مستحيل اني أبيعك لو على السيوف

٤١

**يوم جديد**
ببيت قايد الكل مجتمع على الفطور إلا همس نايمه صحي عقاب بهدوء تاركها ترتاح
قايد:ودكم نطلع للبر ؟
رنا وروان بحماس:تم
تميم :ونشوي كمان
مضاوي:الصحيح انه وقته ودنا نفسح عن نفوسنا
روان:عاد ي عمه بعد رجعت بنتك لك مفروض انتي تشوين لنا وتعزمينا
مضاوي:ابشرو بالخير الحين اجهز لكم
فزت مضاوي بفرح تجهز وروان معها تساعدها وهي كانت تمزح بس مضاوي رفضت إلا تتكفل بكل شي
ناظر قايد بعقاب الهادي:ماودك تخاوينا
عقاب بفهاوه:هاء
تميم:بنطلع للبر علق قول شي ليه صامت كذا
صحى عقاب من فهاوته وهو كان غارق بهمس وباله كله فيها :اكيد معكم
قايد:اجل فزو رتبو الاغراض بالصندوق
فز عقاب مع تميم يحملون الاغراض وقايد واقف يشرف عليهم وصل ضافر ينزل يسلم عليه وقرر يطلع معهم كمان بس بدون اهله
مضاوي وروان بالمطبخ يجهزون الصواني والأكلات للمخيم وام منير تساعد عيالها تقرب الزل والفرش للنومه بالبر والجو كان مزدحم وفرحه تغمر الكل
صحت همس من الازعاج وهي مكسره من كثر البكاء دخلت تاخذ دش تحرر من حزنها وزعلها طلعت من الغرفه بعد ماحطت ميكب خفيف تنزل تحت تشوف الكل مشغول اتجهت للمطبخ :صباح الخير
روان تتجه لها تحضنها:صباح الحب والورد والمسك لأحلى همسه بالدنيا
مضاوي:هلا يمه وشلون نومتك
همس تبوس روان:تسلمين
رجعت ترد لامها:الحمدلله كويسه بس وش صاير ليه كذا الوضع فوضى
روان:امك قررت لنا بطلعه تخييم بطله
همس بفرحه:الله حلو
مضاوي بفرحه يوم ابتهج وجهه همس تحاوطها:دام هالشي اسعد بنتي أنا مستعده اسويه
همس با ابتسامه رضا:تسلمين ماما
روان:وش تسلمين اقول امسكي صحن الكيك عطيه العيال يشيلونه
ابتسمت همس تاخذه تناظر:اوه شكلها طعم مره
روان:اكيد دام أنا مسويته المهم ياويلك تخربين الشكل حرصي عليه اكثر من روحك
همس:وش دعوه ترا كيك والا تبين تصورينه لصويلح
روان تفتح فمها بصدمه وحرج ومضاوي انفجرت تضحك تقدمت روان تقبص كتف همس الي مالت من حرارتها كانت بتطيح الكيكه بس روان ثبّتتها بسرعه وبخوف:يمه كان راح تعبي
همس:عورتيني وش هالأيد
روان بهمس:تستاهلين ليه تحرجيني
ابتسمت همس تطلع تمشي متجهه للسيارات طلعت للحديقه تشوف وتميم وامه محتاسين بالأغراض وقفت تناظرهم جاهله عقاب الي اتجه لها شايل اكياس بيده وبفمه ورافع الزل على كتفه شاف الي صاده مايفكرها همس وبضنه انها روان كان يبي ينبهها تبعد بس ماقدر من الاكياس الي بفمه وبسبب الزل الي كان مطوي وعلى كتفه دفعها به من ظهرها تتقدم بسرعه تندفع وطاح الكيك شهقت همس تحط يدها على فمها من انعجن الكيك بالارض ولفت بغضب :وش سويت ماتشوف
