ورود سامة

Part30

ورود سامة ..
يحيى ادريس ..
‏30 part

قالو ان الحسد مرض خبيث
يعذب النفس والجسد ولا
يقدر الحاسد يذوق طعم
السعادة لان النار دوم تشتغل داخله ..

سحر ترقص وتغني ولا كأنها دايره حاجه وحضنت اختها ودعتها بالاغاني وزغاريت وكان هارون مصبي ف ففرح سمر اكثر من تصبايته ففرح نرجس ..
..
كانت رضيه منصدمه ان العريس اللي واخذ اخت
سحر امه طلبت ياسمين قبل كيف غيرت رايها
زعلت رضيه ومحضرتش فرح اخت سحر عشان
ياسمين اللي ماتعرفش وكانت مصره ان امها تحضر
بس من داخلها ياسمين زعلانه كل بنات جيلها تزوجن ودارن عويل وكبرو وتوا حتى اللي اصغر منها
ياسمين : كان مشيتي عشان خاطر هارون يمي ..
رضيه : مزال ورانا فرح مروه ..
وردة : مروه بنت خالتي صباح امتى فرحها ..
ياسمين : غريبه ماقالتش انها انخطبت ..
رضيه : من بعد موقف زهراء وبنات قطعن صباح عزمتني وقالت بيش تقوليها لبنات ..
وردة : حتى هن ما جنش في فرح نرجس ..
رضيه : احسبن اللي من قبل وهذ اول مناسبة عندها
ياسمين : صح امي معاها حق ..
وجا فرح مروه ..
رضيه خشت تزغرت هي وردة وياسمين ..
وكانت صباح فرحانه بيهم وف نفس الوقت
خشو عائلة مفتاح خو رضيه وصباح خشت مراته وبناته الاثنين سميه 2006 وحلا 2008 ..
ف صبح كانت ياسمين ف كوجينه دارت فطور
بعدين خذت لصغار وفطرتهم وطلعو للحاجر
يحيى وسميه كانت ف سانيه مليانه ورد جاها يحيى
وقال تقبلي تتزوجيني سميه حطت يدها ع فمها ع اساس متفاجأة وقطع وردة وحطها ف شعرها شافنهم وردة وياسمين وقعدن يضاحكن كانت من نادر انك تشوف وردة تضحك ومن يومها بدت قصة يحيى وسميه ..
يحيى : تحدديلي سروالي ..
سميه : خذاته تحدد
شافلها وقال كان تزوجتك بعد كبرنا توافقي ..
سميه ابتسمت بخجل كان بابا وافق عادي ابتسم يحيى بحماس ..
ومر الفرح كل مانتذكر منه انه بعد الفرح ب ايام
جت بتروح ..
يحيى : ماتروحيش خليك ..
سميه : لا خلاص بنروح لدرنة ومدرستي ..
يحيى : قتلك خليكي نا عليش تمشي ..
سميه : شوي وتجي سيارة تاخذنا
يحيى : نفلق عجلها سيارة
سميه : شقلبت عيونها خشيت جوا رقيتلي شفت امها تحط دبش ف صاكو مافيش مشي انتو تقعدو
ياسمين :يحيى حتى نحنا مروحين متبيش تعزم علينا
يحيى : شاف ل ام سميه خليكم وهو عاقد حواجبه
سامحني ي ولدي بس خلاص بنروحو طولنا لنا اسبوع هنا خبط كراعه ع الارض وقال امي قوليلهم
صباح ضحكت غالي عليه ناس تقعد عندنا ...
يحيى : بتروحي خلاص ..
سميه : هزت راسها
شافلها بغضب خذا فليت بخه ف عيونها هربت تجري تبكي ل امها عقدت حواجبي وقلت تستاهلها
ومشيت بعصبيه نسمع ف امها تقول باهي يايحيى باهي
..
الايام تمشي بسرعه ..
جابت سحر فيهم بنت سمتها غفران ه البنت
عيون ياسمين من جوا وغير شن تبي ي غفران
كله دلع والهدايا والالعاب ..
سحر : مسكينه تعوض ف امومتها ع حسابي ..
سمر : باهي مهم كويسه معاك انتي لاقيه ..
سحر : داده بالبلاش وضحكت ..
وقتها ياسمين جايبه غداء لسحر انصدمت من اللي سمعاته وجعتها روحها حطت صفره وطلعت طول
..
نرجس حملت ب عيل ..
والحياة تمشي عادي ..
يوم 16  فبراير 2011 ..
قصدك مصدق انهم بيطلعو ع معمر هههه ..
فجر  : خلاص خلاص وانتو عناد صقع را خلينا نخشو
اياد : نا جيعان نشوف ه البايرات شن دايرات ..
مهاب : نا ميت من جوع ..
نسرين : هي عصيده ..
سحر : كنها يابسه هك ..
نسرين : ضيقت عيونها
سمعو صوت العاب ناريه ..
رضيه : حطت يدها ع قلبها ياسيدي عبد السلام
زهراء : ضحكت هذ آيآن
ياسمين تلاعب ف غفران وتبوس فيها ..
سحر : ي زهراء ولدك بكل جن ..
زهراء : خليه نا وبوه نبوه هك
سحر : بس يقول ف كلام اكبر من عمره
..
وردة : تعض ف يدها كان يطلقوني عليها بس
نسرين : نا خاطري نرنها طريحه لولا امي مسكتني
ياسمين : خلاص يا بنات فوتنها ..
زهراء : تشرب ف اميه انتي دافعي عليها وهي سرقت العريس اللي جايك خلاته ياخذ اختها
ياسمين : كيف
زهراء : امي شكيتلي عشان هك محضرتش فرح سمر عشانك سحر هذ لفعه لفعات ..
سحر : ماسكه ولدها بتغسل يديه وسمعت حديثهم ابتسمت بتهكم ومشت ..
..
فجر : الوضع يخوف ..
هارون : يستر الله ..
اياد : يشوف وقلبه مقبوض
يوم الخميس 17 فبراير دنيا انقلبت
وناس كانت خايفه وه المره طلعو متضاهرين اكثر من يوم اللي قبله الشعب يريد اسقاط النظام ..
رضيه : الله يربحكم محد يطلع قالو مرتزقه برا من وذن لوذن ..
والايام تجري وكل يوم يزيد القلق والخوف ..
رضيه بدموع  : عطهم دعوة ايش ناقصهم عشان يطلعو عليه ..
ياسمين : يبو يضيعو البلاد ..
رضيه : رني ع خواتك رني قلبي واكلني زهراء وضعها يخوف ايش صار بس لدنيا ..
ياسمين : كلمتهن يمي مافي شي لعند توا
..
طلع القذافي
دقت ساعة العمل
دقت ساعة الزحف
دقت ساعة الانتصار
لا رجوع الى الامام ثورة ثورة ..
زهراء هي وعبد الله يتفرجو عليه
آيآن بدا يبكي بخوف شرير شرير حضناته زهراء بقوة
ومن جهة ثانية رضيه ربي ينصرك ي قايد ربي ينصرك
سحر تمضغ ف المستكه ومش عاجبها عشان خوها حماده ضد النظام وهي على طول ف صف هلها ..

