ورود سامة

Part 24

ورود سامة
يحيى ادريس ..

مقعمزين كلهم ف الحاجر مفرشين ..

غادة : تعاركت معاها تبي تقطعني من صحبات عشان خطيبها ..
نرجس : معاها حق ي غادة را
غادة : ريت ه البراد بيت
ياسمين : تصب ف شاهي وخالتي شن قالت
غادة : لما قتلها ماشيه عند خالتي ضربتني ب حكة طماطم .. وردة حطت يدها ع فمها وهي تضحك ..
فجر : باهي اللي ماتكردمتي راك قعدتي ف الرقبة ..
غادة : هاها يا حانط ..
اياد : تقعد غادة كردومه ..
كانت فاتحة لاب توب ويتفرجو معاها
وردة : شوفي منظر زهراء وووه  ..
وردة : عليك عار صور زهراء ونرجس نكته
ياسمين : الماضي الاليم
نرجس : واللهي ايام سماح
وردة : ريتي هارون هاها ها 
ياسمين : كان شعره طويل ديما يحب رويحته
غادة : لعند توا ماشاء الله عليه
كلهم شهقو اوووه
وردة غمزتلها : اعتراف خطير
هارون : على شن تضحكو بس ..
فجر : جا بيتكلم
غادة : فجررر هاك لاب توب فيه العاب
فجر : منوره احلى بنت خالة والله
هارون : ياسمين صبيلي شاهي
غادة : وجهها احمر وقعدت ساكته
هارون : كنكم سكتو لما جيت ..
وردة : غادة تحكيلنا ع مغامرتها ..
هارون : غادة عندها مغامرات تحسها هادية ..
غادة : تنهدت وقالت تصبحو ع خير ..
هارون : اذا حضرت شياطين يعني ولا شنو
غادة : شن دخل نعست وبنرقد
ياسمين : هارون يسفتر
نرجس : خوذيني معاك غدغوده
وخشن البنات ماقعدت غير وردة تفرج ع فجر وهو يلعب واياد متكي وياكل ف كاكويه هارون شن كانت
تحكي بنت خالتك ..
اياد : مدرعن
هارون:عطك دعوة وجه مايوتخذ منك لا حق ولا باطل
اياد : نمشي نرقد خيرلي
هارون : كان يشوف لفجر وردة يتعاركو طلع سبسي ولعه ..
وردة : خلاص دوري ..
هارون : ف عينك مافيش هي عطاته لي
وردة : بلا مكر من بدري وانت تلعب
هارون : منيش معاطيك
وردة : صكرت شاشة لاب
فجر : ينعن
وردة : خشت تجري وفجر ف جرتها وردة تضحك
هارون : قدم للاب توب بيشوفهم على شن يتعاركو وفضوله خذو ناحية صور يطلعنله صورهم ف زرادي
صورهم وهما صغار وصور ف المناسبات قعد يضحك بعدين قال شن ندير نا استغفر الله خذا لاب
وخش بيه ..
كانت وردة مصكره ع روحها ف حمام مربوعه وفجر
قدام الباب وريني كيف بتطلعي هي ي كلبه اقعدي جوا هارون ضحك وركب لدار البنات اللي كانن مفرشات ع الارض ويحكن ..
نرجس  : غادة كان تزوج تخمر راجلها وماعد تطلع
غادة : اها يا حنه حتى هو رويجلي ان شاء الله تشوفو
ياسمين : ان شاء الله يجيك كيف ماتبي
نرجس : ويبدا اسمه ب حرف الهاء
غادة : فنصت في نرجس صكري فمك
نرجس : ننزل نقولها
غادة : خذت كبايه اميه وكبتها على نرجس
نرجس شهقت بصدمه وقالت توا ننزله ويطق هارون الباب
ياسمين : خش
نرجس : ولد حلال اهو جا
غادة : فنصت ف نرجس
هارون : كيف
غادة : قصدها كانت بتجيب لاب توب بعدين شن يدير عندك
هارون : لقيته ف الحاجر خفت ينسرق معش تخليه
غادة : شكرا وطلع هارون صكر الباب
...
