ورود سامة

Part26

ورود سامة /يحيى ادريس
‏26 part

جا اليوم ثاني من صبح
نرجس وياسمين واعيات من صبح يوتو شوي شوي
ويرجو ف خواتهم ..
الساعة 10..
ياسمين : يمي خالي مفتاح برا ..
رضيه ابتسمت وطلعت لخوها اللي من نادر يجي ..
رضيه : والله مزالو متعودين ع جو رمضان يرقدو
مفتاح : كنت عند صباح عشان هكي جيت ..
رضيه : مسكينه مزالت صغيرة ياما بتعاني ..
مفتاح : نادم اني عطيتها بعيد هذ خيتنا لصغيرة
رضيه :الله غالب نصيبها بعدين وين تعرفو انه من ورا سياسه يموت
وتوصل سيارة تسرين وينزل مهاب يجري ..
مفتاح : اووو ماشاء الله هذ ولد من ..
رضيه بضحكه : نسرين
وبدا مهاب يعيد ومعاه بلال ومفتاح ورضيه مدولهم عيديتهم خشت نسرين ومعاها اشرف وسلمت ع امها وخالها ..
..
خشت توليب عيدت ع امها وخواتها ..
توليب : وين رهف ..
نسرين بضحكه : بعتها هاتي السمحه حبيبة خويله
مدتها لها وقعمزت حذا ياسمين اللي ترجى ف زهراء
توليب : عيالك ماسلموش علي ومهاب طلق ف علاء حيط
نسرين :نهاره احرف ع راسه الفرخ هذ ملاك تضحك
نسرين : عادي تعطيها لي ي توليب تجننن تجنن
ياسمين : الله يبارك ملاك عسوله
نرجس : صح مش طالعه ل امها
توليب : 😒
نسرين : باستها بقوة خذيتها را ..
توليب : خوذي حتى بوها ..
نسرين : لا ساد اللي عندي وضحكت
رضيه : بخري بنتك ي توليب واقري عليها آيآت
ياسمين : العين حق
نسرين : قلت ماشاء الله مش حسوده نا
بلال : كان واقف ويشوف لملاك ف حضن امه..
مافطنش الا انضرب زنقيره ع رقبته من الخلف
فجر : كل سنة وانت طيب
بلال : ضحك وعيد عليه
فجر شافله وين يشوف وقاله تعال برا فجر يغني
يخربيت الحب شو بيعمل 😂
بلال : يضحك ويهز ف راسه
وصلت سيارة عبد الله ..
نزلت زهراء ب ولدها وعبد الله نزل شنطة عبد الله وشنطة زهراء وخشو كانو الشباب ولصغار وخالهم
ف الحاجر ومعاهم اشرف وعلاء زهراء سلمت ع خالها وخوتها وع رجاله خواتها من بعيد ومهاب
يشيل معاها ف شناطي وعبد الله سلم وقعمز ..
مفتاح : طلع 50 هذ عيدية لولدك
عبد الله : ماتصير بكل
مفتاح : على سلامة زهراء وعلى ه السنفور
عبد الله : بارك الله فيك
علاء : ماشاء الله ولدك هذ تقول كولومبي
اشرف : فطنله يشبه الاسبانيين
عبد الله : ابتسم يفك منكم بناتكم
اشرف ضحك فكنا من ابصاره هذ ايوا
علاء مش حاسب شي وكله بصاره : ماعندك مشكلة شيخ وشهود وخذوها توا
ضحك عبد الله ومعاه هارون ..
ياسمين ، وين آيآن ..
زهراءببصاره : سيبته عند عمتي
نسرين : حتى انتي كيفي بعتي ولدك
زهراء : كيف ؟
نسرين : رهف عطيتها لعمتي
ياسمين:تحكي من جدك آيآن سيبتيه ونا نراجي فيك
وخش اياد ب آيآن  ..
ياسمين : ناضتله تبوس فيه نجك لي ي وليدي عسل
نسرين  : شافت لتوليب ..
توليب : سكتت وقالت ل امها شن يديرو غداء
ياسمين : تنطر ف آيآن غير اكبر بس غير اكبر بس نديرولك عده وفرس غير اكبر بس حبيبي وليدي امي انت امي ..
وهذي لوردة خذتها وردة وهذي نرجس ولياسمين وزعت على كبار كلهم حتى امها وخوتها بعدين بدت
ف لصغار بلال ومهاب خذو وهم يشوفولها بلال شكرا انما مهاب مشاعره زي امه م عبرش بفرحته
ومدت لنسرين هذ لرهف
نسرين : بارك الله فيك ليش تعبتي روحك
