مستحيل اني أبيعك لو على السيوف

٥٥

بسرعه حرك عقاب فريقه الكبير عشان يحاوطون عزام والي معه

عند عزام ونفس
دخل عزام غرفة نفس يشوفها متمدده ومعطيته ضهرها تقدم بهدوء يميل عليها يعتمد على السرير وتفاجأ من سحبته يطيح نص جسمه عليها وثبتت السلاح على جبينه
ابتسم:اوه نفسي طلعت متيقضه
نفس:عشان تعرف اني ماينخدر فيني
تمدد عزام بجنبها يعتمد على يده ورفع يده يرجع شعرها ورى أذنها:نفسي راح تقدرين تعيشين طول عمرك بخوف وتيقض لا انتي نايمه ولا صاحيه راح تقدرين تتعايشين مع الخوف من الغدر والخوف من الموت
نفس:الموت حق وراح نموت كلنا اما الغدر ما اخاف منه لان انت بضهري ومتأكده انك مستحيل ماتحميني
عزام ابتسم:تحمليني ثقل ما اقوى عليه
نفس:ليه احس بخوف بعيونك
عزام:اشهد اني قوي وصامد للحين عشانك والا الخوف ماني خايف إلا عليك وخايف من يوم يجي بدون شوفة عيونك وبدون جنانك وبدون عنادك
ابتسمت نفس تمسك كف يده شد يدها يرفعها يبوسها:كنت احب استفزك واناديك نفسي ماهقيت انك راح تصيرين نفسي
نفس بدموع تقرب له وتدفن راسها بصدره حاوطته تشده تدفن نفسها فيه وهمست:عزام
عزام ابتسم يحاوطها:عيونه
نفس:احب اقولك اني غرت فعلاً عليك واني جيت هنا عشان أذبحك بس حبك هزمني جيتك وانا فاقده الأمل وادور الموت والحين صار عندي سبب اعيش لاجله
ابتسم عزام وهو كان عارف بحبها له وعارف بمكابرها رفعت وجهه تناظره ينزل رأسه وهي بحضنه يناظرها وابتسم يبوس انفها نفس بحب:عزام أنا أحبك
زادت بسمته يشدها لحضنه يقربها زياده له ويعبر له بكل مشاعر الحب والغرام تقبل نفس حبه ويكسرون حواجز العناد والكبرياء تندمج ارواحههم ببعض و:)

عند همس نزلت للصاله تقابل روان الي تكلم صالح وأشواق تكلم احمد تطمن عليه
رفعت جوالها همس ترن لعقاب مايرد ولفت للبنات
أشواق:شكل اليوم يوم القلق
همس:خايفه على عقاب طلع كذا فجاءه بدون مايرد وطلع وكان في شي صاير
قفلت روان تناظرهم:وش فيكم
أشواق:خليك با أحلامك الورديه
روان ضحكت:جد وش صاير
همس:قلقانه على عقاب
روان:الله ي همسي تصدقين لمن كان متزوج غدير كان البيت يكون معتفس لا كان عنده مداهمه ومحد يقدر ينام إلا غدير بسابع نومه وقلبها بارد
همس:والله قلبي محروق المشكله مايرد وانا احس تعبت
تقدمت أشواق تجلسها:اذكري الله انتي حامل مو زين لك القلق
روان:بسوي لنا قهوه تروقون
همس بقهر من عقاب:والله بس يجي لدفنه اخوك
أشواق بضحك:يعني لو سلم من مداهمته انتي بتذبحينه
همس:لا بعيد الشر بس المهم يرجع
أشواق:باذن الله يرجع

