مستحيل اني أبيعك لو على السيوف

٢٨

استغرب عقاب تهربه من التحقيق وحس كانه مو على بعضه ماخفي على عقاب ان سعود كتفه ثابت يده مايحركها بشكل طبيعي
وقف سعود وناظرته همس تتذكره نفس الشخص الي كان عند المستشفى تشوف كيف يخبي جرحه الي بذراعه وبس رفع يده يفتح الباب انتبهت لوشم الديناصور بيده تعقدت حواجبها باستغراب هي شايفه نفس الوشم وين بالضبط
ناظر عقاب بمراد :خذهم للسجن وجهز الفريق
مراد هز راسه يوقف يطلع المساجين وطلعت كيان تجلس خارج المكتب
ناظر عقاب بهمس الي سرحانه وتفكر بشي وأعتمد على ذقنه يقطع هاجسها:وين وصلتي
همس ناظرته:في شي ببالي بس مو متذكره
عقاب باستغراب:مافهمت عليك
وقفت همس تتجه ناحيته تعتمد على المكتب بيدينها وتسحب الماوس :ابي صوره لماهر
عقاب:ليه
همس:في شي غريب بتأكد منه
رفع يده عقاب يحطها على يدها الي على الماوس وبدى يقلب بالكمبيوتر يدور صوره لماهر ورجف قلب همس بتوتر تجتاحها مشاعرها الي تكنها له وناظرت بعقاب ووجهها القريب منه تسارعت انفاسها تنزل نظرها ليدها الي شادنها عقاب بقوة ماوده يبعدها عنه اما عقاب كان قاصد الحركه وهو يبي يرتاح بقربها ولمساتها فتح صورة ماهر وهو حاس برجفة همس وتوترها من قربه رفع نظره يقرب وجهه من وجهها يشوفها سرحانه فيه سرح فيها وبملامحها الي فقدها حيل قرب زيادة لوجهها تختلط انفاسهم ببعض ثواني بسيطه تحس همس على نفسها وتنحنت تصد بوجهها تسحب يدها عقاب ولسا يناظرها:هذي الصوره
مالت همس تنحني على عقاب تقرب من الجهاز تسحب الماوس تزوم على يد ماهر تدقق بالوشم اما عقاب كان غارق فيها وبتفاصيلها وضاع بريحة عطرها وبشعرها الي طاح قدام وجهه يقرب بهيام يشم ريحته في ضل انشغالها يرد روحه قطعته همس الي لفت بسرعه لوجهه وقالت :شو...انقطع صوتها من شافته سرحان فيها انتبه عقاب يحس على نفسه وقال:وش
همس ترفع اصبعها على الشاشه :شوف الوشم الي بيده
عقاب ناظره يقرب :طيب ؟؟
همس:نفس الوشم على يد سعود هذا الي يشتغل معكم وطلع تو
احتدت نظرة عقاب وهو مصدوم :يعني سع...
همس:الجاسوس الي جالس يسرب كل معلوماتكم لماهر
عقاب بقهر يوقف يطلع من المكتب ومسكت همس خصرها بالم تتجه خلفه ركض توجه نظر الكل لعقاب الي يصرخ :ياسعود الكلب
الكل تأهب بخوف يشوفون خطوات عقاب مو ناوي خير فزت كيان خلفهم وسمع مراد صراخ عقاب واتجه ركض له اما عقاب بسرعه صفق بباب مكتب سعود الي عرف انه انكشف نزل الجوال وصوب بسلاحه يطلق رصاصه انفجع عقاب بسرعه يرجع على ورى يسحب بكتوف همس يسحبها لحضنه يخبيها شهقت همس بخوف وكيان انفجعت من المنظر وقفت عن باب المكتب وركض مراد يشوف سعود الي رافع السلاح بوجه عقاب وسحب كيان يبعدها خلف الجدار :انتبهي
تخبت كيان بخوف وهي مو فاهمه شي مراد نفس الشي مو فاهم وسحب سلاحه يدخل المكتب والعسكر خلفه ورفعو سلاحه كلهم على سعود الي مانزل سلاحه بوجهه عقاب
طلع عقاب همس من حضنه يخبيها بظهره وقال:نزل سلاحك
سعود:ما أنزله خلوني اطلع والا والله ما أموت لحالي
عقاب يقرب:انصحك تتجاوب في صالحك
سعود يضحك:لاتعلمني وش اسوي وبعدو خلوني اطلع
