مستحيل اني أبيعك لو على السيوف

٥

عند كيان بغرفة الكيمرا
كيان:شفتو هنا دخلت همس بعدها اختفت معد طلعت
رجال المراقبه :راح نشوف الكميرات الخلفيه للغرفه
حرك اللقطه على الكميرات وشهقت كيان تشوف همس بين يدين رجال ملثم يركبها سيارته وبتوتر قالت:زوم على الصور بليز
هز راسه الرجال يقرب الصوره ناظرت كيان بالسواق والخاطف ونزلت دمعتها بخوف على همس
دخلو العسكر وانفتح تحقيق طويل عريض والكل استجوب لكن محد كان يعرف وش السبب في اختطافها ومن يكون هالرجال الملثم
بهالساعات تصدرت صور عقاب مجلات لندن وقنوات الاذاعه كا اغرب أطلاله ولقبوه بالغامض بسبب ستايله ومشيته الي كانت نوعا ما تميل للغموض وحدة عيونه الي كان يخفيها داخل الوشاح الكل كان منبهر بااناقته وكثير إعلاميين حبو يعملون لقاء معه بس مع الأسف ما احد استطاع انه يوصل له او حتى يعرف اسمه وكنيته واطلقو عليه (المجهول الغامض) وتسرب خبر للإعلام عن خطف عارضة الأزياء همس وصارت حديث الإعلام والصحافة لكن كيان طلعت تنفي هالشي حتى مايستغلون الإعلام هالشي ويبدون بنشر الشائعات والأخبار الكاذبه

في الطيارة الخاصه بدت همس تستعيد وعيها شوي شوي تفتح عيونها تتلاشى الضاببيه با التدريج حتى وضحت رؤيتها تجي عينها على الملثم الي جالس قبالها بكل جمود وهدوء نزل جواله يناضرها صحت شهقت بخوف تفز وتصرخ:

Who are you? What do you want from me?
"من انت وماذا تريد مني؟"
ماكان في رد وبس يناظرها بهدوء
ناظرت همس حوالينها تشوف نفسها بالطياره وصرخت:
‏Where are we going?
"أين نحن ذاهبون"؟
وقف الملثم يتجه لها ووقفت همس برعب منه ومن هيبته وقف قبال وجهها وناظرته همس بحده رفعت يدها لوجهه بتسحب لثامه بس يده اسرع يمسك معصم يدها وكردة فعل منها رفسته على بطنه ورجع على ورى بالم وهنا امتلكت قوة همس تتجه له بغضب وهي تصرخ :
‏Are you crazy?
"هل انت مجنون؟"
اعتدل بوقفته لكن يدها كانت اسرع وسحبت اللثام من على وجهه ناظرته با استغراب اول مره تشوفه وتأكدت انه هو خاطفها بسبب الخمش على وجهه من يدها لمن خمشته بغرفة تبديل الملابس
رجعت على ورى بخوف تناظر حوالينها وصرخت بقوه :
Help me
"ساعدوني"
فز مراد الي كان نايم يناظرهم :وش فيه وش صاير
عقاب وعينه على همس:رتب لي اجراءت النزول ما ابيها تتصادم مع احد او تتكلم مع احد من الطياره على البيت
همس فهمت من لهجتهم انهم سعوديين وعقدت حواجبها باستغراب:حنا فين رايحين؟وش تبون مني؟ومن انتو
عقاب:مو مهم
صد بيجلس لكن انصدم من مسكت كتوفه تلفه بقوه ناحيتها وترص أسنانها:إذا مو مهم عندك عندي مهم والله بتندمون على حركتكم ذي تفهمون
عقاب يتكتف يناظرها ببرود ناظرت همس فيه بقهر من بروده وهمست بقهر:ابي جوالي اول ما انزل من الطياره ببلغ عليكم والله لخليكم تعفنون بالسجن مسوي فيها بطل اجل أبشر أنا اعرف لاشكالك
عقاب برضو يناظر بدون رد بس يفحص الي قدامه ويعرف انها خايفه ومولعه غضب من بروده وهذي حركة عقاب المعتاده لابغى يذبح فريسته يذبحها بصمته ويستمتع بمنظرها وهي تاكل نفسها
همس بقهر رفعت يدها تضرب صدره:من انت وش تبي مني احكي ليه ساكت ؟
عقاب يناظر بهمس ومتكتف:مراد رتب اجراءات النزول
هز راسه مراد يشوف الوضع كيف الطيار جالس يقرب من الارض بيهبط
تقدمت همس لعقاب بحده تمسك كتفه تدفعه على ورى:والله لندمك على فعلتك ذي شايف وجهي"اشرت با اصبعها على وجهها "احفظه زين لانه راح يكون كابوسك
احتدت ملامح عقاب وهو مايحب احد يهدده ابداً ناظر مراد بطرف عينه لعقاب الي واضح الغضب بملامحه وتوسعت عيونه بصدمه من مسك راس همس بين كفينه بقهر وضرب براسها في راسه ومامدى همس تتكلم إلا فقدت وعيها من قوة الضربه مال جسمها بس يد عقاب اسرع يسحبها من خصرها ناحيته يسند راسها على كتفه سندها يجلسها على الكرسي وعدل راسها المايل نزل عيونه لحزامها يربطه جاء بيوقف استوقفه خصلات شعرها على وجهها مد يدينه بيبعدها لكن بسرعه سحب يده يقبضها بشده رجع على ورى يجلس على كرسيه يربط حزامه
مراد:كل شي جاهز راح ننزل على التاكسي بسرعه وبعدها على البيت
عقاب:تمام
مراد:ماتخاف انها تأثرت بضربه راسك
عقاب:مايهمني والمفروض تدعي ربها انها تموت لان الموت ارحم لها من الي جاي
مراد تنحنح:ما ودي اضايقك بس انت متاكد من الي تسويه
عقاب:مايوم ندمت على خطوه خطيتها خمس سنوات انتظر هاليوم تهقى بندم
تنهد مراد ورفع رجله عقاب يحطها على رجله الثانيه وجلس بكل شموخ وشعور النصر داخل قلبه غير