عند خلف وعقاب ومراد كل واحد مسك مجموعه يحاصرون قصر عزام لكن من ذكاء عزام كان معين عيون من مسافه بعيده يبلغونه وحاسبها لقدام فز حميد من وصله بالسماعه عن هجوم امني على القصر واتجه ركض دق الجرس بشكل فضيع فز عزام بخوف وناظر نفس الي نايمه
وطلع صوت طلقه وفزت نفس بخوف :وش فيه وش صاير
فز عزام يبدل وبسرعه طلع من الغرفه وماوصل الباب إلا نفس بدلت تنزل من الدرج فتح عزام الباب
حميد بخوف:محاصرينا الحكومه
عزام بتعقيده:كيف؟؟
حميد:عزام انفذ بريشك اهرب لسا هم على الحدود
نفس:وش فيه وش صاير
صد عزام يدخل للقصر واتجه لغرفته وحميد جمع جزء من الرجال يشكلون درع حمايه على القصر
نفس تشوف عزام يسحب سلاحه ويعبيه رصاص:عزام وش تسوي سلم نفسك
عزام وقف:لا ما اقدر
نفس:بس الحكومه
عزام:أنا راح اهرب ...قاطعته:وانا؟
عزام:نفس ما اقدر أخاطر فيك ممكن اتصاوب ممكن أموت
شهقت نفس تمسك يده:لا ماتروح بدوني
قرب عزام يبوس راسها يحتضنها:ما اقدر ي عيوني وقتي ضيق انتي ماراح احد يعترض لك
نفس بحده:ماراح تروح مكان بدوني رجلي على رجلك
عزام بحده:نفس
سحبت سلاحها تحطه على راسها:والله لو طلعت من الغرفه بدوني لاذبح نفسي
غمض عزام بعجز وسحب يدها :ي الله مشينا
ركضت معه نفس يطلعون من الباب الخلفي وركبو السياره شغل عزام يمسك يدها :نزلي راسك
صرخت من انهمر عليهم طلق النار من الخلف ولف عزام يناظر حميد الي متقدم الرجال يحمي ظهر عزام ابتسم عزام بحب :حي عينك ي حميد طول عمرك وافي وسند
اشر حميد بيده لعزام وابتسم عزام يرسل له بوسه وحط رجله على البنزين وبسرعه داس يسرع وبس شاف انه قرب من فريق خلف داس بنزين زياده وشد يد نفس :لاتخافين اوكي
هزت راسها وبسرعه شطفهم يحوص عليهم وانطلق يتجاوزهم شغلو الدوريات واتجهو خلفه يطاردونه وابتسم عزام وهو عارفه دام قدر يخترق الحصار مستحيل يمسكونه
عند حميد بس تطمن عزام عدى اشر لرجاله يستسلمون ورمى سلاحه ورجاله خلفه يرفعون يدهم باستسلام وركضو عقاب ومراد يلقون القبض عليهم
تقدم عقاب لحميد وابتسم:رغم انك مجرم بس طلعت كفو ورجال
حميد:مو كل من مشى لدروب مثل ذي مو كفو
عقاب:ياليت تقابلنا بضروف غير كذا كان صنت رجولتك بس اخترت تكون مجرم واخترت اكون شرطي
ابتسم حميد يربت كتفه:الله يعزك ي عيون الذيب ورغم انك شرطي بس شهادة حق ان اسمك كابوس لكل المجرمين
ابتسم عقاب يأشر على مراد يكلبشونه وبسرعه ركبوهم اتجه عقاب لخلف:راح يجي يوم وينصاد
عقاب:عزام ذكي جدا وحاسب حساب كل خطوه وعارف كيف نفكر
خلف:كانك تفخر بذكائه
عقاب:صدقني لو ماكان ذكي ماعرف اختار رجاله رغم انهم عارفين وش بيواجههم مع هذا حمو ظهره وسهلو خروجه
خلف:والحين
عقاب:راح يوقع عزام وتشوف يجي هاليوم
لف عقاب من جاء مراد :في شي مهم لازم تعرفونه
لفو عليه يسمعون مراد الي بلغهم ان البنت الي جت لعزام عشان صفقه السلاح راح تجي هي وابوها اليوم للقصر وابتسم عقاب ياخذ فريقه ينتظرون بالقصر جيتهم ويكونون ضربو عصفورين بحجر