ورود سامة

Part1

"ورود سامه"الفصل الاول
#يحيى_ادريس
بسم الله الرحمن الرحيم ..
ليبيا البيضاء 2024 ..
شارع فاضي من الناس الحمام ع رصيف وفجأة طار
خطمن سيارات ف سرعة غريبه زي سرعة الزمن ..
صبايا مطوبرات قدام المصارف ورجاله مطوبرين
قدام شيلات البنزينه وشحاتات ب اطفالهن ..
نحنا وين وصلنا وشن صارلنا وشن زرعنا عشان حصدنا الخراب هذا كله  ...
...
2003 ...
رضيه اتسقي ف الورد وتسمع ف اغنية الورد جميل
صفاء /
ماشاء الله عليك ي رضيوه من صغرك تحبي الورد وزرع
رضيه ابتسمت وقعمزت تقول /
من حبي ف الورد سميت بناتي اسماء ورود ..
صفاء / فعلا بنات زي الورد جبتيهن
رضيه ابتسمت وقالت الحمدلله ..
صفاء / رضيوه
رضيه شربت من القهوة وقالت / همم
صفاء /جايه نصالح بينك وبين قمر انتن خيات
رضيه /صكري ع الموضوع ي صفاء
صفاء  / ارمضان ع الابواب والمسامح كريم
رضيه /صكري ع الموضوع مانبيش نزعلك
صفاء / براحتك
طلعت عليهم ياسمين وقالت صباح الورد على احلى ام واحلى خاله ف دنيا وقربت باست امها وباست خالتها ..
صفاء ضحكت وقالت بنتك هذ كل ماتكبر تنهبل
ياسمين / هو في احلى من الهبال ي خالتي
رضيه /ماشيه جامعة
ياسمين /اها تبي حاجه يانبع الحنان
رضيه / لا سلامتك بالنجاح عينك من روحك
ياسمين / حاضر
صفاء / سموني انتي كبرتي مش ناويه تحجبي
ياسمين /هي سلام عليكم وطلعت هاربه من حذاهم
صفاء / شوفي بنتك
رضيه / على كيفها هذ دير ماتبي
صفاء /شخبار نسرين وعويلتها
رضيه / كويسه
صفاء / خلاص سامحيها بنتك غلطت بس ظفر مايطلع من اللحم
رضيه عيونها دمعو / مش قادره يا صفاء

قبل 8 سنوات ..

قمر / مانبيش نتزوج مانيش متزوجه
رضيه فنصت فيها /
بالك تحسبي روحك صغيرة ي قمر خلاص قريب وتخشي ع ثلاثينات اللي كيفك ب عيالهن ورا تحسبي روحك تاخذي فرج باتي مستحيل يعطيكي له المنتف واليوم فاتحتك وفرحك على سلفي هي سقدي روحك معازيم تحت ...

"يومها امي قالتلي الفرح كان ف حوش رضيه عشان حوش هلهن صغير والعريس يبقى خو راجل رضيه "

وقتها قمر ف دار بنات اختها تبكي وتقول مانيش
متزوجة عمكن مش بالغصب حرام اللي قاعد يصير
توليب / هي نمكيجك بلا دلع مزلت بنوتي روحي
ياسمين / لبست قفطان احمر وقالت شن رايكم فيا
توليب / شن ماديري عسل
ياسمين / دزتلها بوسه ونزلت تحت
كملت توليب مكياج لخالتها وتت روحها وطلعت
قعدت غير قمر ومعاها نسرين البنت الكبيرة لرضيه
قمر / مانبيش نتزوج نا ..
نسرين / والحل ي خالتي ..
قمر  / تساعديني
نسرين / كيف نساعدك
قمر/ هربيني ينسرين وعمري ماننسى جميلك عمري
نسرين / نخاف مانقدرش
قمر  / من يبي يعرف انك خربتيني عيونها دمعو
نسرين شفقت ع حال خالتها وقالت باهي وكانت تراقب في المكان تحت زحمه ودوشه عاد فرح ..
