ورود سامة

Part43

ورود سامه
يحيى ادريس 43 part.   

كانت طالعه من المستشفى تبي تمشي لجامعة شافاته واقف بعيد يشوفلها وماسك باقة ورد
عقدت حواجبها وعدلت شاربتها ومشت ف اتجاهه
فجر : حمدلله ع سلامته ..
اميرة : شن جاي ادير هنا مش ساد اللي درته
فجر : شافلها
اميرة : حل عنا ياه خلينا ف حالنا من لما خشيت شقلبت حياتنا بوي قبل عدا فيها من وراك ..
فجر : اميرة نحبك ورايدك بالحلال ..
اميرة : بوي اغلى منك مش مستعده نخسر حد من هلي عشانك ..
فجر : انا مستعد نبيع دنيا كلها عشانك كوني معاي .
اميرة : نا مش كيفك هلي ف المرتبة الاولى ..
فجر : يعني
اميرة ؛ شوفلك وحده تناسبك اجتماعيا اخلاقيا ماديا
فجر : ضغط بيده ع باقة الورد
اميرة : ياريت معش نبي نشوف وجهك اخرى
فجر : تمام يمشي بشي اشبه من العجز طاحت منه باقة الورد واميرة تشوفله بملامح تبان بارده بس قلبها يوجع فيها ركب سيارته ودعس ع باقة الورد
اندثر الورد زي مااندثر قلبه ..
...
نرجس انا هنرد للعمل ك مساعدة دكتور
ايمن ابتسم بسخريه : هبلتي صح خليني نشبحك سخونه انتي اشبحي انتي مريضه وقريب من ال 30
نرجس : شافتله وكان 30 اساسا طب يتخرجو ع 25 و 26 نا مزلت 28 سنة صغيرة ع فكرة وسنين وقفت فيهن عشان انت طلبت مني نقعد ف الحوش نخدمك ونخدم هلك لكن انا دكتورة شاطره وناجحه
كانت تحكي بدهشه وصوتها ينقطع مره مره من كوبية الالم وجرح اللي سببهم لها بكلماته سامه ..
ايمن : بري ديري عشاء جيعان اني
نرجس ؛ شافتله ومشت سيباته غيرت دبشها
ايمن : فتح باب دار عليها كانت قاعده ع تليفون شني قلت اني هي ديري عشاء بسرعه جيعان
نرجس : ماعندكش يدين
ايمن : هيا بلا صداع نوضي جيعان
نرجس : سم يركبك
ايمن : شني قلتي
نرجس ، شن تبي العشاء ي زوجي العزيز
ايمن : بكبوكي والع حار وجنبه سلاطه خيار طماطم خس
نرجس ف سرها نار جهنم تولع فيك امين يارب ..
خشت كوجينه طلعت طنجرة بدت دير عشاها وتقرض الخضرة وطلع لحم بعدين قعمزت ع طاوله
حطت خظرتها والقراضه تقرض في خيار بعدين مسكت طماطمه شافتلها وقعدت تفكر ليش كل هذا يصير في والله ماتستاهل اي شي صار فيا دموعها نزلو مسحتهم وحطت طماطم تقطع فيه
...
ياسمين كانت تطلع مره مع امل ومره مع نسرين ومره مع سحر تاخذ بتاتها وحاجاتها وقتها سحر
سحر : خوذي الوان فرايحيه عروسه انتي
ضحكت ياسمين بخجل سحر شقلبت عيونها وقالت ف سرها ريت عجوز ياشرينها متحشمه ..
ياسمين : بنسألك شعيب
سحر ضحكت وقلدت نبره ياسمين : كنه شعيب
ياسمين : سامطه قصدي ماتصلش بي بكل هل طبيعي
سحر : حتى هو خجول وهذ حاجه كويسه را
ياسمين : مش عارفه انا متفائله خير
سحر : ايوا تفائلو خيرا تجده
روحت ياسمين وخشت ب شكاير شافت فجر مقعمز وحاط صوابعه ع شاربه ومنظره يكسر القلب كانت
بتسأله وتشوفه بس تذكرت وقت ضربها قست قلبها وسيباته وركبت لدارها فكت وشاحها ورن تليفونها
الو ..