زهراء : اسكتي ومدت لملاك
ملاك طبست وباست زهراء بقوة
كلهم عيطو نجك ليا
ملاك : باست زهراء من خدها ..
زهراء : السمحه هذ ناخذها لولدي ي توليب ..
توليب : ضحكت تفاهمي مع نسرين ..
فجر : لا ملاك لبلال ..
نسرين : بضحكه كان ربي ماعطاها كان خذت بلال ..
هارون : تحشمن عيال صغار كنكم انتو ...
فاتت ساعات بهدوء واجواء العيد ومهاب وبلال
يلعبو ف الحاجر وملاك وآيآن يلعبو جوا دارو الغداء
طيباته نسرين بعدها غسلن توليب وردة العوايز
وياسمين حطت شاهي ع نار وطلعت ل آيآن
وردة : شفته مره ف البحر ومن يومها كل مره يطلعلي من مكان ..
توليب : نصيحتي ديري علاقه لكن حاجه رسمي مزال مزلتي صغيره ساد زهراء صح زهراء خذاته
فلوس وماشاء الله عليه بس حرام مش عايشه
مراهقتها ام وهك نصيحتي لك تزوجي بعد ال 25
وردة : قتلك مزال هو يعني عاجبني
توليب : مش كل حاجه شكل اهم حاجه لفلوس
وردة : صدقتي طبعا
توليب : وغير لفلوس يبقى راجل عنده كلمه يحط حد لهله مش فم
..
سحر : عطيه تذكر اللي قتلك عليه اللي ضربته
عطيه : جا شورك اخرى
سحر : اها وقال عليك اللي مش راجل
عطيه : نا مش راجل
سحر : وقالي كلام مش كويس
عطيه : شرب من العصير ويهز ف راسه بوعيد باهي
..
وتمر ايام العيد وتروح زهراء وياسمين ودعتهم بالدموع ياما حايلت ع انه آيآن يقعد عندها بس
رضيه رفضت ديما تقول وين العيل وين امه ..
زهراء شيرتلهم بعد ركبت ف سيارة وتحركت سيارة والله اعلم امتى العودة ..
..
ساعة 2:30 ليلا
كان فجر مروح بالبشكليطة طالع من احدى شوارع ضيقه ويلقى قدامه شلة شباب وقف وشافلهم ..
كانو ملثمين ومعاهم عصوات ف يديهم فجر وخر
وكان بيهرب من جهة ثانية يلقى 5 معرضينله يبلع
ريقه ..
عطيه : انا مش راجل انا ي كلب الزينه
فجر : من انت ماقلت شي نا
ويلتمو عليه يخبطو راسه ف ساس هو يدف عطيه
وضربه بوني بقوة واحد فيهم ياخذ بشكليطة ويخبط بيها فجر على ضهره وراسه فجر عيط بألم اخ برم شافلها ويخبطوه ع وجه بشكليطه من قوة الم طارت سنه وطاح ع الارض ويبدو يركلو فيه كارشوات من جميع اتجاهات ويعفسو ع وجهه
سمعو شايب كبير طالع تريح يافرخ انت وياه ويهربو
فجر طايح ع الارض فتح عيونه وغمضهم
..
عطيه : دز رساله لسحر تطمني يابنت العم خذيت حقك
سحر:ضحكت بخبث انا نوريك على من تلعب يافجر
سمر : كنك مزلتي واعيه
سحر : بنرقد توا
..
نرجس : مرقدتش
ياسمين : كسد الحوش بعد عدو لصغار
نرجس : بكلل كساد
ياسمين : آيآن رايفت عليه مايرقد غير عندي
نرجس : ان شاء الله تزوجي ويبقى عندك عيلك ملك لك بس
ياسمين : يارب
شوي انفتح الباب خش فجر يتمايل
ياسمين : شنو هذ
فجر مش معرف كله يتقاطر دم ودايخ
ياسمين خبطت ع وجهها كنك من دار فيك هك
نرجس تشوف ومنصدمه ..
فجر : اااااه ي كتوفي ..
ياسمين : من من تكلم
فجر : طاح على وجهه
ياسمين قدمت وقعمزت جنبه تخبط ع وجهه
ونرجس قعمزت تشوفله ودموعها ينزلو
ياسمين : فجر ينعليا وبدت تعييط ووووه ياربيييييي
انفجعت رضيه من نومها وحطت يدها ع صدرها
ينعلي ياسيدي عبد السلام طلعت وردة تجري من فوق لما سمعت عياط اختها وهارون واياد طلعو من مربوعه يجارو وكانت ياسمين منهاره بكاء على خوها