ورود سامة

Part 18

التفاعل ضروري عشان بناءا على تفاعلكم هنستمر
ورود سامة
18 part

نوارة : بتاخذها المانيا اعزقها عند هلها شن تبي فيها
عبد الله : شن تقولي مراتي ام ولدي نعزقها
نوارة : ولدنا طبعا ناخذوه وتربي فريحة بنت اختي دكتورة تليق بينا
عبد الله : غير زهراء مافيش وليه تبقى على ذمتي
نوارة : نحلف عليها كي مانشوف فيك ديرتلك سحر مش طبيعي
عبد الله : فعلا مسحور بيها نا وعجبتني خلاص صكري ع موضوع
نوارة : كنك يا ولدي ايش ناقصك مهندس وسمح تاخذ ه الوخذه
عبد الله : يمي عندك غيري 5 اشقي بيهم وخطيني خطيني ..
نوارة : قعمزت منصدمه ف ولدها حسبي الله ونعم الوكيل فيك ي زهراء يارب ماتصبي ع كرعيك طول العمر يااالله ..
رواند : خلاص يمي سيبيه اللي فيه كافيه حرام عليك ..
نوارة : انتلفي من وجهي انتي الاخرى خطيني ..
رواند : ربي يهديك وخشت وسيبتها ..
..
نرجس : مقعمزه قالي ادمانك كيف ادمان الهروين وتضحك
وردة : يععع خلاص ي نرجس
نرجس : لو تشوفي لحسة شعره والبدلة والقرواطه
وردة : حطت يديها ع وجهها مش قادرة خلاص
نسرين تضحك : شن رديتي عليه
نرجس : ضحكت وسيبته منظره مقرف هذ نهايتي نا معقوله
نسرين : شوفي مش مهم الشكل اهم حاجه لفلوس
نرجس : حتى شكل مهم يبقى طول ف عرض وشعر فوق
نسرين : را تجي على خشمك زي اختك ياسمين قبل
وردة : لا نرجس ماينخافش عليها طول عمرها اطيح واقفه
نرجس خمسًا بيديها قل اعوذ برب الفلق من شر ماخلق
وردة : توليب زعمك شن بتسمي بنتها
نرجس : مسعوده
نسرين : تضحك قالت لياسمين سميها انتي
نرجس : يستر الله ماتسميها زياد
نسرين : لا تقريبا ملك او ملاك
وردة : ما وجعني غير ولد زهراء مزال ماسجلوه وهو كبير
نسرين : لا وين راقده سماه باته آيآن
نرجس : هي جيعانه امتى يطيب العشاء
نسرين : وسعي بالك
مهاب : نرجس عندي امتحان رياضيات
نسرين : طيح سعدك وتوا تقول
مهاب : نسيت
نرجس : تعال يابلوه تعال
في المربوعه ..
بلال يكتب ف واجبه جنب منه هارون يتفرج ع الاخبار ..
وفجر متكي يلعب الدوده ف نقال البيله شاف اياد سارح ..
فجر : اوي
اياد : شافله
فجر : ف شن تفكر
اياد  : شي
فجر : كنك مستوه
اياد : مافي شي
خشت نسرين بصفرة العشاء حطتها وطلعت ..
اياد : مزال بين عيونه فرح ..
..
فرح : سلام عليكم وحطت خبزة ع طاولة الكوجينه
نجوى : وعليكم السلام الله يربحك الله يربحك بنيتي
فرح : شنو العويل مزال ما وعيوش
نجوى : مزال
فرح : شنو العشاء
نجوى : طبيخة فاصوليا
فرح : نغير ونجيك خشت لدار حطت شنطتها ع سرير
الهام : بسم الله كريم انتي اللي كيفك متزوجات امتى بتقعدي انثى
فرح : سادك انتي مرطزه اللي ع وجهك امسحيها
الهام : هذ ميكاب ي جاهله
فرح : فنصت فيها كان خوتك صغار نا قاعده اقنطي خيرلك
الهام : شقلبت عيونها
فرح : خشت اتوضى بعدها بدت تصلي كملت صلاة تسمع صوت باب
نجوى : امشي من هنا شن تبي
مفتاح : فلوس نبي
نجوى : مافيش فلوس انزرف من هنا
مفتاح:جا بيدفها بس ف يد مسكت يده امشي من هنا احسن مانكسرها
مفتاح : من هذ
فرح : انتلف من هنا
نجوى : فرح بنتي عيب باتك هذ
