ورود سامة

Part 39

ورود سامة
يحيى ادريس
39 part

صبت القهوة ف فنجال سمعت صوت باب انفتح
ايمن خش يكر ف شناطيه استغرب الحوش مرتب
وريحة معطر وقهوة خش كوجينه شافها تمسح ف الغاز قال شني الكرامه مهناش ولا حتى اماليك طردوك انتي مني يتحملك بس ..
نرجس بلعت ريقها وبرمت حمدلله ع سلامه ..
ايمن : نبي نرقد وانتي شدي صغارك وركب ..
ضحكت نرجس وهي تمسح ف الغاز صغاري جايبتهم من حوش هلي اصلا صغاري ع قولتك ..
..
تشرب ف قهوتها وتسمع ف اختها ..
زهراء : وين توليب القويه اللي اطيح طير من عشه
توليب ابتسمت : كنت
زهراء : مافيش كنتي انتي تقرري حرام عليك نفسك راجلك مات الله يرحمه اشقي بحياتك البسي ومكيجي لنفسك مش لحد اخرى منظرك تباني اكبر ب وين خليك عليا بس ناخذلك حاجات ..
توليب : خلاص خبر هذ نا وين وانتي وين
زهراء : كنك حبيبتي را ثلاثينات هذين المراة فيها تحلى وتزيد جمال وانوثه
توليب : ليش مجربتها ثلاثينيات
زهراء : مش بعيد خلاص بيني ووبينهن 5 سنين
توليب: صدقيني مش عشان علاء انا نفسيا مش متقبله مافيش نيه للبس واني نفتلك روحي
زهراء : لو سيبناها ع النيه الدنيا معش تعمر بكل
توليب : مغير من وين تجيبي فيه كلامك هذ
زهراء : شيرت ع راسها من هن هي توا وقت شوبينج
توليب : فكيني ماعنديش راس لسوق بكل
زهراء : صبت وخذتها من يدها يلا يلا يلا
كان عبد الله يراقب فيهن ..
وطول طلع لحقهن شن دير عبد الله حركات مراهقين هذين بس الله غالب لازم نعرف تحركاتها
وصلن لسوق ونزلن وبحكم توليب لابسه عبايه وشاح ولا مكياج لا شي فكانت الانظار على زهراء
اللي ع قولها طيح طير من عشه بنت ف نص العشرينات وما تبانش انها متزوجة ب ولدها وهذ شكلها ولبسها كل لعيون عليها وعبد الله نار شايطه فيه زي نار شايطه في فريحه تبرم ف مستشفى ..
وهي ترن عليه مايردش عليه لان مش فاضيلها
تنهدت بضيق ولما نادى عليها رئيس الاطباء هي وقت ع العملية زادت اضايقت اكثر ومشت وراه ..
خشت زهراء شن رايك ف هذ ..
توليب : شن نبي ندير فيه نا بطولي عايشه لا راجل
زهراء : توا يجي ساهله هذ
توليب : لا حول الله منك
زهراء : هاكي قيسي هذ على ماشفتلك باقي حاجات
خشت توليب لانها يئست من زهراء ..
زهراء : مصبيه تبحت ف دبش
الشاب : صبا جنبها
زهراء : حولت من جنبه ومشت جهة اخرى
لحقها رقيتلها شافتله ب إزدراء معلش ليش تلحق فيا تقريبا مانيش واكلته دبش نتفرج ..
قلت بالك دوري على حاجه معينه حبيت نساعدك
عندي عيون ونعرف بروحي شن ه الاشكال هذ هنبلغ فيك مديرك والشاب خاف وزهراء وتوليب طلعن سيبن المحل بكل ومشن لمحل اخرى كان كله طاقم نسائي وهنا تريح عبد الله وبدت تاخذ زهراء ومنسجمه هي وتوليب فرحت وخذت دبش حوش ودبش طلوع ع ذوق زهراء ومشن بعدها لمحل مستحضرات تجميل واول ماخشت صاحب محل مانزلش عيونه من عليها
وزهراء تسأل وهو مغير يقول اها في ومبتسم
وبعد خذت كل مستلزمات شعر وجسم والوجه
ومساسيك لملاك الشاب خليهم علينا ي ابله
زهراء : شكرا بارك الله فيك
الشاب ابتسم : والله جديات خليهن علينا
زهراء : شافتله وقالت اوك انت حر
توليب : مش ساهله يابنت انتي
زهراء : شن ندير هم اللي خفيفين
توليب ؛ اكيد عطاك رقم
زهراء : شوفي من يراقب
توليب ؛ حي عبد الله
زهراء : خليه يعرف ان عندي معجبين وبالملايين
توليب : ينخاف منك
زهراء : رقصت حواجبها
...