عبد الفتاح يونس جسم عبد الله صقع وين سمع الاسم نفس شي رضيه اللي تدعي عليه خزي وتفي خاين ..
..
دم الشهداء مايمشيش هباء ..

زهراء تبكي قصدك نهربو ..
عبد الله معش فيها بسرعه لمي كل حاجه عندك
زهراء تضم وتبكي ف دبشها وكل حاجات مهمه
وطلعت نوارة من جناحها وراها ابتسام وكل العيلة بدت تطلع ودموعهم ف عيونهم حتى الخدم طلعو
هربو القصر اللي كان ديما مرح ساداته اجواء الخوف
اصوات المطر والكهرباء اللي تطفى ب ساعات ..
طلعو مع بعضهم كلهم وتحركت وي عالم وين
تمشي بيهم دنيًا ..
زهراء شافت لعبد الله هنردو صح ..
عبد الله شافلها بحزن مانعلمش ..
...
طلعت نرجس بطنها قدامها شافها ايمن ضحك
نرجس : ع شن تضحك 😒
ايمن  : اشي اشي القنانه هادي كلها
نرجس : شقلبت عيونها مش خايف انت تضحك
ايمن : بعقلك انتي هادو بينتصرو ع القدافي
نرجس : الكثرة تغلب شجاعة
ايمن : زي مانشبحلك القدافي هيغلبهم
نرجس : ان شاء الله اللي فيه خير للبلاد
..
ياسمين دموعها ف عيونها مافيش تغطية ..
نسرين : صوت حد يخبط صح ..
ياسمين : حي علينا ..
توليب : شافت لبنتها راقده قالت ماعدو فيها غير لعويله
ياسمين : ربي يهدي لبلاد يارب
رضيه : حسني خايفه
ياسمين : ناضت بالساطور ونسرين موس وقعدن مصبيات ..
ف الوقت نفسه مجموعة هجمت ع قصر عبد الله وكسروه تكسير وسرقو الاثاث اللي فيه وكل حاجه
لها قيمة ودمروه وفيه من جاب هله وسكن منهم
حماده اللي دمر وشارك ف الخراب بس وصل خبر
موته لسحر اللي قريب انكلبت ف احدى المظاهرات
سحر : خوياااا يانعلاي ي سندي ينعلاااي
جت ياسمين تجري ركبت فوق فتح هارون باب يسخن سيارته شافت سحر تندب وقتها 7 صبح
وصل الخبر لسحر ياسمين بتحضنها سحر دفتها
شامته ي حقيرة صح شامته ياريتها فيكم ياريتها فيكم ..