ورود سامة

28 part

نتأسف ع تأخير لان ضغط دراسة ومشاغل الحياة
ورود سامة ..
‏28 part

يوم زفة الصبح ..

كانت غادة قاعده ف حوش خالتها وتخدم بضمير ..
صباح ادير ف العصبان هي وصفاء رضيه
ياسمين : شافت لغاده بحزن
يحيى : خينو خينو
ياسمين : نعم
يحيى : عاان
ياسمين : تعال قعمز هنا وعيطت ملاك رهف آيآن
جوها لصغار كلهم وبدت تفطر فيهم على خشة صفاء : ان شاء الله نشوفك توكلي ف عيالك
ياسمين : امين

ف وحده من لديار اللي فوق ..
نرجس  : شن رايك هذ ولا هذ ..
توليب : هن الاثنين اسماح بعدين القالب غالب ..
نرجس : ابتسمت ..
نسرين : وين البنات طولن ..
توليب : زهراء او وردة ومشن لسوق شن متوقعه ..
نرجس:اصلا قالنلي من سوق لكوافيرة طول ماشيات
نسرين : نا جايبه وحدات هنا ..
توليب: قوليلي انتي ف شن طايحه تبعزقي ففلوس ..
نسرين : شقلبت عيونها سررر...
..
ف الليل انقلبت دنيًا كلاكسات
وخشت سحر ..
صباح : ي خسارة هارون الشخصية ياخذ هذي ..
صفاء : لبنيه كويسه لكن مش حلوه ..
..
رضيه ياسمين هذين هداية خوات العروس وخوتها شيليهن لهم
بعدها ب شوي خش هارون رفع طرحه سحر وباس راسها ..
وردة : ياخسارة ي هارون معقوله ياخذ هذ ..
زهراء : نصيب ي وردة ..
وردة:بارده البنت هذ اكيد ساحرته مش بعقله خوك
غادة : واقفه بعيد وتشوفلهم وقلبها مكسور
كانت نرجس الوحيده فرحانه ترقص وتغني من قلبها
ويروحو من صاله ..

