ورود سامة

Part 36

ورود سامة
بقلم يحيى ادريس
‏36 part
واقفه قدام الزيانه تمسح ف مكياجها
سحر : شفت شن جابلها عليك سيارة ..
هارون : حتى هو زمان كان مع معمر وتوا غير ان مهندس مصاحب الروس لكبار  ..
سحر : متملق يعني ..
هارون:فكينا من سيره وتعالي قوليلي كنك متسمحه
ضحكت سحر وقالتله ريحنا ي راجل وجا وينغز فيها
من جنبها وهي ميته من ضحك ..
..
امل : شفتي بنت خالتك كيف عايشه ..
غادة : ربي يهنيها
امل : ربي يبعتلي نصيب كيفها
غادة : امين
صفاء : ايوا نبيكن تبحتن لفوق جيبن نسيب اللي يملى العين والخاطر كان ف وحده كسبت هي زهراء الوحيده اللي عايشه صح
امل : حتى نرجس حوش بروحها وف طرابلس وراجلها غني
صفاء : بس مش متريحه المتريحه يبان ف وجهها
ف ضحكتها وحركتها ابدا مافي وحده متريحه كي
زهراء
غادة : صح بنات خالتي كلهن حظهن عطيب ف زواج
صفاء : المهم انتن اشقن برواحكن مابينكن وبين ثلاثين شي را تقعدن قعدة ياسمين
امل : فال ولا فالك يمي نا بروحي خايفه
غادة : شن نقول نا اللي عمري 29
امل : خلاص انتي سنة هذ طالعه لحوش راجلك
غادة : ابتسمت واخيرا
امل : رفعت يديها لعقبالي يارب
..
نسرين : شفت الرجاله شن يديرو هذ راجل صح
اشرف : ربي يسعدهم ان شاء الله
نسرين : سيارة فخمة جابه لها هذ غير الحوش اي حوش ڤيلا سياحه نياحه تمسح الكبد اختي لصغيرة
عندها الخبر هذ كله انت كان تشوف ذهبها مش نا
دبله من العهد القرمانلي طيح سعدك ي نسرين
اشرف : متبحتيش ف ناس قولي ربي يزيدهم ديما شوفي الي اقل منك مالا وصحه وقولي الحمدلله
نسرين : هذ ناقص هو في فقر اكثر من هك ووه علي
اشرف : تصبحي على خير
نسرين : ارقد هذ فيش فالح نوم ارقد رقدت عليك حيطه ان شاء الله
...
بنتها راقده جنبها وضي طافي وهي ماسكه صورة راجلها ودموعها ف عيونها المشكلة ان عيشتي معاك كلها سودا مافي شي واحد يخليني نحزن عليك طول
عمري ماشفت معاك غير الذل والقهر والخيانه بس
حالي كان احسن من توا ب واجد كنت نحبك ونحب
ضحكتك واخر مره شفتك فيها اخترت هلي عليك انت توا نادمه زعما شن صار فيك ميت محبوس ناقصتك حاجه كيف دير وينك لسنين هذين كلهن
تعرف لو طلعت عايش عمري مانسامحك بس ياربي نبيك تبقى عايش وتجي وتشوف حالنا من بعدك كيف تمرمدنا ياربي حضنت صورته ربي يرحمك ان شاء الله ويسامحك ع كل اخطائك ..
...
ايمن : باس راس امه تبي حاجه يمي ..