شعيب ، السلام عليكم
ياسمين : وعليكم السلام من معاي
شعيب : انا شعيب
ياسمين : ارتكبت اهلا ومشت صكرت باب كيف حالك وقعمزت ع سرير
شعيب : الحمدلله كيف حالك انتي
ياسمين : تمام
شعيب ؛ ياسمين بنطلب منك طلب عارفه غريب بس
ياسمين ؛ طلب شنو
شعيب : بناخذك نديرو شوية تحاليل
ياسمين : تحاليل شنو
شعيب : لا حياء ف دين مرات يبقى فيه مرض ولا نعرفو من توا
ياسمين : بس هذين وقت الفاتحة بروحه نديروهن ومعاي حد من هلي
شعيب : ونا نعتبر حد من هلك وتمشي معانا الاخت سحر
ياسمين : لالا اسمحلي مانقدرش وصكرت ف وجهه
نزلت لقت اياد
اياد : كنه هذ
ياسمين : من
اياد : فجر
ياسمين : مش عارفه ومايهمنيش
اياد : وسعي بالك كليتيني بقشوري شنو الغداء
ياسمين : مزلت مش عارفه توا بنبدا
اياد : تمام وخذا فردة خبزة وطلع
ياسمين : كل حد يسأل عن نفسه اما ياسمين تنحرق شن فيها ومافيها محد يلاحظ لو نموت محد يجيب عني علم ..
...
مقعمزين ياكلو رن تليفونه داره صامت ..
شافتله زهراء وهي ماسكه شوكه قالت من ..
عبد الله : الشغل سكنولي توا نمشيلهم ..
زهراء : امم
عبد الله : انتي شن عندك
زهراء : ماعندي شي
عبد الله : آيآن وين
زهراء : في الكاراتيه
عبد الله : تمام وطلع
زهراء : شافتله وخذت فنجال قهوة رشفت منه ..
عبد الله : ركب سيارة ورن ع رقم اللي اتصل فيه ..
هالة : الو عبد الله وينك ..
عبد الله : اهلين هالة لقيتك متصله في ..
هالة : انا ف الحوش بروحي وف حد يحوم ع الحوش وخايفه ..
عبد الله : متأكده انتي
هالة : يخربش وصوته عالي
عبد الله : تمام مسافة طريق وحرق العجل ..
هالة : جاي جاي
فيروز : توا الخطة ثانية وكتبت رقم ودزت رساله رقم ما
ف نفس الوقت زهراء تشرب ف قهوتها صوت تليفونها مسكاته لقت من رقم غريب داز ابلكيشن
تبي تعرفي راجلك وين تعالي للمكان هذ عقدت حواجبها وحطت تليفون ع طاوله ..
فيروز : استلمتها
هالة : كفك كفك خبطن فيدين بعضهن ..
فيروز : حضنتها ربي معاك ..
هالة : يلا باي ..
...
سحر : تشرب ف القهوة باهي ..
ياسمين: قتله لا وصكرت عليه ..
سحر : ع فكرة حاجه عاديه بعدين نا معاكم
ياسمين : لالا مش متقبله موضوع
سحر : ياسمين ي غبيه متلطيش را حقه هذ
ياسمين : مش من حقه وقت فاتحه تحاليل مع حد من خوتي
سحر : عارفه بس هو يبي يبقى راجلك من حقه بعرف كل شي عنك ..
ياسمين : تنهدت انا ارمله صح بس مصارش شي حتى صاله ماخشيتها عشان يطلب تحليل هك
سحر : سيمو لازم تعرفي ان هذ فرصه متخربيش ع روحك واللهي مايتعوض الراجل لو تلفي الدنيا كله ..
ياسمين : تء بس
سحر : على راحتك ياياسمين خلاص توا نتصل بيه ونقوله مافيش نصيب ربي يعوضكم خير
ياسمين : شافتلها بخوف بعدين قالت اصبري
...