نسرين : من امس عندهم ..
توليب : شن تبيني ندير ي توليب الله غالب ..
نسرين : قاهرتني مش مقدرينا ولا دايرين قدر ل امي وهي تستقبل فيهم ..
توليب:نحنا طلعنا من الحوش مانقدرو نتحكمو ف شي زي قبل
نسرين:خالتك وبناتها ياما واكلات على كبدي وشاربات
توليب : معلش فوتي مادوريش
نسرين : شن اللي ماندورش ي توليب شن
توليب : اها زي ماقتلك تمام
نسرين : استفزتها اختها وصكرت المكالمه كان مهاب وبلال يتعاركو ناضتلهم قرصتهم من وذانهم
مش مليون مره لما نحكي بتليفون مانسمعش حسكم مهاب هرب من امه شاف اختها مصبيه
ماسكه ف طاوله دفها طاحت ع الارض تبكي
نسرين : ياوليد الابلسه
مهاب ضحك وطلع يجري لشارع ..
نسرين : خذت بنتها تسكت فيها على خشة اشرف السلام عليكم ..
نسرين : شقلبت عيونها نا نعاني ف الهم وانت تقرا ولا على بالك ..
اشرف نبي نغير وماشي لشغل مش ناقص صداع ..
نسرين : طبعا نا صداع اخر الوقت نربيلك ف عيالك
اشرف : استغفر الله العظيم واتوب اليه تبي حاجه من برا ..
نسرين : شقلبت عيونها تلاجه اتصفر جيب بدون مانقولك خاطري مره تجيب وتعبي تلاجه بدون مانقولك من لحم وخضرا وفواكه بس هاه حظي الفقر
اشرف : طلع وسيب نسرين تبرطم ف كلام ..
بلال شاف لامه : حرام عليك بوي مش مقصر معانا
نسرين : اسكت انت انتلف اكتب واجباتك مزال صايع لاخر نهاره احرف على راسه ...
..
علاء يسلح ف كاويشته شن درتي غداء ..
توليب : طباهج ..
علاء : خذا بنته يبوس فيها انتي حبيبة بابا انتي قلبه
توليب : رفعت حاجبها وخشت كوجينه ..
علاء : اليوم ف العشية نمشو ل امي هاه
توليب : خوذ بنتك وامشيلها بروحك
علاء : كيف هكي
توليب : هلك مش ملزومه بيهم مش صلة رحم بينا
علاء : جو اللفاعي فكيني منه تمشي لهلك تروحي معبيه
توليب : اولا احترام نفسك لما تحكي عن هلي
علاء : هلك مانغلطش فيهم بس هلي عادي
توليب : وين غلطت نا قتلك نا حره مانبيش نمشي
علاء : مالا دبشك وهي لهلك
توليب : انت على سبله عاد ايوا عشان تجيب صبايا للحوش وتزيط ..
علاء : احترمي نفسك وانتي تحكي معايا
توليب : ضحكت بهزوه وشقلبت عيونها
علاء : العني شيطانك وامشي معانا
توليب : مشي مش ماشيه
علاء : حط البنت الارض عليش
توليب : مانبيش نا حره كيفي مانبيش هلك زعم الكبد
علاء ينزل على خدها بكف هلي احسن منك ومن هلك
توليب امشي اطلع براااا اطلع
والبنت تشوفلهم وتبكي ..
علاء : قال كلمة مش كويسه وقعد يسب ويلعن وطلع من شقة توليب انهارت بكاء طبست حضنت
بنتها وقعدت تسكت فيها ..
..
هارون : ياسمين ..
الكوجينه فيها غادة واقفه دير ف سلاطه ..
هارون : السلام عليكم معلش ..