في كوجينه نرجس تمد ف اصفر جا ايمن ..
ايمن : ضبحي ل امي ..
نرجس : رقدت من بدري تبي حاجه  ..
ايمن : ف حاجه تتاكل
نرجس : مدتله صونيه فيها عشاء وموالح خوذ
ايمن : بارك الله فيك
فجر : وين كنت انت
ايمن : كنت نكلم ف امي جابتلي عشاء
فجر : او بعدك جيعان تعال ناكلو هنا
خشت نرجس لقتهم كلهم يحكو خشت لدار
زهراء راقده وردة متمدده بترقد خشت جنبهن
وغرقت ف نوم ..
...
اليوم ثاني ..
اصوات تنظيف ف الحوش
نرجس تكنس ف الحوش بالمكنسة كهربائية  ..
وردة وزهراء وتوليب مزالن مرقدات نسرين وياسمين وغاده ف كوجينه وصباح وصفاء ورضيه مقعمزات يسهرن ..
مهاب : جيعان ..
نسرين : تقول فيك دوده ف بطنك هاك سمسم ..
وطلع يجري يلعب مع العويل ..
شوي شوي بدو يصبو اللي تفطر واللي تضم ..
ياسمين : تسلفر ف الغداء من يركب الغداء فوق
نرجس : محد فاضي شوف لعيال
مهاب : لالا نتحشمو من وليه
نسرين : متبحتيش في نا
زهراء : مانركبش
وردة : عرفتني مانقبلهاش
توليب : غادة انتي قاعده قاعده وهي صاحبتك شيلي غداها
غادة : وجهها انحمر
ياسمين : لا توا ترقى نا
توليب : كنهن ف بينهن مشكلة
غادة : لا توا ناخذه نا وركبت بصفرة الغداء طقت ع شقة هارون ..
فتح هارون الباب ..
تفاجىء ب غادة قدام وجهه ..
غادة : مدتله صونيه غداه ..
هارون : سحر حبيبتي تعالي خوذي منها ..
جت سحر لابسه ديشمبر بتاع حمام خذت منها صونيه ..
سحر : معش تعبي روحك كان نبو حاجه توا ينزل هارون ولا نا مافيش داعي نحنا عرسان وعندنا خصوصيه عيب تركبيلنا لعند هنا انتي صاحبتي وكل حاجه بس الحق مايزعلش ..
هارون : سكر باب شقة ..
سحر : جت ف وقتها وقعمزو ياكلو
غادة : نزلت وهي مش منتبهه لروحها قبل طاحت ع وجهها من ع دروج قعمزت وشمس كانت قوية ع وجهها شمس شهر 8 تخيلو دموعها نزلو وبكت بحرقه زي حرقة شمس ..
..
ملاك : احلى فثتان فثتاني
رهف : لا نا
ملاك : لا نا
امنه كانت تزحف وجاية شورهم ..
ملاك : اختك احثن منك
رهف : شقلبت عيونها بارده وفقيله انتي
ملاك : انتي الثقيلة
رهف : تفلت عليها وقالت كلمه عيب ..
ملاك : ثحيفه ..
رهف : عكرشت ملامح وجهها وخشت وسيبتها
آيآن : هي العبو
ملاك : هيا ومشت تلعب مع آيأن ويحيى وياسين
مهاب : كنك
رهف : ملاك بارده تعاركت معاها
مهاب : عليش
رهف : تقولي ان هي احلى ونا فقيلة
مهاب : توا نوريها وركب فوق سور ومعاه حيط ويطلق حيطه تجي بزبط على آيآن اللي قعد يبكي ..
وطلعت ياسمين من ضربه من ..
كلهم قالو منعرفوش ومهاب اطمر وهو يضحك
..
سحر : حبيبي ننزل ولا
هارون : فوتيهم وين تحبي نمشو شهر عسل
سحر : مصر خاطري نمشي الغردقة
هارون : عيوني لك ي غردقة انتي
ضحكت سحر ..
..
نرجس : هبلني يا بنات عجبني
نسرين : وشن غير رايك
توليب : ممكن اللحيه
وردة : ممكن خافت يفوتها القطار
زهراء : انتي سهفتي من فرح هارون ولا عجبك صح
نرجس : عجبني ضحكته وشخصيته خفته يطير
ياسمين : شن اتفقنا مش ع اساس تخرجي من طب قبل
نرجس : العمر يهلب وبعدين مانبيش نمشط شيب هنا بنتزوج ونستقر والعمر كل مايتقدم الفرص يقلن والعرسان الكويسين يطيرو ..
نسرين : هو من ناحيه مايتهلبش ف هو مايتهلبش
..
غادة روحت تبكي وامل حضنتها وهي تحسب على سحر وعلى حوش خالتها بالكامل اولهم هارون
وغادة تبكي من كل قلبها ..
ع المغرب
ياسمين لاهيه ف عويل خالتها وآيآن ..
يحيى:خينو خينو ثوف هثي "سينو سينو شوف هذي"
ياسمين : تضحك عليه وباساته ..
آيآن : احتي ويس احكي كويس
يحيى : ثن دخلك انت
آيآن : عقد حواجبه ودف يحيى
ياسين فزع لخوه  : ودف آيآن حيوان
ياسمين ضحكت بصدمه عيب عيب انتو اصحاب
يحيى : لا
آيآن : ايوا موش اصحاب نحنا بارد هذ بنيه
ياسمين : عيب آيآن
آيآن : لا موش عيب روح حوتكم "حوشكم" ي بنيه
يحيى : قدم ضرب آيآن بوني انت بنيه وكفوف ع وجه
