مستحيل اني أبيعك لو على السيوف

٢٩

كانت تصارخ وتضرب بكتف اريج تبيها تصحى تقول لها الحقيقه وهي مو مستوعبه انها معقوله عاشت كل هالسنين مع عايله مو عايلتها وعانت هالمعاناه بسببهم تقدم لها عقاب يبي يهديها بس من القهر دفعت يده همس تبكي بحرقه تضرب وجهها:كلكم كذابين كلكم خدعوني كلكم جرحتوني أنا وش سويت لكم
نزل عقاب لها يمد يده يمسح ضهرها:همس اذكري الله ي عيوني
وقفت همس تمشي بقهر من عنده وهي زعلانه وتسرع بخطها وتهاوش :ياليتني مت ولاعرفتكم ياليتي ما رجعت للسعودية ياليت رصاصه ماهر ذبحتني
ركض عقاب خلفها يشوفها تسرع ناسيه جرحها:همس اوقفي
ماردت تكمل بخطاها واستعجل عقاب يركض يحتضنها من خلفها يشدها لصدره وارتخت همس من حست بضهرها بصدره ويدينه محاوط خصرها وصرخت بقوه صرخة قهر وغضب صرخة الم تطلع من وسط قلبها وشدها عقاب زياده له وتسارعت انفاسها تضرب يدينه الي على خصرها:أكرهكم كلكم أكرهكم
عقاب :لاتقسين على روحك تكفين عشاني
ضربت همس وجهها بيدينها ضربات عديده:ليه أنا ليه أنا الي يصير فيها كل هذا أنا وش سويت لكم بأيش اذيتكم ليه تجرحوني ليه تعوروني
لفها عقاب يمسك يدينها الي عورت وجهها فيها يشوف وجهها يتحول للأحمر ولسا تندب نفسها وتعاتب شد عقاب يدينها تحاول تتفلت منه وعجز فيها تسكت من قالت:يارب أموت يارب اروح من الدنيا وارتاح
ماتحمل عقاب يسحب بيدينه بقوه يقربها لوجهه وصرخ بقوه:همسسس
ارتجفت همس تناظر عيونها الغاضبه وانكسر خاطره عليها يشوف وجهها المخلوط بدموعها وقهرها وهمس لها :لاتدعين على نفسك لاتتعبيني
همس:موجوعه منكم كلكم
عقاب بكسره يناظرها:ماعشت لو وجعتك
خلص كلمته يشوف عيونها تصغر ويدينها ترتخي وطاحت مغمى عليها بحضنه
مسكها عقاب بسرعه يرفعها بين ذراعه واتجه فيها للسياره وبوجهه للمستشفى
اما مراد باشر حالة ماهر وأريج ينتظر الطب الجنائي ورفع جواله من جاء اتصال :هلا
كيان:مراد أنا خلفك
ناظر مراد يشوفها تاشره طلع مراد من خلف الشريط الأصفر يتجه لها بسرعه يقفل الجوال:وش فيك ليه جايه هنا
كيان:مارديت علي خفت يكون صاير شي
مراد:لا بسيطه خلاص ماهر مات
كيان تمسك قلبها براحه:اخيراً انتهى كابوسه
مراد:ذبح امه كمان
كيان ببرود:تستاهل عساها موتتها
مراد:استغفر الله ليه
كيان :كذا أكرهها وبعدين شايف تخلفتها مخلفه وحش أتعبنا الله فكنا منها ومنه
مراد:قلبك قاسي
كيان:على القاسين بس الطيبين قلبي طيب معهم
مراد:عساني من الطبين
كيان:والله انت وأسلوبك
ابتسم مراد :خلينا نمشي
مشت كيان بجنبه:همس فين
مراد:مع عقاب
هزت راسها يمشون للسياره يركبون يتجهون لمزرعة عقاب
عند عقاب وهمس
بالمستشفى واقف عقاب متكتف يشوف النيرس تجدد لها الضماد:لازم تنتبهين لجرحك لاتضغطين عليه
هزت راسها همس تطلع النيرس:الف سلامه
هز راسه عقاب يتجه لهمس الي نزلت رجولها وحاولت توقف وعجزت من الالم اتجه لها يمد يده دفعت يده تعتمد على حديد السرير توقف ومالت بتطيح وبسرعه مسكه يحاوطها ناظرت همس فيه وهي معتمده عليه بكل ثقلها استندت على يده تعتدل تاخذ نفس:ماني بحاجتك
