ورود سامة

Part 49

ورود سامة
للكاتب يحيى ادريس
‏49 part
الاء : قدملها خاتم ف كوجينه وقال تئبلي تزوجيني
زهراء : يعني هي جايبلها خاتم ونا ضحك علي ب اسوره
الاء : اها وقاللها انتي احلى ام اخرى ..
زهراء : عيونها دمعو صدق ماهي اللي حملت فيه 9 شهور وجاباته وصرفت عليه ..
الاء : عليش كلهم يحبوها هي ..
زهراء : خلاص لولي امشي ارقدي لليل ..
عبد الله : اميرة بوها كنها زعلانه ..
الاء : شي وطلعت
عبد الله : كنها لولي ..
زهراء : تحكيلي ف اسرار ..
ضحك عبد الله عليا انا ..
زهراء : شافتله بعدين ابتسمت ..
..
سحر : حطيتي رز ف تلاجه عشان تسخنوه بكرا
ابتسمت ياسمين لا كلاته وردة وعيالك ..
سحر : توسعو عيونها شنوووووو ..
ياسمين : شافت لحمادي يشرب ف اميه انت شن درت ي غبي عليش تاكل فيه وبدت تضرب فيه
ياسمين : اضبطت محمد كنك انتي شن صايرلك
سحر بدت تبكي نا شن دايره ف روحي جايبه اغبياء ياربي ولا حد فيهم طلعلي رضيه كنك تهزبي ف العيل هو بروحه خايف عليش تخوفي
سحر : خايفه عليه
ياسمين : شن فيها كان كلو رز مانيش مسممتهم را
سحر : دموعها نزلو وطلعت من جنبهم
نرجس : هذي كنها
رضيه : انكلبت بعيد عنك
ياسمين : انا بنمشي لحمام وطلعت وسيبتهم
..
توليب فتحت باب دار شافت علاء قاعد ع تليفون
توليب : تعال سحور ..
ناض علاء وطلع وراها
علاء : وين ملاك
توليب : شبعت شوايات غادي روحت رقدت ..
علاء : صحتين وبدا ياكل سمعت صوت رساله
طلع تليفونه شافله وابتسم توليب شافتله من دزلك
علاء ارتبك شباب لقروب يدزو ف نكت بايخه ودار نقال صامت ..
توليب : قولي نكت بايخه خاطري نضحك
علاء : مدرسة رياضيات ضربتها سيارة قالو عندها كسور قالتلهم وحدو المقامات وبدا يضحك
توليب شافتله ببرود هذي قديمة
علاء : مش قتلك بايخه
توليب : هذ نكته اللي امبدري قاعد ف دار
علاء : ف نكته اخرى مره ف وحده اسمها اسرار ضربتها سيارة تعبى الشارع فضايح ..
توليب ؛ ابتسمت مجامله وهزت راسها
..
مهاب : نقولك
منار : قولي
مهاب : انتي ديما معاي صح
منار : راجلي وراجلي وين مايمشي راجلي نا وراه ..
ضحك مهاب اه منك ي حشيشة خضرا انتي مرتي سمحه
منار : عليش تقولي حشيشه خضرا ناس تقول فستق
مهاب ؛ اصلا يوم تلاقينا فيه نحكي مع امي تقولي جيب معاك حشيشه خضرا خبطت فيك وشفت عيونك من يومها مسميك حشيشه خضرا .
ضحكت منار وقالت اسمع ي حشيشه حمرا
ضحك عليش حمرا
منار عشان شاهي اسود كيف عيونك
ضحك مهاب باهي ي احلى طاسة خضرا
منار : الفجر قريب ويأذن عشان هك هي باي
مهاب : عنشكلك فرخه شيطانه
بلال : استغفر الله العظيم رمضان رمضان
مهاب ؛ باهي فهمنا بس توا الليل مزال ما جا صبح
بلال : الحرام ف نهار رمضان حرام ف الليل وحرام طول سنة ي مدمغ
مهاب : باهي شيخنا
بلال : ربي يهديك وطلع
مهاب : هذ كنه
زكريا : فوته فوته قولي الحشيشه خضرا ماعندهاش خوات صغار
مهاب انت واعي وعزق فيه مخده ارقد ي صايع
...
ثاني يوم قبل المغرب
ياسمين : حاسه روحي تعبانه بكلل ..