غادة : وعليكم السلام لا عادي شن تبي ..
هارون : وين البنات
غادة : نرجس ف جامعة وياسمين وردة روحن مدرسة باطلانات رقدن طول وخالتي رضيه نصبت
غداها وطلعت لوحده من جاراتكم قالت تساول فيها
هارون : اها
غادة : تبي حاجه قول عادي ..
هارون : نتعبك معاي
غادة : مافيهاش تعب قول
هارون : سوريتي انكبت عليها قهوة بس تغسليها ع يديك
غادة : حطها ف الحمام توا نجي
هارون : تمام
وبعدها غسلتها ونشرتها وحطت الغداء وبعد
الغداء دارت طاسة شاهي مدتها لهارون ف الحاجر
جت بتخش قال كنك كل ماتشوفيني تهربي ..
غادة : نا ابدا
هارون : نشوف فيك تحكي معاهم كلهم الا نا ..
غادة : تهيالك بس
هارون : كنك خاشة ف روحك
غادة : ابتسمت
هارون ابتسم  : ضحكتك حلوه
غادة : وجهها انحمر وخشت تجري خبطت ع خدودها تثقلي يغادة طيح سعدك يالخفيفة
ياسمين : كنك تحكي مع روحك
غادة : لا نستغفر بس
ياسمين هزت راسها اها ..
غادة : وين زهراء لا حس لا مس مختفية
ياسمين : عمتك زهراء سافرت لفرنسا
غادة: طيبت القهوة تصب فيها ففناجيل شن سياحه
ياسمين : تقرا ف مدرسة غادي وتعالج بالمره
غادة : ماشاء الله ربي يهنيها عقبالك نفرحو بيك
ياسمين : ابتسمت
غادة : ياسمين شن رايك نكتبو مواصفاتك ع نت
ياسمين : ضحكت طبعا لا شن الهبال هذ شن فيها
نرجس  : تخلط ف نسكافي وتسمع فيهم صح شن فيها
ياسمين : تخيلن ونا ندلل على روحي بعدين نت شنو
غادة : في منتديات ع الفيس بوك
ياسمين : بسم الله بوي نا كنه الله يرحمه وفيس ايش قصته
نرجس اتكت ع رخامه كوجينة وتضحك ..
غادة بضحكة : الفيس برنامج تواصل لتعارف
ياسمين : يدها ع خدها زي قناة تلفزيون حسناء بتاع تعارف مطلقات والارامل
غادة : ي عيني عليك
ياسمين ندبت ع خد واحد نهار احرش
غادة : عادي تعالي معاي بس قعمزن ع لاب توب
وبدن عاد يحطن ف مواصفات ياسمين ،.
غادة : العمر 27 سنة ..
ياسمين : ضربتها ع كتفها 26 ونص
غادة : ضحكت عليها وكتبت ونص
ياسمين : حطيلي صورة البنت الاجنبية شسمها ي نرجس اللي معلقتها ع دولاب
نرجس : انجلينا جولي
ياسمين : ايوا
غادة : شوفي امير الاحزان دزلنا
ياسمين : فكينا منه خاصني احزان ف حياتي
ضحكت غادة وشافت واحد اخر سمو الفخامة
ياسمين : شكله خليجي خلينا نكسدو عليه
غادة : بدت اتعرف عليه وطلع ليبي ومن هنا عجب ياسمين وقررو يتكلمو وخذا رقم ياسمين وبدت طول اليوم تحكي معاه ..
اصيل : انتي عجبتيني ونتمنى نشوفك
ياسمين : كيف
اصيل : نتلاقو
ياسمين : شنو نخاف مانقدرش لا فكني
اصيل : متخافيش مكان عام ونصبي عليك من بعيد.
ياسمين بعد تفكير قالت هذ فرصتي اوكي تمام ..
اصيل : احلى ياسمينه والله ..
ياسمين : ابتسمت
..
