ورود سامة

Part 22

ورود سامة / يحيى ادريس

مقعمزه تشم ف الوردة الحمرا وتنهدت شافتلها اختها ..
سمر : ف شن هايمه هك مش هذ اللي حرشتي عليه عطيه ضربه ..
سحر : غلطت وخلاص وهو اعترفلي بمشاعره شخصية هك ..
سمر : شن اللي شخصية راهو اصغر منك مزال ف الاعدادي
سحر : اللي يسمعك تقول بينا 15 سنة كلهن 3 سنين
سمر : سحر ردي بالك قاعده تغلطي مع فرخ صغير
سحر : شن نغلط انا اول مره حد يحسسني ب انوثتي حد يحبني
سمر:لإنك انتي بنفسك قاعده عيل صغير راك ف ثانوي مزال بدري
سحر : ضحكت تعرفي اخته اصغر مني بسنة تزوجت وعندها عيل وانتي تقوليلي قاعده صغيره
سمر: انا حذرتك طريق اللي ماشيه فيه غلط والعيل هذ يضحك عليك
سحر : انتي حسدتني عشان نا حصلت واحد يحبني وانتي لا
سمر : فنصت فيها لما يضحك عليك رد بالك تجي وتبكي
سحر : مش هنجيك اصلا نيتك سوده طلعت ع حقيقتها
سمر : طلعت من دار وسيبتها
..
مفرشات ف دار ..
نسرين : وامل انخطبت
زهراء : من خذاها ام خشم
ياسمين : استغفر الله العظيم وخلاص
زهراء تضحك : استغفر الله قصدي غادة احسن منها غريبه
ياسمين : نصيب هذ
توليب : هارون كان يشوف لغاده تحبه هو مش معبرها
نسرين : لا عليش ناخذوله ف غاده هارون عليك زويل ياخذ غاده
وردة : تبو الحق بنت خالتي صفاء مستفزات
نرجس : دمهن ثقيل
ياسمين : ولما يجن تقعدن تضحكن معاهن نقنكن الا منافقات
زهراء : خذت كاجو وقالت من الكساد الله غالب
نسرين : احسن وحده ف خالاتي خالتي قمر الله عليك ايام زمان
زهراء : خالتي صباح احسن
توليب : خالتي صباح جوها سمح وفلوس
نرجس : تحسيها شبابيه هك وماعندهاش ف عقد خالاتي وامي
نسرين : خالتي صباح زعاله غير لاهيه حاليا ف سفر وعيالها
وردة : فيها ميزة انها متدخلش ف حياة حد
زهراء : صح
وطلع صباح كانه ياسمين ف كوجينه دير ف سفنز وفطيره وعمك
مهاب خاش طالع ياخذ ويطلع حطو صفره وكانو يتكلمو عن زردتهم
زهراء : سهفتوني ..
هارون : وتو روحكم ساعة ونطلعو
وردة : صفقت بحماس
زهراء : ابتسمت
وطلعو زردة ف شجر شحات فرشو ديسه وطراريح وعداله قدام رضيه والكل يلعب وفرحان وكان جو سمح وحكايات وجا نهاية
اليوم وكان زهراء لازم تروح واكيد ولدها معاها جت بتاخذه كان
يبكي ويمد ف يديه لياسمين اللي عيونها دمعو والعيل يعيط ميبيش امه بس رضيه عندها قانون كل عيل مع امه وماتبيش ياسمين تتعلق بيه وتنسى نفسها ف كانت ردة فعل رضيه كل لعيال يبكو يومين ويتعود عليك وخذاته زهراء وطلعت وياسمين مشت تبكي ف دارها
عبد الله : شن حبيبتي غيرتي جوك وشبعتي من هلك ..
زهراء : ربي يخليك لي ومايحرمني منك
وصلو ع الڤيلا وزهراء مجرد ما شافتها خافت بس دارت روحها
عادية ونزلت ب ولدها وخشو ..
نوارة : حمدلله ع سلامه ..
عبد الله : الله يسلمك ..
نوارة : حفيدي كبر وماشفته
عبد الله : وليش مامشيتي شفتيه عند عيت جده وخذيتيله مستلزماته
نوارة : لان اللي مايقدرني مانقدره وولدك هذ ولدنا مفروض يقعد عندنا حطيته عند هلها معروف اخرتها هيطلع كيفهم كربون منهم
زهراء : كان ربي ما عطاه لو طلع لهلي وركبت ..
نوارة : شفت قلة ادبها وانت ساكت ندبت طيح سعدك ..
عبد الله ركب وسيبها خش لجناح شاف ولده يصرخ وزهراء
زهراء : بس ياماما خلاص عياط
وهو ولا قال نسكت حطاته ع سرير تغيرله ف حفاظته
طبس عبد الله نساعدك ويعبيهم اثنينهم يتعايطو بعدين يشوفوه
سكت وضحك قعدو يضحكو معاه ..
ورقد آيآن بعد معاناة وهم تدوشو ورقدو ..
..
نرجس : كنك ياسمين قاعده مهبيه ..