عقاب بصدمه انها همس ناظر يبي يتكلم بس ماكان قادر بسبب الاكياس الي بفمه تقدمت همس بورطه واضحه عليها:وش سويت والله روان بتذبحني محرصه على الكيك اكثر من حياتي راح تنهيني لو شافت الكيك طايح
اشر عقاب بحواجبه يبيها تساعده همس بحده:وش تقول مو فاهم
رفع يدينه يأشر على الأكياس فهمت همس تسحبها من فمه:خبل انت كيف شايلها كلها كذا
تقدم عقاب يحملها بالسياره :ما ابي ارجع مره ثانيه قايد شًوي ويولع فينا
همس تعطيه الاكياس:وألله أنا الي بتولع فيني روان لو طلعت وشافت منظر الكيك
ناظر عقاب للكيك وناظرها:ماقدرت اتكلم شفتي كنت شايل الاغراض والزل تقدمني
همس:من هبلك الحين كيف الطريقه
لف عقاب لها ورفع نظره لروان الي جايه ودفع كتفها:روان جت اركضي لها
توسعت عيونها تتجه لروان تحاول تغطي حتى مال عقاب يشيل الكيك يرميه بالكيس وحطه بالسياره
همس بوهقه:صباح الخير
روان باستغراب:وش
همس:وش فيك اصبح عليك
روان تمد يدها لجبينها:انت مسخنه اليوم
تقدم عقاب لهم يشوف همس الي وجهها مخروش وهو كابح الضحكه عليها
همس:صبحت عليك صرت مسخنه لا أنا طيبه
روان:همس انتي منجدك تو مصبحه علي بالمطبخ وشو خرفتي
همس تحك رقبتها بفشله:اءم نسيت
روان تمسك راسها:ناقصني مجانين والله
تقدمت روان للسياره تحمل صينيه الحلى الثانيه مال عقاب على همس يهمس باذنها:تو ابتدأ صباحي
ناظرت همس له وبسرعه لفو لصراخ روان:همسسسس ي حماره
همس بخرشه تناظر عقاب:شكله آخر صباح روان بتذبحني
اتجهت روان بغضب لهم عقاب يشوف خطواتها الغاضبه:ياويلك منها
همس بخرشه:ياماما
روان من بعيد وهي تمشي:أنا وش قلت لك كان قلبي حاس والله ياويلك..انقطع صوتها من ركضت همس بالحديقه وهي تقول:والله بالغلط اصبري اشرح لك
روان :ما ابي من صحيت وانا احوس فيها وانتي طيرتي تعبي كامل
صارو يركضون ورى بعض وعقاب يشوف ضحكهم العالي وهمس الي متورطه منجد تبي تشرح لها بس روان من القهر ماتركتها حتى مسكتها وصارو يتصارعون بس بلطافه وقفت ام منير بجنب عقاب :وش بلاهم
عقاب ضحك:متهاوشين
طلعت مضاوي تناظر بصدمه:وش فيكم وش صاير
روان بصراخ:خربت كيكتي ي عمه بنتك الوسخه
همس:ي ماما والله مو أنا
روان:أنا سلمتها لك انتي
قايد تقدم يكلم عقاب:لا خلصو مطاق هالمهبل جيبهم للمخيم
هز راسه عقاب تقدم قايد يطلع مع تميم والكل اتجه معهم وقفو البنات مضارب من لفو يشوفون الكل راح
همس:كانهم سحبو علينا
روان:وعقاب جالس يركب
همس :اركضي لا يسحب علينا
ركضو بسرعه يركبون روان :خير بتتركونا
عقاب:والله لو طولتو تركتكم
همس بغرور:ماعليك فيه اصلاً هم الخسرانين اقدع ثنتين مو بالشله التخييم زفت
روان تضرب كف يدها:اتفق
ناظر عقاب بهمس بفرحه لمودها الي تغير ورجع يسوق متجهين للمخيم

