مستحيل اني أبيعك لو على السيوف

٢١

أشواق:ما ابغى بجي معكم
فتح الباب احمد ينزلها بالقوه وحرك تميم انقهرت أشواق وسحبها احمد بخفيف يركبها السياره وركب منطلقين ورى تميم يناظر لها يشوفها مبوزه ومتكتفه ومد يده يحط كفه على شفايفها:عمري المبوزين
أشواق تضرب يده:بعد ما بحكي معك
احمد:خلاص بشغل لك أغنية تحبينها
أشواق:ما ابي ابي تسكت وبس
احمد:معليش بس أنا ما احب الصمت ابد
ماردت أشواق تصد براسها ومد يده احمد للشاشه يشغل لها وقال:راح اشغل لك اول شي يجي تحت يدي
أشواق:إذا على الذوق فذوقك خايس
احمد يفز بملاطفه:افا والله لو ماعندي ذوق ماخذت هالوجه الحسن "مد أصابعه يلامس ذقنها بحنيه"
صدت أشواق وبداخل قلبها تحس بشعور حلو تشتغل شاشه السياره (وابتدت اول حكايتنا بمساء الخير )
أشواق:ترا حنا في الصباح الحين
احمد ابتسم:ياشيخه مشيها لاتدققين
ضحكت أشواق تصدّ للدريشة تخبي ضحكتها بيدها الي على فمها ولف لها احمد بفرحه انها ضحكت وهو يسحبها يسندها على كتفه:يرحم والديك لاتحرميني من هالضحكه الحلوه
ابتسمت بخفيف تسند راسها على كتفه باستسلام وكملو طريقهم خلف تميم

عند عقاب وروان الي واقفين برى لفو لهمس الي تسحب شنطه كبيره وواضح متلبكه فيها وهي تحاول تسحبها وعلقت كفر الشنطة اتجه لها عقاب :بعدي أنا أشيلها
ابتسمت همس تربت كتفه:الله يرضى عليك ي بطلي
ناظرها عقاب يدفعها بملاطفه:مجنونه
ضحكت همس تسمع روان تقول:وش دعوه ليه هالشنطه الكبيره ترا مابنهاجر
همس :هاء كيف يعني
ركب الشنطة عقاب يرجع يوقف بجنب روان يسمعهم يسولفون
روان:يعني بنروح مؤقت وراجعين كان اخذتي شنطه صغيره
همس بوهقه تعض اصبعها وناظرت وراها ورجعت تناظرهم استغربو نظراتها المتوهقه
عقاب:ي الله تأخرنا
همس ببراءه تحك ذراعها:لسا في شنطتين كبار
روان بصدمه:ايش؟؟
عقاب:متاكدة ما اخذتي البيت كله
همس:ايش اسوي عقاب يعني ماقدرت اترك شي فساتيني واكسسواراتي وكعوبي عاد هي لوحدها حطيتها بشنطه
همست روان لعقاب:انت ماقلت لها فين بنروح؟
عقاب يهمس:لا ماتوقعت بيصير كذا
روان:والله الورطه كعوب وماتعرف ان مصيرها رمل مزرعة جدي
ضحك عقاب بخفيف يتجه لهمس تشوفه يضحك واستغربت تفكره يضحك عليها وقالت:ليه تضحك
عقاب:ولاشي
همس:إلا اشوفك تضحك تضحك علي مو؟
ركبت روان ورى تنتظرهم وتكتفت همس تشًوف عقاب يركب الشناط ولف لها:يالله خلصينا ي بنت
همس تهز راسها بلا تصد بزعل :ليه تضحك علي
عقاب:يابنتي ما اضحك عليك تأخرنا خلصينا
هزت راسها بلا بنفس الطريقه تقدم عقاب لها بقهر يتجه لها يوقف قبال وجهها وقال :حديتيني
مامدى همس ترد إلا شالها بين ذراعينه يتجه بها للسياره يفتح الباب يركبها ويقفل الباب وهي مصدومه ومنحرجه من حركته ركب عقاب بجنبها ينطلقون للمزرعه
وصلو على العصر للمزرعه تناظر همس باستغراب للمكان كان فعلا منعزل وماحوله بيوت كثير دخلو من البوابه الكبيره ونزلت همس تناظر بصدمه المزرعه كبيرة مره فيها قسم للغنم والإبل والدجاج والأرانب وقسم للنخيل وفيها غرف كثير وجلسة كبيرة كانت بسيطه بس الي ماتوقعته همس وجود الحيوانات ولفت لعقاب :الحين راح نسكن هنا
عقاب:اي
روان:زمان عن مزرعة جدي وحشتني والله
عقاب:ماتغيرت نفسها على حطت يده الله يرحمه
روان:الله عقاب تتذكر مرجوحتنا
ابتسم عقاب:اكيد
همس:إذا خلصتم لحضات الذكريات الدافية خبروني هالحيوانات راح يعيشون معنا
عقاب ناظر همس الي واضح خايفه وناظرتها روان تضرب كتفها بخفيف:عن الدلع مزرعه يعني وش متوقعه بيكون فيها
همس:قلتيها مزرعه يكون فيها ورد وأشجار وجلسات ومشاتل مو حيوانات وبعدين ذي حيوانات كبار وتفجع
روان تضحك:هذي مزارع لندن عندنا بالسعودية إذا ماكان فيها نياق ماش
ناظرت همس بصدمه تتجه للغرفة الي بوجهها وهمست روان لعقاب:الواضح انها انفجعت
عقاب:ماعليه تتعود
همس:هذي غرفتي؟
روان:اي عادي خذيها
اتجهت همس للغرفه وصد عقاب ينزل الشناط وروان راحت للمطبخ وأشواق اتجهت لغرفتها ورنا لغرفتهم وقايد جلس على الجلسه يتذكر ابوه وام منير جالسه معه تتذكر أيامهم الجميله واتجهت لهم مضاوي رافعه طرف عبايتها