مستحيل اني أبيعك لو على السيوف

١١

ماردت همس ترجع على ورى بخوف من المصير المجهول الي ينتظرها جاء عقاب بيصد يطلع بس استمتع لمن شاف الخوف في عيونها وحب يتلذذ بشكلها المتوتر رجع بسرعه لها يفتح ذراعه توسعت عيون همس من دخل راسها بصدره ومال تحس أطراف أصابعه يربط خيوط فستانها
زادت انفاسها ورجف قلبها من قربه دفعته بعيد عنها :لاتقرب بدون اذني
ناظرها عقاب با استهزاء وصد يطلع من الغرفه يقابل روان:عينك عليها ممنوع اي احد يدخل عندها حتى الميكب خليك معهم لاتعطيها جوالها
روان:ليه كل هذا
عقاب:نفذي بدون ليه
نزل عقاب لقاعه الحريم يقابل بناته الي واضح الكسره فيهم تقدم لهم يحب روسهم:ماهقيت عندي بنات مزايين هالكثر
ليان:ماما بتطلقها؟
لين:تكفى بابا عادي تزوج بس رجع ماما مانقدر بدونها
عقاب:ابشرو من عيوني
لين تحب راسه:شكرا بابا
طلع عقاب بعد مامسح روسهم متجه للرجال يستقبلهم
ليان:كل الي جالس يصير فينا بسبب الي فوق بس والله ماتتهنى
لين:مالنا دخل فيها
ليان:ماما بسببها طلعت من البيت وراح تشاركنا ببابا مستحيل اهنيها
طنشت لين تتجه لرنا يجلسون والمعازيم قليل مره
ابتدت مراسم الزواج والحفله
عند همس غافلت الميكب وسرقت جوالها تخبيه تحتها طلعت الميكب جاهله جوالها بسرعه رفعت الجوال همس تبي تدق على كيان لكن انصدمت من انسحب الجوال من يدها
روان:مجرمه وفهمنا بس سارقه ذي جديده بس بسيطه الي يذبح عادي السرقه عنده
تعقدت حواجب همس باستغراب:مجرمه وش قصدك ؟وسرقة وش أنا خذته مجبوره لان اخوك المريض مأخذ جوالي
روان:دقيقه وانزلي لزفتك
مسكت بعضدها همس:وش قصدك بكلامك اني مجرمه
دفعت يدها روان:اسألي روحك
صدت تطلع تتركها همس تناظر باستغراب:اجرام وش وذبح مين وش جالس يصير ي همس مع مين جالسه تتعاملين أنا لازم افهم سبب كرههم ووش قصدها مجرمه
سمعت زفه تشتغل تأففت:وقتك انتي بعد
سحبت مسكتها با إهمال واتجهت تطل لهم من الدرج توقف دقايق معدوده وتمشي بغنج وتمايل بنفس طريقه عرض الأزياء لانها متعوده على هالمشيه
بدت تنزل من الدرج بخطوات هاديه تشوف عقاب على الكوشه ببشته ينتظرها ناظرت بعايلته الي عيونهم تطلع شرار ومال المحبه لها بقلوبهم نصيب والإعلام الي طلبهم عقاب يحضرون حتى يشهدون زفافها وبدى الندم يتخلل قلبها لو انها هربت يوم فتحت لها غدير لو ماطاعت نفسها ورغبتها بكسرة شوكت عقاب ورجعت للندن تنهدت بخوف وضيق وحطت رجلها على الدرجه وزحقت شهقت بخوف ومدت يدها تستند على سور الدرج وتكهربت وصارت تهز من لسعتها الكهرب
صرخو اهل عقاب والمعازيم بخوف والاناره صارت تشتغل وتطفي انصدم عقاب يرمي بشته يتجه لها ركض وفزت روان ترمي له عصاء خشب دفع السلك بعيد وطاحت همس بين يدين عقاب مغمى عليها فز الكل يركضون لها واشتغل الإعلام والصحافه بالتصوير
