ورود سامة

Part8

#ورود_سامة#الفصل_الثامن
#يحيى_ادريس

في المربوعه
مولعين بلاستيشن تو كان فجر يلعب كاراتي بروسلي
واياد يلعب معاه ومهاب وبلال يتفرجو عليهم خشت ياسمين شايله صفره فيها شاهي وسفنز
كان هارون متكي حاط يده ع وجه
فجر / منوره سموني
ابتسمت ياسمين وخشت جوا وين غادة
امل وهي تشرب ف شاهي ركبت لنرجس
ياسمين / نشيللها
صفاء / اكيد بترقد خلوها
رضيه / نرجس رقدت
ياسمين / سيبتها بترقد
...
مصبيه قدام لمرايا ترسم ف عيونها ..
علاء شافلها عليش تمكيجي وين طالعه ..
توليب / شقلبت عيونها يعني وين بنطلع
علاء / ولمن تمكيجي ماشي لدعم نا
توليب / ولازم نمكيج لواحد لروحي لنفسي
علاء / تمام تبي حاجه
توليب/ سلامتك بعد شافاته طلعه ماشيه بلا رده
...
كانو عبد الله وزهراء في مدينة الالعاب ساقو سيارات
وخبطو ف بعضهم وركبو ف اللي ادوخ وشرالها فوشار وبعدين مشو لتسوق كانت كل ماتحط عينها
على حاجه ياخذها لها وكانت زهراء طايره من سعادة وعبد الله غير يشوف ضحكتها يفرح ..
يومها تعشو ف مطعم ما روحوش الا ساعة 12
هم خشو وصوت ضحكهم عالي ..
ثاني يوم ..
ف صبح
نزل عبد الله للكوجينه دار فطور وركب فوق
كانت زهراء ف سابع حلامه قرب قال حبيبتي
فتحت عيونها ابتسمت شن هذا ..
عبدالله/ درته عشانك ..
زهراء / لي انا ..
عبد الله / احلى فطور ل احلى اميرة ف العالم
بدا يوكل فيها ..
..
ف الحاجر
مقعمزين تحت مظلة ويفطرو ع طاوله
نوارة تشرب ف قهوة وتسمع ف بنتها ..
ابتسام / الهانم ريتيه خذالها فطور لعندها
نوارة / ولدي مش مزبوط
ابتسام / لحستله مخ هذ احتمال تخليه يسجل املاك باسمها
نوارة / معقوله
ابتسام / شفتي كيف ملهوف عليها هذي حيه
نوارة / بدت تفكر واسوء الاحتمالات يخطرن عليها
..
عبد الله / بكرة تمشي لمدرسة خلاص كسل
زهراء / مانبيش
عبدالله / مافيش ماتبيش تمشي قرايتك اهم من كل حاجه
زهراء / تمام قرب عبد الله باسها من خدها
وهي ابتسمت ..
طق باب الجناح خاص فيهم ..
عبد الله / ناض صبا فتح الباب امي
نوارة/مانزلتش ع الفطور قلت نشوف كنه مريض انت
عبد الله / لا بس حبيت نفطر نا ومرتي وحدنا
نوارة / باهي المهم انك بخير
عبد الله / باس راسها يسعد صباحك يالغاليه
نوارة / توا اذكرت تصبح عليا
عبد الله / تلخبطت بس
نوارة / جيت ننشد بس برمت وردت تبي تنزل لغداء ولا بتغدى مع مرتك
عبد الله / نتغدى معاك يالغاليه
ابتسمت ونزلت ..
زهراء / من
عبد الله / امي
زهراء / اها
...
صفاء / حطت حليب وشاهي
سالم / عليش الاصراف وتبذير ي حليب ي شاهي
صفاء / وكيف هذي ماتجيش ضروري مع بعضهن
سالم / يوم نشربو شاهي بروحه ويوم حليب هك
صفاء / حليب الحكه ماينشربش بروحه
سالم / في اي قانون هذ لا ينشرب من قال ماينشرب
امل / مافيش دحي ولا جبنه
سالم/ دحي ولا جبنه هذين وجبات وجبات
امل / عند خالتي رضيه صفره فطور وعصريه عادي
سالم / ان المبذرين كانو اخوان شياطين
غادة / اخوان ولا صوفيه هاهاها
سالم / البنت هذ دمها خفيف زيي
صفاء / وليش مش زيي نا
...
كانت ياسمين تقلي ف كبده ورضيه تحشي ف العصبان جنبها نسرين تساعد فيها وردة تغسل ف عوايز بنة الكبده فايحه تسهف ..
ابتسمت ياسمين كبدتي نا مافيش منها ..
على جية توليب ف يدها طبق حلويات وراها هارون
توليب / اففي بنة الدوارة
نسرين / متاكليش عصبان
توليب / في عينك
هارون / مزال ماطابت الكبده