فوزية : تسلم حبيبي
ايمن : اي حاجه تبيها شريني طول نكونو عندك
طلعت نرجس لابسه بالطوها وشاحها مع سلامه عمتي
فوزية : مع سلامه مع ان ماهدرزتي عليا
ايمن ابتسم : مش من صبح اهني
فوزية : 24 ساعة ع تليفون حتى نقولها نبي هديكا الحاجه تجيبهالي بعد ساعة
ايمن فنص ف مرته وقال تصبحي ع خير وخذا ولده وطلع ونرجس طلعت وهي منقهره ركبت سيارة
ايمن : علاش واخدك اني عند امي تغيريلها جو ولا تهدرزي ع تليفون
نرجس : مش هك امك تكذب
ايمن : احترمي نفسك مراه كبيرة تكدب
نرجس : ياربي قصدي 24 ساعة ف كوجينة نخدم غداء عشاء واللي تبيها نجيب فيها لها لكن حكايات
ماعنديش وقت بيش نحكي وكان قعمزت شوي تقولي صبي ديري هذك الحاجه
ايمن : وتخدميها غصب عنك
نرجس : ساكته وتشوف قدامها بحده
درس سيارته ونزلو
نرجس : اول ما خشت اففف
ايمن ؛ خيرك تأففي
نرجس الاحساس وقلنا معلش لكن حتى شم ماتشمش
ايمن : هادي عليك مرا خامره نظفي حوشك
نرجس : والله الحوش نظيف يشكع لكن رطوبه هذ شورك ولا تبيني نزوق اخرى خشت لدار ناقص علي
غير لزواق تسلح ف وشاحها وهو وراها موليه قليلة ادب
نرجس : صح قليلة ادب
ايمن : خذا كرسي زيانه وعزقه بقوة ع الارض ضمي فمك
نرجس : شافتله ببرود
ايمن : من تحسابي روحك شبحتي خلقتك انتي
نرجس : مستمره ف نفس نظرات تشوفله بيهم
ايمن : اشبحي مع من عايش اني اشبحي لشعرك اشبحي لوجهك تقول عايش مع صاحبي لا اهتمام
لا نظافة لا ماكله مليحه والله لولا ه العيل طلقتك
اخييي عليك شكل ف عيادات تجميل ديري حاجه
على حالك وطلع سيبها شافت روحها ف لمرايا
شعرها ضعيف بعد ما كان كثيف وغزير وطويل
ما قعد منه الا شوي شافت لوجهها ضعيف هي ف 28 تبان ف ثلاثينات حطت يدها ع وجهها وبدت تبكي جا ولدها يجري حضنها اس ماما اسسس
حضنت ولدها بقوة وتبوس فيه حبيبي انت متحمله كل حاجه عشانك انت بس بس ..
...
زهراء : شكرا ي عمري انا مش مصدقه هذ سيارتي
آيآن : سيارتي حتى نا
زهراء : انت ارقد شن مسهرك لتوا
آيآن : وعليش انتو
زهراء فنصت فيه هذ ما ناقص نحنا كبار هي امشي ارقد ..
آيآن : مانيش
زهراء : لي نا كلام هذ
آيآن : اها
جت بتصبيله هرب يجري فوق ..
عبد الله : يضحك من كل قلبه
زهراء : ع شن تضحك ولدك هذ قليل ادب
عبد الله : منظرك وانتي واعره خيال وزاد ف ضحك
زهراء  : ماهو لازم حد يأدبه هك مايصير شي
عبد الله : تعالي ي عمري انتي
خشت تحت ذراعه وهو حط يده ع كتفها ..
عبدالله : بكرة صبح نطلعو ب سيارتك عندنا مشوار
زهراء : شنو
عبد الله : مفاجأة
زهراء : قولي نبذه منها بس
عبد الله : مش هتبقى مفاجأة هك
زهراء :. عبد الله انحبك واجد
عبد الله : حتى نا نحبك واجد ومرايف عليك واجد
ضحكت و**
..
ثاني يوم ..
ياسمين : كولي بسرعه ..
امنه : تاكل بسرعه ..
خشت وردة تصب ف حليب وشاهي ..
وشافتلهم ضحكت ي عيني ع العشق الممنوع ..
ياسمين : ضحكت وفنصت فيها ...
وردة : احميدا
محمد : نعم عمتي ..
وردة : شرايك ف امنه ..
محمد : كويسه ..
وردة : سمحه يعني ..
محمد : قعد مبتسم وساكت ..
وردة : حي تحشم ..
ياسمين : خلاص يابارده
وردة : امنه
امنه شافت لخالتها
وردة : شن رايك ف محمد حلو ..
امنه وهي تاكل ف شوكولاطة ميلكا امم حلو واجد
وردة : عشان يجيبلك ف ميلكا ولا هو
امنه : لا حلو وعيونه خضر
ياسمين : تضحك بدموعها
وردة : حي حي طالعه لخالتها مركزه ع اهدافها
ومحمد ضحك وطلع برا وهو منحرج ..
