مستحيل اني أبيعك لو على السيوف

١٩

الدكتور:سامحًوني اني أنقلكم هالخبر بس البنتين توفو
ارتخى جسم عقاب يطيح على الارض وفز مراد له يرفعه وجلس قايد على الكرسي شاد يده اخوه
شهقت همس بقوه شهقه لف لقوتها عقاب الي شافها تضرب وجهها بصدمه وكيان تحاول تهديها حس عقاب انه بحلم وكانّها لقطه غريبه من حياته يعيشها حتى يرجعه ابوه لواقعه من ربت كتفه:عظم الله اجرك يا ولدي
صرخ عقاب صرخه قهر صرخه مخلوطه بحزن خساره بناته الثنتين بسبب غلطة امهم قهر من غدير الي سلمت بناته للموت واتجه مراد يهديه وعجز فيه اتجهت همس ركض له تبي تهديه بس وصلت عنده تو بتمسك كتفه طاح عقاب من طوله مغمى عليه فزو الكل بخوف واتجهو الدكاتره ركض له يشيلونه الطوارى والضغط انخفض عنده بقوه من الصدمه

مرت هذيك الليله بصعوبه عليهم.وصل خبر مراد لتميم ان البنات توفو وانهارو بيت قايد بصراخ يبكون وغدير من كثر الندم صارت تشد شعرها وتصارخ وتلوم بنفسها محد كان فاهم السالفه وليه هي حاطه اللوم عليها

ارسل تميم رسالة لأحمد يبلغه الي صار وفز احمد من النوم على صوت الرساله قرى مضمونه ودق قلبه بخوف فز يلبس ثوبه واتجه لأشواق توتر كيف يفاتحها بالموضوع قرب منها يهمس بخفيف :أشواق
فزت أشواق بخوف وبسرعه رفع يده يمسح ظهرها:بسم الله عليك هذآ أنا أذكري الله
أشواق:وش فيك ليه مصحيني الحين
احمد تلبك ونزل عيونه للأرض ناظرت أشواق فيه رفعت يدها تمسك كتفه:وش فيك ليه وجهك قلب
احمد:شي مو زين
أشواق:اي انطق وش فيه
احمد:بنات عقاب
أشواق:وش فيهم نشفت دمي
احمد:ذبحهم ماهر
ارتخى جسم أشواق تغمض عيونها وتفتحها تحاول تستوعب الي صار قرب احمد لها يمسك كف يدها:اهلك محتاجين لك لازم نروح وقفت أشواق تسحب يدها من يده بسرعه تلبس عبايتها وطلعت ركض قدام احمد ومن الصدمه مانزلت منها دمعه

اتجهو لبيت قايد دخلت أشواق بس التقت برنا عند الباب انهارت تبكي بهستيريا وصراخ سمع صوتها احمد الي حس قلبه انكسر عليها وهو كان ملاحظ انها كاتمه طول الطريق وقف بجنب تميم يسأله كيف صارت الحادثه ولفو لدخول قايد وظافر وفزو يسندونهم يجلسونهم والحزن مخيم بوجيههم