ياسمين : مسحت دموعها تعودت على آيآن مارقدتش الليل ولا نهار متعوده على صوته واوقات حليبه نديرله ف كل حاجه ..
نرجس : مشا لهله بعدين انتي هتزوجي وديري عيال
ياسمين : ابتسمت وقالت يارب ..
نرجس : انتي ديري ف روحك كبيرة اللي يسمعك تقول عمرك 50 وانتي مزلتي 26 سنة
ياسمين : مزال ماخشيت عليهن عيد ميلادي ف 12 25 توا
ضحكت نرجس ومعاها ياسمين ..
زهراء : صباح الورد ي امي صباح الخير
آيآن : مباش يجيها
زهراء : خذاته غصب عنه ونزلت بيه حطاته القعاد
وقعمزو يفطرو ..
رواند : عسل ماشاء الله
زهراء : تسلمي
عبد الله : انا طالع تبو شي
زهراء : ياريت تشوف مربية لانه تعبني بكل مغير يبكي
نوارة : طبيعي يبكي مايعرفك غير امس
زهراء : اها حبيبي ياريت تشوفلي استاذة باسمه عشان راحت عليا سنة
عبد الله : عيوني
نوارة : لا حشم لا جعره قدامنا الخبر عيني عينك
عبد الرحمن : عبد الله ..
عبد الله : اوو رحموني شجو
عبد الرحمن : تمام والله حمدلله ع سلامه
عبد الله : الله يسلمك نا طالع بشغل
عبد الرحمن : خش وقال او الكنة هنا شلخبار
زهراء : تمام
بعدين شاف آيآن وقال اووو عمو وخذاه ماشاء الله كابر
نوارة : وانت وين شفته
رواند : مشينا نا وياه نشوفو عند هلها
نوارة : ماشاء الله ماشاء الله من ورا ضهري اخرى
عبد الرحمن : شن فيها يمي
نوارة : لا مافيها شي هذي سحرتكم حسبي الله ونعم الوكيل وناضت
زهراء : ابتسمت بتهكم شافت ل ابتسام تشوفلها بنظرة شر بادلتها
ابتسام : نيتي انسدت وناضت طلعت من جنبهم
عبد الرحمن : قعمز وآيآن ف حضنه مزال ما ياكلش
زهراء : لا مزال حاجات بسيطه بطاطا مهروسه او هاينز
...
فجر : حبيبتي انتي مراتي وحلالي
سحر : ي عمري نجك ليا
فجر : نحبك ونموت فيك
سحر : حتى نا نحبك فوق ماتصور انت كل حياتي بدونك مانعرف كيف نعيش
فجر : ضحك اووه ع كلام سمح هذ
سحر : انت اتبعني وكل يوم كلام سمح
فجر : وراي حاجه غير تتبعك ي قلبي
وعلاقة سحر وفجر تطورت يوميا بالساعات يتكلمو
نوارة : خشت صالة شافت المربية تلم ف العاب آيآن وين امه
دادة فاطمة : راحت تدرس
نوارة : بعد اجوزت خطرت عليها دراسة
آيآن قاعد ف الحباس ويناغي
نوارة : عليش حطته ف الحباس
فاطمة : حركي ي ست هانم متعلم زحف ومانقدرش عليه
نوارة :مشت طلعاته من الحباس وهو ضحكلها على شن تضحك انت
آيآن : غا
نوارة : جيبيلي فطوري ف الحديقة وطلعت بيه تمشى تحكي وتضحك وكل من ف الحوش بدا يتعلق بيه حتى ابتسام وهذ شي
ريح زهراء ان علاقتها بيهم مااثرتش على ولدها ..
بعد كملت قرايتها خذت دوش ودارت كريمات تسمع ف صوت
ولدها وراجلها حط وجه ف بطن ولده ويدغدغ فيه والعيل ميت ضحك بصوت ابتسمت وهي تشوفلهم وزعلت ع نفسها كيف كل
ماتقرب منه يبكي ومن باقي ناس عادي مايبكيش ما حتى الباقي
غرباء عليه قعدت تشوفلهم بنظرة غريبه وهو يلاعب ف ولده
كان عبد الله فرحان بيه يدوش فيه ويلعب فيه وزهراء كانت
مهتمة ب قرايتها مرت سنة ودراله عيد ميلاد كبير ونوارة بنفسها اشرفت ع تنسيق الحفل وابتسام عزمت صحباتها وزهراء ساكته
ابتسام : شفتن ولد خوي
اميرة : يجنن
ابتسام :  طالعلنا نحنا
ساميه : عبد الله وطار من بين يدينا كلا ولده حجزته لبنتي
ابتسام : مانلقو اعز منك سماسم
زهراء : تشوفلهم وساكته
ماقدرتش تعزم هلها وهم عزمو اللي يبوه لذلك ثاني يوم قررت تمشي لهلها اللي من صبح ياسمين ف كوجينه ..
ادير ف تورته وزينت عليها صورته من حبها له قررت ديرها بيديها ودارت نوعين مالح بيتزا وبوريك ونرجس دارت كب كيك شوكولاطة وردة وتت طاولة نسرين تنفخ ف الانبولات ..