ف صاله
نسرين : يعني لو مانشوف خلقتها ضروري توريني خلقة عيالها ..
رضيه : فوتي يابنتي وكبري عقلك انتي الكبيرة
نسرين : لا مانيش مكبرته عقلي ه الواطيه هذي جعني بلاها ونحضر عزاها ندير فرح هك كبره
رضيه : هزت راسها يمين يسار
..
غير قولي وين جايبني بس
حط يديه على عيونها ويمشي وراها
فتح عيونها وقال مفاجآة كان مكان كبير
شافتله ب ابتسامه واسعه انت شريت المكان هذ
عبد الله : شرايك
زهراء : حلو
عبد الله : تعالي معاي هنا تقعدي انتي وطاوله عليها اسمك الباش مهندسة زهراء ..
زهراء : ابتسمت ب دهشة مكتب لي
عبد الله : المكان كله لك اصلا
زهراء عقدت حواجبها ب ابتسامه : يعني
عبد الله : يعني تمشي تختاري اثاث مكتبي اللي يعجبك وتبدي تخدمي ويجو متدربين عندك
زهراء : بس هكي واجد مزال بدري علي ..
عبد الله : مافي شي واجد عليك ي عيوني وانتي تقدري
زهراء قربت وحضناته تعرف اني نحبك واجددد
عبد الله : هذي المره كم تقوليها
زهراء : الحق عليا معش نقولها
عبد الله : كله الا زعلك ي زيتونه
ضيقت عيونها وقالت تمشي خيرلي
مسكها من يدها وحضنها ويضحك اسف باس راسها
ومستمر يضحك زهراء مبردك وصوت ضحك خلاها تضحك لعند غمضت عيونها ..
...
مهاب : شنو الغداء
فجر وهو يدخن خالتك دايره بازين ..
مهاب : بعدك وقته ف ه المطر انت شن عندك برا ..
فجر : اهو كساد ..
مهاب : خش يرا صقع ..
فجآة جت كانتر كبيرة درست حذاهم ..
مهاب : اووو شكله حوش اللي حذاكم انشرى ..
فجر : غريبه بسرعه هذ شروه ..
مهاب : مافي شي يوقف نخش نا جمدت
بعد نزلت كانتر درست وراهم سيارة هوندايا
وفجر كله فضول يتعرف ع جيران لجدد بدو
ينزلو كان عباره عن رجل ف الستين من عمره
ومرته وولد كبير وبنت شباب وطفل عمره 9
فجر عقله انوخذ ف البنت كان فيه عقل وطار
هي شافتله برفعة خشم وخشت ورا امها لحوش
فجر : ابتسم وسلم ع رجاله مرحبا بو جار
منصور ابتسم : مرحبتين
فجر : نحنا جيرانكم لاصقين فيكم اهو حوشنا
منصور : مرحبا
صهيب : انا صهيب
فجر : ونا فجر نساعدكم
منصور : مانبوش نتعبوك
فجر : عيب عليك نحنا جيران ويقولك جارك ولا ولد عمك ..
منصور : ربي يحفظك ولدي
وبدا فجر ينزل معاهم ف الاثاث ..
والحاجات ثقيله ..
رضيه : يحقو الغداء يختفيو
مهاب : جيران لجدد سكنو سيبته يقصقص عليهم
نسرين : كان عندهم ي ويلهن من اياد
اياد : ضحك واخذين علي فكرة غلط
زينب : اميرة هي كنسي الارضيه وسيقيها قبل مانفرشو
اميرة : باهي يمي وسلحت كبوطها وبدت تضم
وشافاته وهو يشيل مع خوها قعدت تشوفله
ماشاء الله طويل وسمح تقول ممثل تركي ..
...
عبد الرحمن : وين اليوم غياب ..
صكرت باب دار وقعمزت ع سرير بدت تكح
حصلت برد اسفه مقدرتش ناخذ اذن نسيت
عبد الرحمن : دفي روحك من يوم وغادي شتاء ..