عند كيان كانت خارج غرفة عقاب وهمس عند عقاب داخل
اتجه مراد لكيان :تعالي معاي
كيان:فين
مراد:القسم لازم تقولين كل الي تعرفينه عن ماهر وتسلمين الفديو والصور
كيان بخوف:لا ما ابي
مراد:كيان لازم تتجاوبين معنا والا ماراح نقدر نجيب ماهر
استسلمت كيان تتقدم معه متجهين للقسم دخلت المكتب مع مراد الي صار يسألها وهي تجاوب والكاتب يدون أفادتها خلصت يطلع الكاتب تاركهم
لف مراد عليها:تدرين انك لو مخبرتنا قبل كان قدرنا نتصرف
كيان بدموع:ماحسبت كذا يصير وخفت من عقاب لو عرف اني دخلت بيته متخبيه وماتوقعت ان ماهر شرير وممكن ياذي اخته
مراد:ذابح اخو عقاب ومرتكب أعمال شنيعه ماتبينه يذبح اخته
نزلت يدها كيان على وجهها تبكي حن عليها يتجه يجلس قبالها :اسمعيني
كيان ماردت تبكي قرب مراد يبعد يدينها من وجهها:اهدي واسمعيني
ناظرت كيان بيدينه الي بكف يديه وناظرته
مراد:الحين انتي تعرفين كثير أشياء عن ماهر أماكن ممكن يروحها كم عدد رجاله من هو زعيمهم
كيان:ما أتذكر شي مخي مشوش وخايفه
تنهد مراد بضيق عليها :اوكي ارتاحي
كيان:وديني لهمس
مراد:بوديك لبيت همس
هزت راسها تركب معه متجهين لبيت قايد ،
عند همس كانت جالسه على طرف السرير تمسح دموعها وفزت من حست عقاب صحي فتح عيونه عقاب يجلس بسرعه
همس:انت تمام موجوع تحس بشي
ناظر عقاب فيها يحاول يستوعب الي صار وحط يده على راسه يشد شعره مسكت يدينه همس بدموع:كافي ي عقاب لاتقسى على روحك كذا
عقاب يمسك يدها :ذول بناتي الي ماتو فاهمه ايش يعني بناتي
سكتت همس تنزل عيونها للأرض وحس عقاب على نفسه انه عورها ترك يدينها ينزل من السرير طلع جري وهي خلفه
همس :عقاب اهدى عقاب
مارد يركب السياره وركبت بجنبه وهي تحاول تهديه بس هو كان معصب ومايشوف قدامه بسرعة البرق وصل لبيت ابوه ونزل تارك باب السياره مفتوح وهو يدفع باب الحوش ويصرخ:غديرررررر
فزت غدير بخوف والكل وقف ركضت همس تمسك كتفه :عقاب اهدى
ماقدرت تسيطر وكان اقوى ينفلت منها واتجه لغدير الي تبكي وترجف خلف امها سحبها عقاب يرميها بوسط الحديقه اتجه ياخذ سلك كهربا بالحوش سحبه يقطعه واتجه لها فهمو الكل انه بيضربها فزو تميم واحمد يمسكونه بس عجزو وكان من القهر اقوى وهو يرفع يده ويضرب غدير ضربه قويه على ضهرها تصرخ منها
ام غدير بصدمه:كسر يكسر يدك ي عقاب
الكل ارتجف من الخوف وصرخة غدير ركضت همس تبي تبعد غدير لان عقاب مو بوعيه
احمد:عقاب اهدى وش فيك أنجنيت
عقاب بقهر:هي ذبحت بناتي هي السبب
تميم :خلاص اهدى
عقاب يصرخ يرفع يده بيضربها:كيف اهدى وهي الي ذابحه "ضرب بالسلك "لكن همس تتقدم السلك ترفع غدير تبعدها وناظر عقاب بصدمه من حس الضربة جت بكتفها حس روحه ارتخت من لفت همس له تحاول تكبح المها وبسرعه بعدت غدير هدى عقاب شوي يناظرها كيف تصد عن الكل تخفي دموعها من الالم وماتحمل انه أذاها بسبب غدير وزاد قهره من غدير رمى السلك ودفع تميم واحمد وصرخ :ي عم ظافر ي ابوي البنت هذي "اشر على غدير"بسببها خسرت بناتي رمتهم للموت بيدها
ام غدير:لاتكذب كيف ام ترمي بنتها للموت مافي ام قاسيه كذا
تنهدت همس من تذكرت امها ونزلت نظرها للأرض
عقاب بحدة:إلا بنتك من حقدها وكرهها لهمس دخلت المجرم الي ذبح اخوي لوسط بيتي تأمرت معه ضدي ولأن الله ينصر المظلوم بدل ماتحط همس طعم طلعو بناتي الي محبوسين بالمجلس
ضربت غدير بوجهها بندم والكل يناظر عقاب بصدمه
كيان:الكلام الي قاله عقاب صحيح وهذي صور غدير مع ماهر وكمان تسجيل صوتي مع بنتها وهي تتآمر ضد همس
الكل كان يشوف الصور مصدومين وتفشلت ام غدير معد عرفت ايش تقول وضافر من الاحراج معد قدر يحط عينها بعينه
روان بقهر لانها تحب بنات عقاب اتجهت لغدير:الله يأخذك ياغبيه تعرفين انه مجرم كيف تأمنين له ذبحتيهم بيدك سلمتيهم له بكل برود
