ورود سامة

Part 16

ورود سامة / يحيى ادريس
16 part

في جامعة مجرد ماخشت كل الانظار عليها كانت في غاية الجمال
البياض والمكياج واللبس كانت نرجس ملفته رغم بساطه ملامحها
لكن لها طلة وحضور تخلي كل من يشوفها تزهى ف عينه شافها
شاب داير شعره ع جنب كان من دفعتها ولابس بدله كان عادي ف
شكله بس معجب بيها مش بشكلها انما بجوهرها ابتسم اول ماخشت
وعيونه يتبعن فيها وهي شافت صحباتها قالت هاي بنات ..
وين ي نرجس طولتي ه المره ..
تأخر عليا صاحب الحافلة البارد ..
شنو ي نرجس وين سماحه هذي كلها والحركات شباب عيونهم هن من اما جيتي ابتسمت نرجس اقل حاجه عندي هي نخشو محاضره
وتحركن بنات وقعدن نرجس واماني يمشن بشويه وتحكي بهمس
اماني .. اختك شن صار فيها وعت
نرجس .. اها ولا امي تبيني نمسك ولدها هذ ماناقص
اماني .. هذ حقك ربك خذاه
نرجس .. مزال نار اللي ف قلبي ما طفيت
اماني .. شوفي شوفي عبد الحفيظ يشوفلك
عبد الحفيظ نفسه اللي يحب نرجس ولابس بدله ابتسم وين شافتله
نرجس .. شقلبت عيونها ومشت من قدامه ..
اماني .. شريرة انتي
نرجس .. انا نرجس نقرا ف طب وبجمالي هذ ناخذ عبد الحليم حافظ
ضحكت اماني وقالت حقيرة اما انتي ونرجس هزت راسها يمين ويسار وخشت محاضرتها ..
...
رضيه .. الحمدلله ع سلامتك
زهراء .. امي
رضيه .. طبست حضنتها بقوة
زهراء .. سامحتيني
رضيه تبوس فيها مافيش زعل بين الام وبنتها ..
ياسمين .. الحمدلله ع سلامتك كنتي تجربي في غلاك ..
زهراء .. الله يسلمك شافت لهارون شنو مافيش حمدلله ع سلامه
هارون .. ف كف تبي
زهراء .. ضحكت وين الباقي
ياسمين .. مع اوليدك
زهراء .. من يشبه سميتوه ولالا
رضيه .. نرجو فيك عبد الله قال لما توعى هي اللي تسميه
زهراء .. بنشوفه
ياسمين .. هنجيبه بكرة ..
زهراء .. حضنت امها بقوة
ورضيه قلبها موجوع على بنتها ..
زهراء .. مش عارفه ليش مش حاسه بنصي اللي تحت
ياسمين .. دمعو عيونها
زهراء .. من بدري بنمشي للحمام ومش قادره
عبد الله  .. لك فترة راقده عشان هك جسمك مش متعود
زهراء .. كلم دكتورة خليها تشوفلي حل
رضيه .. تريحي ي بنيتي ناخذوك نحنا
زهراء .. منحبش حد يخش معاي لحمام يمي
ياسمين .. نمشي نشوف دكتورة وطلعت قعمزت ع كرسي برا
هارون .. عليش قلتي تشوفي دكتورة
ياسمين .. تبكي ويديها على عيونها
هارون .. مصيرها هتعرف مش اليوم بكرة
...
نسرين .. الحمدلله ياربي طمنا عنها انتي امتى قالولك ..
توليب .. يوم 16 ..
نسرين .. على خير وسلامه ..
وردة .. نسرين بنتك تبكي ..
نسرين .. يييه اكيد تبي تغييروطلعت ..
وردة .. كنك مضايقه فيكي حاجه ..
توليب .. ابتسمت من الوحم بس انتي شخبار قرايتك ..
وردة .. متذكرينيش بالهم الاحرف اعع
توليب .. نا ندمت اني ما كملتش قرايتي اقري وخشي جامعة
وردة .. ي بوي وووه نقعد زي نرجس مطيحه سعدها ف لقراية
توليب .. فيها فايده بتقعد دكتورة بعدها
وردة .. دكتورة نرجس ماعرفت اداوي روحها ب اداوي المرضى
خشت نسرين لكوجينه وكملت تحط ف لبهارات وردة غسلتي يديك
نسرين .. شن رايك منيش معفنه لهدرجة عاد ..
ضحكت وردة اصلا جيتي طول من تغيير بنتك ..
توليب .. خلاص ي وردة ..
