مستحيل اني أبيعك لو على السيوف

٣٨

ببيت قايد
عند روان دخلت على نفس وهي مستحيه وخجلانه وقفت نفس تناظرها :وش فيك
روان بحياء:لا ولاشي
نفس بضحكة:وش صار ليه محمره كذا
دخلت أشواق :باركي لها انخطبت
نفس بضحكه:الله مبروك
روان بخجل:يبارك فيك
دق الباب تميم :روان ابوي يبيك
توترت روان تمسك بيد أشواق :تعالي معاي
أشواق:وش دخلني يبيك انتي
تورطت روان تمشي ورى تميم تتجه لابوها بالمقلط الي بجنب المجلس دخلت وهي متخبيه بتميم الي كابح ضحكته
قايد:تعالي اجلسي
تقدمت روان بحرج تجلس ومال قايد يكلمها:ي ابوك ابو صالح طالبك لولده صالح وصالح نعم الرجال وخوي لعقاب وتميم نعم التربيه والجماعه ينتظرون ردك بالمجلس
توترت روان وزاد الم بطنها ومعد قدرت ترد وعينها في الارض
قايد:وش قولك
روان بصعوبه تتكلم:الرأي رأيك ي ابوي
قايد :اجل على بركة الله
وقف قايد طالع ولف عليها :خليك بنادي صالح للشوفة
توسعت عيون روان بخوف تشوف ابوها صاد وناظرها تميم كابح ضحكته:وش فيك ترا مو مأكلك
روان:لا عادي اصلاً مو خايفه
ناظرها تميم يصد ينتظر عند باب المجلس يشوف صالح جاي وتكلم صالح بصوت مسموع مايفكر روان قدامه بالمقلط:روح ناد اختك خليني أمتع نظري
تميم:اعقب ي صويلح ترا بعلم ابوي يهون
صالح يضحك بصوت عالي:ي رجال مزوح
عند روان الي سمعت كلامه وزادت رجفتها وصارت تهز رجلها بخوف وتفرك يدينها وأصابعها بقلق
تميم:روان قدامك
انصدم صالح يضرب كنفه يهمس:ليه ماقلت الحين سمعتني تفكرين ما استحي
تميم :عادي تعرفك على حقيقتك ان وجهك مغسول بمرق
صد تميم يضحك يتجه لابوه تنحنح صالح يدخل ونسف شماغه يعدله دخل بخطوات واثقه رغم ان داخله يرجف يتجه لها وقف قبالها وهي بس شافت انه قرب وقفت وعينها بالارض
صالح مد يده :وش حالك
روان بصدمه لكلامه ترفع راسها:وش حالك ؟!!
صالح :اقصد كيفك
روان مامدت يدها :طيبه
صالح ناظر يده :وشو ما بتسلمين
مدت يدها روان بتوتر بس قربت من يده استعجل يشد يدها بقوه وارتجفت زياده ووضح عليها من يدها الي تمسح فيها جبينها ورقبتها ومن نظرها الي تناظر كل مكان بالمقلط إلا صالح رفع يده يثبت وجهها ناحيته:ناظريني أنا مقلطكم لاحقه عليه
زاد خوفها وقلقها من نظراته لعيونها ومن بسمته الخفيفه ومن جراءته واجتمعت الدموع بعيونها صالح استغرب ينزل يده يمسح يدها الي بيده:افا ليه البكاء خوف مني
ماردت روان تسحب يدها من يده وطلعت ركض من المقلط اما صالح انكسف وندم انه تجرأ معها وخاف فهمته غلط

عند عقاب وهمس بالفندق
جالس عقاب يلم اغراضه للسفر بكره ويراسل لافي يتقابلون بالمطار يكملون مع بعض للسعوديه سكر من لافي يشوف همس الي واقفه على البلكونه بلبسها الخفيف وكتوفها العاريه تناظر الثلوج الي جالسه تتساقط وغارقه بفكرها تقدم لها بهدوء يحتضنها من خلفها يحاوط خصرها بيده يميل براسه على كتفها :كالعاده همستي تطلع بالبرد بدون تنتبه للبسها
ابتسمت همس بحب تمسك كفوف يده :حلو الجو صح
تنهد عقاب يلفها ناحيتها يرجع شعرها عن كتوفها :حلو بس عيونك احلى
ابتسمت تنزل راسها بحرج وهي ما تعرف ترد على غزله الي غصب يخجلها ورجعت تناظره تميل راسها بلطافه:عادي نطلع نمشي بالثلوج ؟؟
كانت متوقعه بيرفض لان الجو بارد بس عقاب حط يده على خشمه :تم وابشري وعلى خشمي
همس بفرحه :مره شكراً
عقاب يمسك انفها البارد والأحمر:مره عفواً
دخلت همس ودخل خلفها ينتظرها تلبس جاكيتها ولف وشاحه الي هو وشاحها نسته على رقبته ناظرته همس :مو كان ذي وشاحي
عقاب :لا وين من قال ذا تبعي
همس تخصر:إلا وشاحي اعرفه
عقاب :واذا وشاحك صار لي
همس تتجه له :عطني وشاحي تدري لي فتره أدوره طلعت ماخذه
عقاب:لا ماراح أعطيك صار ملكي
مدت يدها همس لرقبه تبي تاخذه ومد يده يرفع يدها لفوق يبعد يدها ماتاخذه
همس:عقاب عطني ليه ماخذ..انقطع صوتها من قبلها قبله سريعه توسعت عيونها بصدمه ترفع نظرها له بصدمه تشوف الخبث في بسمته سحبت يدها منه وتوسعت بسمه عقاب :لسا تبين الوشاح
همس بخجل تشد جاكيتها :لا هونت
ضحك عقاب بقوه عليها يتجه لها يسحبها تحت حضنه وطلعو من الفندق مع بعض ينزلون يشوفون الثلوج الي اكتست بالشوارع بمنظر جدا جميل تقدمت همس تجلس معه على الكرسي يتفرجون للناس الماره
عقاب:ما ألومك يوم تحبين لندن
همس ابتسمت:كنت احبها بس الحين خلاص
عقاب لف لها:ليه
همس:لا قلبي صار ملك لعيون الذيب وبس
ابتسم عقاب يسحبها لحضنه لحضات حنونه يعم فيها الصمت وتهدى ارواحهم بقرب بعض حتى طلعت همس من حضنه:صح الحين ولد عم نفس فين
عقاب :لقيته وعندنا بلندن وراح نرجع للسعودية مع بعض راح أسلمه نفس
همس:اوكي
عقاب بمزح:لهدرجه كارهه البنت ماتبين تشوفينها
همس:مو كارهتها بس ما اتحمل احد يشاركني فيك
ابتسم عقاب يمسك يدينها يتحسس اصابعها الي صارت بارده مره وفركها بيدينه يهمس بوجهها:عقاب وقلبه مالهف إلا لبنت لندن ومستحيل يملي عيون الذيب غيرها
ابتسمت همس تصد بحياء ووقف عقاب يوقفها:صرتي بردانه لازم نرجع الفندق
همس بزعل:والله كنت مبسوطه
سحبها عقاب :لا تكونين بزر راح تمرضين امشي
مشت همس وهي مبتسمه تمسك ذراعه ويتلاطفون ويتمازحون حتى وصلو الفندق منتظرين طيارتهم الي بتكون صباح اليوم الثاني