مستحيل اني أبيعك لو على السيوف

٣٥

وقف بخرشه ولفت همس تتجه له توقف قبال وجهه تسحب لثامه ورجعت على ورى بضعف وطاحت دموعها تميل تستند على الكنب من شافت وجهه نفس ماتوقعت
رفعت يدها تغطي وجهها ببكي:ليه ي عقاب بعد ماقلت اني نسيتك ومحيتك من حياتي ترجع ليه تتعبني
تقدم عقاب ينزل لمستواها يمسك يدها:همس طلعت من بيتي ادور راحتي مالقيت نفسي إلا بلندن وتحديدا بقربك همس انتي راحتي لا تذبحين حبي لاتذبحين خفوقي
همس بدموع تناظره وضربت قلبها بقهر:قلبي يكرهك افهم أنا وانت انتهينا انت بدرب وانا بدرب
عقاب :اسف بس أنا ما اقدر استحمل هالكلام ولا عقلي راح يستوعبه
همس:انت مو تزوجت علي وبديتها علي ليه لاحقني روح لها
وقف عقاب بصرامه وعارف انها ماراح ترضى بقربه وقال:أنا برى لو احتجتي شي أنا بخدمتك
همس:ما ابي تضل معي ما ابي تكون حارسي ابي تبعد من حياتي
عقاب:بيننا عقد لو أخليتي بشرط انك تطرديني قبل اكمل شهر راح أقاضيك وتدفعين مبلغ كبير كتعويض
همس بصدمه تناظره:انت عقاب معقول انت الشخص الي حبيته لا ابد مو انت انقلع برى لاتوريني وجهك ما ابي اشوفك
صد عقاب يطلع وهو مبتسم يوقف برى وهمس:والله ما ارجع بدونك ي همس لو كلفني هالشي عمري
جلست همس على الكنب تشد شعرها وهي رجعت للصفر كانت متوقعه انها ببعدها راح تسلى مادرت ان عقاب راح يضل ملازمها وكانه عقوبه انحطت عليها رفعت جوالها تدق على كيان وهي ناويه عليها وعصبت ترمي جوالها بقهر من وصلها انه مغلق

بالسعودية عند احمد بمجلس قايد
احمد:ي عمي تكفى اسمح لي أقابلها وأطيب خاطرها
قايد:معصي وهي ماتبي تقابلك
احمد:ياعم لا تصعبها علي
فتح فمه قايد بيتكلم بس فزو من صرخت روان بخوف :يبه الحق أشواق أشواق طاحت علينا
فزو بخوف يتجهون ركض لداخل الصاله وركض احمد يشوفها طايحه بوسط الصاله وحولها امها ونفس حملها احمد بين ذراعيه طالع فيها ركض وقايد من الخوف تربطت يدينه وصرخ:طمني ي ولدي تكفى
احمد:ابشر ي عمي
ركبها احمد بسرعة البرق يطيرون للمستشفى وخلفهم رنا وتميم يدخلون البيت وشافو الكل وجيههم مخطوفه
تميم:وش فيكم
روان:أشواق أغمى عليها فجاه
شهقت رنا ومسك قايد كتف ولده:الحقهم وطمني
فز تميم يشغل سيارته واتجه بسرعه خلفهم

عند غدير كانت تحاول تلقط علوم عن عقاب بس عجزت تدل له درب وهي مقهوره فين اختفى
عند مراد بمكتبه
انصدم من دخلت كيان تدق الباب:هاي
فز مراد بفرحه يتجه لها يفتح ذراعيه وبسرعه يحتضنها :يأهلا بحبيبه روحي وش هالمفاجأة الحلوه
كيان تطلع من حضنه:استحيت
مراد:ليت كل أيامي مثل دخلتك علي كان ماقلت اني مريت بيوم سيئ
كيان ابتسمت يتقدم مراد يحب راسها:كيفها كيكتي؟
كيان بحب تناظره:طيبه
مراد:دايم يارب دام جيتي يالله خلينا نطلع نخلص امور العرس
كيان:لحضه هدي هدي
مراد:ليه
كيان:ابي ادور عن معلومات تدلني لأهل همس
مراد:المشكله صعب جداً
كيان:خلينا ندور بين السجلات القديمه عن اي بلاغ تم تلقيه عن اختطاف او نشوف مين المسؤول الي كان ماسك بهذيك السنين يمكن يتذكر
مراد:رغم انه شي صعب انه يتذكر حتى لو لقيناه بس دام الموضوع مرتبط بهمس تبشر وعقاب موصيني كمان
كيان:اجلس بحكيك وش مسوي خويك
جلس مراد باستغراب تحكيه كيان كيف عينته حارس لهمس عشان يكون قريب منها ومراد مصدوم ومبسوط لعقاب ومتمني همس تلين وترضخ