ورود سامة

Part42

ف البحر
نسرين : رانا طالعين نغيرو ف جو
اشرف : وغيرو حد ماسسكم
نسرين : شقلبت عيونها وشافت اتجاه محدد
جن امنه ورهف يجارن ماما بحتي بحتي مفجآة
نسرين : كنكن شافت ملاك
ملاك : خير خويله نسرين
نسرين اضبطتها مع من جيتي امك وين
ملاك : غادي وناضت نسرين مسكت يدها لبست سباطها وين وريني مكانها مشت معاها لعند شافت صبايا ..
نسرين : سلام عليكم
وعليكم سلام توليب ردت عادي بعدين ركزت نسرين وناضت اضبطتها ونسرين بكت ف حضنها ويشوفن مش فاهمات
توليب : نعرفك هذ عمتي مستورة جارتي وبناتها ابتسام امال احلام وهذي اختي كبيرة نسرين
ضربتها نسرين كبيرة ف عينك بيني وبينك 4 سنوات
ضحكت توليب وبنات ضحكن ..
بلال : شنجو ي سمحه
ملاك : تمام
بلال : هي تعالن معاي لكافيتيريا
امنه : يعيش خويا بلال
بلال : ضحك ومشا معاهن
بلال : شن تبي ملوكه
ملاك : ابتسمت شي
رهف : جيبلنا جولاطي وشوكولاطه
امنه : تسالي وجولاطي
بلال : وانتي
ملاك : شي
بلال خذا للبنات من اللي يبنه وجاب لملاك شكاره جولاطي وشوكولاطات وتسالي وهن يشوفنلها بغيره
..
خشت نرجس شافت ايمن ..
ايمن : مزال بكري كنتي كملتي هياجه
نرجس : صح ماخطرتش علي صراحه
ايمن : تعبت واني نضم نضفي دنيا قبل ماتطلعي بعدين صغارك وجعولي راسي
نرجس : مش جايبتهم من حوش هلي عشان تقولي صغاري ثانيا شن تبي ادير اما انا هتشتغل
ايمن : تشتغلي انتي بروحك مريضه خليك ف حوشك المرا مكانها المطبخ ومواعينها
قهرتها كلمته كيف قاللها انتي بروحك مريضه وكان مريضه تدفن روحي ف الحياة اني بنخدم ولو ماتبي اصرف عليا
ايمن : تمام هنصرف عليك
نرجس : اعطيني البطاقة
ايمن : بطاقة شني
نرجس : لما نبي حاجه مش هنرجاك هي
ايمن : ياربي صبر
نرجس : هي حبوبي
ايمن : حبوبك ياربي صبر تفضلي
نرجس : شكرا
...
في نص الليل
روحو كانو ف سيارة بات احلام ملاك قالت ل امها
ماما حي القمر يلحق فينا شوفي ..
توليب ابتسمت اممم لآنك انتي نجمه يدور عليك
ملاك ابتسمت ل امها وتوليب باستها بقوة ..
...
مهاب : اوووه كنك زهيتلك شكله عجباتك طلعة بحر
بلال : خليك ف حالك
مهاب : ليش مش مقتنع ان نحنا كبرنا ع طلعات العائلية
بلال : اكبر بروحك بعدين معش تمشي لخوالي دام هك
مهاب : الا هذ مانكبرش بذات فطاير خالتي ياسمين
بلال : سهفتنا يرا
مهاب : داقها لي شوايات ومتسهف ع الفطاير
امنه : مهاب قالتلك ماما تعال كول شوايا
بلال : اهي امك جابتلك ي حسدي
ناض مهاب قرص امنه من خدها وقال كرزايه
امنه : اييي ي بارد
بلال : ضحك عليهم ويطلع ف دبش من دولاب عشان يسبح
نسرين : توقع من شفنا
مهاب : وهو ياكل من
نسرين : حزر فزر
مهاب : فكينا من الغاز يمي
نسرين : خالتك توليب
مهاب : ضحك اها عشان هك الباشا فرحان
نسرين : اي باشا شن تقول ي ولد
مهاب : شي شي قوليلي شخبارها وين قاعده خالتي
..