قرب سعود يمشي بالوسط وهو محاوط بالعسكر ويلف يمين ويسار يبي يطلع :لحد يقرب
اشر عقاب للعسكر يهدون دار عقاب بخطوات هاديه وهو ماسك كف همس يخبيها بضهره وبس صد سعود نط عقاب على ظهره ينقض عليه يطيحه على الارض يهجم عليه وهو يلكم براسه في الارض ويسحب سلاحه منه ويوقف بنصر ارتعب سعود يجلس وبسرعه مراد فز يكتفه
عقاب وهو مصوب عليه السلاح:والله وانكشفت ي الأشهب
مراد بصدمه:الأشهب
عقاب:اي هذا الكلب هو الي كان طول الوقت متعامل مع ماهر هو ذراع ماهر اليمين بس خلاص طحت
سعود مارد يعرق يبلع ريقه بورطه وتقدم عقاب يسحب بدلته يشوف الرصاصه الي بكتفه :اوه هذي معركة البارح مو
مارد سعود يصد نزل عقاب على ركبه ونص يلف بذقنه بحده وقسوه وقال:والله لخذ روحك انت وماهر بيدي بناتي الي ذبحتهم بدون ذنب ومنير الي غدرتو فيه ودم همس الي فكرتو تاذونها
دفع وجهه عقاب بحده يوقف اشر للعسكر :خذوه للحبس وشددو الحراسه عليه
مال العسكري يشيله يطلعون ولف عقاب لمراد يحط سلاحه بخصره:جهزت الفرقه
مراد:جاهزين
لف عقاب لهمس :خذ همس وكيان وصلهم للمزرعه وألحقنا
همس:مالك امر علي
عقاب يرفع حاجبه:عفواً
همس:أنا جايه معكم
ناظر عقاب لها تتجه له وهي ماشيه تسحب سلاحه من خصره وكملت طريقها تمشي طالعه متجهه للدوريه تركب وعقاب يناظر بمشيتها الي كلها ثقه وتحدي وابتسم بخفيف :اجل خذ كيان
كيان:لا خلاص أنا بمر الفندق اخذ أغراضي وبعدين اروح
هز راسه عقاب يطلع خلف همس ولف مراد لكيان:انتبهي لنفسك
كيان ابتسمت:وانت بعد استودعك الله
ابتسم مراد يمشي من جنبها وهو يناظر خلفه ورجع يمشي وكيان جابت راسه خلاص ركب بالدورية الثانية وحرك عقاب وعينه على همس الي تستند على المقعد تاخذ نفس
عقاب:ليه عنيده ليه تتعبين روحك
اعتدلت همس تمد يدها مافهم عقاب:وش
همس:الرصاص
فتحت همس السلاح في ضل صدمه عقاب مد لها الرصاص تعبي السلاح بالرصاص ورجعت تستند وهي شايله السلاح بيدها
عقاب:صاير تطورات من متى تعرفين تعبين السلاح رصاص
همس تلف له :الفضل لك
عقاب:عسى تعرفين تصوبين بس
همس ترفع السلاح على جبينه وابتسمت:وعلى الهدف مزبوط ودك تجرب
ضحك عقاب بقوه وبعد همس عنه وهي مبتسمه تناظر قدامها
وصلو الموقع الاولى نزلو ونزلت همس تمشي بخطوات هاديه شايله السلاح خلف عقاب يوصلون للحاجز انفرقو كل واحد راح بصوب وبس رفس باب المستودع عقاب دخلو بسرعه شايلين أسلحتهم بتأهب ماكان فيه احد
نزل سلاحه عقاب يناظر همس الي دخوليتها معه كانت بطله واتجه لها:تعرفين تداهمين كمان
ناضرته همس تشمق وتمشي قدامه وعقاب مبتسم عليها ركبو الدوريات واتجهو للموقع الثاني كانت عباره عن غابه بداخلها بيت صغير دخلو بهدوء من بين الشجر يتجهون للبيت وبسرعه حاصرو البيت وقف عقاب ومراد وهمس على جنب الباب نط مراد للجنب الثاني ورفس الباب وبسرعة دخل عقاب وخلفه همس ومراد وفز ماهر الي كان متمدد يدور سلاحه
عقاب:عندك
ماهر:عيون الذيب
عقاب:يسلم عليك الأشهب
ماهربخوف يناظر يمين ويسار وناظر بهمس الي شايله سلاح ومصوبه عليه
ماهر:همس
همس بضحكة مسخره:محد يموت قبل يومه ونصيبي أسلمك للموت بيدي