عقاب:ادري
ناظرته همس باستغراب وهز راسه:ادري انتي قوية وسبق وقلتها همس قوية محد يقدر يكسرها
صدت همس تجمع الدموع بعيونها تمشي بخفيف وعقاب خلفها ولأول مره يمشي خلف احد بس من خوفه عليها لاتطيح صار يمشي خلفها وبخطوات هاديه وكل مامالت بتطيح فز يسندها وهي تدفعه تحمل غضبها وزعلها يوصلون السيارة ركبها يتجهون للمزرعة توقع انها بتعارض وترفض بس ماتكلمت وطول الطريق صامته دخل عقاب من البوابه وفزو كل اهله اتجهو لهم ركض وفزو كيان وروان يساعدون همس الي طلبت غرفتها تبي ترتاح
تقدم عقاب للجلسه بعد ما سلمو عليه يجلس يحكيهم كل الي صار
ام منير:ي روحي عليها كل هالشي عانته
مضاوي:الله يغفر لها ضلمت هالمسكينه
كيان بقهر:الله لايغفر لها ولايرحمها
ناظر مراد في كيان الي انغبنت تصد تطلع من الجلسه وقف مراد يستأذن وطلع وعيونه على كيان الي زعلانه
روان:ي حبيبتي انظلمت حيل
رنا:اي والله شعور صعب الواحد يصحى يلقى نفسه من عايله غير وكل الي عاشه غلط
أشواق:وماقالت مين اهلها
عقاب:ماتت قبل تقول
قايد:اسمع ي ولدي هالبنت صارت امانه برقبتك لازم تحافظ عليها يكفي انها انظلمت بزواجها منك وهي مو اخت ماهر وكمان فهمناها غلط وماعطيناها فرصه تبرر
عقاب:والله ما أتخلى عنها ولا اتركها وأنها بوجهي من كل صدوف الليالي
تميم:الله يعينها
هز راسه عقاب وبدو يفرقون كل واحد راح بشغله
بالمساء
دخل عقاب غرفته يناظر مالقى همس عرف انها بممر النخيل طلع من الغرفة يشوف روان بوجهه:روان شفتي همس
روان:بممر النخيل
عقاب:طيب ابي تغيرون لها جو بجيبها واجي
روان :ابشر
تقدمت روان للبنات تكلمهم ان ودهم يغيرون جو لهمس يسلونها واجتمعو بالجلسه منتظرينها كمل طريقه عقاب لها يشوفها واقفه وسرحانه ومتكتفه
ولبسها خفيف مثل العادة اما همس كانت تعيش بعالم ثاني مو مصدقة حياتها أنقلبت فجأه كل شي صار بحياتها بسرعة كبيرة مو عارفه تستوعب ايش وتترك ايش وتنتهي فيها آخر صدمتها انها كانت طول عمرها عايشه مع ناس مو اهلها والهم الأكبر كيف تعرف اهلها انقطع هاجسها من حط عقاب الوشاح على كتوفها:ماتكونين همس إذا مانسيتي وطلعتي بالبرد بدون غطاء
ناضرته همس:ماني همس
لف عقاب لها يشوفها تبكي:همس اسمعيني
همس ترفع يدها بإصرار:ماني همس افهم
قرب عقاب لها يمسك يدها البارده :فاهم زعلك وفاهم وش تحسين فيه
همس:لا مو صح انت تكذب علي ولاحاس فيني وتبي تخدعني نفس ماخدعتني المره الاولى وعلقتني فيك وببساطه خذلتني
عقاب:لا همس والله ما قصدي اخذلك
همس:اتركني ما ابي اسمع..قاطعها يمسك كتوفها:ماراح تروحين لين تسمعيني همس أنا ما اقدر اتحمل صدودك عني همس أنا ماصدقت رجعتي لي أنا عشت شهر بعيد عنك ويشهد الله اني كنت مثل التايه بدون وطن
هز كتوفها:همس انتي وطني انتي وطن عقاب انتي الي لقيت فيها أمان عقاب واستقراره
نزلت نظرها تبكي وضربت كتفه :ليه سويت كذا ليه تقرر حياتي على كيفك
عقاب:كنت مجبور لاني ماعرفت الجاسوس سويت كذا حتى يفقد الأمل ماهر ومعد يلاحقك يعرف انه معد في فلوس ممكن يلقاها من خلفك سكت من خوفي انه الجاسوس يعرف ان الكلام الي بحسابك مجرد كلام ماكنت اقدر اوثق بأحد