ع خشة زهراء قدمتله وومسكت يد يحيى بقوة معش تقرب ولدي فاهم معش تقربه انت من بيش تضربه هذ قاعد ف حوش جده ويخشو فجر واياد
صوت عياط زهراء واصل لمربوعه انصدمو ف منظرها كيف طيحت العيل لصغير ع الارض طلقها عيطه مره وحده وهي خذت ولدها وطلعت من كوجينه يجو ف حوشنا ويضربونا اخرى ..
فجر خبط يديه ف بعضهن هبلت هذ ب رسمي ..
ياسمين طبست ع العيل حضناته وجت بتشيله
شافت خالتها جاية كانت مبتسمه بحزن هاتيه
ياسمين : خالتي مشاكل صغار ديما يصيرن ..
صباح : اها غير خلاص اصلا مروحه كمل الفرح
ياسمين : زعلتي
صباح : لالا مازعلتش عادي ان شاء الله نصبيلك ففرحك
ياسمين : ماتزعليش منها زهراء صغيرة
صباح : عرفتها وطلعت بعيالها برا ورضيه منحرجه
سامحيني ي خيتي امسحيها ف وجهي وكانت صباح
تبان مافيها شي اهو جا سواق هي بسلامه ومبروك على هارون وطلعت بسرعه هي وعيالها صكرت باب
وراها وتمشي
يحيى : ماما اثف متبكي
صباح : مانبيكش وتمسح ف دموعها
كان مافيش لا سواق لاشي كانو يمشو ع كرعيهم
ياسين نروحو حوسنا ..
صباح : نروحو اها  ..
..
رضيه : قليلة ادب مش متربية عطيبه النسا تبان ف الفرح وف العزاء
زهراء : من صبح يضربو ف ولدي وساكته ونتحمل
ياسمين : مش هما ف صبح حرام عليك يتيم العيل
نسرين : خلاص قصة وصارت ياهو
نرجس : آيآن شن صار بزبط
آيآن : بالد يستاهلها
رضيه : ربن مفرخكن وانتي ي زهراء تأسفي من خالتك
زهراء : ولدي ينضرب ونتأسف اخرى حلوه هذ نا ماشيه
رضيه : انزرفي
ياسمين . مش هكي يمي
رضيه : لاهكي اللي بتقعد ف حوشي تحترم ضيوفي
زهراء : تمام خلي ضيوفك ينفعوك وبدت تلم ف دبشها
سحر : فاتحه روشن تاكل ف تفاحه وتضحك سمعتي
سمر : وووه مشاكل ع طول
سحر : صكرت روشن ثعالب هذين يستر الله مايبرمن علي
سمر : لا انتي ابدي فيهن
سحر : ضحكت
سمعت صوت شقة انفتح
سحر : هارون جا باي
هارون : حبيبي وراها تذاكر
نطت من مكانها لحضنه طول ..
فوزية : مبروك وعقبال الباقي
رضيه  : فوزية
فوزية : ها
رضيه : نرجس وافقت وقالت حتى الفرح بعد سنة اقل شي لكن حال غاية نا توا غير طلعت من خسار خليها سنتين
فوزية : نشبحه شني يقول ونرد عليك
..
خشت صباح لحوش وهي تمسح ف دموعها
طلعن البنات كنك يمي روحتي توا ..
صباح : شي شي وخشت لدارها ..
البنات شافن لخوتهن بدو يحكولهن ف القصة وجعتهن امهن وحطن اكس على حوش خالتهم
..
ايمن : شني غير رايها  ..
فوزية : مانندري عنها ..
ايمن : مرات يكون عندها حد بعدين رخاها
فوزية : لا نرجس زي النسمه هويديه ..
ايمن : العرس صيف جاي
فوزية : حاضر ولدي حاضر
..
وثاني يوم ..
على وقت العشاء بزبط ينزلو هارون وسحر ..
قعمزت جنب رضيه وتشوف لسقف وتوزع ف ابتسامات ورضيه تجامل فيها وتنشد على هلها ..
خشت نرجس حطت صفرة قهوة وحلويات من الفرح ..
نرجس : شنو انسجمتي عندنا ..
سحر : ع اساس متحشمه ردت ب ابتسامه
وردة ب اشمئزاز اللي يشوفها تقول اول مره تخش حوشنا الله يرحم ايام كانت تبرم حوش كله وتسهوك
ياسمين : خلاص فوتيها انتي حاطه راسك من راسها
سحر : شربت من قهوة وسيبت باقي
نرجس : تشوفلها برفعه حاجب
بعدين حطو صفرة العشاء ..
سحر قعمزت وشافتلهن ورفعت كاشيك ف لحمه قدام رضيه بزبط قعدت تحرك صونيه ب اطراف اصابعها لعند ماجت لحمه رضيه قدامها وهن منصدمات ف الحركه وبدت تقطع ف لحمه وتاكل
وهم يشوفولها بصدمه بعدين فتحت شيشة بيبسي وشربت وناضت غسلت يديها وجت قعمزت فتحت شنطتها طلعت شكاره ومدتها لرضيه
رضيه : شنو هذ ..
سحر : هديتي لك بتاع الفرح ..
رضيه استكت قدرها عطر ب 50 جنيه ما قالت الا بارك الله فيك وقعدو شوي وجا هارون خذاها ..
ف كوجينه ..
توليب : ماجابتلنا شي
وردة : مش نقوللكن حقيرة
نرجس : ياريتها جابت ل امي حاجه كويسه
ياسمين : مهم جابتلها
نسرين : عقاب عطر ونحنا حتى خوتها خواتها ما جينالهم الا ب ذهب
ياسمين : فكونا من سيرة سكتو خلاص وتصب ف سائل بيش تغسل عوايز ..
..