وردة .. قاعدات حساسات را وطلعت وسيبتهن
نسرين .. بدت تحط ف حفاظات بتخبيط حتى نا شدخلني يتغدو ولا عنهم والله ما تغدو ايش محصله منهم ياما قعدت بلا غداء ولا حد فيهم دورني تمسح ف دموعها توليب قالت خلاص ي نسرين هاتي نكمل عنك ونسرين ماردتش عليها تشتغل وهي ساكته ..
وردة .. قعمزت وبدت تقلب ف القنوات ..
..
شافها طالعه من المحاضره وتضحك من كل قلبها
بدا يكتب صحيح جميلة ووجهك قمر بوخمسطاش
ليلة ربايت اجواد ومن اجواد اصيله واخرا بنت بيت منسبين
وهو يكتب مبتسم شافها خشت كافيتيريا طلبت هي وصحباتها
همبورجر قعمزت ع طاوله وصاحبتها تشرحلها عن مواصفات
خوها طول ف عرض ومهندس وعنده شقه جنبنا ..
نرجس .. ماشاء الله ..
حنين .. نحكيلك جد واللهي ماتلقي كيفه ي نرجس ..
نرجس .. مسكت سندوتش وبدت تاكل
حنين .. نحكي معاك
نرجس وفمها مليان امم نسمع فيك وتهز ف راسها
حنين .. شن قلتي
نرجس .. يصير خير
حنين .. يجي يشوفك
نرجس ..قلبت عيونها بتفكير
...
نسرين .. شنو خذيتو ..
مهاب .. ابلة العربي غايبه  ورياضيات غايبه ودين مريضه
توليب .. ضحكت قالت عليك كذاب ..
وردة .. خطر علي من كذب بتاعي ..
نسرين .. فنصت فيه افتح شنطتك
مهاب .. ماخذينا شي يمي بنطلع نلعب
نسرين .. افتح شنطتك
بلال .. يمي جبت ف العلوم 10 ع ال 10
نسرين .. براوا وليدي الشاطر
مهاب .. فتح شنطة وحط راسه جوا معش
نسرين .. طبست بدت تزحف حولت راسه وجهه حمر
وردة .. بدأت اشعر بالقلق
نسرين .. وتلقى كراس تطبيق كل ماتفتح صفحة تنصدم
مهاب .. بدا يوخر
ونسرين ترفع ف حاجبها وتفنص ب عيونها وشافتله
مهاب ناض يجري ونسرين والله نعطبها ع خشمك ي فاشل ..
وردة وتوليب يضاحكن غير شن في كنك ومهاب طلع يجري لشارع
نسرين حطت كراس ف شنطته بعصبيه وفنصت ف خواتها مافي شي يضحك ريت ه العباقره اللي يسهوكن وحده افشل من ثانية
وردة . هذ كنها
توليب . فوتيها مادوريش
بلال .. شن رايك يمي
نسرين .. انت بس ولدي باساته وحضناته زين
نرجس .. اهلا
نسرين .. تمسح ف دموعها خير
نرجس .. وين امي
توليب .. ف المستشفى
نرجس .. شنو الغداء
نسرين .. مكرونة
نرجس .. يييه لا خلاص نا كليت ف جامعة تعبانه بنرقد وركبت
نسرين .. تعايب عليها كليت ف جامعة ودارت حركات بفمها ويديها
ضحكن توليب وردة ع حركات نسرين ..
..
كانت غادة تلمع ف الاثاث متبيش تعزمي خالتي يمي ..
صفاء .. عليش نعزمها كلمة صبايا هي مش حاجه رسميه ..
غادة ،. بس خالتي رضيه بذات تكلم فينا ع كل كبيرة وصغيرة
صفاء .. تعرفي تسكتي هي حره نا منقدرش نعزمها لين يصير من موضوع مانبيش ناس تشهق على اختك  ..
غادة .. عيب واللهي توا تزعل منك ..
صفاء .. يومين وترضى مادخلكش بيني وبين اختي
غادة .. تبي كل ناس تقاطعنا وخشت وسيبتها ..
طلعت امل دايره قناع على وجها كنكن شن في ..
صفاء .. عشان ماكلمتش رضيه متعرفش ان اول حاجه مرات مايصيرش من موضوع يقولك اقضو حوائجكم بالكتمان العين حق
خلي يتم موضوع على خير ونعزموها بعدين اذا كان انتن مش حسبتكن ف موالح والحلو اللي بنقدمه لو جت رضيه هنكلم بناتها
لان حتى انتن تحضرن عندها وكلهم بياكلو على من بنبد نا ..