كانت رضيه واقفه مبتسمه ولابسه ذهب وقفطان
تفشك ع ناس وتعرض وبناتها وحده احلى من ثانيه
نزلت نسرين تشوف الوضع كانو كلهم ف الخيمه
رضيه وين خالتك كنها مانزلتش ..
توا نمشي نشوفها وركبت تجري فتحت دار مالقتهش بعدين خشت وراها قمر وف يدها شنطة
نسرين / وين كنتي نحسبك هربتي
قمر  / كنت ف الحمام
نسرين / شن شنطة هذ
قمر / شنطة دبشي المهم هاه شن الوضع
نسرين / كلهن ف الخيمه هي ننزلو بسرعه تطلعي من باب الوراني بس كيف بتمشي بروحك وين
قمر / فرج يرجى فيا برا كلمته ع الارضي
نسرين / خالتي خايفه عليك يمسكوك
قمر / متخافيش وهي ونزلن بسرعه برا اغاني وجو
طلعن عند الباب الوراني
نسرين / خايفه معش نشوفك
قمر حضنتها بقوة /لما تحبي هتعرفي ليش درت هك
دمعو عيون نسرين وطلعت قمر ركبت مع فرج ..
فرج . واخيرا ي حبيبتي
قمر . ماجيتش بروحي فتحت شنطة مليانه فلوس
ضحك فرج ومعاه قمر وتحرك بسيارة ..
بس وقتها نرجس بنت ال 10 سنوات شافتهن ..
كانت فضيحه كبيرة عروس هربت يوم الفرح ..
وصارت مشكلة كبيرة خصوصا هل العريس نفسهم
واخذين رضيه وصارت قطيعه وياما خوت قمر وباتها دورو عليها بيش ينظفو عارهم بس مالقوها
كان خليفه راجل رضيه بايع قطعة ارض ويبي يدير
بيهن مشروع فتح دولاب مالقش لفلوس وقتها اكتشف ان قمر سرقت لفلوس وهربت بيهن تعارك
مع رضيه عركه كبيرة وان اختها سراقه ومات من القهر ورضيه قريب ودرت وياما صارن احداث ف هذك سنة من بعد عزاء خليفه سكنو جنبهم ناس
سمعتهم مش تمام معروفين بتاعين حشيش وسكير
نرجس / يمي را اللي ساعدت خالتي ع الهرب نسرين
رضيه / شن تقولي انتي
نرجس / واللهي شفتهم بعيوني اللي هياكلهم دود
خشت رضيه زي ثور الهايج ع نسرين كانت تقرا مسكتها ونزلت فيها ضرب لعند طابت تحت يديها
وتوليب وياسمين يدافعن على اختها بس رضيه فشت غلها ف نسرين يابنت الكلب ونسرين تعيط
رضيه / انا نوريك ياقرده مدرسة معش في تنحبسي وتقعدي خدامه هنا ياكلبه ياواطيه تفو عليك ..
كانت نسرين ف الحوش وف صبح رضيه ف شغل ..
وياسمين وتوليب وهارون  ف المدرسة ونسرين توتي الفطور وتنظف الحوش لعند مايقرب الظهر توتي نرجس واياد وزهراء وردة وفجر للمدرسة العشيه توتي الغداء وتنشر دبش كان ولد جيران
اشرف يبسبسلها وهي مستمتعه كل يوم لعند بدت
بينهم علاقة ويحطو ف سلوم ويتحاكو بالساعات وضحك ومكالمات ع الارضي وشرطان اغاني وهدايا
بينما هذ عقاب رضيه كانت نسرين مستمتعه بالعقاب وعجبها ع الاخير ..
لحد ماجا اليوم وعرض عليها زواج وهي وافقت طول ..