فرح  : وعشان باتي مانبيش نغلط فيه
مفتاح : ناقص غير انتي يابنت البارح
فرح : بنت البارح تروح من مدرسة وتجري تخدم عشان تجيب عشاء لهلها بنت البارح نحمي ف روحي عشان محد يطق فيا
انتي وين كنت جاي تضحك ع وليه تاخذ منها فلوس ع جاهز
مفتاح : انا باتك ي فرخة ضمي فمك قاعده كي لذكوره
فرح : ماهو منك كله منك انت لو ف راجل واقف ورانا ماقعدتش كيف لذكورة
مفتاح : دار حركه بيده ومشا
فرح : صكرت باب بقوة وشافت لخوتها واختها خشت وسيبتهم
.. 
ثاني يوم ..
طلع عبد الله ب زهراء ف طيارة خاصة ..
..
ياسمين : سحر
سحر : نعم ي ابلة
ياسمين : صح نا قلت عنك مش متربية
سحر : وجهها انسود لالا ماقلتش هك
ابتسمت ياسمين بتهكم عليش باتك قال ان قلت عنك مش متربية
سحر  : مش عارفه منعرفش
ياسمين : انا لما تكلمت معاك مش عشان خوي ولا اختي تكلمت خايفه عليك ناس يشوفوك واقفه مع واحد ف شارع وتردي عليه
لو كانت اختي كنت ضربتها مش بس ننصحها ونا خايفه عليك
لسان ناس مايرحمش ..
سحر : شكرا ي ابله ونتأسف ع اللي قاله بوي
ياسمين : تفضلي على صفك
سحر : مشت لفصلها
هيفاء : شن كانت تقولك ابلة نظيرة
سحر : تأسفلي عشان يومتا
هيفاء : ابلة ياسمين تأسفتلك
سحر : طبعا عشان جا بوي خوفها
هيفاء : ضحكت مايطلع منك
سحر : انا سحوره ي حنه مش ساهله
هيفاء : اخيرا جا من يقدها رافعه خشمها لسماء هي واختها
سحر : مزال خوهن قاهرني خاطري نديرله حاجه تمسح كبدي
هيفاء : رفعت حواجبها حرشي فيه عطيه
سحر : رفعت حاجبها بمكر فكرة
..
اياد : صباح الخير
فرح : صباح نور
اياد : وين كراسي
فرح : اي كراس
اياد : كراس اللي خذيتيه مني
فرح : امتى صار كلام هذ
اياد : فرح عندنا امتحان بكرة وين كراسي
فرح : انت ملخبط شوف كراستك عند حد اخرى
اياد : بلا بصاره جيبي كراس خيرلك
فرح : نا منبصرش وكراسك مش عندي
اياد : توا تشوفي
فرح : اعلى مافي خيلك اركبه
اياد : شافلها بشر ومشا قعمز ع درج
فرح : ابتسمت بتهكم مش نا ينلعب معاها ي سي اياد
..
وطلعت توليب من المستشفى على حوش هلها ..
كانت رضيه موتيتلها فراش ف صاله ونرجس حطت بخاره ع طاوله فرشو لتوليب ومعاها بنتها تهتم فيها وخشت ياسمين دير
ف العصيده وصفاء وبناتها مقعمزات يباركن لتوليب ع المولوده
نسرين : مبروك ي امل سمعت انك انخطبتي ..
رضيه : كيف ..
صفاء : وجهها انحمر وتلكلكت
امل : من وين عرفتي
نسرين : حماتي يبقى ولد سلفها
غادة : تشوف ل امها بصمت
رضيه : مبروك ي امل كنكن ساكتات خايفتنا نحسدوها
صفاء : لا والله مش هك بس جن 3 صبايا بس وانتي ف مستشفى قلت مافيني ما كلم تحشمت
امل : مش اكيد اصلا كل شي بسرعه جا
رضيه : قلبت وجهها باهي ي حنه ربي يتمم على خير
خشت ياسمين بصفرة العصيده هي اقربن جاي
وطلعت نرجس بصفره لشباب ف مربوعه ..
نرجس : وين مهاب ..
هارون: دزيته على حاجه اهو يطق افتحيله باب
وطلعت نرجس اللي لابسه بلوزه عسليه وشعرها مطلوق ودايره مكياج بسيط فتحت الباب شافت فوزية ومعاها ايمن انصدمت
فوزية : سلام عليكم مبروك ماجد عليكم ي بنيتي
ايمن : شاف لنرجس
نرجس : بلعت ريقها مرحبا تفضلي عمتي