امل .. صح يمي متحرقيش دمك خلاص غادة هك ديما ..
صفاء .. نا بروحي نفكر ف زعلها رضيه بس الله غالب
امل .. معلش معلش
...
خشت ياسمين مع هارون الحوش شافوهن مقعمزات ..
نسرين وتوليب وردة ونرجس يتفرجن ع يوميات ستار اكاديمي ..
ونرجس دايره صفره كاكو وخبزة تسخن فيها ع دفاية ..
ياسمين .. ولد اختها راقد قربت باساته ي عمري انت
توليب .. شن صار ف زهراء ..
ياسمين .. شافت بحزن وتنهدت ..
نسرين .. كنك ياياسمين طمنينا عليها
ياسمين .. مش عارفه شن نقول محروق قلبي عليها
نرجس .. دايره روحها مش مهتمه وهي تقلب ف الخبزة وتسمع
ياسمين .. زهراء انشلت واصوات شهقات خواتها ..
توليب .. ينعلي ي زهراء ينعلي ياخيتي ينعلي يا صغيره
ونسرين تبكي بصوت عالي مهاب كان ف مربوعه يحسب امه
تبكي زعلانه منه خش يجري اسف امي توا نقرا ومعش نسقط
ونجيب درجة كويسه آسف ونسرين حاضنه ولدها وتبكي ..
هارون .. شن البكاء هذ تفاولو عليها مزالت حيه را
توليب .. بنمشي معاك ياياسمين
هارون .. ممنوع زيارة توا وخلاص سكتن
وردة .. مشت تجري لدارها
ياسمين شافت لنرجس ..
..
سحر تشرب ف سحلب ومقعمزه نفس قعده مع امها وخواتها
عبله .. نهارها منيل انا اشوف ابوكي يشوفله صرفة مع ابلتك
سحر .. ايوا خليه يشوف صرفه يمي قهرتني ادافع ع خوها واختها ونا قالتلي ناس تحكي عليك اما اختها تهزت ع سيارتنا وتبيني نسكت
عبله .. قوليلها بالحلال ب عرق الجبين اكيد بتنجح اخواتها
سحر .. حسني منقهره تفلسف علي تعلم في الادب والاخلاق
سمر .. هذ قلتلي راجلها توفى سنة فاتت
عبله .. من نيتها الهي مايعشلهاش راجل ابدا
سحر .. حطت كبايه سحلب ف صفره ورفعت يديها امين
عبله .. انا اعرف شغلي مع الاشكال دي كويس عالم زباله
سمر .. امي البطلة تعيش امي
عبلة .. انما ايه حد يغلط ف عيالي واسكت ابدا انتو ضنايا
سحر .. ربي مايحرمنا منك ي عبله ي عسل وباستها
عبله .. ولا يحرمني منكم يارب
..
زهراء .. جت بتعدل قعدتها كانت رضيه راقده  ع كرسي ومتكيه على يدها
زهراء .. كني منحسش ب كرعي نا تبي تحرك بس حتى وسطها
ماقدرتش تحركه يديها بس اللي يتحركن بسم الله ياربي وغمضت عيونها حاولت دير اي لقطة بس طاحت من ع سرير وبدت تعيط
انفجعت رضيه وناضت من نومها شافت سرير فاضي انخلعت
وشافتها طايحه وتبكي ورضيه قالت بسم الله ينعلي يابنيتي
زهراء .. اااه
رضيه .. دكتورة ي ممرضه ي هييه
عبد الله .. كان واقف برا خش معاهم
ويحطوها ع سرير وعبد الله خايف من ردة فعل زهراء ..
عليش ي زهراء تحركي بس وتخلعي ف امك مسكينه ..
ممرضه تعلق ف تغذية ..
زهراء .. مش حاسه ب جسمي كرعي وسطي مش قادرة
دكتورة .. انتي مؤمنه صح
زهراء .. تشوفلها
دكتورة .. وربي اذا حب عبد ابتلاه ويشوف صبره انتي صار معاك شلل نصفي ..
زهراء .. كذابه تكذبي عبدالله تكذب صح لا لا تكذب
عبد الله .. وعد نعالجك ونشيلك لاحسن مستشفيات
زهراء .. شافت ل امها امي ساعديني يمي ساعديني يمي ديريلي حاجه يكذبو علي كلهم انتي ماتكذبيش يمي ارجوكي لالاا انا مش
هتبقى مشلوله لاااااااه لاااه بدو الممرضات يمسكوها يعطوها ابره
وهي تعيط لا ياربيييي لاااا اااااااااااه
...