رضيه / تضحك عليها
نسرين / ماقلتش حاجه اتضحك نبي نجوز
رضيه/ ي طيح سعدك بتجوزي عيت حشيش وسكير
نسرين/ اشرف مش زي خوته بعدين من يبي يبحت فينا نحنا خالتنا هاربه مع واحد نحنا بروحنا سمعتنا
رضيه / منك انتي هربتيها انتي خليتيها تشوه سمعتنا وتخرب عليكن
نسرين / المهم نا موافقه على اشرف عاجبكم باهي
رضيه / لا مش عاجبنا هذ ماناقص
نسرين / ياناخذه يا نهرب معاه وندير كيف خالتي
رضيه / شنو شنو
نسرين / هذ اللي عندي
صبت رضيه هجمت عليها حطتها تحت منها
تضرب فيها تكر في شعرها وتعض ونسرين
تقول ديري ماتبي فيا نا نبي اشرف ورضيه تزيد تضرب نسرين نا خدامه خدامه اقل حاجه نقعد عند راجل تعبت خلاص تعبت انخنقت را هذ مشمعيشه
رضيه / غمضت عيونها بغضب
وتمر ايام ونسرين مصكره راسها ورضيه نفس شي
بس خافت دير زي مادارت قمر وجتها ونصحتها
وسايستها ونسرين مصره على اشرف لعند ما وافقت رضيه /اسمعي را تجيني ف يوم وتشكي منه
نسرين / اصلا غير نجوز مستحيل نجيك
واجوزت نسرين ...
2003 ..
رضيه مسحت دموعها شن تبي ندير الغداء
صفاء / رز امبوخ
رضيه / تمام وناضت
صفاء / تشوفلها بنظرات حزينه وشربت من قهوتها
نزلت توليب من لدروج دايره قناع على وجها وتغني
انا لا جاية اقولك ارجع اسمع علشان انا صبري قليل
رضيه حطت يدها ع صدرها وشهقت بسم الله كريم
من انتي اعوذ بالله من شيطان رجيم ورفعت موس لحم
توليب / انا توليب بنتك
رضيه / الله يفجع درايزك شن دايره ف روحك
توليب / ماسك للعناية بالبشره خذت شيشه اميه
رضيه / ربي يثبت علينا العقل ودين يارب
..
وردة وزهراء مروحات من المدرسة وياكلن ف تسالي
زهراء شافت شاب ف ال 20 من عمره وكان يضحك
زهراء ابتسمت وهي تشوفله وهو كان مش معبرها
لانه تعتبر طفله ف نظره بنت ال 14 عام ..
خشن وردة وزهراء شافن خالتهن ابتسمن
صفاء / اهلا اهلا اهلا ي مرحبا ي مرحبا
ف نفس طريق غادة وامل ومعاهن نرجس مروحات من ثانوية غادة ثالثة ثانوي ونرجس ثانوية وامل اولى
نرجس / واخيرا روحنا مع بعضنا اول مره نحب ترويحه ع كرعي
امل / حتى نا لي زمان ع حوشكن
نرجس / غيرنا فيه واجد توا يعجبك
امل / اكثر حاجه رايفتلها مربوعتكم رقده فيها سمحه
انما غاده كانت فرحانه عشان هنشوف هارون ..
خشن البنات ويساعدن ف رضيه ف كوجينه ..
نفس الوقت طلعت ياسمين من المحاضره ..
ياسمين ينعلي ياراسي صدع بكلل بينفجر ..
عمر.سلامه راسك واحلى غداء ل احلى بنت ف جامعة
ابتسمت ياسمين وقالت امتى ناوي تخطب ان شاء الله
عمر / مزلنا يابنتي بعد تخرج
فنصت ياسمين تبيني نرجى سنتين اخرى ..
عمر / ياعمري الود ودي نتزوجك اليوم قبل بكرة
بس تعرفي ظروف لقراية وشقة مزال ما درت فيها حاجه
ياسمين / ي عمر خطوبة بس انت معقد الامور
عمر / حاضر ي قلب وعيون عمر من جوا انتي
شقلبت عيونها وابتسمت انت ديما هك اضحك عليا بكلمتين ونا نصدق زي الهبله
عمر / حشاكي ياحبي
..
رضيه / ماشاء الله على بنتك ي صفاء روحت من مدرسة تعبانه حلفت انها دير محشي قتلها وقت قالت ماياخذش واجد داراته بروحها ودارت كيكه عشيه
صفاء / غاده يدي وكرعيي ف الحوش
توليب / ريتو طول قالت غاده يعني امل بايره
امل / وهي تاكل ف سلاطه بايره وافتخر
غاده / كانت تشوف لصفره شباب جنبهم بتعرف نظرات هارون وهو يسمع ف مدحهم عنها لمحت انه اياد وفجر ياكلو ف محشي قالت بدون وعي هارون كول محشي ..