ناض ايمن ليث يتنطر فوق سرير والبنت راقده جنبه فاتحه عيونها وتحرك ف يديها انصدم ايمن شني في
وين امكم انتو نرجس نرجس ..
ليث : ماما ادت ..
ايمن : شني ..
ليث : ايه ادت ..
ايمن تذكر انه عطاها بطاقة ع اساس صبح يطلع ويوقفها قبل ماهي تحرك دير حاجه خبط بيده ع وجهه شاف ساعة 9:30 ونص صبح متأخر ع شغل
خذا عياله ومشا بيهم شور حوش هله ..
فوزية : ناقصني اني نعاني صغار بعد ه العمر
ايمن : امي مستعجل يلا باي وطلع
ليث : ركب فوق صالون ينط
فوزية ؛ اقعد ي فرخ
ليث : لالا وطلع لسانه
...
ايمن : يسوق ف سيارته اتصل بيها دايرتله تحويله  جهنم ترفعك ي نرجس الله اعلم ف اي داهيه ..
..
عبد الله : اهلين هالة ..
هالة : مرحبا عبد الله مع اني زعلانه منك ..
عبد الله : خير ان شاء الله شن درت ..
هالة : البارح اتصلت بيك طافيه علي سيارة كنت محتاجتك ترد على مرتك وهانتني بطريقة بشعة ..
عبد الله : انصدم فيها متأكدة
هالة:والله مانيتي شينه مش عارفه ليش هي تكرهني
عبد الله : معلش امسحيها ف وجهي
هالة : انا معتبرتك اخ لي بحكم تربينا مع بعضنا
عبد الله : اسف والله مراتي عقلها ع قدها
هالة : وجعتني قالتلي كلام مش قادرة ننطقه حتى
عبد الله : اسف حقك علي والله
هالة : خذت منديل وع اساس تمسح ف دموعها
عبد الله : شن تشربي
هالة : جاية نشوف بابا
عبد الله : خير ان شاء الله
هالة : بنسافر عشان نبعد عن مشاكل حسيت روحي بجيتي ضايقتكم
عبد الله : بالعكس مافيهاش مضايقه هاله انتي غاليه يعلم الله بمعزتك عندي
هالة : ومرتك
عبد الله : انا نتفاهم معاها مرتي
هالة ؛ فعلا ي عبدو ماتغيرتش مزلت صاحب شخصية قوية وعند كلمتك محد يغيرك
عبد الله : ابتسم وكلام جا ع وتر حساس عجبه
هالة ؛ عشانك بس مش هنسافر هنبقى
عبد الله: بعدين مزال ف بيناتنا شغل
هالة : اكيد خلاص معناها اقبل عزومتي ع الغداء
عبد الله : ع حسابي
هالة : تمام
...
شافت شال عجبها خذاته ولفاته ع رقبتها ..
بعدين خذت مجموعة دبش طلوع لشتاء وبيجامات
وبدت تقيس وتطلب ف مقاسات ومشت عند الكاشير
ايمن كان ف اجتماع وتليفونه ما وقفش رسائل ..
اول مره تم سحب مبلغ بقيمة 700 دينار ...
بعدين ف محل اكسسورات خذت نظارة ماركه
وشوية مكياج وحركات تشوف لوجها ف مرايا محل ب نظارة وتضحك جاته رساله اخرى وكل ماتجي
رساله يحرك القرواطه المبلغ 1100 مشت لمحل
اخرى تقيس ف جاكات وتشوف لروحها وتبرم
بعدين ف محل ذهب خذت خاتم وانسياله وقلايل
ايمن رفع حواجبه وملامح لبكاء مرسومات ع وجهه
قال هاااه وه هاه اللي معاه انتبهو عليه استاذ ايمن انت كويس خذا كبايه اميه شربها ف مره وحده
وعن نرجس طالعه ب اكياس اكياس من محلات
ولابسه نظاره وتمشي بكل شموخ
...
هالة : تذكر زمان وقت تشيل فيا
عبد الله : مع ان مش هذك فرق بيني وبينك
هالة: ضحكت صح 5 سنين بس نا طشه وانت طويل
عبد الله : ايام وعدت في حالها غريبه ماتزوجتيش
هالة : تء مالقيتش شخص يناسب مواصفات الي نبيهم
عبد الله : وشن مواصفات اصحك تقوليلي تبيه يجيك ع حصان ابيض ..