نوارة مقعمزه هي وابتسام ورواند انفتح الباب
وخش عبد الرحمن وماسك ف يد مرته ..
نواره : انتو شن جابكم هنا ..
عبد الرحمن : عطيني حقي ف حوش بوي ونمشي ..
نوارة : قلة ادب وقاحه انت كيف تحكي هك ..
عبد الرحمن : الوقاحه نتجت عن اللي درتيه معاي
وردة : حبيبي وين جناح اللي بنقعدو فيه
نوارة : انت ساقطه و
وردة : جت ورا عبد الرحمن
عبد الرحمن : يدك ماتنمدش ع مرتي
نوارة : دمعو عيونها هي تخش نا نطلع
وردة : شافت لعبد الرحمن
عبد الرحمن مسك يد مرته بقوة وقال متبوناش هنا عطوني مليون ونطلع عادي قال شنو حبيبتي
وردة : اللي تشوفه حبيبي
ابتسام : شنو الحقاره اللي انتو فيها ماتحشمش انت ..
رواند : عبد الرحمن امك ه طيح علينا
نوارة : حطت يدها ع قلبها وطاحت عليهم
ابتسام : امي امي تخبط ع خدودها كله منك ي لفعه
وردة وعبد الرحمن ماسكين ف يدين بعضهم ويشوفولهم
....
ملاك : ماما
توليب : عيون ماما
ملاك : شن رايك ف رسمتي
توليب : حلوه بنيتي كل شي ديره حلو
ملاك : هذي نا وهذي انتي
توليب : وهذ شنو
ملاك : هذ بابًا ينحرق ف نار عشان سيبنا وخلاك ديما تبكي بروحك ف الليل
توليب : تأثرت بكلام بنتها وحضنتها بابًا شهيد ي ماما ف جنه معش تقولي هك ..
ملاك : شهيد بابا
توليب : اها
رن جرس شقة مشت تفتح الباب عيونها توسعو
بصدمه من اللي شافاته فمها يرجف تبي تنطق
والكلام مطلعش معاها ..
..
كان عبدالله يبرم ع الحوش مافيش حد ..
وقتها زهراء تسمع ف ال جي بي اس وصلت لمكان
درست سيارة ونزلت ع كرعيها وهي تدعي يكون
مش ف بالها شافت سيارة راجلها غمضت عيونها بقوة بوابه الحوش مفتوحه تمشي وحركتها بطيئه
انفتح الباب هالة قالت عبد الله ..
عبد الله : مافيش حد را
هالة : كانت لابسه روب ومكيجه وشعرها مطلوق
بلع ريقه وانصدم فيها وهي ع طول حضناته وهو
راجل ضعيف المشهد جا بين عيون زهراء كانت
تشوف ومش مصدقه ترجى منه في رد فعل بس
عبد الله : باس هالة
زهراء حطت يدها ع قلبها ووبعدين كورت قبضه
يدها وخرت من وين ما جت ومشت وهي ف عالم
اخر مش مستوعبه اللي شافته حرقه قلبها عيونها
يحرقو فيها رمشت بسرعه ركبت سيارة وانهارت بكاء
يحبو بعضهم قدامي اااااه وحطت راسها ع دومان عيطت بكل قهر رن تليفونها مسحت دموعها شافت تليفونها امي تتصل ماقدرتش ترد عليها ...
...
سحر : خشو ونا نرجى فيكم هنا ..
ياسمين : كيف تسيبيني بروحي ..
سحر : خصوصيه هذ هي خشي متقعديش خوافه ..
خشت ياسمين وحاسه روحها تغرق ف الغلط بس تهاون وتقول معلش عشان تمشي المركب ..
وخش وراها شعيب ..
وع اساس انها مرته ومايقدرش يقرب منها ..
