مستحيل اني أبيعك لو على السيوف

٢

لندن الساعه ٨ مساءً
داخل غرفة تبديل ملابس العارضات
الأجواء مزدحمه والبعض يجهز ملابس العارضات البعض يحط لهم الميكب العارضات البعض منهم يتدربون على الخطوات همس تحط  آخر لمسات الميكب
كيان:آخر عرض لك هالشهر
"كيان تكون مديرة أعمال همس وأختها الي ماجابتها امها"
همس ابتسمت:اي منجد انهلكت بس خلاص اجازه بعدها راح اطلع على باريس فترة نقاهه
كيان ابتسمت:هالايفنت حضرة اكبر مصممين وكبار شخصيات يمكن نلقى لك عريس
همس تتجه لغرفة الملابس وكيان تضحك وراها :ماعجبك كلامي
همس :عارفه يعني مايحتاج اقول
كيان:ابي افهم سبب كرهك للجنس الثاني ترى مو كلهم سيئين وبعدين ذي امك من جنسنا وقاسيه مره معك
همس تتجه لكيان تقفل سحاب فستانها:مالي خلق أتنكد ابي اقدم عرض حلو
كيان:اشك والله انها امك احس مافي ام بهالقسوه
همس تلف عليها:كيان Enough, please"يكفي ارجوك"
كيان تهز راسها وابتسمت تمسح كتف همس:طيب أخليك ي الله انجزي
ابتسمت همس وطلعت كيان لفت همس على المرايه وتحولت ملامحها من بسمه لزعل تناظر بالمرايه تستند بيدها على الطاوله قدامها ترجع فيها الذاكره لمعامله امها من هي صغيره أنواع الضرب والسب والشتم الي تعرضت له منها من هي طفله تعودت تحمل مسؤولية نفسها بنفسها من تبديل ملابس لدراسه لطبخ حتى كبرت وانتهت امها بالاخير بطردها من البيت لمن عرفت انها قدمت على وظيفه عرض الأزياء ورمت أغراضها بالشارع وصرخت بوجهها "انقلعي برى بيتي انتي مو بنتي"
انصدمت همس وصارت تبكي وتترجى امها توقف معها وتساندها بس امها قفلت الباب تتركها برى البيت
انقطع تفكير همس من انفتح باب الغرفه وفزت تمسح دمعتها تبتسم تلف له
المصمم ابتسم بإعجاب لشكلها الي صارو اغلب المصممين يتضاربون عليها والكل يدفع اعلى حتى تعرض لهم
المصمم: beautiful hams"جميله همس"
همس ابتسمت: Thanks
المصمم: Ready؟مستعده
همس:yes
قطع عليهم من دخل منسق الايفنت وبدى يعلن ان خمس دقايق يبدى العرض

خارج صاله العرض عقاب لابس بدله رصاصي يغطيها جاكيت اسود طويل يعطيه هيبه وشموخ مخيف يخفي نص ملامح وجهه بوشاحهه يهمس بسماعه اذنه:مراد معك دقيقه ان ماجيت أنهيتك
مراد يضحك:طيب طيب لاتعصب بس انت وش صار على كرت دخولك
عقاب:زورته اكيد
مراد:ههههههههههههه حد قال انك مجنون من قبل؟
عقاب:والمطلوب؟
مراد:إذا ماعديت وكشفوك؟وبعدين الخطوه الي بتسويها مره غلط كان تواصلت مع اريج الزفت هي تجيبها لك برسم الخدمه؟
عقاب:مابعيد كلامي أنا جيت هنا لهدف ولو كانت تحول بيني وبينه مسافه الارض والسماء راح أطوله
مراد:ودي اقولك كفو بس اخاف تعلق بالبطاقه
عقاب :انجز  اقول
ضرب كتفه مراد من وراه:هذا أنا دقيقه وانا عندك
عقاب:غصب عنك مو بأنك كفو
مراد يبتسم يربت كتفه:تمون والا كان دفنتك بلندن
عقاب:خلينا ندخل
مراد يمسك كتفه:لحضه ناظر كيف الطقم حقي؟