غادة : شن صار
ياسمين : بكرة بنتلاقو
نرجس : ياسمين خايفه عليك
ياسمين : من بعيد
غادة : نكلمو سحر مالا
ياسمين : لا عليش تفضح بيا ف المدرسة كلها
غادة : نقولو عندك مناسبة ي غبيه
وردة : فكينا منها ي غادة البنت هذ ثقيلة
غادة : متخافنش على ضمانتي
وجا اليوم ثاني جت فيه سحر ..
سحر : السلام عليكم شخباركن
رضيه : وعليكم السلام
سحر : خير ي حاجه وباست راسها امي دزتلك باستي
رضيه : شكرا
سحر : وين البنات
غادة : تعالي وركبت سحر تجري فوق مع غادة
خشت لدار شافت وردة شخبارك وردة
وردة بدون نيه : اهلا وحطت سماعات ف وذنها
غادة : ياسمين عندها فاتحة صحبتها وقلت مافيش وحده تفتلك ف مكياج كيفك ..
سحر : عيوني المكياج هذ لعبتي احلى ابلة والله
ياسمين : ابتسمت
سحر : بدت تفننن ف ياسمين ابتسمت بعد كملت شن رايك
ياسمين : كأنه اوڤر
سحر : لا مش اوڤر حتى درتلك مكياج مناسب لك
غادة : خلاص نخلوها تلبس ونزلن تحت
سحر : قعمزت الباستي هذ مايبي الا طاسة شاهي بنعناع
رضيه : توا نصبي نديرها
سحر :والله ماتعبي روحك نا نديرها ومشت لكوجينه
رضيه : ماشاء الله عليها صاحبتك ي غادة اجتماعية
غادة : امم وخشت لكوجينه
سحر : اتعبي ف البراد اميه
غادة : تعرفي ي سحر اول مره يكون عندي صاحبة بشكل هذ خاطي بنات خالتي ..
سحر : ابتسمتلها انتي اختي ..
غادة : اهي طلعت ياسمين
سحر : ان شاء الله محد يكبسها بس ويخرب الموعد
غادة : اي موعد
سحر : تحسبيني بالك صدقت قصة صحبتها وفاتحة  ف وحده عشان فاتحة تهتم ب موضوع هك ما دير
اي حاجه ع سريع ولا امشي لكوافيرة را طريق اللي
مشيتلها نا مروحه منها
غادة مفنصه بضحكه ماتهلبك هلابه خبرة يابنيه
سحر : غمزتلها بيش تعرفي بس
كانت ياسمين ..
مقعمزه ع كرسي ف وحده من الحدائق العامه ..
رن تليفونها وقال وينك انتي قالت نا لابسه ابيض
وهو قال شفتك شفتك وتصبي ياسمين تنصدم
كان صغير عليها واضح فرق العمر لابس خواتم
ف يده وشعره مرفوع فوق زي ديك ويمضغ ف مستيكه قال شخبارك ي الشينه انصدمت ياسمين
...
هارون : خش لكوجينه وهو مبتسم قال غادة وخر وقت شاف وحده معاها طلع من كوجينه ..
سحر : غمزتلها من الطرف هذ اياهي ..
غادة : ولد خالتي وجهها احمر
سحر : باهي راهو يحبك
غادة : وانتي شن عرفك
سحر : وانتي تحبيه عباطه مانبيش
..
رضيه ان شاء الله خشيت كوجينة ف بنت برانيه هنا
هارون : ماكنتش عارف محد قالي
فجر : خلاص يمي را قعدنا غريبين ف حوشنا
رضيه : وطي حسك وطلعت سحر نحنا جينا
طلع هارون وفجر قعد عشان يتحشمن ع وجوهن ويمشن بس وقت شاف سحر انصدم انسطل مكانه
سحر : ابتسمت جبتلك شاهي ي حاجه معاه باستي مانحكيلك عمايل ايديا وفجر طلع كأنه شاف عفريته