#ورود_سامة /يحيى ادريس
9part
كانت نرجس طالعه بالحجاب وهذ اللي فرح هلها
وبذات ياسمين قالت الله يرحمك ي زياد نرجس
هي وطلعو كلهم متجهين لحوش اقاربهم في مدينة
ف الغرب وكلهم خذو اجازة من اشغالهم والمدارس
..
وردة / تجنن طرابلس
رضيه / انتي شفتي حاجه مزال جمال قدامك
هارون / نا تعبت من لسواقه اياد تعال كمل بدالي
نزل هارون وركب اياد وكانو وردة ونرجس وياسمين
ورضيه من لاوره وهارون واياد قدام وفجر ف شنطة
..
اشرف / وكنك مامشيتي معاهم
نسرين / نمشي لناس ب عيالك المكاليب
اشرف / را حطيتهم عند امي
نسرين / امك ويقعدو مع خوتك صياع ضياع
اشرف / ضمي فمك
نسرين / قلت الحقيقه ماتزعلش ف حاجه
اشرف / انتي كنك حالك متشقلب وديري ف جو
نسرين / قتلك مليون مره اشتغل حاجه عليها القيمه في عيل ثالث جاي ف طريق
اشرف / ابتسم تحكي من جدك
نسرين / ياريت دور شغل براتب كويس تعبنا
اشرف / نكمل قرايتي بس
نسرين / تكمل شنو بعد كبرت ودرت عيال خطر عليك تقرا اخرى طب الطب الفاضيين ماقدرو عليه
بتقدر عليه انت هذ يبي 6 سنين كنك فلته زمانك
اشرف / عليش تحطيم بدالي ماتفرحي وتفخري نبقى دكتور
نسرين / نفرح ونفخر ب فلوس تخش علينا بيهن
...
روحت زهراء من مدرستها شافت نوارة مقعمزه
ف جناحهم ع الكنبه وحاطه كراع ع كراع ..
زهراء / حولت شنطتها وقالت مرحبا
نوارة / تشوفلها بتعالي اسمعي نا سكتت ومشيت ع خاطر ولدي لكن نحطك ف راسي نلزك بفضيحه من هنا
زهراء / شقلبت عيونها راسي يوجع فيا ومصدعه
نوارة / مش امك نا ام راجلك وحمواتك تحطي بينك وبينهن حدود ان شاء الله ايش يديرنلك صكري فمك
زهراء / نا مادرت شي هي اللي ضحكت
نوارة / رفعت يدها حركات زعل وتفتين عبد الله لا
زهراء / واللهي مافتنته
نوارة / هي كلمة وقلتها تعرفي حرف من اللي صار بينا يعلم بيه عبد الله نديرلك حاجه متوقعيهاش
اتقي شري ي زهراء انتي توا مالكش حد وعبد الله يقدر يتخلى عنك بسهوله لما نخيره بين امه اللي جاباته ورباته وتعبت عليه وبينك انتي هيختارني نا
وانتي وين بتمشي حتى هل تبرو منك ..
زهراء / عيونها امتليو دموع وحست ب غثيان
نوارة / ابتسمت بتهكم وطلعت من دار وسيبتها
زهراء / مشت تجري للحمام بدت اطلع كل الي ف بطنها بعد كملت قعمزت جنب مرحاض وتبكي
..
خش علاء شاف توليب مقعمزه تفرج على مسلسل اجنبي friends قعمز حذاها وقال مافيش غداء
توليب / امك دزت طبيخه
علاء / وانتي امتى ناويه تسوي
توليب/ عارفني منحبش نسوي انت ومنعرفش كوجينه
علاء / تعلمي صبايا كلهن يعرفن وتعلمن
توليب / باهي
علاء / توليب اليوم جايب جماعه ع العشاء
توليب / شنو وعليش ان شاء الله
علاء / كيف جماعه ديما نلعب ونكسد عندهم يبو يجوني
توليب / لا خوذهم عند هلك ف حوشكم
علاء / شن قلتي شن
توليب / نا مش فاضيه ومانعرفش
علاء / لا تعرفي وبلا مكر اني قتلك
توليب / جيبهم تحرج روحك
علاء / عض شفته سفليه توليب ماتعاندينيش نكسرلك راسك
توليب / باهي باهي حول يدك
علاء / هي شاطره عارفك تعرفي ديري وهتشرفيني
توليب / بالسم الهاري ان شاء الله
..
خش عبد الله شاف امه وخواته مقعمزات ف صاله
عبد الله / سلام عليكم
ردن عليه وهو قعمز وقال وين زهراء ..