سحب عقاب السماعه:مراد انتبه الكلب مسبب مشكله في الكهربه
مراد:تمام حنا محاوطين المكان
اعتمد عقاب بيده بيرفع همس وزحقت يده رفعها يناظر الماده الي مسكوبه على الدرج وكانّها زيت
ناظر بيد همس احترقت باطن يدها حرق فضيع
عند كيان كانت شاهده على الموقف وبس طاحت همس شهقت وجت بتركض لها لكن انصدمت من الضربه الي جت على راسها افقدتها وعيها
وصلت الإسعاف وبسرعه ركب عقاب مع همس وهو يأشر لمراد:مراد سعود انتبهو لاهلي
مراد شوف البنت الي تراقبنا
مراد:كيان؟
سعود:خلاص عندنا بس طمنا
عقاب:زين
وصل عقاب ينزلون همس بفستان زفافها للطوارىء وهو يمشي بجنب السرير دخلوها الملاحضه يجرون التشخيص المبدئي صحت همس تناظر حوالينها بصدمه وهي للحضه كان قلبها بيوقف من قوة اللسعه طلعوها من الطوارئ لقسم الاشعه يشوفون إذا اثرت على الدماغ اولا وهم طالعين فيها من غرفة الاشعه متجهين فيها لقسم الملاحضه كانت تشوف عقاب الي ولاهمه وماسك جواله ويطمن على اهله وما ارتاح حتى تاكد ان الكل بخير وفي البيت
دخلت همس غرفة الملاحضه ترفع يدها تناظر الحرق المضمد ونزلت دموعها:معقول الي يصير معاك يعني منجد حياتي سهله وتنتهي معهم ارخص حياتك ما اهتمّ حتى يطمن عنك أنا لازم اطلع لازم اهرب أنا ما اقدر اعيش مع هالوحوش
سحبت اللحاف تدفعه عن رجولها وهي تبكي مسكت فستانها بيدينها وهي من الصدمه مو مستوعبه انها نفذت من الموت أسرعت بخطواتها لكن شهقت من فتح الباب عقاب يناظرها وواضح انها كانت بتهرب
عقاب:بدري عليك ي عروس
همس بدموع:ماتوقعت حياة الإنسان رخيصه لذي الدرجه عندكم أنا كنت راح أموت وانت داير بالك وتطمن على اهلك وكأن المصابين هم مو أنا
عقاب:عفواً بس انتي قلتيها هم اهلي انتي مين
همس بصدمه تناظره واحتدت ملامحها بعصبيه:بعد عني أنا راح اطلع مستحيل اجلس مع ناس مجانين مثلكم
مسك كتوفها يدفعها على ورى:انتي زوجتي يعني مرتبطه فيني والمكان الي ابيك تكونين فيه راح تكونين فيه
همس بصراخ تضربه كف قوي :استرجل وبطل كلام فاضي أنا زوجتك مو أسيرتك وانا معد ابي اكون زوجتك ابي ارجع لحياتي وارجع للندن ما ابي اجلس مع واحد قاسي مثلك
سحب بيدها عقاب بقهر يشدها لوجهه:كيف تتجرئين تمدين يدك علي
همس تحاول تخلص يدها منه:لانك تستاهل ولأنك لازم تصحى من الغفله الي فيك وتتركني بحالي انت وش تبي مني با ايش ضريتك أنا
صفق بيدها عقاب بقوه في الجدار وتاؤهت بالم تشد يدها وزاد بكاها سحبها من فكها :صدقيني ان موتك عندي ما يكلفني رصاصه وحده بس أنا مضطر أخليك عايشه
همس:ليه ؟؟أنا ماني عارفه الذنب الي سويته أنا حتى ما أعرفكم طلعت بحياتي فجأة وقلبتها فوق تحت وجالس تقولي ان امي السبب ليه تحاسبني روح حاسبها هي
