مستحيل اني أبيعك لو على السيوف

٥١

عند همس وعقاب
همس بالطوارئ يضمدون جرحها ومضاوي عندها وعقاب حايس برى يكمل الإجراءت خلص يلتقي بالدكتور
عقاب:طمني على همس
الدكتور:ان شاء الله طيبه ضمدنا جرحها والحمدلله الرصاصه عدت كتفها ما استقرت فيه بس راح تضل عندنا اليوم حتى تطلع تحاليلها
زفر عقاب براحه ولف للنيرس الي مطلعتها لغرفه خاصه تقدم عقاب يدفع فيها الكرسي ودخلها الغرفه بعدت اللحاف مضاوي ومال عقاب يشيلها بين ذراعيه يسدحها
جلس على طرف السرير يمسك كف يدها ويد على خدها:طمنيني موجوعه ؟
همس:لا الحمدلله عطوني مغذي صرت طيبه
مضاوي:الحمدلله على سلامتك ي ماما
همس:الله يسلمك
ابتسمت مضاوي:أنا بخليكم شوي
طلعت مضاوي ولف عقاب لهمس:وش جابكم هناك كيف وصلتو لهذاك الموقع
همس :ما اعرف كنا نبي نطلع للبر وقفنا كذا مكان ماعجبنا بعدين استقرينا بهالمكان صدفه
عقاب :زين ارتاحي الحين
همس تمسك يده:عقاب كيف ماسمعتني وانا اصرخ فيك واحذرك وماحسيت الي خلفك وانت طبعك جداً دقيق
عقاب:بسيطه عشان الانفجار يمكن ماحسيت
وقف عقاب من دخل ابوه وهمس سكت انه مخبي عليها شي
كيان بخوف تميل لها تحضنها:سلامتك حبيبتي
همس:يسلمك
قايد:الحمدلله على سلامتك يابنتي
همس ابتسمت:يسلمك ي خالي ليه تعنيت أنا طيبه
قايد يحب راسها:والله عشانك نتعنى
ام منير تسلم على همس:الحمدلله انك بخير ومشكوره لولا الله ثم انتي كان عقاب ميت
قايد بصدمه:كيف ؟
همس:بسيطه ياخالي وعقاب يستاهل افديه بروحي
ابتسم عقاب يتكتف ولف قايد لام منير الي تقول له السالفه
تشكر همس على وقفتها معهم وطلع قايد ورجع معه ام منير ومضاوي للبيت
رجع عقاب يجلس بجنبها:الله همس تفديني بروحها؟
همس:والله انها رخيصه قدام سلامتك وراحتك
رفع يدها يبوسها:بعيد الشر ي بابا
ابتسمت همس تبعد شوي على جنب تاشر له تقدم عقاب يتمدد بجنبها وسندت راسها على صدره تحضنه وهو يحاوطها يمسك كفوف يدها يمرر إصبعه فيها ويتذكر بدايتهم كيف كانت قاسيه وكيف اليوم مايقدرون بدون بعض ناظرته همس سرحان بيدها وهمست:وش تفكر فيه
عقاب ابتسم:أتذكر بداياتنا كيف كنت قاسي معك وكيف صرت ما اقدر بدونك
همس ابتسمت:والله كل كوم ولمن دخلت علي بنفس زوجه لك كوم ثاني كنت اقول انك بعتني وماحبيتني وبس تلعب مشاعري
ناظرت همس بعيونه:يجي يوم وتبيعني فيه ي عقاب؟
عقاب ابتسم يحط يدها على قلبه:مستحيل اني أبيعك لو على حد السيوف
ابتسمت همس تبوس شنبه وغمضت عيونها تنام براحه كبيره بحضنه وعقاب الي كان وعده لها طالع من كل قلبه ودنيته وحياته صارت كلها همس ومايتخيل يمر يوم بدونها

