مستحيل اني أبيعك لو على السيوف

٣٢

عند البنات بس وصلو المزرعه ونزلو عقاب بصراخ خلفهم:عندك انتي وهي
وقفو البنات بخوف ولفت همس له ببرود عقاب بحده:ان تكرر الي صار اليوم والله لتصرف معكم تصرف ثاني وبعدين حتى انتي ي رنا انتي العاقله تمشين ورى هالمجانين
همس:البنات مالهم دخل أنا كلمتهم يجون معاي
عقاب يقرب منها وقربت همس بخطواتها تجابهه وهالشي الي يجذب عقاب فيها حيل يناظر الحدة في عيونها
:ممنوع تخطين برا البيت بدون أذني
همس:ماني فرد تحت إدارتك
عقاب:بس زوجتي
همس:مو أسيرتك زوجتك ركز بالمصطلح
تقدم تميم واحمد كل واحد اخذ زوجته واتجهو فيهم لغرفهم يعاتبونهم ان الي سووه غلط كان لازم يبلغون احد فيهم وكويس ان عقاب تلقى البلاغ والا كان كلهم تحولو للمركز لفت كيان وروان يمشون لغرفهم وكيان متضايقه من حركه مراد وقسوته لمن دفعها ،
اما عقاب مسك بيد همس يدخلها الغرفه:لعد تعيدين الي صار اليوم
همس:الي براسي اسويه ماعلي من احد
عقاب يلف يدها خلف ضهرها بحنيه وهمس عند اذنها:متمرده ،عنيده وقوية شخصيه ومجنونه وش بقيتي للباقي
همس بتوتر تسحب يدها منه بس هو مثبتها وهمست:لعد تصرخ علي
عقاب ابتسم:امر ي عيون عقاب
قرب من عنقها يبوسه بسرعه وارتخت يدها بيده يترك يدها يتجه ينزل ثوبه يتمدد وقال:صح انتي قلتي انتي زوجتي بس أنا لسا ماحسيت اني متزوج
همس بتوتر:لا م ا
عقاب ابتسم:اهدي لاتموتين مايصير شي إلا برضاك
غمضت همس عيونها وهي للحضه ارتاعت اتجهت تبدل وطلعت تشوفه نايم سحبت اللحاف بهدوء تنام بجنبه فتح عيونه عقاب يبتسم لمنظرها اللطيف نايمه بجنبه وهو وده يكسر لها حاجز الخوف والخجل منه

مرت اسبوعين كانت همس تبحث عن اهلها فيها وكيان معها ومعد التقت بمراد ولسا اخذه بخاطرها منه وطلعت من المزرعه تستأجر فندق  تسكن فيه تنجز اشغالها اما أشواق بدت تحس ان ام غدير تضايقها شوي وخايفه احمد يقلب عليها روان كانت مع الكل وبالها خالي رنا وتميم علاقتهم من حلى لأحلى بس رنا متضايقه من سالفة تاخر حملها
غدير الي ماتفوت طريقه تغث فيها همس وتحاول تلفت انتباه عقاب الي ولا معبرها حتى

العصر بغرفة أشواق
فزت بخرشه وهي جالسه ترتب غرفتها واحمد الي كان جالس يشرب شاي من فتحت ام غدير باب الغرفه بدون استأذان
أشواق:وش فيه وش صاير
ام غدير:بجلس مع ولدي اتقهوى معه بها شي؟
أشواق تعقد حواجبها بغضب:في اختراع دق الباب يفضل تدقين قبل تدخلين لان هذي حدودي ما اسمح لك تدخلين علي بالطريقه الهمجيه ذي
ام غدير:عاجبك كلام زوجتك
احمد:يمه الله يهديك انتي فجعتينا وأشواق ماتقصد
ام غدير:هذا الي ربي قدرك عليه ي حيف بس
أشواق ترفع حواجبها بصدمه:ليه وش ودك يطقني
احمد:أشواق سمعينا خلاص يمه اذكري الله وتعالي تقهوي
ام غدير تقدمت بتحر أشواق جلست تقهوى معه ماتحملت أشواق تأفف تطلع برى الغرفة
ام غدير:شفت كيف كارهتني
احمد:لا يمه ترا أشواق قلبها طيب بس يمكن خافت لمن دفعتي الباب فجأة
ام غدير :اييه خافت "صدت تشمق"ورجعت تبتسم وتسولف معه