وردة ابتسمت : حاضر
عبد الرحمن : قبل كنت ناوي نخصملك 3 ايام
وردة : ي ساتر عليك شرير
ضحك عبد الرحمن نبصر معاك ..
وردة : ابتسمت
عبد الرحمن : لاباس عليك
وردة : ماتشوف باس يارب
عبد الرحمن : شغل مظلم بلاك
وردة : عارفه انا وين مانمشي المكان ينور ويزيد بهجة وحيويه هو ضحك وهي زادت ضحكت معاه
عبد الرحمن : حد قالك من قبل انك دمك خفيف
وردة : الصراحه صراحه محد قالها انت اول واحد
عبد الرحمن:فرحتيني اني اول واحد ف حاجه تخصك
وردة : ابتسمت وهي ساكته
عبد الرحمن : الو شاف تليفونه لقا مكالمة فصلت حاول يرن عليها اخرى رصيدك غير كافي عض لسانه
عنبوك ي شركة لبيانا
وردة : ناضت من سريرها وهي مبتسمه وطلعت
..
ساعة 7 كانت رضيه دايره عداله شاهي
وياكلو ف زميته وفطيره وردة تشرب حذاهم ف سحلب خش فجر وبدا يحكيلهم عن جيران لجدد
وهم يسمعو ويردو عليه الا وردة سارحه وعقلها
ف عبد الرحمن ..
نسرين : قولي ماعندهمش بنات ..
فجر : لا مش من ندادك بنت صغيرة ..
نسرين : عليك قلة ذوق ..
فجر : ها مالا تحسبي روحك صغيرة راك عجوز شوفي عيالك اطول منك
نسرين : لاني متزوجة صغيرة مهم قولي كم عمرها
رضيه : كنك بتخطبيهن
نسرين : نخطب شنو وين بيسكنن نحكي على خوتي
فجر : ريحي روحك بس
نسرين : ي خيتي نجيه المتحشم
اياد : نا بنختار على ذوقي
رضيه : ي قعادك كان على ذوقك
فجر : ماعندهمش بنت وحده وصغيرة
رضيه : توا نزرقلهم نباركلهم ونتعرفو عليهم
ياسمين : جيران الولين كويسين ان شاء الله حتى هذول يطلعو كيفهم ..
نسرين : هم عليش حولو اصلا
رضيه : ماحكيتلكش بعد موت بوهم صبايا فتتنن الضنا عليهم ولعيال طلبو حقهم شوي نزيهه باعت حوش ياما بكيت على طلعتها حسبي الله ونعم الوكيل في صبايا
نسرين : شربت من طاسة وتفكر ..
ياسمين : ربي يبعد علينا بنات الحرام ..
رضيه : امين ..
اياد : غريبه ما طفاش الضي اليوم
رضيه : اسكت ي ولد
تيت
يلعن بوكم هي بكلل ..
رضيه : اقصف شبابهم يا مولاي الله  ..
فجر : تريحت توا ي اياد اهو طفا
اياد:قالها لسكروني خشيت من هنا ضي طفا من هن
فجر : اءءء
...
ف الكوافيرة هي تكنس وتسمع ف كلام صبايا 
قالو خش تنظيم ع البلاد ..
ووو حي علينا ..
بيصير فينا ما صار مصر وسوريا ..
يستر الله من يوم جا الارض طيبه ومارينا خير
فعلا المهم يومتا تحكيلي حماتي ان صبايا
يخشن ع اساس ينشدن ع حاجه ويغمن نفس
وياخذن صبيات لتنظيم
وووه نهار اسود
واكثر من هك واي وحده ماتخمرش ي ويلها
توليب تذكرت انها مسيبه بنتها ف شقة خافت
معلش بنمشي لبنتي ..
ماتجي هك يوم مدرسة ويوم بنشوفها
توليب : تشوفي الوضع بروحك ونا كملت بس بنتي بروحها ولبلاد تخوف باقية ..
روحي وبكرة تعي بكير ..
توليب تمام ومشت تجري لشقتها لقت بنتها تكتب ف واجبها صكرت باب شقتها وجتها انتي كويسه ماما
ملاك : هزت راسها
توليب : حضنتها زين