ناظر عقاب فيه من فوق لتحت يشوفه لابس طقم احمر بأحمر وقبعه بيضاء وقال:امش ي علبة الكاتشب
مراد:الذبه النايمه ترا حلو بس انت ماتفهم بالذوق
بعدين من زين طقمك كله اسود بأسود
عقاب:اي نفس قلبك
مراد:لا عاد انت ناوي على الذبحه
ابتسم عقاب بخفيف من تحت اللثام ولأنه كان متطمن انه ملثم محد يشوف بسمته تقدمو بيدخلون بس المصورين لفتهم طقم عقاب الي كان معطيه هيبه ورعب لدرجه  خطواته كانت ترعب الي يناظرونه ويفتحون له الطريق كان اغلب المصورين تاركين المشاهير وملتقطين له صور من زوايا عديده واعترض طريقه اعلاميه تحط المايك قبال وجهه: Excuse me"لو سمحت"
لف نظره عقاب لها يناظرها وجت عيونه بعيونها وصرخت :
‏?wow.. Can I have a meeting with you
"واو،هل يمكنني الحصول على لقاء معك؟
دفع المايك عقاب يطنشها اما مراد الي ابتسم وبسرعه كشر بفشله من دفع المايك عقاب يطنشها يرفع البطاقه للبواب بس البواب دخله للقاعه بدون يدقق للبطاقه من هيبه عقاب ونظراته الي كانت مثل الصقر الي يدور فريسته
مراد بفشله للمذيعه: Sorry
هزت راسها المذيعه بمجامل ورجعت تكمل تغطيتها ودخل مراد ورى عقاب يرفع كرته للبواب الي دقق مره في كرته لكن من حسن حظ مراد ان كرته كان رسمي ودخل ورى عقاب يجلسون على الكراسي الاماميه من مسار العرض وهمس مراد:والله ي انك أرعبتهم
عقاب يحط رجل على رجل بدون رد وابتسم مراد بفخر لعقاب الي كانت هيبته وحجمه المرعب يعطيه دخوليه فخمه وستايله ساعده اليوم مره مرت دقايق وزفر عقاب يرفع يده لساعته يشوف الوقت قريب ال٩
مراد:ماعليك لسا في وقت احنا لو عدينا من هنا امورنا تمام
عقاب:بنعدي ي مراد وطرق بعد مو طيب
مراد حرك راسه بيأس من عقاب الي لابغى شي ينتزعه لو بالقوه
اعتدل الكل بجلسته من بدى وقت العرض ورفع الأغلب جوالاتهم يصورون وبدو العارضات يمشون على أنغام الميوزك واشكال التصاميم الي كانت مبهره جداً وفريده وكان يمر الوقت ومراد مستمتع للتصاميم والعارضات والايفنت الي كان غايه في الجمال اما عقاب الي كان متملل واغلب عيونه على ساعته يشوف الوقت اختتم الايفنت با آخر عروض مع المصمم "جيك"الي تشتغل معه همس بدو العارضات يطلعون بتصاميم الفساتين الي كانت متنوعه وملفته مستوحاه من الوان الليل والكواكب والقمر منتهين بهمس الي طلعت لابسه فستان اسود ساده برقابه ومفتوح الكتفين مطرز بالكريستالات البيضاء وشعرها المفرود لحد خصرها مراد بصدمه من جمالها وهمس:يا ارض احفظي ماعليك وش هالقمر
رفع راسه عقاب بعد ماكان يناظر بساعته يشوف الي تمشي بكل غنج ودلع وكل خطوه متناغمه مع الخطوه الثانيه نزل نظره لساقها الي مكشوف يرفع عينه لخصرها الي يتمايل مع خطواتها مختتم بملامح وجهها الفاتن كانت ايه بالجمال  وكتوفها الي كانت تتمايل مع خصرها النحيل كل العارضات كانت خطواتهم عجله إلا همس كانت بهدوء ورزانه كانت خطواتها غايه بالدلع والانوثه ونظراتها ثابته الكل حرفياً وقف يصورها ومبهور بجمالها عقاب من ضمن المبهورين من صدمة المنظر غصب خانه نظره وماقدر يشيل عيونه وحتى عيونه غدرت فيه وعيت ترمش لولا يد مراد الي يشوفه يناظر بهمس حتى اختفت معطيتهم ظهرها تدخل داخل وانكسر نظر عقاب بعد يد مراد الي رفعها قدام عيونه وهمس:ي حلو وين وصلت