مهاب : ليش آيآن ديروله عيد ميلاد ونا لا
توليب : هذ خالتك ياسمين ريت
نسرين : صح مانبيش نحكي بس ف فرق ف المعاملة اهو عيد ميلاد بنتي من شهرين محد عبرها ولا تذكرها وآيان دارتله حفلة مطنطنه
توليب : حتى هي زهراء شايفه فلوسها وعزها مش كيفنا فقر
مهاب : سمع كلامهم ومشا يجري خش كوجينه خالتي ياسمين
ياسمين : اطلع برا مش فضيتلك را
مهاب : انتي دبه وشينه وحقيرة وسخه تفو
انصدمت ياسمين وشافت لنرجس ..
نرجس : نعطبها ع خشمك ي مهاب القرد
ياسمين : دارت روحها عاديه بس الكلام اثر فيها وجعها
جت زهراء اللي كان ينتقل من حضن لثاني ونسرين شافت لتوليب
الاثنين بناتهم قريب من عمر آيآن بس محد يعدل عليهن والحقد هذ
عواقبه وخيمه ..
رضيه : ياربي نجي آيآن عيد ميلاده اليوم ياربي سلم آيآن حفيد العيلة ياهو
وغنوله وقصو تورته ..
وتمر الايام ..
وينسحب فجر فجآة من حياة سحر ترن عليه مايردش عليها
دزله ف رسائل تليفونه مقفل تعلقت بيه تعودت يوميا تحكي
معاه لصبح تعودت ع اهتمامه حباته من كل قلبها رغم شخصيتها
سيئة بس حبت فجر صح والحب هذ يستر الله شن نهايته ..
..
رضيه دير ف براك ويخش عليها هارون امي ي امي
رضيه : ها ياامي
هارون : راجل خالتي صباح عطاك عمره
رضيه : شهقت وووه عليك ياخيتي صغيرة وعيالك صغار
نسرين : مسكينه
توليب : ديما متلقيه خالتي هذ
ياسمين : حرام عيالها صغار اخر اثنين واحد من انداد آيآن والاخر اصغر منه عمره شهور
وردة : نمشو توا
رضيه : ناضت وهي تبكي هي بسرعه البسن
وصلو لحوش كان كبير ..
صوت بكاء وعياط ومحد فاضي للصغار ..
رضيه : شافت قمر ف المربوعه عقدت حواجبها خشت سلمت
ع اللي ف مربوعه كلهن وجنبت قمر ونفس شي بناتها ماعدا نسرين
مبتش تخش مربوعه تحب خالتها وماتبيش تزعلها وتخاف من امها
ياسمين : عظم الله اجرك ي خالتي  ..
صباح : دموعها ينزلو وساكته
ياسمين : وين لصغار
صباح شيرت ع دار كانت مصكره مشت ياسمين خشت فيها
كان واحد راقد وثاني يبحت وساكت خذاته وهي تبوس فيه
صغير ع القزن ي روحي صغير مزال ودموعها ينزلو بقوة ..
برا
منار : تجري وتزقب من فوق سور وتنطر  ..
مهاب يشوفلها ب انبهار وقال شن اسمك ..
منار : شن دخلك ب اسمي وسيباته ..
بلال : مهاب اطلع واقعد مع رجاله تعال ساعد
مهاب : مزال يشوفلها وهي خاشه
..
ومر 40 يوم العزاء ايام كانو يقعدو ناس ونيه صافيه كلهم قعدو
ماعدا شباب روحو عشان مدارس وياسمين خذت اذن عشان تهتم
ب عيال خالتها لصغار فجر مشا لمدرسة شاف سحر واقفه جنب مدرسة وحاطه يديها ع بعض ..
فجر : جا بيخش لمدرسته وقفت قدامه
فجر : امشي من هنا ماتجيبيش روحك شبهه
سحر : عظم الله اجرك عرفت عندكم حالة وفاة
فجر : الله يرحمه
سحر:كنك هك ماتردش عليا فهمني زعلتك ف حاجه غلطت ف حقك
فجر : شافلها هي عطلتيني
سحر : قولي شن درتلك عليش تعامل فيا هك حرام عليك
فجر : مش درتيني مش تمام ونا مش كويس ونتبع فيك ودزتيلي جماعة ضربوني
سحر : كلام هذ قديم
فجر : نا رديت حقي حققت حلمك وكسدت عليك خلاص ناقص عليا مغير ناخذك شوفي شكلك شوفي روحك فوق مااكبر مني راك شينه
تخيلي ونا واخذك ناخذ وحده مضحكه صدقت واحد ضحك عليها ب كلمتين
سحر : حسبي الله ونعم الوكيل فيك
فجر : وفيك ان شاء الله خش لمدرسة وهو يضحك
تبعاته بعيونها اللي غارقات ف الدموع وقلبها مكسور اختلطت نظرة دموع بنظرة حاده كلها شر هزت راسها ومشت لمدرستها ..