وردة : وينك ي عبد الرحمن معقوله هك
معلش مضغوط شوي ..
وردة : جيعانه بطني خلاص
عبد الرحمن : نسيت بكل ان مافي شي
وردة : بسرعه خلاص حاسه روحي بنموت
عبد الرحمن : تمام وطلع بسرعه
وهي قالت شن درت ف روحي بس وحطت يديها ع وجهها من تعب ..
..
فجر : مافيش لها اثر ..
رضيه : اسمعو وردة هذ نموت ماتحضر عزاي اطردوها برا
ياسمين : بعيد السو
رضيه : هذ اللي عندي ومشت ركبت لدارها
سحر : تنهدت مسكينه عمتي واجعني حالها
اياد : انتو كيف الفترة هذ كلها ماتقولوليش
هارون : اسمحلنا استاذ اياد نسينا نعزموك ع هروب اختك
سحر : ف الاعادة ان شاء الله
نسرين : تنهدت مفروض مشاكل العيلة مايخشو فيها البرانيه
هارون : شاف لنسرين
سحر : الله يسامحك ي سرونه انا برانيه
نسرين ؛ نستاذن نا مروحه لان الحوش لا يطاق
سحر : بيباي عاوديها
فجر : طلع وسيبهم
هارون : هي نرقو لشقتنا
سحر : هزت راسها وشافت لياسمين يصيرن اي مستجدات بلغيني قصدي طمنيني ..
اياد : تبي حاجه ياياسمين
ياسمين : سلامتك
وطلع اياد ركب سيارته وهو يسوق عقله يفكر ف حوشهم ومشاكل معش كملن ف خواته وحده وحده وهو مش مركز مانتبه الا قريب خبط وحده مسك فرينو
فرح : عمى ماتشوفش عمى انت عمى
اياد : تهيالي دايرنلكم رصيف تمشو عليه
فرح : والله مادخلكش نا حره و يسمعو صوت تبييب
اياد : لحظة انتي انا شايفك قبل
فرح : ركزت عليه انصدمت ومشت بسرعه واصوات تبييب سيارات اياد تحرك بسيارة وفرح اختفيت من طريق معش لقاها لما دور ..
فرح خشت شقه وصبت ورا باب مصدومه هذ هو
سبحان ع دنيا كيف صغيره رمشت بسرعه سمعت
صوت امها فرح هي جاية ومشتلها ف كوجينه
..
نسرين خشت للحوش شافت امنه تعارك مع زكريا
امنه : يمي قوليله ..
زكريا : يضرب فيها كارشوات
امنه : تبكي ياماما
مهاب مقعمز ويقول هذ صح زيدها من لالا ي امنه كيف يضربك هك من شعرها ي زيكو كر ايواااه وتعيط امنه ي ماماااا نسرين فكت وشاحها انعن غمامه انعن غمامه سلحت سباطها تشلط فيهم وشافت لمهاب بتفنيصه بدال ماتأدبهم تزيد فيها
مهاب : مازدت شي نتفرج بس
نسرين : استغفر الله العظيم واتوب اليه
مهاب : قتلك احبي
نسرين ؛ همم
مهاب : عندك فلوس
نسرين : خبطت يديها ف بعضهن شايفني مصرف ليبيا مركزي
مهاب : شايفك احلى وحده ف العالم ملكة الجمال
نسرين : رفعت حاجبها واللهي
مهاب : تعرفي اصحابي يحسبوك اختي
نسرين : صح نا تزوجت صغيرة اصلا
مهاب : عارف عارف قتلك نبي 70
نسرين : 70 عفريت يركبوك ان شاء الله
مهاب : باهي 50
نسرين : في عينك هم 10 مافيش غيرهم
مهاب : خذا منها وقال خير وبركه وهرب منها
نسرين : يديها ف وسطها وقالت نا دافنه شبابي ف ع الحوش ولعيال لازم نهتم برويحتي
...
