ورود سامة

Part 20

ورود سامة / يحيى ادريس

طلعت نسرين من الحمام وهي تحك ف سنونها طلعت حليب
من تلاجة ورضيه صبت دحي بعد خلطاته ف طاجين وهي تقول
رضيه / معقول تحكي سنونك هنا ..
نسرين / ماردتش عليها خذت بكرج عباته اميه وحطاته ع نار
وفوق نرجس توتي ف روحها تمكيج كملت بعد مصمصت فمها
شافت روحها ف لمرايا عسل سمحه ي نرجس خذت شنطتها
وخشت لكوجينه شافت لنسرين فرشة الاسنان ف فمها وتعيط
مهاب بلال صبو مدرسة نرجس شنو هذ وين انوثتك بس ..
نسرين : شقلبت عيونها وطلعت من حذاهم ورضيه تضحك عليها
رضيه : هاكي ي نرجس فرشي المفرش  ف صاله
نرجس : شافت توليب وف يدها بنتها متمدده ف صاله صباح العسل
توليب : صباح الخير
خشت رضيه بصفره حطتها ونسرين صوتها المزعج هي بسرعه
مهاب : بنفطر قبل ومشا يجري قعمز
نسرين : يافرح اغسل وجهك قبل
مهاب : جيعان مش شوري بناكل قبل
رضيه : خليه خليه كنك انتي
بلال : طلع من الحمام بنة دحي
رضيه : بسرعه تعال قبل مايكمل
نسرين : الله يهديك يمي هم بروحهم متأخرين
رضيه : كولو كولو خلكم منها
نرجس : صبيلي شاهي
رضيه : صبتلها
نرجس : تشرب ف شاهي وشافت لتوليب كيف تاكل بشراهه قاعده دبه
توليب : هزت راسها وتاكل
ناضت نرجس هي اوكي وطلعت بسرعه ..
...
ياسمين : عطهم ضربه كان نعرف من هما بس
فجر : خلاص عركة شباب ضربت وانضربت
وردة : بس انت مضروب بكل
ياسمين : عطهم كسرة
فجر : خلاص وماتقولو شي ل امي
وردة : بس واضح إنك مضروب
فجر : توا نقوللهم طحت ونا نلعب ف الكورة
ياسمين : شن يبو فيك بس ليش دارو هك
فجر : قتلك نا الغلطان خلاص ياسمين
وردة : فوتيه يشطر مغير علينا
خشو للحوش ف الوقت طلعت نسرين ب عيالها ..
ياسمين : موفقين حبايبي
ابتسمو مهاب وبلال ..
نسرين : مع سلامه هي بسرعه بسرعه
وردة : امي جيعانه را
فجر : خش شافاته رضيه شهقت كنك من ضاربك
فجر : طحت ونا نلعب ف كورة
رضيه : الكورة هذ بلاش منها دام دير هك
وردة : جيعانه
رضيه : انتي ديما جيعانه ايش جديد
هارون : خير
رضيه : خير ي وليدي خير ي الغالي نديرلك حاجه تاكلها
هارون : لا فطرت ف العمل وعوني ع الغداء بس
وردة : رفعت حواجبها تشوف ل امها
ياسمين : خلاص توا نغير ونديرلك نا وقربت باست ملاك وين آيأن ورهف ..
توليب : راقدين مزالو
ياسمين : معقول مسيبينهم بروحهم ومشت تشوفهم
..
صفاء : خالتك زعلت معش كلمتني بعد يوم اللي جيناهم ..
غادة : قتلك قبلها وماعدلتيش عليا عارفه طبعها ايش ديري هك
صفاء : كله من نسرين كان سكتت
غادة : من غير حتى نسرين مصيرها عارفه موضوع كي هذ مايندسش
صفاء : بعدك مكسده ماعندنا وين نمشو خالتك صباح ماتقعد
غادة : وقمر
صفاء : شن جاب سيرة قمر
غادة : تعرفي لو خالتي رضيه تشم ان ف تواصل بينك وبين خالتي قمر معش تبحت ف وجهك بكل ..
صفاء : وشن فيها ما صباح تمشي لقمر وقمر تجيها
غادة : علاقة خالتي رضيه ب خالتي صباح رسميات لكن انتي مش هتوقعها منك
صفاء : خلاص اسكتي ماعندكش جامعة اليوم تفلسفي على راسي
غادة : محاضره وحده وف صبح قلت مافيني ماطلع
صفاء : طيح سعدك
...
خش اياد يتقاطر اميه شهقت رضيه ينعلي شن صايرلك ي ولدي
اياد : مطرت عليا عادي
رضيه : بسرعه غير دبشك وقعمز ع دفايه بسرعه
اياد : ركب يغير دبشه
ياسمين : شن تبو الغداء
توليب : ديري مكرونة امبوخه
ياسمين : يمي ماتبي شي
رضيه : لا مكرونة ساد وخشت ياسمين دير ف غداء
اياد : خش يسخن ف سحلب
ياسمين : كنك
اياد : شي
ياسمين : نعرفك ففمك كلام قول
اياد : توا لما حد يديرلك حاجه وحده بعدها انتي ترديها له بس بشكل اكبر وضرر هذ يعطل اغلب مشاغله هل هك عليكي ذنب ..
ياسمين : مستحيل نغلط في حد مهما يديرلي نتحسب فيه الله بينه لين ربي لكن نأذي حد ف عوده اعوذ بالله
اياد : طفا ع سحب وصب ف الكبايه
ياسمين : شن داير انت
اياد : شي وطلع من حذاها
ياسمين : هزت راسها بيأس وكملت اللي دير فيه
..
فرح : خشت لحوش
نجوى : وين يابنتي جاية بدري ماجبتي معاك شي