هبطت الطياره ونزل مراد للتاكسي شايل شنطهم ولف لعقاب الي نازل من الطياره وهمس بين ذراعينه شايلها وكانه ذيب شايل فريسته شعرها المتطاير بسبب مراوح الطياره يضرب بصدره ومره بوجهه ريحه عطرها تخنقه وحتى ملامح وجهها المغطاه بالحمار كانت متعبه جداً على عقاب الي يحاول انه مايناظرها وبس يبي يوصل للسياره نزل من درجات الطياره بفرحه تغمره قدر يطفي جزء من النار الي بقلبه قدر يحس انه حقق جزء بسيط من العداله وقرب لهدفه بشكل مره كبير فتح مراد باب السياره يركبها عقاب ويجلس ورى معها سند راسها على كرسي السياره وركب مراد قدام منطلقين للبيت كان عقاب صامت وهالشي مو غريب عليه جالس يجمع أفكاره ويرسم خططه هالصمت مذبح لمراد الي مايحب الهدوء بس كنز ثمين لعقاب الي يحسه يجدد روحه وينظم فيه أفكاره سرح بمخططاته واخذته لدروب الهواجس حتى انقطع بعد فتره من الوقت من حس بثقل خفيف على كتفه ناظر على جنب يشوف وجهها المغطى بشعرها على كتفه رفع راسها بطرف سبابته يبعدها عن كتفه ورجع يناظر لمراد الي يراقبه بصمت في المرايه انتهى طريقهم بوصوله لبيت ابوه

السعودية 🇸🇦
الساعة ٦ مساءً
جالسين بحديقة البيت وقايد اليوم مو على بعضه ابد
رنا وروان يتهاوشون مع تميم وام منير ماسكه سبحتها تسبح
وقايد مره يناظر ساعته ومره جواله وأشواق تمرر القهوه عليهم لفو برعب من صوت الصيحه الي خلف أسوار الفلة
وقفو برعب من انفتح باب الحوش يدخل عقاب وهو يسحب همس بقوة وبدون رحمه ويصقع بباب الحوش برجله يقفله كان يسحبها بعنف من ذراعه وهي تصارخ وتحاول تفلت من يده ومره تنسحب ومره تثقل نفسها وتجلس لكن سحبها وهي متمدده على الارض وترافس برجولها متجه لجلسة اهله والكل يناظر بصدمه منظر عقاب الي مايدل على ان في قلبه مكان للرحمه دفعها بقوه من يدها تطيح بوسطهم ومن الخوف نزلت امه على ركبه لهمس تمسح التراب من فستانها:وش جالس تسوي وشلون تسحبها كذا
عقاب يرفع امه:بعدي عنها تكرمين يمه عن اشكالها ذي الامانه الي رهنتها اريج
الكل ناظر بصدمه وهم عرفو همس من تكون واحتدت نظرتهم لها وبان الحقد بوجيههم لها وقفت ام منير با اندهاش رجعت على ورى تنزل دموعها بحزن وتقدم تميم والبنات يحتوونها
قايد يربت كتف عقاب:أوفيت ي ولدي واشهد انك قلت وطلت
همس شافت انها بموقف صعب مو فاهمه شي وش صار امانه ايش وأريج امها وش مسويه وليه ناظروها بحقد وقفت تستجمع قوتها عكس تفكيرها المشتت ومو فاهمه شي وقالت بحده:انتم مين وكيف يتجرأ ولدك يخطفني ؟انتم ماتعرفون أنا مين؟ ومن أنت أصلا تسحبني كذا ؟سلامات بلدنا مافيها قانون
قايد :بعدك بزر ماتفهمين
همس ترفع سبابتها بقهر:احترم نفسك وشيباتك ما ابي اهينك
عقاب يلف اصبعها السبابه بقوه وشهقت بالم من حست نفس البرق لسع فيه ضربت عقاب على كتفه تبعده تسحب يدها وقالت:أنا رايحه اشتكي عليك والله لخليهم يربونك ي تافه
صدت بتمشي لكن