لكن الدكتورة اكدتله انها مزالت بنت ومافيش ضرر لا من قريب ولا من بعيد
تعال شوف بروحك
ياسمين : نزلت قونتها شن يشوف وين يجي لا راجلي ولا حاجه هذ وطلعت تبكي
شعيب : تعالي ياسمين خلاص نا موافق عليك
ياسمين : معش بنعرفك معش بنجوز بكل وسيباته
سحر : شن درتولها يا مناجيه
ياسمين : مشت تجري وكلمت هارون خذاها
سحر : عليش تكلمي فيه تسسبيلي ف مشكلة
ياسمين : شافتلها بنظرة سم خلت سحر تسكت
ركبت وهي ولا كلمة لعند وصلت لحوش معش في عريس لا شي
رضيه : غير قولي شن صار
هارون : شن كنتو ديرو ف مستشفى
ياسمين : الراجل يبي يعرف اذا كنت مزلت بنت ولا
اياد : شنو
ياسمين : وسحر تقولي شن فيها ونا زي الهبله تبعتها هذ كله عشان نجوز ونفكككم من همي قعدت تبكي ياسمين رضيه الله لا تربحك ي سحر
عرفتها حاجه منك مايجي من وراها الخير
شهقت سحر هذي اخرتها خيرا تعمل شرا تلقى مايثمر فيكم الخير بنتك بايره وقاعده ع قلبك جبتلها عريس خير ماتخلل حذاك خاطي هك راجل معاه حق وردة هربت مع راجل وتوليب طفشت انظر وين وخالتها يعني الخوات والخاله تاريخكم سابق را ماتبحتو غير في وف اقاربي
رضيه : ضربتها كف بناتي اشرف منك ومن اللي جابتك يا منحطه
سحر يدها ع خدها ومنصدمه
رضيه : اصحك تجيبي سيره بناتي ع لسانك فهمتييي
هارون : حط يده ع كتف امه وسعي بالك يام
سحر : تضربوني نا تحسبو مافيش وراي هل ف ضهري انا مش قعدتها ف الحوش دقيقه وحده والله نهد الحوش هذ على روسكم وطلعت من جنبهم
رضيه : انزرفي نعنك ماتروحي
طلع فجر لابس عسكري وف يده شنطه ..
رضيه : وين ماشي انت
فجر : استدعوني
رضيه : لالااا الله يربحك ي ولدي م ديرها
فجر ؛ الحرب هذ يمي حربنا كلنا نقعد مش راجل
رضيه : لا تربح ي ولدي
فجر ؛ باس راس امه وقال ادعيلي وطلع
رضيه قعدت تبكي وياسمين دموعها ينزلو
فجر وقت طلع يسمع ف هزايب سحر ودعاء ع هله
طلع من الحوش وصلت سيارة جيرانهم نزلو ببوهم
كان منصور حاط بنته تحت ذراعه شافتله لابس عسكري وركب مع جماعته
منصور : شكله فجر ماشي لبنغازي
اميرة : دمعو عيونها وكان خاطرها تقول لا ماتمشيش
وهو يرجى فيها منها تمنعه من مشي يقعد عشانها
...
زهراء : طلعت شنطتها وضمت دبشها كله ف شنطه وهي تبكي بعدين تذكرت انه حوشها قعمزت ع سرير
مسحت دموعها وهزت راسها ..
...
هارون : لهلك هي نرجى فيك ضمي دبشك ودبش عيالك
سحر : شافاته اول مره هارون يصبي ضدها
عقدت حواجبها وشافت تبسي شربه عدس خذتها
لانها وقت تزعل تبدا تاكل شربت منه طول ...
وحطاته ع طاوله بغل مسحت فمها ..
قالت غفران محمد وينكم شافت غفران
طايحه ف دار توسعو عيونها وفمها طالع منه حاجه بيضه بعدين مشت شافت محمد طايح حتى هو عيطت هارروننننن حي علي بعدين شافت سم الفيران وتذكرت تبسي شربه ع طاوله حطت يدها ع بطنها اااه اه هااررووون وبدت تألم بقوة ومحد يسمع فيها لعند طاحت ع الارض
...
ف نفس الوقت وردة من ورود رضيه ذبلت وطاحت