زهراء : مرحبا ..
انور : اهلين باش مهندسة زهراء ..
زهراء ؛ تفضل شن تشرب
انوار : قهوة ساده
زهراء ؛ الو نسيبه اثنين قهوة ساده ..
انور ؛ انور المصراتي
زهراء بابتسامه: بجوده شن نقدر نساعدك
انور ابتسم وشافلها : ف مشروع مول كبير بنفتحه
زهراء : ابتسمت كويس
انور ؛ نبي منك الخريطه وتصميم ياما ناس مدحو ف شغلك
زهراء ؛ بارك الله فيهم بس حاليا نخدم على مؤسسة تعليمية
انور : الرقم اللي تبيه مافيش مانع
زهراء : رفعت حواجبها عليك اصرار نقدر ننصحك ب زملاء كويسين جدا
انور : من الاخر انا عيني عليك من زمان وسمعت كلام انك اطلقتي
زهراء : كيف !
...
سحر : رفعت خمارها سلام عليكم
ام عباس : وعليكم السلام ورحمة الله وبركاته
سحر : جاية نجدد ال***
ام عباس : الفلوس اولا
سحر : طلعت حزمه فلوس من صدرها تفضلي
ام عباس : خير مش من شهرين جددتي
سحر : ماشاء الله عليك من ضيق لضيق بس نبيهم مش قادرين ياخذو نفسهم بكلل نبي نطرطش ملمهم ونبي نفور من الحوش وامشي بس تعطيل زواج وتعطيل ماديا نبي حاجات اثقل واقوى
ام عباس بس هك سعر يرتفع
سحر : مش مهم الغالي للغاليين وضحكت
ام عباس ضحكت وهزت راسها يمين يسار اشتاتا اشتوت ونار شعلت مع ضحكات سحر الخبيثه
خشت سحر شافت رفعت الخمار وهارون شافلها
هارون : وين كنتي ..
بلعت ريقها ما قتلك عند امي دايرين لها حمله
هارون : هز راسه وهو ساكت
سحر : كنك في حاجه
هارون؛ قايلك الف مره معش تطلعي بدون ماتقوليلي
سحر : اسفه حبيبي مش هتكرر
هارون : من امتى تلبسي في الخمار
سحر : حلو عليا
هارون : هااه
ضحكت سحر نمشي نديرلك غداء تاكل صوابعك وراه
هارون : تريحي انتي كنتي تنظفي عند امك اكيد تعبانه توا نطلب من مطعم
سحر : قرصاته من خده نجكليا ذوق
...
زهراء : معلش تقدر تفضل برا
انور : شنو كلامي غلط
زهراء : انت شن شايفني قدامك سلعه رخيصه
انور : حشاك بس نا ناوي الحلال
زهراء : نا مزلت ع ذمته
انور : يعني لو مش ع ذمته توافقي
زهراء : ابتسمت بتهكم
انور : السكوت علامة رضا
زهراء : لا رضا لا فتح الله توكل ي خوي نا مش بتاعت كلام هذ
انور ؛ فكري كويس وطلع وسيبها
زهراء: شافتله لعند ماطلع وصكر باب انا مش بتاعت الكلام ده انا طول عمري قامده وضحكت ..
..
عبد الله : عقد حواجبه وقت شاف انور طالع من عند زهراء هذ شن يدير هنا ..
عبد الله : انور شن في ومافي
انور : اوو عبيد شن الامور
عبد الله : تمام مافيش برانيه
انور : جينا لباش مهندسة ف شغل
عبد الله : وليش ماجيتني نا
انور : ابتسم نحب عنصر نسائي اكثر
عبد الله : منك وفيهن
انور : احترم نفسك بعدين الحق المدام اسلوبها قمة ف ذوق والرقي مش عارف كيف متزوجة واحد همجي كيفك ..
عبد الله : فنص فيه
انور : فعلا همجي وغشيم ف واحد يطلق الصاروخ اللي جوا ويمشي مع الحبهان يومها ريتك ف مستشفى مقعمز مع وحده ذوقك منحدر رايح
عبد الله هجم عليه وضربه بوني ورا الاخر ..
وانور طايح ع الارض يتلقى ف ضرب ..
والتم مكتب كله يتفرج طلعت زهراء بعد سمعت
الاصوات وشافت المنظر انصدمت ف عبد الله
..