سحبها عقاب يرميها على السرير:انطمي ولا اسمع نفسك لاتسوين فيها البريئه كل الي صار بسببك انتي ليتني اقدر أذبحك واطفي النار الي بقلبي
همس بعجز تحط يدها على جبينها :مو فاهمه شي والله مو فاهمه شي
عقاب:قريب تفهمين لاتستعجلين
وقف عقاب يقرب لها:راح اطلع دقايق وراجع ان حاولتي تتذاكين صدقيني ما انتظر دقيقه وحده واطلع روحك بيدي كنت بطلعك بس المستشفى رفضو لازم تضلين حتى تطلع نتايج أشعتك
ماردت همس تمسح دموعها طلع عقاب ووقفت همس تتجه للباب بتطلع بس انصدمت من العسكر الي محاوطين الباب اتجهت للدريشه بس تفاجأت بالحرس الي تحتها كمان
همس:والله ي عقاب لأهرب لو تحجزني بسلاسل
دخلت النيرس معها مضاد تبي تعطيها تنحنحت همس تجلس على السرير حطت الصينيه النيرس تلف للمغذي تثبته ناظرت همس بالصينيه مدت يدها بهدوء وهي تضرب راس النيرس وطاحت النيرس مغمى عليها شهقت همس واتجهت لها تفتح ملابسها وهي تهمس:سامحيني والله مجبوره باذن الله ماعًورتك
اخذت ملابس النيرس ورمت لحاف السرير عليها دخلت الحمام تبدل فستانها بملابس النيرس وجت بتطلع وتذكرت الجوال رجعت للنيرس تاخذ جوالها تفتحه وحطت الكمامه على وجهها اخذت نفس تفتح الباب وطلعت بكل ثقه حتى ماتلفت انتباه احد بس بعدت اتجهت ركض تطلع برى المستشفى شافت التاكسي توقفه وهي ترجف بس بعدت عن المستشفى اخذت نفس عميق وهي تبتسم بفرحه تخالطها دموع اخيرا قدرت تهرب تحررت من عقاب وكابوسه
عند عقاب تطمن على امه وخواته وبناته ورجع المركز بسرعه يقابل مراد يتجهون للمكتب
عقاب:وش صار مسكت البنت اقصد كيان
مراد:لا وفي مشكله اكبر
عقاب:قول بسرعه من عرفت همس والمصايب ماتوقف
سعود:في احد خطف كيان شوف هنا
لف الكمبيوتر على عقاب :شوف في رجال ملثم خطفها
ناظر عقاب بالرجال يتفحصه وطال النظر فيه كثير
عقاب وعينه على الجهاز:تكهرب همس كان مخطط له
مراد بفهاوه:اممم
عقاب لف له:كان المقصد أنا كان يبون الطيحه لي أنا واللسعه بعد
مراد:اكيد ماهر هدفه ينقذ اخته وهو واصله علم انها عندك
فتح فمه عقاب بيعلق بس قطع اتصال من الحرس الي على همس فتح سماعه عقاب:وش صاير كمان
العسكري:طال عمرك زوجتك هربت
وقف عقاب بصدمه وصراخ:كيف كيف هربت وأنتم فين عنها كيف قدرت
العسكري:بدلت مع النيرس وهربت
عقاب:أنا محطي خبول عند الباب مايميزون وماعندهم عقول
قفل الجوال بوجهه وطلعو ركض عقاب وسعود ومراد
مراد:اهدى اكيد مابعدت راح نلقاها
عقاب:فلتت من يدي وهالمره صدقني مستحيل نلقاها لانها هددتني انها راح تهرب واوفت بكلمتها
سعود:اصبر لاتستعجل يمكن مابعدت
ضرب عقاب الطاره بقهر ولف لجوال مراد الي يرن رفع الجوال مراد وهو بالأساس جوال كيان فتحه بدون رد يوصله صوت همس كبح فرامل عقاب قويه يسمعون صوت همس الباكي والمتوتر:كي كيان انتي فين أنا انخطفت وجابوني للسعوديه تكفين ساعديني الي خاطفني يبون يذبحوني أنا ماسويت لهم شي الحين هربت منه بس أنا خايفه مو عارفه فين اروح كيان مالي احد بالدنيا غيرك انتي تكفين لاتخليني
