وعقوق الوالدين