عقاب بتعب من كثر الشعور الموجع الي يحس فيه قال:ي ابوي ي عم ضافر اشهدو علي جميعاً ان غدير تحرم علي ليوم الدين ومعد يجمعني فيها لأزواج ولأصله قرابه ولادم ولو اشوفها تموت قدامي ماتهمني
توسعت عيون الجميع بصدمه وصرخت غدير :لألا تكفى ي عقاب أنا كل الي سويته لاني احبك وما اتحمل احد يشاركني فيك
اتجهت ركض لعقاب بس رفع يده بوجهه بمعنى اوقفي انهارت تترجاه وتتوسله لكن ظافر من القهر ماتحمل كيف بسبب غلطة كبيره مثلها خسرت بيتها وبناتها وقف يسحبها يطلعون من بيت قايد وام غدير طلعت وراهم متجهين لبيتهم
استند قايد على تميم يدخلون المجلس ولفو الحريم على ام منير يدخلون تاركين عقاب وهمس واقفين يناظرون بعض ووده يتقدم لها وهي كمان لكن رجولهم ثبتت في الارض نظرات طويله متمنين فيها يقربون لبعض وكل واحد بحاجة الثاني نزلت همس عيونها للأرض من عجزت تتقدم له وطلع عقاب من البيت وصدت همس تتجه لطرف الحديقه تبكي بحرقه عند كيان طلعت تدورها تشوفها بطرف الحديقه تبكي بحرقة تقدمت لها تجلس بجنبها تمسك كفّها
همس بدموع:أنا السبب كل الي يصير فيهم بسببي
كيان بصدمه:انتي وش دخلك مالك ذنب
همس:ماهر اخوي وغدير معها حق من غيرتها ماعرفت تتصرف أنا السبب ي كيان أوجعتهم حيل وأوجعت عقاب كثير أنا لازم اسلم نفسي لماهر راح اطلع من حياتهم
كيان بصدمه:انتي وش تقولين انجنيتي؟؟
همس توقف:معد اتحمل اشوف عقاب يتوجع بسببي وكل عايلته تعاني من ورى اخوي
سحبت يدها همس من يدها تطلع من البيت وكيان تصرخ فيها لاتتهور بس همس طنشتها تركب السياره وتاخذ جوال كيان تفتحه تقلب لرقم ماهر تتواصل معه
صرخت كيان فيها بس معد سمعت إلا صوت الكفر طلع مراد منصدم واتجهت كيان له ركض تمسك كتوفه وهي تبكي:همس راحت لماهر تكفون انقذوها بيذبحها ساعدوها
توسعت عيون مراد بصدمه وبسرعه سحب جواله يتواصل مع عقاب يبلغه
عقاب بصدمه:كيففف؟؟
مراد:جهاز التعقب لسا فيها
عقاب :ي الله ي الله باي
قفل عقاب يركب سيارته وفتح جواله يتعقبها وانطلق وراها
جاء مراد بيمشي بس لف لكيان الي طاحت على ركبها تبكي بصوت عالي:راح يذبحها بيقتل همس راحت للموت برجولها
رجع مراد لها يمسكها من كتوفها:اذكري الله تعالي معاي وقفها مراد يساعدها تجلس على طرف :هدي عقاب اكيد بيلحقها
كيان بدموع:لو وصلت قدامه راح يذبحها ،خايفه عليها أنا لازم اروح لها
وقفت بتمشي بس وقفها مراد يمسك يدها:لا ماتروحين هذا واحد خطير كيف تخاطرين بحياتك
كيان :أنا الي عطيته كل معلومات عقاب وبيته وعائلته أنا ساعدت مجرم والحين لازم انقذ اختي منه
مراد يسحبها:اهدي خلاص روحه مافيه
سحبت يدها كيان :بعد راح اروح
سحب بيدها مراد يركبها سيارته وقفل الباب يامنه وركب معها:ماراح تروحين
انهارت كيان من العجز الي تحس فيه ومو قادره تسوي شي

عند عقاب كان يسوق ورى همس وقفو عند بيوت قديمه نزلت همس ركض تاركه السياره شغاله والباب مفتوح وتصرخ بقهر:ماهرررر
نزل عقاب ركض وراها:همس
ناظرت تشوفه وراها ورجعت له تهاوش:ليه تجي ليه لاحقني
تقدم عقاب يسحب بيدها بغضب:وش تسوين
همس :اس...صرخت من انفجرت قنبله من البيت الي قدامهم وانفجع عقاب يسحب بيدها يركضون بعيد عن البيوت على رجولهم ويشوفون سياراتهم تفجرت والمكان اندلع فيه حريق كبير وقفو بصدمه من شافو ماهر قدامهم ومحاوطهم بالرجال وخلفهم نار كبيره شهقت همس وتوسعت عيون عقاب بصدمه يسحب سلاحه يمسك يدها يخليها ورى ظهره سحبت كتفه همس :لألا عقاب هو يبيني أنا
خاف عقاب عليها يرجعها ورى ضهره:والله ماياخذك ولايمس منك شعره

ماهر ابتسم بمكر يشوفهم يتضاربون كل واحد يبي يحمي الثاني وقال:خلاص ارتاحو نذبحكم اثنينكم ونريحكم