أنا راح أموت لو ماساعدتيني
ناظر عقاب بمراد بصدمه وقطعهم صوت همس:كيان الو تسمعيني
ضغط عقاب احمر مراد :ليه تقفل الحين وين نلقاها
عقاب:أرسلها وات ترسل موقعها
سعود:اي وارسل لي رقمها ارسله للمركز يتبعونه
هز راسه مراد يرسل لسعود الرقم ويراسلها وتجاوبت معه همس ترسله الموقع الي هي فيه وبسرعه انطلق عقاب على العنوان كانت واقفه على طريق رمل مع سواق تنتظر كيان بضنها وصلو عقاب يشوفون الي لابسه سكراب طبي عرفها من مشيتها المميزه لكن انصدم من شافها تتجه لسياره سوداء تركبها عقاب بصدمه:هي ليه تركب السياره لألا لا
كبس فرامل قويه ونزل ركض يصرخ:همسسس
وقفت همس بصدمه تشوف عقاب وراها وشهقت خايفه عقاب بخوف :همس لاتركبين معه همس تعالي معاي
فتحت الباب همس تركب بسرعه وانطلقت السياره رجع عقاب ركض وهو يمسك شماغه بيده وركب السياره وهو يردد رقم اللوحه بدماغه لاينساها
مراد:من ذا
عقاب:ما اعرف بس اكيد ماهر يبي يهربها
عند همس الي لفت تشوف السياره فيها ثلاث رجال وحط السلاح على راسها:ولاكلمه
همس بدموع وبكي:من انتو فين كيان
الرجال كانو ملثمين ماتعرف احد منهم ولاتشوف ملامحهم إلا عيونهم مدت يدها تبي تفتح الباب بس كان مأمن
همس ببكي:بعدو عني اتركوني الله يخليكم أنا خايفه
سحب بشعرها الرجال:اسكتي ولا اسمع نفسك لاتخليني افضي المسدس برأسك
حطت يدها كيان على فمها وهي تضرب وجهها بتذمر:ليتك جلستي تحت جحيم عقاب ولا خاطرتي كذا
الرجال:ولا كلمه اص
سكتت همس تسمعه يتكلم مع الي قدامه انه ناوين يخدرونها
همس ببكي:لا لا والله أوعدتكم اسكت
لفت تناظر سيارة عقاب الي تلاحقها وعيونها مليانه دموع وخايفه يضيعهم
نزلت عيونها  للجوال الي يرن رقم كيان استغربت ان كيان مو معهم اجل من الي يدق فتحته بصمت  عند عقاب ومراد كان عقاب يسوق ويتكلم :همس تسمعيني الو همس  كبح فرامل السواق وشهقت يطيح الجوال ناظر الرجال الجوال  كان مفتوح من دقايق ضرب براسها في الدريشه تصرخ بالم وتشوفه ياخذ الجوال وصرخت وهي ماسكه راسها الي ينزف:لألا عقاااببب
وقطع الاتصال بسرعه
عقاب بصراخ :همسسسس
شد عقاب يلاحق السياره ورجفته واضحه من مسكة الطاره كان متوقع ان الي خاطفها اخوها بس انصدم من صوت راسها لمن ضرب وفزعتها به وشك انه احد اعداءه متربص به صار يتمايل بالسياره ومراد منصدم من سواقه عقاب الي يتخطى السيارات وجالس يشطفها يبي يوصل للسياره
مراد بخوف:عقاب احذر تمهل
ماكان عقاب يرد وبس يتذكر منظر منير قدام عيونه مو مستعد يتكرر المشهد قدامه مره ثانيه كان بعالم ثاني وبس متخيل ان همس راح تتأذى صار يشد ويشد وسعود عيونه طالعه من السواقه