هالة : وليش لا مانستاهلش
عبد الله : لا تستاهلي وهو ياكل
هالة : نبيه طويل شعره اصفر عيونه زرق
عبد الله : شافلها
هالة :كنك تبحت مافيش مواصفات هذ الا عندك بس
عبد الله : ابتسم نسمع فيك
هالة : ابتسمت ونزلت عيونها المطعم حلو
عبد الله ابتسم ع جنب وشرب من مشروب
..
جا فرح غادة كانت معاها ياسمين ف كوافيرة تلبس فيها
غادة : تعبتك معاي سيمو ان شاء الله ففرحك
ياسمين : تذكرت يوم كان فرحها ع زياد لبستها غادة
دمعو عيونها تذكرت هذك اليوم المشؤوم بتفاصيله
كيف ماكملتش فرحتها قبل ماتمشي لحفلتها تلقت
خبر وفاته
غادة : ياسمين وين رحتي
ياسمين : قلتيلي ان شاء الله ففرحك وانتي نسيتي نا اللي رديته لك ف اللي كان مفروض فرحي انتي لبستيني وجيتي معاي
تأثرت غادة وقت شافتلها كيف تحكي بصوت مخنوق
ياسمين : ربي يجعل حظك خير من حظي ويسعدك
غادة : انوجع قلبها ع ياسمين بس فاقن ب اصوات زفة برا
ياسمين ضحكت وصلو هي نطلعو ..
صوت زغاريت امل ومشن ركبن مع سالم اللي كان
ساكت لعند وصلو القاعة قال بننزل معاك غادة
غادة : تعال
وطلبو من مشرفة صالة ان بوها يخش خش معاها
لغرفة العروس شافها بالفيلو ابتسم وهو متأثر يابنت
شن ه جمال مع ان هتوفري علينا ف سلعة بعد مشيتك بس هتخلي مكانك بنتي الكبيرة تطلع من حوشي لو نحصل نخليكن عندي طول العمر ضحكت غادة
سالم : ربي يسعدك يابنتي ويهنيك وديما تذكري وراك اب لكن مش ف ابسط مشكلة تجيني وردي بالك تجيني بعيل ايوا مش ناقص نزيد مصروف
ضحكت غادة وهو ضحك معاها طلع لسانه وقال خليك عند راجلك وحضنها اه ي غادة فيسع ماكبرتي
غادة : فيسع شنو يابوي قعدت عندكم 28 سنة
سالم : بطول عمرك هيا بنطلع نا مع سلامه
وطلع وخلاها متأثرة بكلام بوها جن امل وياسمين
امل : شن يبي
غادة ؛ قبل بكاني عشان طلعتي
امل : قصدك متأثر توقعته يفرح توفري مصاريف
غادة : حتى هو قالها مع ان هتوفري مصاريف علينا
ضحكت ياسمين طيب عمي سالم
امل : رفعت حواجبها بكلل
بدا الفرح ومع خشة سحر اللي لابسه قفطان ابيض
ودايره ورد ع شعرها والكل انصدم فيها لان عيب حركه زي هذ
صفاء : حي ي رضيه بتخرب على بنتي
رضيه : شن دايره ف روحك انتي
سحر ضحكت : حسيت كل الانظار عليا مش عارفه كنهم
رضيه : في عيب وحشم خبرك مايجيش
سحر : كنك ي عمتي معاي شن درتلك نا
رضيه : فنصت فيها وسيبتها
جت ياسمين سحر شنو سماحه هذ
سحر : عمتي هزبتني
ياسمين ؛ امي اعصابها تالفات عشان ولاوحده من بنات جت تعالي قعمزي هنا كنك طولتي
سحر : الكوافيرة زحمه
ياسمين ؛ وين
سحر : حطيتهم عند هلي
ياسمين : ماتزعليش روحك
سحر : وجعتني عمتي مسحت بي الارض
ياسمين ؛ امي ديما هك ماتعدليش خلاص انسي
سحر : ماسكه بكيتها
ياسمين خافت يخرب موضوع العريس لذلك تساير ف سحر او تملق لها ..
وسحر تشوف لرضيه بنظرات كلهن شر
..