تنحنح عقاب يعتدل بوقفته ورجع ناظر من طلعو كل العارضات تبع آخر مصمم تتقدمهم همس الي كانت معطيتهم حلاوه وجمال بخطواتها المليانه انوثه ودلع وانقسمو العارضات قسمين عن يمينها ويسارها وهي بوسطهم مثل القمر بوسط النجوم وطلع المصمم بوسط صفقات الحضور والعارضات وابتسامات العارضات والحضور وبدو يلتقطون لهم صور كثيره وكان مثل العاده كل تركيز الإعلام والصحافه على همس الي صارت ترند بعالم الموضه والفاشن واغلب المصممين يتمنونه تلبس من برانداتهم
انتهى العرض وبدو الحضور يتصورون مع همس والصحافه يعملون معها لقاءات والقنوات تتسابق حتى تسوي معه مقابلات والكيمرات كلها موجهه لها عقاب الي واقف بعيد ومعمد بكتفه على جدار المسرح يتأمل همس الي كانت ترد على الاسئله الموجهه لها وحركات يدينها الي كانت عفويه وحتى ابتسامتها الآسره كان يدقق بكل تفاصيلها من فوق لتحت وكأنه يحاول يقرأ هالانسانه الي قدامه كان هذا طبع عقاب لا انبهر بشي او انجذب لشي لازم يدقق بكل تفاصيله ويحفظه حفظ بصمت وكانه جهاز كمبيوتر يحاول يقترن بالي أمامه ويفهمه انقطع هاجسه فيها من تقدمت كيان والحرس يغطون على همس وكيان بقت مع الإعلام تكمل الحديث معهم وتغطي عن همس دخلت همس بسرعه لغرفة تبديل الملابس ترد الباب يعترض تقفيله رجل يناظرها بهدوء وهي مبسوطه وقفت قبال المرآيه وهي مبتسمه وهمست:انجزتي ي همس كفو ي بطلتي وصلتي لحلمك الي تبينه نلتي مابغيتي
لمت يدينها لصدرها بفرحه ورجعت لوسط الغرفه تدور بفرحه وهي تتمايل بغنج وتغني :

"وابتدت تحلى الحياة ... آه يا عيني ع الحياة
بعد صبري نال قلبي .. نال قلبي ما بغاه
وابتدت .. ابتدت .. ابتدت تحلى الحياة"
كل هالصوت الانثوي والغنج والطاقه الحلوه كانت تحت أنظاره الي كان يجذبه هالشي وهالطاقه الغريبه فيها يسترق لها النظرات بخلسه ينتظر الفرصه المناسبه
هزت كتوفها بتمايل ويدينها تلوح فيها ومره ترفع فيهاطرف فستانها وتضرب بكعبها في الارض وهي ترقص وضحكاتها تعلى بفرحه وهي وصلت للحلم الي تتمناه انها تكون ترند بكل العالم الحلم الي لجله دفعت ثمن غالي وكسرت حواجز صعبه وشهقت بصدمه من حست يدين تحاوط خصرها تنزل نظرها لخصرها ورجف قلبها وبس لفت مامدا تشوف إلا ثبت راسها وحط المنديل على انفها حاولت تقاوم تضرب كف يده تحاول تبعده وزادت وسعت عيونها ماتشوف إلا العيون الي كانت تحتمها الحده عيون ترعب كل من ينظر لها حاولت ترفع يدينها تزيح لثامه رفعت يدها ورجع وجهه على ورى ونطت همس ترفع يدها لوجها تخمش خده تسحب لثامه لكن خانتها قوتها ومالت يغمى عليها و...