ملاك : واو شقتنا قعدت سمحه بكلل ..
توليب : ابتسمت عجباتك دارك ..
ملاك : بكل بكل توا نقدر نكلم صحباتي يجن
توليب : طبعا حبيبتي
ملاك : حضنت امها نحبك واجد
توليب : وانا نحبك اوجد من الواجد
..
ياسمين دير ف الغداء ..
رن تليفونها ردت الو ..
وردة : ياسمين نا وردة
ياسمين:انتي واللهي ماتحشمي ب اي عين تتصلي بي
وردة : بنقولك اني تزوجت قوليها ل هلي والله ماخليته يقرب عليا لين تزوجني رسمي ..
ياسمين : كملتي كلامك
وردة : ياسمين ماتقسيش علي حتى انتي
ياسمين : صكرت تليفونها وقعمزت تبكي
خشت سحر ينعلي ياسمين كنك تبكي ..
ياسمين : شافتلها شي تعبانه شوي
سحر : خلاص نا نكمل عنك الغداء
ياسمين : لا نديره نا
سحر : والله ماصارت امشي تمددي وجهك اصفر وتعبان
ياسمين : بارك الله فيك
سحر : وفيك ابتسمت لعند ماطلعت ياسمين وطلعت من جيبها شكاره وحطت منه ف المرق
وبدت تخلط فيه مع اللحم رن تليفونها انت نور الله فجرا جئت بعد العسر يسرا ربنا اعلاك قدرا ردت الو
ايوا امي لا جاية بعد العصر ان شاء الله تمام تبي حاجه اخرى اوكي اوكي وصكرت تليفونها وغطت طنجرة وطلعت شافت الحوش ساكت وفاضي طلعت شيشة بدت تكب فيها ف زوايا الحوش وتحت الفرش خش اياد شافها وقال شن ديري
انتفضت سحر لما شافاته اياد بعصبية شن كنتي
ديري توا
سحر : شي شي ماكنت ندير في شي
اياد : تسحري هذ ما ناقص
سحر : لا مانسمحلكش احترم نفسك
طلعن ياسمين ورضيه عليهم خير شن في ..
اياد : شوفي مرات ولدك لقيتها تسحر ..
رضيه ؛ شافت لسحر بصدمه
ياسمين : لا لا مستحيل
اياد : شفتها بعيوني
سحر : حرام عليك الظلم ظلمات يا ويلك
رضيه : شن شفت
اياد ؛ شفتها ترش هنا
سحر ؛ وصلت لرش هي حسبي الله ونعم الوكيل ونا جاية ناويه الخبر ندير غداء ونظف الحوش حرام عليك
اياد : بلا كذب شفتك ديري ف حاجات وتمتمي
سحر : نزلو دموعها وقالت حسبي الله ونعم الوكيل
هارون : شن في كنكم
اياد : مراتك لقيتها ترش ودير ف حاجات غريبه
سحر ؛ بدت تخبط ع وجهها تتتهمو فيا ينعلي وصلت لهنا خلاص معش لقيتو ماديرو لالا نا معش قاعده
ف الحوش ودموعها ينهمرو منها
اياد جاب القرآن احلفي ..
سحر شافت للقرآن بصدمه وهارون يشوفلها
سحر حطت يدها ع قرآن وقالت والله ظلمتني
هارون : هذي اخرتها جاية تساعدكم وانتو ديرو هك
سحر : واللهي ماني مسامحتك ي اياد خصيمتك يوم القيامة
رضيه : لا تربحي يابنتي طايش هو يمكن فاهم غلط
اياد : شفتها بعيوني نقوللكم
هارون : مش حلفت قدامك
سحر : دموعها ينزلو تحسب القرآن لعبة نخاف ربي مش لدرجة ربي اهم من اي حد ومشت طلعت تبكي
هارون : وقت يزعل مرتي يشوف الوجه ثاني فاهمين
اياد : امشي الحقها اجري وراها يا وذن
رضيه : عليش ي وليدي حرام عليك ظلمتها
اياد : ماظلمتش حد تبو تصدقو باهي ماتبو ع كيفكم
ياسمين : لا حول ولا قوة الا بالله نمشي نشوفها
رضيه : خليها توا زعلانه وحامقه لين تهدا
ياسمين : باه ومشت لكوجينه
...