رجع قايد للبيت يشوف صالح برى
صالح فز:طمنونا
قايد:ابشرك طيبه الحمدلله ليه واقف هنا تفضل
صالح:تسلم ي عم بس البيت مافيه رجال ماحبيت أضايق الحريم
ابتسم تميم وقايد لتربيه صالح الشريفه وربت كتفه قايد
صالح:اسمحولي الله يشفي مريضكم
مضاوي وام منير:امين
صد صالح يتجه لسيارته يكمل طريقه لبيته ودخل قايد البيت وفزو البنات
روان:طمنونا
ام منير:طيبه الحمدلله بس اليوم بتجلس عندهم تحاليلها ماطلعت
روان:اخخ الحمدلله
تميم يهمس لرنا:انتي طيبه يوجعك شي
رنا تربت كتفه:لا ي حبيبي طيبه
قايد:من اليوم وطالع طلعه بروحكم مافي
أشواق:معد نبي بعد هالموقف كافي خلاص
ابتسمو عليها بخفيف ولفت لجوالها الي يرن كان احمد طلعت معه متجهين لبيتهم تقوله السالفه وقف بصدمه يتحمد لهم بالسلامه ويتطمن عليها وكمل لبيت ابوه
دخلو يشوف ابوه وامه وغدير جالسين
احمد:ي ابوي صارت سالفه ببيت عمي إذا ودك تزوه بكره
ظافر فز بخوف:وش صار احد صار له شي
أشواق:لا بسيطه همس تصاوبت بذراعها
غدير:كل هالقصه عشان تصاوبت عادي ما ماتت
أشواق:فال الله ولافالك انتي مريضه ترى لازم تعالجين قلبك الحقود
صدت أشواق بزعل تطلع غرفتها ولف احمد لغدير يسحبها من عضدها:ان سمعت هالكلام مره ثانيه دفنتك عندك كلمه زينه قوليها والا سكري فمك الزفت
وقفت ام غدير تبعده عنها :اترك اختك
احمد:يمه ماضيعها ودمرها إلا حقدها كفايه خلاص بسبب قلبك الآسود خسرتي بناتك وبيتك والحين تبثين سمومك على الكل
بلعت الغصه غدير من تذكرت بناتها وصدت تبكي تطلع غرفتها
ام غدير:عجبك ارتحت بدل ماتكون سندها تكسرها كذا
احمد:يمه انتي تعرفين غلاه غدير عندي بس كفايه الي تسويه مو صح هي لازم تتخطى عقاب هو عايش حياته وهي عالقه بحياتها
ظافر:خلاص اذكرو الله
صد احمد يطلع لغرفته وهو ندم انه قسى على غدير بس كانت محتاجه احد يردها لطريق الصواب
عند نفس با الإسطبل
جلست تتفكر بعزام من يوم دخلت حياته ولامره أذاها وكان غامرها بحنيته وكلماته الدافيه وتسال نفسها سبب انقاذها له واقنعت نفسها انه دين وردته له لمن أنقذها بالمره الاولى رغم انها فقدت جنينها بس هو حافظ على حياتها
ناظرت بالخيل تقدمت لها تمسح على راسه وتذكرت لافي كيف تخلى عنها وتركها تذكرت مكالمته الي طلقها فيها وكيف تركها وحيده تصارع مصيرها لوحدها وهي مالت له قبل وحست انه بطلها الي مستحيل يتخلى عنها لكن مع الأسف تركها تذكرت وجعها حبوب الاكتئاب والمهدئات الي ماكانت تنام إلا عليها
لفت من حست لمست يد على ظهرها وتقدم عزام يناظرها صدت بسرعه تمسح دموعها
ابتسم عزام:زعلانه لانك انقذتيني؟
نفس :لا
عزام:طيب ليه تبكين
نفس:شي مايخصك
صدت تمشي واتجه خلفها ركض :اسمعي ودك تفرغين زعلك؟
سحبت نفس سلاحها:لاتحدني لان موتك الوحيد الي يريحني
ابتسم عزام يقرب لها يثبت السلاح على قلبه:صدقيني لو موتي يريحك ما أتردد اني أموت على يدك
سحبت سلاحها نفس وهي مقهوره منه وصدت تمسك راسها من تضارب الأفكار بدماغها استغرب عزام وقرب بيمسك كتفها وهمس:وش..قاطعته تضرب صدره تدفعه على ورى:انت ليه طيب ليه حنون ليه ماتكون قاسي ليه سيئ مع الكل إلا معي ليه وش تبي مني أنا جايه أكرهك وجايه أذبحك ليه تسوي فيني كذا
عزام:والله ماسويت شي
نفس بقهر :سوي شي تعبت من تصادم الأفكار بدماغي تعبت من حنيت...انقطع صوتها من تقدم بسرعه يمسك من خلف راسها يشدها له يقبلها قبله عنيفه وقويه وو