همس بدموع :حتنى أنا ماتوثق فيني
عقاب:لألا همس والله اني أحطك خلف ضهري وما اخاف الغدر منك بس

ماكانت اقدر اتحمل اني ممكن أخسرك او أفقدك
همس:تأملت فيك لآخر لحضه بساحة المطار كنت اقول بيقرا رسالتي وبيجي يوقفني بس خاب ظني
عقاب يمسح خدها:لاني وقت قريت كلامك زعلت وخذت بخاطري انك ما حبيتيني وما صبري حتى ابرر لك وقتها قبضت على ماهر ورجعت مبسوط اني بقول لك السبب في الي صار واتفاجا انك مسافرة وتاركتني ماتحملت ورجعت لماهر غضبان واخذني غدر يطعني بسكين بضهري
شهقت تمسك فمها
لف عقاب يرفع تيشرته :هذا اثر الطعنه شوفية لسا معلم بضهري ضليت اسبوعين حتى صحيت تماماً همس أنا مستحيل اني أخدعك او اكذب عليك
رفعت يدينها تتلمس جرح ضهره وطاحت دموعها نزل تيشرته يمسك يدها يرفعها يبوس كف يدها:أنا عارف ان كل شي عشناه سوء فهم بس أنا لقيتك وجيتيني والله ما أتركك ولا أتخلى عنك وانا معك لو تبين تواصلين بحلمك أنا اول الداعمين لك
همس تناظره بدموع وقالت:عادي تعيش مع وحده بدون اصل واهل
عقاب يزم شفايفها:اششش هالكلام ما ابي اسمعه أنا ابوك وأخوك واهلك وكل الي تبين مستحيل أتخلى عنك
دمعت همس بحب من كلامه الي جبر فيه خاطرها وتقدمت له تحضنه حاوطها عقاب بشدة حضن يطفي فيه نار شوقه لها يكسر كل حدود الزعل الي بينهم ويعلن حبه لها وعهده انه مستحيل يتخلى عنها تطيب أيامه بقربها
طلعت همس من حضنه تلقط انفاسها ورفع يده يمسح دموعها:كفايه بكيتي كثير صار عندك هالات
ضحكت همس تضرب كتفه:لا تمزح
عقاب  ابتسم يمسك وجهها بين يديه :لو فيك عيوب الدنيا كلها بحبك بكل عيوبك
ابتسمت بقوه يرجف قلبها لاعترافه تنزل راسها بخجل وهي تحس قلبها فراشات
همس عقاب بوجهها:همس أنا احبك من اليوم الي دخلتي فيه بيتي وحياتي من اللحضه الي شفتك فيها على مسرح لندن لهف قلبي لك من وقفتي بوجهي بقوتك وشجاعتك علقتيني فيك أوعدك اني بحبك واضل احبك لآخر عمري ي جنون عقاب
اجتمعت دموع الفرح بعيونها وهي مو مصدقه انه يعترف بحبه لها وهمست :توعدني
مال عقاب لها يطبع قبُلة قويه على ثغرها يوعدها بطريقته انه مستحيل يتخلى عنها وأنه بيكون اقرب لها من ضلها وانه بيكون وفي معها لآخر عمره توسعت عيونها بصدمه تجمد بمكانها ماقدرت تتحرك ولاقدرت ترفع يدها تدفعه كانت مستسلمه مصدومه من حركته من تعبيره لها بقبلته تاكدت انه يوعدها بقبلته الي طبعها على شفايفها
بعد عندها بعد ماحس برجفتها يبتسم لمنظر عيونها الوساع وهمس:هالوعد كافي؟
احمرت خدودها تنزل راسها بخجل يكسو وجهها وهي تحس انها فراشه طايره
ابتسمت بخفيف تشوفه يناظره وصدت تمشي اسرع لها
عقاب يحاوط كتوفها:ما اشتقت للمزرعه
همس:إلا مره وأكثر شي الدجاجه
عقاب:ما اشتقتي أنقذك منها
همس:لا صرت قوية
عقاب:ماعندي شك في هالشي
همس:لسا في فيران
عقاب:اوه كثير
همس:عاد هذي مستحيل اقدر اكون قوية عليهم
ابتسم عقاب يمسك يدها يتجهون للجلسه يشوف البنات جالسين واتجه يجلس معهم ...