نرجس : باهي ارقدي
ياسمين : ديري فطور بروحك قصدك
اميرة : نا معاها امشي سيمو تريحي وجهك اصفر
ياسمين : مشت وسيبتهم
نرجس : شكلها فطرت
اميرة : جت عند اخر ايام
نرجس : هي تعالي نبدو ف الفطور
..
سحر : تشوف ف ولدها وبنتها وضعهم عادي
شكله مامشاش فيهم سحر يارب يارب خلاص
معش نديرها يارب ماتوريني فيهم سو يارب ماعندي غيرهم بدت تبكي ومشت تصلي ..
..
ياسمين : خشت تمددت جتها رساله ع تليفونها
فتحتها كانت من ياسمين بنت عمر كاتبه فيها
ابلتي كل عام وانتي بخير يارب وبابا يقول امتى يكمل عيد عشان يشوفك ف مدرسة هو بيقولك حاجه مهمه لكن انتي درتيله حظر وهو زعلان ردي عليه
ابتسمت ياسمين بوجع صكرت تليفونها وغمضت
عيونها بس الوجع كل ماله يزيد ..
...
منار : لافه شعرها كعكه ودير ف بكلاوة
قمر : ايش خطرها عليك
منار : جت نيه فيها
قمر : ابتسمت هذي نسرين ترن ايوا نسرين
نسرين : شخبار خالتي
قمر : تمام شخبارك انتي والبنات والعويله واشرف
نسرين : حمدلله قتلك بكرة فطوركم عندنا
قمر : باهي حبيبتي مانجو لاعز منك ..
منار : كنها شن في
قمر : عزمتنا ع الفطور بكرة
منار : ابتسمت
ميار : شنو دايره فطور اماه
قمر : شربه وبطاطا وبيتزا
ميار : بس
منار : تبي كف شكلك
ميار : مدخلكش انتي
قمر : شن تبي اخرى حبيبتي
ميار : نبي لحم ف كوشه
منار : علامات قرف ع وجهها
...
ع الفطور ..
عبد الله : وين آيآن
زهراء : عازمه يحيى
عبد الله : سبحان تذكري من قبل هو وياه عرايك
ضحكت زهراء كانو صغار ..
ف نفس الوقت ع صفرة الفطور كان علاء دوب ما ياكل اول مره توليب تركز عليه بعد كملو خذا صفره
يغسل ف عوايز توليب ولاول مره تصبي تلحقه لما
يخش كوجينه كان يحكي حاط سماعات ف وذانه ويغسل ف عوايز ويحكي بهمس حست بوجع قلبها
طلعت ومشت قعمزت ف دار وهي تفكر ف كلام زهراء وحركاته حطت يدها ع راسها لعند شعرها وخر واتكيت بيدها ع كوميدينو غمضت عيونها تطرد ف الافكار سلبيه ..
...
طلعت فرح من العيادة دموعها ينزلو شافها اياد
شن في تحاليلك فيهن حاجه متخافيش والله نعالجك وناخذك برا فرح حضناته وقالت حامل
اياد انصدم وبدا يضحك واضبطها بقوة يعني بنكون اب هزت فرح راسها ب ابتسامه اياد وخر عنها وشافلها وانتي بتكوني ام وضحك وحضنها اخرى
..
منار : تاكل ف بكلاوة وتفرج ع مسلسل زوجة واحده لا تكفي ميار غيري الله يربحك وحطيلنا ع بودكاست
هزت منار براسها لا هذ عجبني ..
ميار : مبردك ي منار من مزال يتفرج ع هدى حسين
منار : انا عندك مانع
ميار : مشت لدار امها كانت تحكي مع نسرين
ميار ؛ ماما ديريلي تلفزيون نت بروحي منار مستوليه ع تلفزيون
قمر ؛ ان شاء الله ف عرسك
ميار : اوف اوف وسيبتها
وقمر ضحكت عليها
اما منار رن تليفونها الو حشيشه حمرا ..
مهاب : او حشيشه خضرا صحه فطورك
منار : فطور شنو توا نشرب ف قهوة
مهاب ؛ صحتين ي قلبي
منار : سلمك حبي
مهاب ؛ بنشبع من شوفتك
منار : ماما متخليكش
مهاب : نخطفك ي سمح
منار : ضحكت
...