ياسمين / 5 دقايق
طلع هارون ماشي لمربوعه كانو بلال ومهاب يلعبو بلاستيشن وفجر واياد مرقدين
هارون / اسود
مهاب / خير ي خالي
هارون / خير ي زعيم حي لو يشوفكم اياد
الاثنين ضحكو وهارون خذا دبش ومشا للحمام يغير
...
ع طاولة الغداء ..
كان الغداء كله اسماك تشوف فيهم ياكلو ب شوكه وسكين بطريقه معينه وهي متعوده تفصفص الحوت بفمها ويديها تشوف وساكته
عبدالله / كنك ماتاكلي
زهراء / توا ناكل خذت شوكه وسكينه مسكتهم بطريقه خطأ
ابتسام ضحكت عليها ونفس شي نوارة ابتسمت بتهكم عبدالله شن في وشاف لزهراء قال كنكم
عادي محد جا من بطن امه متعلم حبيبتي امسكي هكي وبدت تقلد فيه وتحاول تقسم من حوت وفشلت زاد ضحك ابتسام وتقول هذ اللي يخش ع العز جديد دمعو عيون زهراء وسيبت لوكال وناضت
عبد الله فنص ف ابتسام اخرلك مره تجي شور مراتي والا ندير شي مش هيعجبك وانتي تعرفي زعلي مش ف صالحك افطني لروحك ي ابتسام
نوارة / تشوف لولدها بصدمه اللي ناض ورا مرته
ابتسام / شفتي ي امي شفتي
خش عبد الله لجناح بتاعهم سمع صوتها ف الحمام
ترجع حشاكم من كثر لبكاء وجعاته ع الاخير ..
طلعت / مجرد ما شافاته دفاته
عبد الله / هزبتها وقلتلها انك خط حمر
زهراء / اطلع ي عبد الله اطلع
عبدالله / كنك زهراء نا مش ذنبي شي
زهراء / اطلع خشت لسرير وهي مضايقه
عبد الله نزل من ع دروج وهو معصب تعرفو يصيرلها شي ولا تزعل وحق الله تشوفو شي مايعجبكم
نواره / رفعت حواجبها بتعجب وطلع خبط باب
..
ياسمين مقعمزه ف دار تقرا ف قرآن
خشت نرجس عليها تشوفلها
ياسمين / صدق الله العظيم وشافت لنرجس
ابتسمت تعالي
جت نرجس قعمزت حذاها نبي نتحجب ..
ياسمين / الله احلى قرار
نرجس / بنبقى كيفك قوية
ياسمين / وتبقي احسن مني
نرجس / علميني الصلاة
ياسمين / حاضر
نرجس / نحنا هك عشان بعاد على ربي عاقبنا
ياسمين / استغفر الله ربي اذا احب عبد ابتلاه
نرجس / ربي يحبني
ياسمين / اكيد وانتي سنة شهادة ثانوية شدي حيلك
نرجس / ان شاء الله
...
خش عبد الله لدار شاف حالتها مزالت ف سرير
فتحت عيونها كانو حمر ..
عبد الله / جبتلك عشاء
زهراء / ماعنديش نيه بنرقد
عبدالله / بكرة عندك مدرسة صبي كولي حاجه
زهراء / مانبيش خطاني قتلك خطاني
عبد الله / على راحتك
قعد ساهر لعند صبح وعاها فتحت عيونها
عبد الله هي وتيتلك الزي وكل ادواتك
زهراء / اوف مانبيش ماعنديش نيه ليش بغصب
عبد الله / هي بلا كثرة كلام خشي ادوشي على ما وتيت فطور نزل يوتيلها فطور وهي نزلت راقيلها
عبد الله ايوا هكي هي تعالي افطري ..
زهراء / تفطر وهي ساكته
عبد الله / كنك ماكملتيش فطورك
زهراء / منحبش الحلو وناضت
ركبو سيارة وصلها عند المدرسة ونزلت ..
اول ماخشت كانت مدرسة جديدة عبد الله جنبها
وصى عليها بعض مدرسين وطلع خشت لفصل
قعمزت ع درج ..
البنات / انتي البنت جديده ..
زهراء / هزت راسها
كنك متحشمه انطلقي
زهراء / لا عادي
انتي بنت من ..
حي شنو اللي ف يدك هذ
زهراء / متزوجة
شهقن البنات شنو ..
زهراء / ابتسمت
كيف هلك غصبوك
زهراء / لا نا غصبتهم وخذيته
تحبيه
زهراء اممم
كم عمرك انتي معاوده
لالا عمري 15
ماشاء الله صغيره
نا اكبر منك 😂
زهراء / ابتسمت
من اللي واخذك
زهراء / عبد الله ال
البنات سكتن اها
زهراء / وانتن
البنات نحنا كل وحده تمشي درجها
زهراء / شافتلهن ب استغراب
للحديث بقيه