مستحيل اني أبيعك لو على السيوف

٣٦

:عقاب القايد مو ؟
عقاب باستغراب:اي نعم من انت؟
:معك لافي ولد عم نفس
فز عقاب بسرعه يوقف على حيله :انت لافي؟
لافي:اي أنا رحت...انقطع صوته من رن جوال عقاب يرفعه
عقاب:هلا
خلف:عقاب جاني لافي ولد عم نفس وخبرته انك بلندن قال راح يجيك
عقاب بفرحه:اي عندي هذا هو
خلف بفرحه لعقاب:زين أخليكم
قفل عقاب يلف للافي:فين كنت تدري اني تعبت حتى الاقيك
لافي:كنت مجبور اختفي فتره لان عمي كلفني بمهمه خارج البلد بس رجعت انصدمت بان عمي انقتل وبنت عمي مو موجوده اتجهت للمركز وخبرني خلف عن الي صار
عقاب:أمانتك عندي يالافي وصلت
لافي يربت كتفه:تسلم ي عقاب ماقصرت انك حميتها
هز راسه عقاب وكمل:انا حالياً ما اقدر ارجع السعودية إلا بعد يومين تنتظر
لافي:ولايهمك انتظر
ربت كتفه عقاب ياخذ رقم لافي يبقون على تواصل وراح لافي مسح عقاب شنبه كيف يفكر كيف يكلم همس ويقول لها الحقيقه وهو مؤتمن على قصة نفس مايعلم احد فيها
وقف يتجه لجناح همس كانت تجهز دق الباب عقاب يدخل من عطته اذن رفع نظره يشوفها من رجوله حتى استمر نظره بعيونها وهو مبهور بجمالها فستانها الأزرق الحرير الطويل وعاري الكتوف ماسك على جسمها لحد ركبها حطت همس حلقها واتجهت لجاكيتها ترميه على كتوفها استغرب عقاب ان ماعندها عرض الحين ليه متجهزه كذا تقدم لها :عندك عرض الحين
همس ابتسمت:لا عندي عزومه عشاء
ماعلق عقاب وبداخله يشوف همس متغيره تمشي بخطوات يغلبها التحدي والصرامه وتبتسم بوجهه طلعت يمشي خلفها يركبها السياره وركب يسوق وعينه على المرايه الاماميه يوزع نظراته عليها وعلى الطريق حتى وصل المطعم الي على اللوكيشن نزل عقاب وفتح لها الباب نزلت همس وبس جت بتمشي مسك عقاب عضدها ولفت بخوف عليه كان نظره لعيونها وهي من اللخمه من حركته ماقدرت ترمش حتى حست يده يثبت لها السماعه وجهز التعقب بذراعها وتركها بعدت همس عنه :طالع عزومه مو رايحه عرض تقدر تروح تشوف شغلك لو طلبتك تعال
ماعلق عقاب يمشي خلفها ووقف بعيد شدت همس ذراعها تلقط انفاسها وكل الي تسويه قاصده تغيض عقاب  اتجهت للطاوله الي قاعد عليها احد المصممين الي تعاملت معهم وواضح مو سعودي وقف يمد يده يسلم عليها مدت يدها تسلم وسحب لها الكرسي يجلسها ورجع جلس كل هالمنظر تحت عيون عقاب الي بدى يولع ويحاول يتمالك نفسه نزل نظره لساعته يشوف الوقت وينظم انفاسها بهدوء استمرّت همس نص ساعه مع المصمم وعقاب عينه عليهم ويحاول يهدي نفسه إلا ان مد يده المصمم يمسك كف يدها يبي يراقصها وهمس رغم انها تبي تقهر عقاب إلا ارتعبت جداً وماكانت تبي توقف بس هو جبرها بس مد يده لها بيحاوط ظهرها رفع عقاب الوشاح يغطي وجهه واتجه لهم وهمس من التوتر ماعرفت كيف تتصرف حس حست صدر عقاب بضهرها ولفت عليه بشهقه مسك عقاب يد المصمم يتقدم همس ويلف يده بقوه وبغضب همس من الخوف خافت يكسر يده مسكت ذراعه :عقاب خلاص اهدى اتركه
عقاب:لازم يعرف انك خط احمر ممنوع احد يلمسك
شد يده عقاب زياده ولفتو انتباه الي بالمطعم وهمس خافت من عقاب وهي عرفت انها اختبرت صبره اتجهت له توقف قبال وجهه:عقاب لو سمحت خلاص لفت انتباه الكل
عقاب مارد يشد يده زياده ملاحظ انه بدى يتعور من ملامح وجهه وهو مو عارف من ذا انقض عليه همس من القلق والخوف ماعرفت كيف تتصرف ومسكت ذقن عقاب تلف وجهه ناحيتها:عقاب عشاني اتركه
ارتخى عقاب من حركتها وعينه على عينها الخايفه ترك يد المصمم يدفعه على ورى وسحب جاكيتها وشنطتها يمسك بيدها يطلعون من المطعم وهمس من القهر من حركته سحبت يدها بقوه منه واتجهت تهمس بقهر قدام وجهه:ليه سويت كذا وش تبي مني خلاص مو تزوجت وش تبي تلاحقني خلاص اعتقني
عقاب:مستحيل اني افرط فيك ومايملي عيني غيرك
همس:لا جد اجل ليه تزوجت كذا نفس الي عامل عمله وسخه ويبي يخبيها ليه ي عقاب انطق
ناظرته يصد ساكت وضربت صدره:ليه تسوي فيني كذا خلاص اتركني أنا وانت طريقنا مسدود عقاب وهمس انتهو انت انهيتنا بصمتك
عقاب بقهر معد تحملها شد كتوفها بغضب:همس ارحميني أنا بشر لي قلب يحس أنا ما ابي غيرك ومحد ياخذ مكانك بقلبي لأنفس ولاغيرها لعد تتعبيني تكفين حسي فيني
انفجعت همس من غضبه تشوف القهر والتعب بوجهه وصد عقاب من طاحت دمعه قهر من عينه يدفعها على ورى وصد يتركها يمشي بشوارع لندن وهو رغم انه يمشي حر طليق إلا يحسه مقيد ومحبوس بحبس مو قادر يتحرر منه وهالامانه قيدته حيل
همس من الصدمه عمرها ماشافت عقاب بهذا القهر من قبل طاحت دمعتها من عينها تمسك كتوفها يقطع رنه جوالها تفتحه ترد
:هلا روان
:همس
همس باستغراب:مين
:نفس