نوارة / روحت من مدرسة صكرت ع روحها ..
عبد الله / قصدك ماتغدتش لعند توا ..
نوارة / لا
عبد الله ركب لجناح الخاص بتاعهم يشوفها ..
ابتسام / بارد هو وياها ..
رواند / را تبقى صايرتلها حاجه
نوارة / رفعت حواجبها وتنهدت
فتح باب جناح وخش مش باينه ف دار مشا للحمام
لقاها متمدده جاها يجري طبس عليها زهراء حبيبتي كنك شن في ..
زهراء / فتحت عيونها وجهها مرهق نبي ماما ..
عبدالله / خذاها ف حضنه حد دارلك حاجه
زهراء / بدت تبكي مرايفه على امي ..
عبدالله / كل يوم نسأل عنهم مش قاعدين ي عمري اليوم سافرو
زهراء زادت ف بكاها وين سافرو ياريتني معاهم ..
عبد الله / ناخذك للمكان اللي تبيه
زهراء / زادت ف بكاها
عبد الله / انتي ساخنه خذاها ف حضنه وحطها ع سرير دارلها كمادات ومانزلتش حرارتها طلب دكتورة
خاصة بالعائلة وجتهم
الدكتورة / مبروك حامل
عبد الله / ابتسم الله يبارك فيك
الدكتورة / لها اسبوع عشان هك حالها وبعدين هي بنيتها ضعيفه وصغيرة يصيرن حاجات هذين
عبد الله / بارك الله فيك ي دكتورة ومدلها مبلغ وطلعت
عبد الله باس راس زهراء مبروك علينا ي قلبي
زهراء ابتسمت بتعب وقالت بنرقد
عبد الله / تريحي ي عمري تريحي
في صالة ابتسام قالت كان تموت ..
نوارة / ان شاء الله بس مش اللي ف بالي
ابتسام / شنو اللي ف بالك
عبد الله / ي امي ي امي
نواره / تشوفله بخوف
عبد الله / زهراء حامل
ابتسام / شنو
نوارة / وجهها انخطف لونه
عبد الله / شنو مش فرحتلي
نوارة / مبروك مبروك
عبد الله / الناجي لصغير جاي يمي ويدغدغ ف امه
نوارة / ابتسم مجامله وهي تشوفله
رواند / الف مبروك يتربى ف عزك عبادي
عبد الله / سلمك ي سنفورة وشاف لوجه ابتسام وامه كانن ساكتات قال نمشي نشوف زهراء وناض
نوارة / هذ اللي كنت خايفه هذ
ابتسام / كيف اصلا تحمل مش مزال كيف
نوارة / مصيبه مصيبه طاحت علينا
ابتسام / اكيد تكذب عليه
نوارة / العيل اللي ف بطنها لازم يموت
رواند / امي مهما تكوني تكرهيها الطفل ولدنا را
نوارة / العيل مصيره يرد ل امه وطبعها هذ هيربط عبد الله بيها مدى الحياة اه قهرتني ي عبدالله ..
...
فوزية / ي مرحبا ي مرحبا
رضيه / مرحبك شنو حالك ياك طيبه
فوزية / الحمدلله شني اخباركن يابنات
الحمدلله
فوزية / ماشاء الله مش كانن عندك تلاته اخرى
رضيه / تزوجن
فوزية / ف وحده اصغر من نرجس ومن اياد
رضيه / زهراء تزوجت مالها شي
فوزية / قداش عمرها
ياسمين / 15
فوزية / كيف عطيتيهالهم
رضيه / هي اللي تبي شن ندير
فوزية / والوردات اللي عندك ما تعطينا وحده منهن
رضيه / اختاري اللي تعجبك وضحكت
فوزية / ياسمين ل ايمن
ياسمين / نا اكبر منه
فوزية / والله نحسبك اصغر منه تباني اصغيرة
رضيه / ياسمين عمرها 24 بعدين ايمن بروحه صغير
فوزية / مالا نرجس قداش عمرها
رضيه / 18
فوزية / ل ايمن من غادي
نرجس / بس بنكمل قرايتي
رضيه / فنصت في بنتها وقالت الف مبروك وزغرتت
للحديث بقيه ..
أنت تقرأ
ورود سامة
عاطفيةقمر تسرق نقود من زوج اختها وتهرب مع حبيبها وتترك اختها واطفالها ف ازمه حيث تتوالى معاناة رضيه مع بناتها المراهقات ومرور سنين وكل شخصية لها احداث عن بيت العائلة والترابط الاسري وزوجات الابناء وعن طمع وعقوق الوالدين