سحر وهي تشهق شفت شفت هلك خيرا تعمل شرا تلقى
هارون : توا مش قتلك تريحي ونطلب من مطعم لانك تعبانه عليش تنزلي تساعدي عندهم
سحر وهي تلكلك وتشهق شفت ياسمين ياسمين تعبانه وجعتني قلت ندير عنها ونساعدها نكلم امي نقوللها مش جايه بعدين
هارون : مش كنتي عندها صبح
سحر : بعدين ف العشيه ف لمه بس ماعنديش نيه
هارون : امشي غيري جوك حبيبتي باس يديها
سحر : وجعتني وجعتني وبدت تبكي
هارون : خذاها ف حضنه انا نوريهم كلاب هذول
...
نسرين : اياد مايكذبش ياياسمين
ياسمين : مش عارفه بس حلفت هي
نسرين : زعمتها تفرق معاها هذ تحلف من هنا لسنة جاية
ياسمين : ربي يصلح الحال نحنا من مصيبه لثانية
نسرين : هذ وجه شر من يوم ريناها ونحنا لاوره
ياسمين ؛ والله وجعتني حرام طلعت تبكي وهي جاية تساعد في
نسرين : وجعاتك صكري ياسمين متخلينيش نقول كلمة كبيرة
ياسمين : شافت لتليفون صكرت ف وجهي اوف
نسرين : قال وجعتني قال
امنه : من وجعاتك امي
نسرين : محد خليك ف قرايتك انتي
..
نرجس : باهي ي دكتورة في له علاج
مع الاسف مافيش علاج ..
نرجس : يعني عمري مانبرا منه
الدكتورة ادوية تمشي عليهن يسيطرن على اعراض المرض بس حتى العلم الحديث وطبي مافيش علاج لمرض الذئبه
نرجس : دمعو عيونها بس نا صغيرة وعيالي صغار
الدكتورة شافتلها بحزن : المرض مايعرفش عمر معين
نرجس : يعني وقت نمرض نمرض مرض مافيش له علاج يعني قاعده نموت بالبطيئ ..
الدكتورة نسبة انه يعيش مريض الذئبة ف الحياة اكثر من 80‎%‎ يعيشو اكثر من عام الواحد مايضمن عمره
نرجس : ونعيش بس مش كيف ناس انا بحثت عن مرض هذ يقولك لا نقدر نصيم وممكن يسبب فشل كلوي
الدكتورة تنهدت بحزن انتي مرض بدا يتفاعل ف جسمك
نرجس: نزلو شفايفها وبدن يرجفن يعني مش مطوله
ف حياتي دموعها نزلو حياتي دمرت من نا وصغيرة
مافرحتش تيتمت بدري بوي اكثر شخص نحبه وبعدها شخص حبيته ما كان من نصيبي تزوجت تقليدي وياريته زواج ينفع حياة سيئة وعيالي ينقو
انا تعبت ف قرايتي وما خدمتش حتى امي رغم انها هزبتني ومتحبش عيالي ولزتني ماكرهاتهش واختي خذت راجل اللي نحبه ماكرهتهاش بس معش نبيها حذاي مش متقبلتها ليش هك حياتي بس مش كيف ناس انا صغيرة واجد ع اللي يصير فيا واجد واجد ويديها ع وجهها
..
ف المستشفى ..
زهراء : انا آسفه حقك عليا نا امسحها ف وجهي
انور : عشانك بس مش هنبلغ فيه
عبد الله فنص فيها ..
زهراء : بارك الله فيك ..
عبد الله : ليش اتعاطي معاه شكرا بارك الله فيك
زهراء : شن تصرفات العويل اللي دير فيهن هذين
عبد الله : حاجتي منحبش حد يقرب منها
زهراء : قبل كنت معزوق ف الحبس ي فالح
عبد الله : مش مهم زهراء سامحيني انا اسف
زهراء : تأسف من توا لسنة جاية
عبد الله : كنك راسك مصكر هاه
زهراء : راسي مصكر مالا من طلعني من حوش
عبد الله ؛ انا نادم انا اسف اللي تبيها حاضر
زهراء ؛. شقلبت عيونها نبي الطلاق
عبد الله : حلم ابليس ف الجنه الطلاق طلاق مش مطلق ي زهراء ..
