ورود سامة

Part31

ورود سامة ..
31 part

ماسك بنته يبوس فيها ويلعب فيها ..
توليب حاطه يدها ع شعرها : ه الحن زايد ..
علاء : شافلها كنك غرتي من بنتك ..
توليب : عليش بنغير عليك انت ..
علاء : يابنت كل ما تكبري تزيدي ف سماحه ..
ضحكت بغرور وشقلبت عيونها قال نعليا قلبي ..
توليب : ان شاء الله يوقف ..
علاء : ونهون ..
توليب :ان شاء الله ديما حرب بيش نشوفو ضحكتك
علاء : ماهو معش ف بنات يطلعن ..
توليب : خليهن ينفعنك ي بتاع البنات وناضت سيباته وهو يضحك شن ديرتلنا غداء ..
..
نزلت ياسمين من فوق ..
وردة : كنك طولتي ..
ياسمين : سحر روحت قعدت معاها منهاره مزالت قعدت مع البنت لعند روح هارون ..
وردة : خسارة فيها هذ
ياسمين : كله بأجره بعدين هذوم عويلة خوي ..
رضيه : حطن ع جماهيرية كذا ..
وردة : غيرت القناة على جماهيرية ..
رضيه : ايوا زيد تحدى زيد يالصقر الوحيد ..
ضحكت ياسمين وهزت راسها يمين ويسار ..
...
ف ناس طيحت صور معمر وفي اللي حرقو ..
كانو يدمرو ويخربو حتى المصائف مصيف سوسه
من اجمل مصائف شرق دمروه ماخلو فيه شي
...
نسرين : شنو ..
اشرف : نعاين جرحى حتى نا طبيب امتياز ..
نسرين : مالميتي حوسة حوشك يابال ديري عصبان
اشرف : مانيش محارب ماشي نداوي ضنا بلادي كنك انتي هذ واجبي ..
نسرين : وراك عيال لمن بتسيبهم ان شاء الله
اشرف : عيالك ماشاء الله توا رجاله
نسرين : انا قتلك مافيش مشي
اشرف : نا ماناخذش ف رايك نا ماشي
نسرين : تعال هنا نحكي معاك نا
طلع وسيبها منصدمه تخبط ع فاخذها حي علينا ..
..
توليب : وين ماشي ..
علاء : زارد البسي وخوذي بنتك هي نشيلك لهلك ..
توليب : تبي تزرد ولا تبي تجيب وليه للحوش ..
علاء : ضحك البسي يا مكلوبه هي ..
توليب : خشت مبتسمه ب استغراب ..
طلعت وهو يبصر مع بنته وركبو سيارة وتحركو ..
..
ياسمين : رايفت على آيآن ..
وردة : رايفت على نرجس نا ..
رضيه : ربي ينصر معمر وياخذ ه الجرذان يحبسهم
ياسمين : صوت اياد ..
اياد : جيعان ..
ياسمين : خش مافي حد
اياد : لا ديريلي سندوتش
ياسمين : فتحت حكة تن وطلعت معدنوس تقرض
اياد : فجر عدا للحرب ..
وهي تقرض من اللي سمعاته نست وجرحت يدها بالموس قالت ينعلي اياد يدك تنزف ياسمين شن
يدير هذ شن دخله بس ليش يدك ف راسه مزال
صغير رضيه من اللي مزال صغير شافت ل اياد
رضيه : وين خوك كنكم تكلمو ..
جت وردة ورا امها ياسمين يدك ..
رضيه : فجر صح حتى نا فاقدته وينه ولدي..
اياد : مشا يحارب
رضيه : عينها نبضت جرذ ولا
اياد : سكت
رضيه : نهار اسود بدت تخبط ع خدودها حي علينا
ياسمين :يدها ع وجها وتبكي
رضيه منهاره عياط ..
الصوت وصل فوق ..
سحر بصوت مبحوح صوت عياط ...
هارون : امي هذي ونزل يجري
وقفت سيارة علاء قدام الحوش ..
علاء : تبو حاجه ..
ملاك : شوكولاطة بابا
علاء : باسها
ملاك : وبادي زبادي
توليب : كنك حساس اليوم
علاء : عينكم من روحكم تمام
توليب : شن في ..
علاء : استدعوني ..
توليب : وين
علاء : لجبها
توليب : ضد النظام !
علاء : مع معمر
توليب : باهي عينك من روحك
علاء : قرب وحضنها سامحيني كان يوم زعلتك ديما مزعلك نا
توليب : ماتقولش هك مزال ورانا عرايك خليتني نبكي ي دراما انت ونزلت ..
علاء : نزل شافلها وهي تنزل ف شنطتها وبنتها تمشي جنبها علاء شافلهن وهي شافتله لمًا قريب
تخش الباب قالت ربي معاك ان شاء الله وربي ينصرك
علاء : يارب بعدين قال خشي صقع ..
توليب خايف عليا ..
علاء : غمزلها مرات نغير رايي ونروحو لحوش ..
توليب : وحياتك مرايفه على امي وخواتي هي وجك
ضحك علاء بكرة تندم ي قميل وهي ضحكت وخشت وعلاء تحرك ب سيارة ..
هارون : شن في كنكم ..
وردة : فجر عدا لحرب ..
هارون:باهي كنكم مكبرين موضوع نحسب حد مات
وركب لشقته ..
سحر : تهز لبنتها شن في ..
هارون : فجر عدا يحارب ورد خش لسريره ..