خشو فرح واياد ب طبق الحلو ..
سلمو عليهم اياد قعمز برا ..
فرح : انا حامل "هي"
تعالن الاصوات مبروك مبروك
رضيه : الف الف مبروك ع خير وسلامه
ياسمين : مبروك فروحه
انما سحر اللي غارت كيف فرح تحمل وهي لا وعيونها اشتعلو غضب وحقد
اميرة قالت مبروك ..
نرجس ان شاء الله من حمله كتاب الله
فرح امين يارب
في المربوعه
فجر : تبي تبقى اب ي معفن
اياد : قعدتها انت جت علي نا
فجر ضحك صدقت بس نا شخصية انت تافه
اياد لا واضحه شخصية
...
طلع علاء انا ماشي نصلي تراويح
توليب : بس خلاص قريب يكملو
علاء : بالمره نطلع ندهور شوي
توليب : باه
طلع علاء
وتوليب دزت لزهراء انت وينك
زهراء توا خشيت من فم شارعكم
توليب اصبري توا تنزلك
زهراء كنك شن في ..
توليب لبست عبايتها وشاحها ومشت تجري ركبت مع زهراء
زهراء : وين نمشو
توليب : فتحت الموقع وقالت اتبعي علاء
زهراء : نهار احرش تراقبي فيه
توليب : الحقيه
وزهراء اتبع ف علاء لعند درس قدام حوش نزل
زهراء : اكيد حوش وحده من مراته
توليب : دموعها ينزلو ونزلت من سيارة وتمشي مهدوده
زهراء : توليب
توليب ؛ وصلت للحوش رنت جرس فتحلها الباب عيل عمره 8 سنوات تفضلي من تبي ..
توليب : انت ولد من
انا ولد علاء ال
توليب غمضت عيونها بأسف وقالت وين ماما
العيل ماما توا نكلمها ماما ماما
نزلت وحده عمرها ف بداية ثلاثينات تفضلي من انتي  ..
توليب : انا ضرتك
الوليه وجهها تخزرط
نزل علاء وهو لابس توته ويقول ي مريم هي
توليب : امشيله ي مريم راجل مرايف عليك حرام قاعد ف تراويح
علاء انصدم من صوت توليب
توليب : 4 سنين ونا نبكي بدال لدموع دم عليك 4 سنين نفكر ميت ولا عايش محبوس مذلول انا عشانك سيبت هلي وعاديتهم عشانك رقدت جيعانه ف ظلام وسببت بنتي ف ظلام ف عز الحرب عشان ك قعدت نظافه ونسمع ف كلام من اللي يسوى واللي مايسوى تكذب علي وتقولي ضربوك وعذبوك وانت متزوج وداير عويله بدت تبكي وصوتها راح حسبي الله ونعم الوكيل فيك بدت تضرب فيه ع وجه صدقتك وثقت فيك واحد خاين ماله امان الله لا يسامحك يا نذل ي واطئ تفوو
علاء منصدم فيها وهي تخبش ف وجهه
توليب : طلعت وسيبتهم ركبت مع اختها بسرعه تحركي
زهراء تحركت بسيارة ومشو قعدت توليب تقول وقفي وقفي 
نزلت توليب تمشي  دموعها ماوقفوش
حطت يدها ع قلبها كأنه جمر بدا صوت بكاها يطلع
حطت يدها ع فمها بكت بقهر معش تحملت بدت اطلع كل اللي بطنها وزهراء تشوفلها بوجع وكسره
وتوليب معش تحملت من البكاء والاستفراغ طاحت من طولها
عيطت زهراء وجتها تجري ..
مبروك حامل انصدمت توليب وشافت لزهراء
توليب : دمعو عيونها مانبيش مانبيش
زهراء : تستغفري ربك ي توليب مش هك
توليب : روحيني ع شقه
زهراء : بتروحي لشقه كيف بعد هذ كله
توليب : هو اللي يطلع الخاين الحقير هذ شقتي مش هنتحرك منها
زهراء : بتطلقي
توليب : طبعا خلاص كبرت وبنتي كبيرة من صغري ونا عايشه بروحي مافرقتش توا
هزت زهراء راسها بحزن ع حال اختها
...