فرح : مافيش شغل اليوم
نجوى : باهي شن ندير مافي شي تلاجه فاضيه وخبزة بعد امس كسره بس
فرح : اسفه يمي كان جمعت فلوس ف مشروع خير ماحطيتهن ف سيارة
نجوى : سيارة هي اللي عاتقتنا توصلي ف خوتك وتشتغلي بيها
فرح : خشت لدارها
نجوى : كنك ي حبيبتي شن فيك
فرح : مافي شي تعبانه بس
نجوى : تريحي توا نشوف وحده من جارات وطلعت دزت ولدها
ومقعدش نص جتهم صفرة كسكسو خشت لفرح تعالي حبيبتي غداء
دزاته جارتنا سدينا الله يربحها تعالي كولي ..
فرح : كولو انتو مش جيعانه يمي كولو وصكرت دارها خشت ف روحها وتضغط ع بنتها عشان ماتحسش بالجوع ودموعها ينزلو
واياد مش قادر ياكل وهو يفكر ف الغلط اللي ارتكبه ف حقها ..
هارون : كنك
اياد : ماعنديش نيه
هارون : تبيها لحمتك
اياد : لا
وقعد هارون ياكل ..
...
سحر : عطيه وجماعته ضربوه ..
عبله : تسلم ايديهم الواد ده راجل من صغرو ..
سحر : لو تشوفي خواته يمي منظرهن وهن خايفات عليه
عبله : تشفيتي فيهم اكيد
سحر : ع الاخير ي بيلو هذول مايعرفوش روحهم مع من علقو
عبله : اكيد عشان امك مصرية فاكرينك ساهله
سحر : وشن عرفهم هم لكن هي متكبرة ع مدرسة كلها عشان مدرسة واختها لولا الواسطه ما كنت وصلت لثالثة اعدادي
عبله : حسبي الله ونعم الوكيل فيها الهي ي حق
سحر : راجلها مات يوم فرحها اكثر من هك عقاب شن تبي
عبله : تتلهي ف روحها ادورلها على عريس مالها ومالكو
سحر : واللهي تحسب روحها من جيلنا عجوز الغبره
عبله : هاتي اما اقشرلك برتقانه وقوليلي هي حلوه
سحر مدتلها برتقالة : يعني
عبله : وهي تقشر حساها شبه البومه
..
واللي يقرمن فيها مقعمزه تقرا ف قرآن بعد صلاة العصر بعد كملت بدت تصلي ف صلاة الابراهيمية ف الوقت نفسه كانت نرجس دير
ف كيكة الشوكولاطة خش مهاب خالتي نرجس خالتي نرجس ..
نرجس : نعم نعم
مهاب : جبت ف رياضيات عشرة من عشرة
نرجس : كفك خطو ف يدين بعضهم شاطر شاطر
بلال : شن ديري
نرجس : كيكه ب شوكولاطة
مهاب : عقبتيلي خلطة شوكولاطة
نرجس : اهو ف خلاط
مهاب بلال يتعاركو عليها وياسمين واقفه تضحك عليهم ..
نرجس : وووه اطلعو من قدام وجهي والا نضربكم
ياسمين : حرام عليكي
نرجس : غير يتعاركو
..
في المربوعه
اشرف : امتى ناويه تروحي ..
نسرين : لما تصرف على حوشك كيف ناس
اشرف : اللي يسمعك يقول قاطعكم من الشر
نسرين : قاطعنا من الشر ايوا انت قاطعنا
اشرف : شن ناقصك
نسرين بدت تعد ذهب كيف صبايا حوش ملك كيف صبايا اثاث
كيف العالم وناس وكال وشرب كيف ناس ..
اشرف : انتي لما وافقتي علي عارفه وضعي صح ولالا
نسرين : قلت سنة اثنين ويتعدل الوضع بس خلاص قريب ونخشو على 10 سنين زواج ومافي شي يتعدل الوضع قعد من اسوء ل اسوء
اشرف : يابنت ناس شن تبي توا
نسرين : قتلك شن نبي
اشرف : استغفر الله العظيم واتوب اليه تعبت نا تعبت
نسرين : نا اللي تعبت ومليت من المعيشه سوده هذ وناضت وسيباته
مكسور الخاطر وبلال يشوفله بحزن اشرف تعال بابا تعال بلال جا وحضن بوه ..
..
وتمر الايام ع نفس الوتيره ..
نرجس : كسد الحوش بعد مشت نسرين
رضيه : مش امغير
نرجس : بنمشي نقرا عندي امتحان تبي حاجه
رضيه : بالنجاح
نرجس : خشت لصاله تقرا فيها لان دار راقده فيها توليب ومربوعه فيها شباب قعمزت ف صاله كان فيها آيآن شقلبت عيونها وفتحت شيت بدا يبكي دارت روحها ماتسمعش فيه بعدين زاد صوت بكاه
هي مش متقبله اي شي من زهراء خصوصا ولدها رقيتلها من صوت بكاه وعيطت اسكت اسكت شافت مافيش حد ف صاله
قربت خذت مخده وحطتها ع وجهه فجأة شعور تأنيب ضمير اشتغل
حولت للمخده وشافتله كيف يبكي بلعت ريقها وقالت خلاص معش
تبكي توا تجي امك تمام وهو ابتسملها برمت اكدت مافيش حد ابتسمتله عليش تضحك را تبقى تضحك على شكلي والله رغم منحبش امك العقرب بس انت حبيتك قلبي ما طاوعني نأذيك
هو دار صوت وناغى بضحكه قالت نجكليا وخذاته ف حضنها
انت سمح واجد طالعلي نا طالع لخالتك وهو زاد يضحكلها