مستحيل اني أبيعك لو على السيوف

٥٤

يوم جديد
عند نفس صحيت مثل العاده تنزل تدور على عزام بالقصر سألت الخدم خبروها بالحديقه طلعت تتجه تشوفه جالس ومعطيها ظهره وجالس معه بنت استغربت توقف شوي بعيد وتوسعت عيونها من شافتها تمد يدها تلامس يده اشتدّت نفس غضب وشدت طرف تيشرتها تشده وتحاول تكبح غضبها وقف عزام يسحب يده وتقدمت البنت توقف له وتعلقت برقبته توسعت عيون نفس تتجه لهم بسرعه كبيره وقفت خلف عزام:وش يصير ؟
لف عزام عليها ولسا البنت متعلقه برقبته البنت تكون بنت تاجر يتعامل معه عزام وجت نيابه عن ابوها
ناظرت نفس باستغراب:عفواً مين انتي
تقدمت نفس تمسك يد عزام ترجعه خلف ضهرها :ببيتي وتحضنين زوجي وتسالين مين أنا هالسوال لك انتي
البنت ترفع حاجبها:طيب وفهمت زوجك وش تبين
نفس تتكتف:انقلعي برا
ابتسمت البنت بدلع:يوه شوفي حجمك وانتي تطرديني بعدين أنا جايه لشغل بيني وبين زوجك
نفس تبتسم تقرب لها حيل وعينها بعين البنت:الشغل الي بينك وبين عزام انتهى ومعد راح يتعامل معك والحين تقلعي ولاتختبرين صبري
البنت تعصب تصرخ بوجهه نفس:هي انتي
رفعت يدها نفس تسحب شعرها بقوه تقرب أذنها من فمها وهمست:ان شفتك بس تناظرين زوجي نظره صغيره لو بالغلط شفتي عيونك المقرفه ذي اخلعها لك وأحملك اياها
دفعتها على ورى ترتب شعرها وكبح عزام بسمته وعيونه متوسعه ماتوقع نفس ممكن تغار بهذي الطريقه
نفس بصراخ تأشر بيدها :انقلعي
هزت راسها البنت بقهر تصد طالعها وهي تهدد بنفس وطلعت من القصر ناظرتها نفس بحده حتى اختفت من نظرها
عزام من خلفها:أموت على الغيور ماعرفتك
لفت نفس تتجه له بحده :من ذي وليه تسمح لها تلمسك بهذي الطريقه المقرفه ؟
عزام:وش اسوي البنات يحبوني
نفس ترفع حاجبها :والله ؟
عزام يرفع ياقته:مزيون وش اسوي
ناظرت نفس تشوف عصاء على الارض مالت تشيلها وفهم عزام انها تبيه مسك طرف ثوبه يتجه ركض بالحديقه ونفس وراه بالعصاء:مزيون اجل هين أصيدك بس
انفجر عزام يضحك :يامجنونه وش اسوي مو بيدي
نفس:أصيدك ويصير بيدك
شدت نفس بسرعه تنط على ظهره :الحين صدتك
سحبت شعره على ورى يرجع معه راسه وصرخ بالم وركض فيها بالحديقه وهي مستمره شاده وبسرعه وقف يطيحها من ظهره تطيح على ظهرها وبسرعه جلس عليها يثبت يدينها فوق راسها حاولت تقاوم وتقوم بس عجزت لان وزنه اثقل عليها ويدينها مثبتها بيد وحده
عزام:الحين وش بتسوين ي السنفوره
نفس:انت اتركني وشوف اش يصير
عزام با ابتسامه:غرتي مو؟
نفس:صدقني واهم
عزام:شوي وتقلعين شعر البنت وانهيتي صفقه بيني وبين ابوها وكل ذا مو غيره
نفس:أنقذتك لاني شفتك متورط معها
عزام:هههههههههههه اخ نفسي ناسيه انك جايه عشان تذبحيني
نفس تحاول تبغى توقف وعجزت:يجي يوم واذبحك
عزام يقرب من وجهها وتحولت ملامحه للجديه يناظر عيونها رجف قلبها من قربه وارتخى جسمها تعتلي انفاسها من حست انفاسه تلامس وجهها
عزام بحب:صدقيني انك ذبحتيني من اليوم الي شفتك فيه ذبحتني عيونك وقوتك ذبحني زعلك وحزنك ذبحني قلبي يوم اختارك تكونين حبيبته
تجمعت الدموع بعيونها من تاكدت ان عزام يحبها فعلاً وكلامه مو مزح تطيح دموعها مال زياده يبوس جبينها بوسه طويله وغمضت عيونها بقوه تطيح دموعها زياده ورفع عينه تفتح عيونها ومسك خدها بحنيه:نفسي أنا وانتي صعب نكمل بعض انتي تستاهلين واحد احسن مني أنا ما ينعاش معاي
نفس بدموع:قلت لك لاتقرر حياتي عني
عزام:انتي جيتي تكرهيني وتنتقمين مني خليك على انتقامك تكفين اذبحيني او انهي هالانتقام واطلعي من حياتي
نفس بصراخ:قلت لك لاتقرر حياتي وانا ايش ابي
عزام :وش تبي نفسي ليه متخبطه كثير لاتبين تذبحيني ولاتبين تطلعين من حياتي وش تبين حددي
نفس بدموع تصد وهي تبكي بحرقه مسك فكها يلفها عليه وهمس بحنيه:إلا دموعك نفسي تكفين لاتبكين بس انتي افهميني انتي تعرفين اني شرير وشغلي خطير راح تقدرين تعيشين مع واحد مطارد
نفس تهز راسها بأي
عزام بحنيه:تقدرين تعيشين على صوت السلاح ؟
نفس بدموع:اي
عزام يقرب لوجهها:راح تقدرين تعيشين مع شيطان وقاسي
نفس:لا انت مو شيطان
عزام:نفسي أنا مو كويس
نفس ببكي:لا انت كويس ولو كنت شرير ووحش راح اعيش معك
عزام بيأس:اه منك ي بنت اتعبتيني
نفس:حتى لو تعبت مني راح أضل معك
ابتسم عزام يبوس خدها:ياحبي لك ي بنتي الصغيره وحسنتي الوحيده بكل حياتي
ابتسمت نفس بعد عزام يوقف ومد يده يوقفها ورفعت يدها تمسح دموعها وابتسم يسحبها تحت ذراعه:بس اعترفتي انك غرتي
ضحكت نفس تهز راسها بأي وابتسم يمشي معها ومسك ذقنها يبوس خدها قريب مبسمها بقوه وكملو طريقهم للقصر