مقعمزه ف دارها تحكي مع لمرايا تشوف ف انعكاسها
ودايره فيها العاقله اللي تنصح ف البنات طلعتي غبيه هزت راسها طلعتي غبيه وانضحك عليك
شويه كلام سمح صدقتي انه يحبك صح بدت
تشرط ف صورهم مع بعضهم قالت بصوت باكي
انصحك عليا مافيش حب كله كذب مافي شي اسمه حب قالتها بعياط عزقت المكياج والعطورات ع زيانه وتقول كذااااااااب ياربي شيل حبه من قلبي ياربي ساعدني ننسااااه ياربي ساعدني ااااهاااااا خشت
ملاك عليها ماما شن في كنك وتوليب مستمره ف بكاء
ملاك حضنتها بقوة وتوليب تبكي خانيييي خاني كذاب وملاك تبكي مع امها .
...
نسرين : لا حول ولا قوة الا بالله
زهراء : وجعتني لين خلاص
نسرين : وهي تحط ف سحور ه الواطي نذل الله يقهره
زهراء : يارب
نسرين : بكرة عازمه خالتي قمر ع الفطور تجي
زهراء : ممكن نجي بعد الفطور نسهري
نسرين : تمام هي بسلامه وشافت ل اشرف
اشرف : تنهد بضيق
نسرين : كنك
اشرف : معش نقدر ع الايجار ي نسرين
نسرين : فلوسي مش ملزومه ندفع بيهن ايجار
اشرف : انتي كنك انانيه نا ندفع ف الايجار واقساط المدارس واقساط تليفونات انهد ضهري
نسرين : محد قالك
اشرف / نفس ماتصرفي راتبك ع روحك حتى نا بندير كيفك وخلينا ننطردو من شقه عادي
نسرين : فرقت ع رجاله وطياح سعدهم
...
وردة حست بألم ف ضهرها غمضت عيونها وقالت عادي اكيد من تصباي ف كوجينه رن تليفونها كانت
ياسمين ..وردة : تعب بكلل
ياسمين : نا شر منك نصي اللي تحت تقول موس
وردة : عالجي ماتسكتيش ع روحك
ياسمين : حتى انتي خطرها بنقولك ف فرح
وردة / كنها
ياسمين : حامل
وردة : ماشاء الله الف مبروك
...
ثاني يوم بعد الظهر  ..
ف ڤيلا عبد الله المكتب الخاص فيه
تسرق ي عبدالله مش ع اساس نص بالنص
عبد الله : شن النص ب النص انتو جبتو مواد
نا اشتغلت فيهن صح ولا وخذيت حقي ..
لا ي عبد الله انت خذيت الحديد القديم ورواشن القدم وبعتهن من ورانا وكله مشا ف جيبك
عبد الله : البلاد معبيه خوذ حتى انت
عبد الله اللي خذيته نبي كيفه والا هيصير شي مش هيعجبك نمشي للقيادة ونقول انتو سلمتوهم حاجات وثق وشركات من برا وهو استسخسر وجاب عمال مصرية ومواد معفنات عشان فلوس
عبد الله : اعلى مافي خيلك اركبه
"عن قصة حقيقية"
في الكوجينة تحت
آيآن: امي شن تبي ديريلنا فطور اليوم ..
زهراء : سم
آيآن: حتى السم هيكون حلو من يديك ..
زهراء : امشي من قدامي مانبيش نشوفك ..
آيآن: باهي اضحكي
زهراء : امشي وخليني نكمل الفطور راه خلوقي ف خشمي
آيآن: لهدرجة تكرهيني يامي
زهراء : مانبيش نشوف وجهك لعند تعلم كيف تحترمني وتقدرني زي ما تحترم وتقدر ف ياسمين
آيآن: تمام نا مش فاطر معاكم اليوم
زهراء : نعنك ماتروح
آيآن: تمام وطلع ركب سيارته اكيد زعلت عشان خاتم اللي خذيته لياسمين توا نشريلها عارف قلبها طيب وتسامحني غير عصبيه ابتسم وتحرك بسيارة ..
...
خشت عائلة قمر وسلمو ع نسرين رحبت بيهم
وميار خشت مع رهف لدار يحكن ونسرين وقمر ومنار ف الكوجينة ..