سحر : قالت ف سرها اجعنه مايرد ...
توليب : جيبيها كسبر ي وردة ..
رضيه : خوكن خلاص عدا ي نعلي ي صغيري
نسرين : مش كويس تفاولي عليه قاعده
رضيه : اذا كان اللي يحكي عليه يختفي شحالك اللي يصبي ضده ينعلااي ي فجر ش درت فينا مش بس ف روحك تصبي ف دمار بلادك ي ولدي دمار بلادك
اياد : انتن كنكن جايات بشناطيكن
الاثنين بصوت واحد يساعد جرحى عدا يحارب
هارون : شن دايره عشاء  ..
ياسمين : مش دايره خفيف محد عنده نيه ..
هارون : حتى سحر من لما روحت من عزاء خوها نفسيتها تاعبه مكملتها نوم ..
ياسمين : وضع لبلاد يخوف ..
توليب بضحكه : ريتو عجايز راكبات ع الميم طا ..
ضحك هارون هم يضحك وهم يبكي ..
ياسمين : صحه لهن ..
هارون : شن صحه لهن صبايا مش لهن جو هذ ..
ياسمين : يدافعن ع ارواحهن  ..
نسرين : عطهم مايطشهم ويكشهم
اياد : ماتنسوش تدعو ع خوكم قاعدين
توليب:هذول يبو خراب لبلاد وخوك ناوي ع خرابها ..
ياسمين :ردي بالك ي توليب فجر صغير مايعرف شي مزال
توليب : شن اللي صغير 20 سنة مش صغير
ياسمين طلعت من حذاهم وسيبتهم ..
...
رضيه كل يوم قدام تلفزيون وحذاها تليفون ويدها ع قلبها ..
مقعمزه ع صلايتها بعد صلت ركعتين ..
رفعت يديها تدعي يارب ياربي احفظ وليدي ياحبيبي فرح قلبي ورده سالم يارب احفظ ليبيا من كل شر
يارب يارب ريح قلب بنياتي واسعدهن واجبر بخاطرهن ..
،.
كان علاء قاعد ف توكه يشرب ف شاهي مع كباني ويضحكو ايش صار ف محترمتك ي علاوي ..
علاء : ناض يشوف فيها سمعو اصوات انفجارات ..
علاء مادورش وطفا ع مكرونه صبها ف سفرة طلع
وشاف جماعتة مطرطشين ع الارض انصدم ويقطن
لوحدين ملثمين ب سلاحاتهم طاحت منه صفره ..
وجهو عليه لسلاح  هو منصدم ..
..
فجر يلعب ف كارطه مع اصحابه الي ف توكه ..
قال كوبي ..
اووو كلا انت محظوظ ي فرخ ..
ضحك فجر قولو ماشاء الله ..
ايش صار ف مكمور ..
فجر ذوقو وادعولي بس ناض حوله من كانون ويفتح ف قزير تذكر وقت علماته ياسمين كيف يديره..
..
الضي طفا ..
يييه علينا ..
ولعي الكلوب ناضت ياسمين جابت لكلوب
ملاك : ماما صقع  ..
توليب خذت بطانيه ولفت بنتها فيها ..
رضيه : قعمز ي فرخ وانت غير تعيط ..
كان زكريا ولد نسرين متعلم المشي ولما طفى ضي بدا يبكي ..
نسرين ع اعصابها ومش متحمله كلمة ..
توليب تنهدت بصمت ..
ياسمين : عليك كساد الجو يبي سفنز ..
رضيه : وين تحقي فيه زيت خليه لوجبات العشاء ولا غداء لا سفنز لا م سفنزات سكتت ياسمين وهي متحشمه من خواتها نسرين عقدت حواجبها وربعت يديها وهي مضايقه ..
رهف : خايفه ماما
نسرين : ماتخافيش كلنا قاعدين معاك
وتمر الايام والاوضاع تزيد صعوبة ضي يطفى مرات يوم كامل والغاز ينقص والبنزينه وطوابير بالبوني
ومن ورا نقص الغاز وضى طافي 24 ساعة ناس تسوي على حطب
..
وجا رمضان وبعدها العيد وكله مغطي بالحزن ..
ويوم 20/10/2011 ..
رضيه بكت ع القذافي الله يرحمه ..
وياسمين وجعها بذات نهايته مأساويه
وناس تحتفل وتغني مش عارف كيف يحتفلو بحد ميت ومش اي موت انا نشوف اللي صار فينا عقاب
جا فجر ورضيه اللي كانت تبكي ع معمر وين شافت ولدها ابتسمت وناضت تجري زي طفله حضناته وباساته وزغرتت عليه وياسمين مبتسمه بين دموعها ودارو عشاء وف الليل جا اشرف ونسرين تحط دبشها ف شنطة واخيرا هنروح نفتك من امك
ضحكت توليب وقلبها مقبوض ..
ياسمين : هي عشاء ..
توليب : مانبيش ..
ياسمين : كنك ..
توليب : علاء معش رن علي ولا في عليه اخبار ..
ياسمين : بالك توا يجي
توليب : بلعت ريقها وناضت ورا ياسمين
وتسمع نقاش خوتها ف الحبس ولا توفى ومردوم
وزعت نظرها عليهم من هذا !!
رضيه بنتي تعالي عشاء
توليب تحكو عن علاء
هارون مش معروف يمكن هرب بعد عرف مافيش امل ف القذافي وان ليبيا مصيرها متحرره ..
توليب دموعها ف عيونها شافت بنتها تلعب مع بنات خالتها اغمى عليها ...