صفاء / فنصت ف بنتها
ورضيه / كلت طرف كوسه وتشوف لغاده وابتسمت
توليب / هارون مايحبش المحشي يسببله ف دهان
هارون / سلم يديكم وناض من صفره
غاده  / ملامح زعل ف وجهها
انفتح الباب وخشت ياسمين تسلح ف كندرتها
بنة محشي فايحه تسهفف
صفاء / حماتك بتحبك تعالي
ياسمين / كليت ف جامعة شبعانه بس ممكن طرف محشي خذت خبزة وحطت طرف ف سندوتش
رضيه / خبر جديد
صفاء / ايش تبي ف وكال العفن برا مافيش خير من حوش
رضيه / قوليلها
هارون/ينشف ف يديه وين كنتي لعند توا
ياسمين / ف جامعة
هارون / جامعة ف القوايل
ياسمين / والله تعال احكي كلام هذ لعميد الكلية
رضيه / خلاص خلاااص
ياسمين / شنو زعم كبد هذ وركبت رقيتلها فوق
...
نرجس/. تحبيه
غاده / هو مش معبرني ي نرجس
نرجس / تبي نحكيلك معاه
غاده / لا والله نزعل منك بعدها ومعش نحكي معاك
نرجس / تمام
غاده / شخبارك انتي وعبدالله
نرجس / حطت خصله شعرها ورا وذنها وناضت
غاده تراقب فيها وهي مبتسمه طلعت نرجس
صندوق فيه دب اوورد ومعاه شوكولاطات ..
غاده  / حي حي
نرجس / ابتسمت ايهبل صح
غاده / خيالي انتي تحبيه ولا عاجبك الهدايا وهك
نرجس قعمزت وقالت وهي مبتسمه / نموت فيه
غاده ابتسمت / ان شاء الله يكون من نصيبك
نرجس / عندي احساس هيكون
..
كانت توليب تمكيج لابسه قونه امريكه طويله
وشعرها نصه طالع من الوشاح ومكياج ع الاخير
هي طالعه كانت رضيه وصفاء مقيلات بعد الغداء
وياسمين مقعمزه تفرج ع مسلسل وكل حد باهي ف حاجه طلعت من شارع ماشيه للمعهد شافها
علاء صفر وقال عطينا نظرة ي حشيشه خضره
شقلبت عيونها بضحكه وتمشي بمياعه ..
علاء حط سبسي ففمه /
الحلو مخطوب ولا يرجى ف المكتوب
توليب / نرجى ف امك
علاء / نعلي شن اسمك ي سمح
توليب / ياسمين ومشت كملت طريقها تضحك
جبد من سبسي احلى ياسمينه والله ..
خشت توليب للمعهد شافت صحباتها هاي بنات
ويتك يابنيه هذ كله طولتي
توليب / جتنا خالتي وخذنا السهاري
ايمان / من بدري محمد عيونه معاك
توليب / بحتت فيه وعطاته نظره برموشها وضحكت
مرزوقه / كلي انتي حقيره
توليب / ضحكت
...
نسرين / مقعمزه
اشرف / شنو مافيش الا هذ
نسرين / واللهي اللي ف تلاجه حطيته
اشرف / كنك تحكي هك
نسرين / مليت من القل وعيشة الذل
اشرف / قل وذل نشتغل لليل نهار عشان نصرف ومش عاجبك معادي هلي ومقاطعهم ومش عاجبك
نسرين / مقاطعهم مش عشاني لا عشان برستيجك
اشرف / انت رضيتي بيا ونا هك وتزوجتيني عارفه وضعي وعارفه هلي
نسرين / زواجة الندامه غضيبه والداين يوم وافقت عليك
اشرف / طلع وسيبها
كانو وقتها بلال ومهاب يشوفو ل امهم بغضب
نسرين . فنصت فيهم انتلفو من وجهي
هربو لصغار ..