منار : درت تشيز الفراولة
نسرين : المنظر خيالي رهف ي رهف
رهف : يييه عليك قصة ها ها
نسرين : وطي صوتك وخوذي طاجين منار صوريه حذا فازة الورد اللي ف صاله ..
رهف : باه
قمر : تصدقي رهف تشبهلك ف طبع واجد حتى في دم بينكن
نسرين : حرام عليك ماتشبهني بكلل
منار ؛ صح انتي احلى ب واجد
رهف : سمعت كلامهم وجعتها روحها وخشت دار تغطت بالبطانيه
ميار : كنها رهف
امنه : مدرعن بحتي صورة هذ
ميار : سمحه
رهف ؛ تحت البطانيه تبكي
..
بعد طلع من محل ذهب رن تليفونه الو رائد ..
رائد : وينك ي صاحبي
آيآن: ف لبلاد
رائد ؛ تطلع معانا ماشين لصحراء فاطرين غادي
ايان فكر شوي ف عقله وقال نفطر ونغير جو وبعد نروح نراضيها وقال تمام كلمتو يحيى ..
رائد : فوته مباش يرد
آيآن: توا نكلمه نا
رائد ؛ تم
آيآن: رن على يحيى المره الاولى ماردش الثانيه الثالثه ف الاخير رد بصوت ناعس هاه ..
آيآن: اوعى ي تنبال انشط ..
يحيى ؛ فوتني يرا صيام مش وقتك..
آيآن: هي طالعين نفطرو ف صحراء تمشي
يحيى : فوت والله تعبان ماعنديش نيه نطلع
آيآن: هي عاد اول مره نصبي عليك ف حاجه
يحيى : تمام باه ي سكان
آيآن: وتي روحك 5 دقايق ونكون عندك ..
طلعو لصحراء وبدو يوتو حاجات لشواء
واميه ف شنطة سيارة ..
سمعو صوت طيارة شافولها واضحه انها قصدتهم
آيآن: اهربووووو ومشا يجري ركب ف سيارة وعيسى ورائد ركبو سيارة الاخرى وانا كنت مصدوم مش فاهم شي لعند شفت انفجارات قدام عيوني نزلت ع الارض وحطيت يدي ع وذاني وطيارة اختفيت نضت
نجري شفت عيسى ورائد متفحمه بالكامل بديت نبكي بعدين شفت آيآن يآن بوجع مشيتله آيآن انت عايش حمدلله حمدلله هي اطلع معاي
آيآن يبكي مش قادر نتحرك جسمي لاصق ف كرسي
دموعي نزلو ونشوفله كيف موجوع هي ي خوي نوض معاي تحمل حرك روحك
آيآن كان ليتحرك بدا يعيط عطيه قوية انفجعت منه
وقعدنا ع الحال هذ ساعات نشوفلهم مش مستوعب شي من اللي قاعد يصير كنا نضحكو
ونبصرو ونشووو شن صار
آيآن : عطشان اميه نبي اميه
يحيى يبكي مانقدرش ي صاحبي خطر عليك
آيآن عطشان عطشان باهي باهي اتفل ف لساني عطشان وبدا يبكي حطيت يدي ع عيوني ونا نبكي
قتله تحمل ي صاحبي مشيت طلعت عيسى لعند
ضهري قريب انكسر جثه متفحمه دفنته وحطيت على خاتم ديما نلبس فيه وطلعت رائد وحطيت عليه ساعتي مشيت نشوف ف آيآن قلت توا يجي حد ينقذنا والله
آيآن سامحني ي صاحبي
يحيى لالا ماتقولش هك توا تعيش وتوا حد ينقذنا
معرفتش كيف نطلعك اسمعني حرك روحك بسرعه تحمل الله غالب
آيآن دمعه نزلت من عينه وطلعت يده من عند روشن  سيارة عيطت لالااااااالاااالااهه لااه اياالا يارب لاااا بديت نخبط ع وجهي ونخبط ع رمله ونبكي خسرت 3 من اصحابي مافيش اوعر منها آيآن اللي ياما تعاركنا ف طفولتنا وياما ضربني وضربته وصارن قصص ماقدرتش نطلعه وندفنه تعبت واجد ونفسيتي تعبت صبيت نمشي بهده لعند خلاص
معش قدرت نتحمل طحت ف نص صحراء ودمعه نزلت من عيني ..