ماهر:لا همس أنا اخوك كيف تسوين فيني كذا
همس :يعني لانك اخوي اغفر بدم منير ودم لين وليان طفلتين بريئات ذبحتهم مالهم ذنب
ماهر يرفع يده باستسلام:لا همس أنا ماكنت بذبحهم
عقاب بقهر:بس ولانفس
قرب ماهر له لكن لفو لأريج الي صرخت:بعدو عن ولدي
تقدمت اريج تخبي ماهر خلف ضهرها ناظر عقاب فيها:بعدي عنه ولدك لازم يتسلم للعداله
سحبت أريج السلاح الي بجيبها تصوبه على عقاب:ان قربت له ذبحتكم
عقاب بتحدي:لاتخليني اذيك بعدي عنه
قرب عقاب بقهر منها يشوفها رافضه تبعد عن ماهر وهمس خايفه على عقاب
ماهر من الخوف والربكة ماعرف كيف يهرب سحب السلاح من يد امه وهو يرفعه على راسها وصرخت همس:لا
ارتبك عقاب يرجع على ورى ماهر بتهديد:ان قربت راح افرغ السلاح براسها
عقاب:ماهر اتركها وانصحك تستسلم لان المكان محاصر ماراح تقدر تهرب
همس بدموع:ماهر اترك ماما لاتاذيها
ماهر بضحكه :ههههههههههههههههه من امك همس انتي غبية بزياده
همس تقرب بقهر وخوف على امها:ماهر لا تاذيها أتركها
ماهر:ارجعي ورى لاتقربين
مسك عقاب يدها يرجعها ورى :ماهر اتركها هذي امك كيف بتقتلها
ماهر:مايهمني لوقربتو بذبحها
همس بصراخ:ماهر كافي اترك ماما
ماهر :بعد عني خلًوني اطلع وكلم العسكر يبعدون
مشى ماهر وامه بيده ومثبت السلاح على راسها يطلع من البيت وهو يناظر خلفه وأمامه بتوتر
اريج:ماهر اتركني كيف تسوي فيني كذا
ماهر يشد ذراعها:ما أموت لوحدي مستحيل أموت
همس بدموع:ماهر لاتاذيها تكفى ي اخوي اتركها خلاص عطني إياه عشان خاطري ماما مالها ذنب عشاني
ماهر بضحكه:همس انتي غبيه ترا الي تحمينها مو امك
همس ناظرت برمشه :كيف
ماهر:هذي مو امك هذي خاطفتك من حضن امك وانتي صغيره
عقاب بصدمه هو ومراد يناظرون همس من قوة الكلام ناظرت بدهشه عقلها رافض يستوعب
همس:انت تكذب هذي ماما أنا صح زعلانه منها ومتهاوشه معها بس ما ابيها تموت الله يخليك
ماهر:همس افهمي ترا ذي مو امك ذي خادعتك والحين بعدو عني خلوني امشي والا بذبحها
همس كانت تحت تاثير الصدمه اريج بدموع:ليه ي ماهر بعد ماضحيت بحياتي كلها لأجلك تسوي فيني كذا
ماهر:اص ولا نفس حياتك هي نجاتي الحين
بكت اريج بندم وهي عمرها ماتوقعت ان ماهر ممكن يغدر فيها كذا وهي امه
تقدم عقاب خلفه وهو يحاول يهديه ويقنعه يسلم نفسه لكن ماهر رافض
حاوطوه كل العسكر وعقاب بوجهه:سلم نفسك
ماهر حط السلاح بضهر امه وضغط الزناد تطلع رصاصه تخترق ضهرها انفجع الكل وشهقت اريج من قوة الرصاصه الي اخترقت ظهرها ورفع عقاب سلاحه يرمي ماهر برصاصه تخترق راسه ويرجع على ورى يطيح ميت
صرخت همس من شافت اريج تطيح واتجهت ركض ترمي سلاحها وجلست على رجولها عند راسها:ماما قولي انه يكذب قولي انه مو صح كلامه ماما لاتموتين
اريج بصعوبه تتكلم:س -سا-سامحيني
ارتخى جسمها تموت وصرخت همس بدموع وبكي:لا لاتموتين يعني أنا مخطوفه انتي مو ماما اجل أنا بنت من اصحي لاتروحين ليه تتركيني يتيمه بدون اهل ليه تسوي فيني كذا
كانت تصارخ وتضرب بكتف اريج تبيها تصحى تقول لها الحقيقه وهي مو مستوعبه انها معقوله عاشت كل هالسنين مع عايله مو عايلتها وعانت هالمعاناه بسببهم