عند نفس جالسه بتعب تنتظر الفرج وقفت بخوف من دخل عليها رجال رجعت على ورى بخوف وخرشه شافته يتلفت يمين ويسار ونظرات الخبث بعيونه حط صحن الاكل يتجه لها رجعت على ورى وهي خايفه من قربه الي يوتر ونظراته الغير مريحه وبداخلها تدعي الله يساعدها
رجعت على ورى توصل للجدار تشوف خطواته يتجه لها وهو يهمس:مافي غيرنا بالمستودع اكيد متذكره آخر لقاء كيف لنا كان جداً حلو
دق قلبها بقوه من تذكرت ملامحه نفس الشخص الي اعتدى عليها قدام ابوها تشوف نفس النظرات نفس الخبث تقدمت تدفعه تركض بتطلع لكن صرخت من مسكها من عضدها ولفت له تترجاه :تكفى لاتقرب لي استحلفك بشيبانك الله يخليك أنا وش ذنبي وش سويت
كانت تخاطبه بضنها انها تخاطب ملاك بس مع الأسف كان شيطان وهمه غريزته غير مبالي بصرخاتها وصغرها وترجيها ينقض عليها بعنف وبدون رحمه مستغل غياب الكل عن المستودع

عند كيان واقفه تجهز تلبس عبايتها ترش عطرها ولفت لمراد الي داخل :وش هالزين وش رايك نسحب ونروح نفطر بالمطعم
كيان:لا حرام مواعده البنات وبعدين المخيم نسانيس ترد الروح
تقدم مراد يرفع يدينه على كتوفها:من اهم أنا والا هم
كيان:اكيد انت بس كمان أنا ما اكسر كلمتي وبعدين وعد راح تنبسط
مراد:ماعندي شك اصلاً أنا كل أيامي بقربك سعاده
ابتسمت كيان بحب وتوسعت بسمه مراد يميل يبوس جبينها ومسك يدها يطلعون من الفندق متجهين للبنات

عند عقاب وهمس وروان
قبل يوصلون المخيم رفعت يدها همس تفتح سقف السياره ونزلت شيلتها :ابي تسرع ابي الهواء يدخل بروحي
ابتسم عقاب:زين بس انتبهي لاتطيحين
هزت راسها توقف تثبت نفسها وفتحت يدينها وبدى عقاب يشد شوي شوي وعينه عليها ومسك الطاره بيساره وحاوط رجولها بيمينه وصار يلف الطاره بحماس يطعس بهم خرشهم لان فجاءه شد صرخت همس بالبدايه خوف لكن بس حست يدينه على رجولها استمتعت وصارت تصرخ بفرح وتنثر كل الزعل والحزن الي جواتها كانت تصرخ مستمتعه فرحانه ان كل شي سيئ مرت فيه انتهى ابتسمت بحب لحنية عقاب الي صايره تلتمسها بكل افعاله حتى لو كانت بسيطه
عقاب كان مبسوط اكثر منها ان قدر يسعدها ويبسطها بدى يهدى من شاف انهم قربو للمخيم وسحب بيد همس يجلسها :خلاص قربنا
همس تجلس ترتب نفسها:يوه شعور مجنون
روان تثبت نفسها:والله المجنون زوجك ضلوعي تناثرت زمان ماطعست فينا
ناظر عقاب وابتسمت بخبث من شاف ابوه وعمه واقفين بعيد عن الخيمه ويسولفون ومندمجين وقال:تبون تشوفون الجنون بعينه
همس ناظرت في ابتسامته تضرب شفته بخفيف:ما ارتحت لهالابتسامه الشريره
ابتسم عقاب لحركتها وفهمت روان من شافته شد يتجه لابوها وعمها بالسياره
صرخت همس:عقاب ي مجنون انتبه لاتعورهم
طلعت راسها روان تصرخ:اهربو بعدو
ما انتبهو قايد وظافر إلا لمن قرب عقاب وصار يشد الطاره ويلف عليهم بسرعه وبقوه وصارت الدنيا غبار تلطم قايد وضافر وهم يصارخون وقايد يتوعد بعقاب الي كان مستأنس ومستمتع كل ماحاولو يهربون رجع يحاوطهم وحاسهم حوس همس انفجرت ضحك على منظره وكل الحريم فطسو ضحك عليهم وقف عقاب ونزل من السياره ونزلت وراه همس وروان وبس هدى الغبار انطلق قايد يرمي بعصاه ورى عقاب الي طار يهرب وهو يضحك و