مستحيل اني أبيعك لو على السيوف

٦

صدت بتمشي لكن استوقفها عقاب الي وقف قبال وجهها:بدري عليك ي بنت راجح
همس بحده:الحين تشوف
تقدمت بتمشي لكن انفجعت من مال يشيلها على كتفه يتجه فيها للملحق وهي تصرخ وتضرب بضهره وتنادي:ساعدوني احد يساعدني بعد عني اتركني
الكل يناضرها مفجوعين من صرخاتها وروان نوعا ما تعاطفت معها واضح لهاان همس مو فاهمه شي وضايعه
رماها عقاب بالملحق وفزت همس تبي تهرب لكن عقاب سحبها من يدها يثبتها من كتوفها قدام وجهه وهو تعب منها ومن مقاومتها وهز كتوفها بقهر:والله لو ما تركدين ليسير شي مايسرك
همس تقاومه وتحاول تفك نفسها من بين ذراعينه:بعد عني ي مختل
عقاب يهز كتفها:افهمي الي بقوله نفذي المطلوب منك تسلمين
همس بقهر:تخسي مو انت الي تملي علي وش اسوي
عقاب بعقده حاجب وقهر :اجل ابشري والله لخليك تمنين الموت باليوم ميه مره
همس بتحدي:كلامك مايهز فيني شعره وأعلى مابخيلك اركبه وخذها مني وعد راح اطلع من هنا طرق
ماتحمل عقاب كلامها واول مره احد يجابهه كذا دفعها بقوه  حتى طاحت على الارض وطلع من الملحق يقفل الباب بالمفتاح فزت همس من سمحت صوت المفتاح وصارت تضرب الباب برجلها ويدينها وتصارخ:طلعوني ..من انتم وش تبون مني؟ أنا وش سويت لكم؟أنا ما أعرفكم
تأوهت بالم من ضرب اصبعها السبابه بالباب ورجعت على ورى تمسك يدها ترفع اصبعها الي صار منفوخ مدت يدها الثاني تتلمسه بس الالم كان قوي تاكدت انه كسر لكن ماعارته اهتمام ورجعت تدق الباب وتدور بالغرفه تدور اي سبيل للنجاه بس مع الاسف مافي اي مخرج
عند عقاب طلع من الملحق متجه للمستودع ياخذ ألواح ومسامير طلع والكل يناظر فيه ونادى وهو ماشي ناحيه الملحق:أشواق جيبي لي شاكوش
أشواق تناظر بصدمه والكل مستغرب وش يبي فيه بس ارتجفت أشواق من صرخ عقاب:بسرعه
أشواق هزت كتوفهامنه خوف:طيب ابشر
عند همس فتحت دريشه الملحق وكانت الصدمه من شافته يحاول يغطي الدرايش ودمعت بخوف وبترجي:الله يخليك لاتسوي فيني كذا أنا ايش سويت لك بشنو اذيتك
عقاب بقهر:ولا اسمع همسك
رجعت على ورى همس تشوف مافي امل انه يعتقها وجلست على الارض تستند بظهرها على الكنب وتبكي بصوت عالي اخذ الشاكوش عقاب يسمر اول دريشه واتجه للدريشه الثانيه وبس رفع الخشب بيسمر لفته صوت بكاها العالي نزل الخشبه يشوف منظرها وهي تبكي بحسره وعجز  رفعت راسها همس من جحرها تلاقى عيونهم ببعض وقفت همس متفائله ان فيه ذرة امل وركضت له تمسك قضبان الدريشه :تكفى انت ليه تسوي فيني كذا أنا وش سويت أنا حتى اسمك ما اعرفه انت مين وش تبي مني ليه تحبسني أنا عندي عروض وايفنتات بعد شهرين لازم اطلع من هنا
عقاب ابتسم بمسخره :قالت ايفنت
همس تحتد نظرتها من حست بالمسخرة في كلامه وهي ماتحب احد يقلل من حلمها ومدت يدها من القضبان تسحب بياقته وقربت وجهها لوجهه:أنا صنعت المستحيل حتى أحقق حلمي كسرت حواجز أشكالك مايقدرون عليها إذا مفكر ان جدارك وحجزك لي بتكسرني فصدقني غلطان
عقاب بقهر يشد كفوف يدينها يبي يبعدها من ياقتها لكن انصدم من حس بقوة بيدها نزل نظره ليديها الي شاده فيها ياقتها ورجع يناظرها انصدم من القوة الي يشوفها بعيونها
ناظرها بوسع عيونه يبيها تهابه بس انصدم من سحبته بقوه وارتطم جسمه ورأسه بحديدة الدريشه وتركت ياقته رجع عقاب على ورى بصدمه من حركتها ورفعت اصبعها بوجه:هذا بس يذكرك اني لو بغيت أطولك حواجزك ذي ماتردني
صدت تتجه للكنب تجلس عقاب يناظرها كيف يعتليها الشموخ والغرور رفع الألواح الي طاحت من يده نتيجه الارتطام وسمر الدرايش ولف للعايله يناظرونه ومصدومين عمره ما احد تمادى على عقاب وعارفين ان هالبنت ارتكبت غلطة عمرها انها علقت معه
تقدم عقاب يبوس راس ابوه وامه وقال:أمانتي صارت بحوزتي والله والي نزع روح فقيدي لجيبه النذل ذليل
ام منير :والبنت ذي وش بتزين فيها
عقاب :ممنوع احد يعطيها اكل ممنوع احد يحكي معها ممنوع احد يعطيها ماء ما ابي حتى احد يمر من جنب الملحق حتى شعاع الشمس ما ابيه يدخل لها
تميم:انت كذا تذبحها
روان:عقاب حرام واضح مو فاهمه شي
عقاب بحده:حرام ؟؟والي سووه فينا مو حرام الي يقدر منكم لايطيع والله لينحبس بمكانها
وقف عقاب يتجه لغرفته الي ببيت ابوه يبدل ويتحمم