زهراء : انت اللي تبي مش نا وقت طلعتني من حوشك معناها معش تبيني ولا ممكن نقبل ع نفسي اهانه زي هذ
عبد الله : زهراء اسمعيني بس معقوله مش متذكرة حاجه وحده تغفرلي يعني محيته الماضي ب استيك وتذكرتي اخر شي انتي عصبتيني عشان هك تنرفزت وكنت بنعاقبك ب أي طريقه صدقيني مش قادر نتحمل بدونك
زهراء : درتها بيديك حلها بسنونك
عبد الله : باهي فرصة بس
زهراء : لا
عبد الله : شوفي نعزمك ع العشاء ف مطعم & مش عاجبك وديما خاطرك تتعشي فيه
زهراء : نفكر
عبد الله : ساعة 8 نرجى فيك
زهراء مشت وسيباته ..
عبد الله ابتسم اوففف تعبتني بس ان شاء الله ف نتيجة
..
سحر : مرحبا
ياسمين : جيت نحكي معاك شوي
سحر : تفضلي
ياسمين : قعمزت ع صالون
سحر : قعمزت حذاها
ياسمين : انا جاية نعتذرلك عن اللي قاله اياد
سحر : كل ايد تمسح ع وجها
ياسمين : اياد صغير مايعرفش
سحر : لا مش صغير اياد اكبر مني وعارف شن يدير
ياسمين : هو طايش
سحر : هذ اخرتها ياياسمين انا نسحر شن ريتو مني عشان طلعوني هك نيتي نظيفة وجاية نساعد حتى ف لمة عند هلي مامشيت والله وجعتني وسط كبدي اخر الوقت ام عيالكم سحاره حطت يدها على عيونها وبدت تبكي شافتلها ياسمين بحزن وقربت عليها طبطب على كتفها سحر مسحت دموعها بس
هذ عيبي طيبه قلبي ديما مودرتني ..
ياسمين : ماتزعليش والله معزتك واللي ديري فيه كله بأجره وتلقيه بعدين ..
سحر : ياسمين انتي ماتشبهيلهمش ه الوحوش
...
ف الليل
امنه : تغني وتصفق عقبال اشروفه ياعين يجوز ويدير حوشين
نسرين ؛ فنصت فيها
امنه : مزالت تغني مزال نفرح ب اشرف بس ونتريح
نسرين : كني ومش عاجبتك نا ياعمتي
امنه : ف شن تعجبيني من يومك مش خاشتلي دماغ وليه جالطه صايعه انتي وخواتك عيلة وخالها ميلاد
نفيسه : ضحكت وضحكة جت ف عيون نسرين
امنه : اشرف الدكتور ناخذله بنت ناس محترمه
نسرين : بنت ناس محترمه تاخذ منكم انتو يابياعين الحشيش
نفيسه خبطت يديها ع خدودها ..
امنه : امشي ***** يا من يومك جالطه لا فيك خير ولا فيك ثمره عطك الموت والايام سود عطك دود وحوشك مهدود يا**** يابتاعات رجاله يالبايرات يالعافنات
نسرين : بدت تبكي ومشت لدار تلبس ف عبايتها طلعت تليفونها ايوا مهاب بسرعه تاخذني ..
مهاب : باهي
اشرف : شن في
مهاب :. هذ امي كلمتني تبكي
اشرف ؛ جا بيخش
وكانت نسرين طالعه من دار ب عبايه وشاح
امنه : يالصايعه يالضايعه عطك الجفا وقلة العفا ي الفتانه ي نشواله يا صايعه يابتاعت عطك لهدود وليالي سود واللهي تشوفي اشرف مجوزته عليك ونقهرك يالبايره
نسرين : طلعت
امنه : اطلعي طلعه بلا راده
شافت اشرف
اشرف : من قاللكم بنجوز اخرى نسرين مراتي وبس نبيها حياتي حر فيها
امنه انصدمت وسكتت
نسرين : شافت رهف تلعب ف شارع عيطت بصوت عالي رهف
رهف : ها
نسرين : امشي اركبي سيارة
رهف : لا بنقعد مع حني
نسرين : بنمشو لخالتك ياسمين دايره عيد ميلاد
رهف : صح
نسرين : امم
ومشت ركبت وتحركت سيارة اشرف وامنه مش جايبه علم انهم خذو رهف