مستحيل اني أبيعك لو على السيوف

٤٩

نفس بتوتر من قربه وهمسه باذنها وريحه عودته القويه كانت تحس بخوف وراحه كانت رغم قلقها منه إلا انه يفاجئها بحنينه ناظرت لوجهه وبس شافت طيف البسمه بوجهه نزلت فمها تعض ذراعه وصرخ عزام بالم:ااءءء
نفس :تأدب وألزم حدك
عزام:تخربشين وتعضين وتشيلين سلاح وش باقي
نفس بتحدي:أذبحك
عزام يربت كتفها :ههههههههههههه اهدى من كذا ي ابو الشباب
ناظرته نفس نظره طويله ترفع حاجبها ومسكت يده تدفعها:لاتمون اوكي
عزام بنذاله يقبص خدودها:عمري المعصبين
ناضرته بصدمه من حركته وصد يدخل الإسطبل وهو يضحك عليها اما نفس سرحت بفكرها فيه كيف تحس بشعور غريب معه تذكرت كلامه يوم يقول ابو الشباب ابتسمت لاشعورياً من جنانه ومستغربه كيف عزام كذا جالس يفاجئها كانت متوقعه انه راح يقسى عليها بس يعرف انها أحبطت العمليه بس مع هذا حتى يده ما مدها شهقت ينقطع سرحانها من ضرب كتفها بحنيه:وين واصله
نفس بخوف تضربه:وجع
عزام:ههههه يوجع العدو
نفس:زين لانك انت العدو
عزام كبح بسمته وناظرها لوهله ندمت نفس لمن شافت ملامحه قلبت لكن ناظرها عزام بطرف عينه لمن شاف الندم فيها ورجع يبتسم عشان يسعدها :واضح كنتي تفكرين فيني
نفس:اوه كنت غارقه مره فيك
عزام يرفع يدينه بيمسك وجهها:لا كذا كثير على قلبي ي نفسي
رجعت نفس على ورى ترفع يدها تمنعه ورفع يده باستسلام
عزام:هذي هديتك
لفت نفس تشوف خيل كبير باللون الاسود وجميل جداً وواضح انه خيل اصيل
نفس:حبيت حلو يطلع منك
عزام ابتسم يتجه للخيل يمسح راسه:هذا عزام خيلي مره احبه حيلل وكنت اقول دايم مستحيل أتخلى عنه بس اليوم أنا اهديه لك
نفس:اي عادي واضح طبعك التخلي بسهوله
عزام :لا مو كذا بس لان هالخيل يشبهك حيل تعرفين صح لي كم يوم عارفك بس حفظتك عن ظهر قلب يعني شرسه وبنفس الوقت حنونه قويه وعصبيه وحاده لكن قلبك ابيض حيل هالخيل نفسك عنده قوه وصلابه وحنون رغم قسوتي عليه
لامس قلب نفس كلامه حيل تقدمت بهدوء ترفع يدها بتردد تلامس راس الخيل وابتسمت من حست انه ارتاح لها
ناظرت عزام الي عيونه عليها مد خطام الخيل لها وصد يجيب قبوع الحمايه قرب من نفس ورجعت على ورى
عزام:بطلي تخافين مني
نفس:الي يفقد الطمأنينه صعب يلقى الأمان
ناظرها عزام يتقدم لها يحط القبوع على راسها وكلامها وجع قلبه وعارف ان وراه حزن عميق وكبير قفل القبوع على راسها وقال:ي الله اركبي
نفس:كبير ما اطول
عزام مد يده:أساعدك
نفس دفعت يده:ما احتاج بحاول
تمسكت بالسرج تبغى تركب وشهقت من رجعت على ورى بتطيح وقرب بسرعه عزام يمسكها من خصرها ومسكت رقبته تتعلق فيها وعينه بعينه
عزام با ابتسامه:اتركي العناد
رفعها يركبها على الفرس ومسك الخطام يمده لها :ي الله ادفعيه برجلك وراح يمشي
طبقت نفس ماقال وصار يمشي الخيل بهدوء وابتسمت نفس من الشعور الحلو الي تحسه صد عزام للإسطبل ينتطي خيل ثاني وبس طلع سمع صوت ضحكاتها العاليه وهي تميل تمسح على رقبه الخيل بحنيه وابتسم عزام انه قدر يسعدها ونادى من خلفها بصوت عالي:دوم الضحكه ي نفسي
لفت الخيل تقابله:كم مره راح نعلق على الاسم
عزام :احب أناديك كذا
نفس :هالمره سماح لانك عرفتني على الخيل الحلو ذا
تقدمو يمشون بالميدان وتذكر عزام سالفة زوجها :بسالك سوال
نفس :انت مؤدب من متى؟
عزام:هههههههههه معك بس أصير مؤدب
نفس:اسال
عزام:طلاقك من زوجك بسبب الي صار
توترت نفس من سواله وتذكرت لافي وشدت خطام الفرس وانعدم توازنها وطاحت
فز عزام بخوف ينزل من فرسه واتجه لها يرفعها من الارض  يجلسها:انتي بخير ؟ تعورتي؟يوجعك شي؟
دفعت يده عنها تسحب القبوع ترميه ووقفت بسرعه تصد تمشي تاركته بدون رد ركض عزام خلفها يمسك يدها :نفس انت...قاطعته من دفعت يده عنها وبدموع وصراخ:لاتلمسني تفهم لاتمسك يدي بدون اذني لا تناديني نفسي لا تذكرني بهذاك الشخص لاتذكرني بهذيك الليله
عزام بخرشه من دموعها وانهيارها:بس سوال ماك..قاطعته:لا تسال كافي تبين انك الحنون الطيب كل شي بسببك انت ورجالك كل الي صار فيني بسببك مستحيل أسامحك أكرهك واكره مروان واكره روحي واكره كل الدنيا بكبرها
صدت تمشي طالعه من الإسطبل متجهه للقصر وعزام مصدوم من ردة فعلها ماتوقع بتنهار كذا ودفعه فضوله يعرف السبب ورى انهيارها كذا
طلع من الإسطبل يتجه لرجاله عندهم عمليه تهريب اليوم الثاني وهالمره لازم يكون حذر