مستحيل اني أبيعك لو على السيوف

٣٣

عقاب ببرود يناظر الكل :هذي نفسَ زوجتي
وقف الكل بصدمه الكل حرفياً توسعت عيونه بصدمه من قوة الكلمه مصدومين من البنت وصغرها ومن جديه عقاب وانه مايمزح من ملامحه صدمة هزت الكل واسعدت قلب غدير الي توسعت بسمتها تغطي فمها بيدها
قايد بصدمه:وشهو
ام منير:وش تقول ي ولد انهبلت هالبنت كبر بناتك
عقاب يناضر همس بدون رد يشوف ملامحها الهاديه والجامده
روان:عقاب رد قول انك تمزح
تميم:وش فيك ساكت
قايد بقهر:لا انت مسختها تتزوج وتطلق على كيفك ولا جايب ذي ماندري قرعة ابوها منين والأمر انها كبر بناتك تقول زوجتك انهبلت بعقلك انت ي ولد
مضاوي بحنيه :عقاب يولدي انت صادق
أشواق:عقاب رد وش فيك
الكل كان يهاوش بعقاب ويلومه ويطلبون تبرير للي سمعوه إلا همس من قوة الصمت خيم عليها صمت جداً عميق وتناظر بالفراغ بصدمه بدون حتى تحط عينها بعيون عقاب وعيونها بالارض
عقاب:هذي زوجتي ماكفرت تزوجت وياليت تتقبلونها مثل ماتقبلتو همس
غمضت همس بقوه تطيح دمعه حاره من عينها من أسلوب المقارنه الي يقوله عقاب وصد عقاب بغضب طالع من المزرعه
قايد بصراخ:عقاب لاترجع للمزرعه لين تصلح غلطتك السوداء ذي وتبرر فعلتك
عقاب:ماعندي شي أقوله اكثر من الي قلته
قايد:اجل عيني لاتشوف وجهك ولا انت ولدي ولا أعرفك
شهقت ام منير وبناتها بصدمه ومسك تميم يد ابوه:لا ي ابوي تكفى لاتقول كذا
شد عقاب قبضة يده يطلع من باب المزرعه يصفق بالباب بقوه ومسكت ام منير بذراع قايد:داخله عليك ي ابو منير لاتوجعني بعقاب يكفيني ماذقت من لوعات الزمن
قايد بقهر:اجل الي سواه ولدك يسويه رجال صاحي
ام منير:يمكن لسبب بس يجي اجبره يقول لك
قايد:هو فعل فعلته وهرب وشلون تبين أنشده
غضب قايد يصد يطلع من المزرعه وهز راسه ضافر بيأس من حركه عقاب يطلع ورى اخوه وتميم من الصدمه عصب وطلع وراهم واحمد لحقه يهديه
ام منير بدموع راحت لغرفتها ومضاوي وأشواق وراها يهدونها وام غدير لحقتهم تتفرج بفرح وبصمت ولا قالت كلمه وحده اما روان ناظرت بهمس الي كانت شارده ولاقالت كلمه شدت وشاحها على كتفها تتعدى روان
روان تقاطعها:همس اسم..كملت همس طريقها بدون تسمع لروان تتجه لغرفتها تعتمد على طرف السرير تنزل للأرض تمسك قلبها بالم وحطت وشاحها بفمها وصرخت صرخه مكتومه صرخه قهر وغبنه من الي صار بكت بحرقه وكأن عقاب نزع روحها بالي عمله

عند غدير اتجهت للبنت تمسك كتوفها:اهلين فيك لاتخافين انا معك وداعمتك انتي زوجة عقاب صدق
نفسَ:اي
غدير:كيف تزوجتو؟اقصد انتو تحبون بعض؟وليه تزوجك
سكتت نفسَ تناظر غدير ترجع فيها ذاكرتها وهي مع عقاب بالسيارة
عقاب:ايش مايصير ممنوع تحكين احد بقصة زواجنا تفهمين يضل سر بيننا
هزت راسها نفسَ بخوف من عقاب وتاكيد لكلامه صحت لواقعها من هزت كتفها غدير:وش فيك وين سرحتي
نفسَ:هاء لا معاك
غدير:مارديتي علي
نفسَ:ما ابي اقول
غدير ترجع على ورى تفكر بحيله ومسكت يدها:اعرف انك خايفه واكيد عقاب موصيك ما تتكلمين بس لاتخافين أنا مابضغط عليك تعالي معاي الحين ارتاحي أنا معاك لاتخافين اعتبريني اختك
نفسَ كانت خايفه وضايعه ومشت مع غدير ماتعرف نوايا غدير وبسبب صغر سنها كانت محتاجه احتواء