مستحيل اني أبيعك لو على السيوف

١٣

واتجهت تدخل غرفتها تجلس فيها ترتب نفسها على اساس ماتعرف عن همس
عند عقاب وقف برى البيت فتح الباب الخارجي وسمع صوت شهقات وبكي رفع راسه يشوف همس الي متشبثه بحديده بلكونه غرفتها انفجع يصرخ:همسسسس
همس تحاول تشبث نفسها وتعبتها يدينها وصارت تبكي بصوت عالي
رمى عقاب المفاتيح:تماسكي جايك لاتخافين اصبري دقيقه بس
دخل البيت يركض بخوف وطلع الدرج وهو يتخطى درجتين وصل الغرفه وحيله مهدود فتح البلكونه وهنا همس من كثر المقاومه تعبت يدها وارتخت بتطيح بس مسكها عقاب باخر لحضه حاول يرفعها بس جسمها كامل ارتخى خافت همس عليه:عقاب خلاص اتركني بتطيح معاي
عقاب:لا عطيني يدك الثانيه
همس بدموع:عقاب خلاص اتركني راح تتأذى
عقاب بقهر:الاذى الي سببتيه لي قبل اكبر عطيني يدك
حاولت همس وبصعوبه قدرت يدينهم تلتقي سحبها عقاب يشدها يرفعها مسكها من خصرها ينزلها للبلكونه جلست همس على رجولها ويدينها بكفوف يدينه نزل يجلس لمستواها يشوف الدموع بعيونها ناظرته همس وانقضت عليه بقهر ودموع تضرب كتفه:ليه ليه ليه؟
مسك يدها عقاب يثبتها وبصوت باكي كملت:انت مو قلت موتي مو قلت اطلعي من هنا على قبرك أنا كنت بموت ليه أنقذتني
ناظرها عقاب بداخله متقطع على حالها لكن وجه وملامحه جامدة وقف يصد لكن اوقفه صوتها وقفت وراه:ليه ماتذبحني ليه تكرهني أنا وش سويت لك ليه تنقذني ماتخليني أموت وتخلص مني
لف عقاب بغضب عليها وقف قبالها يسحب يدها بقوه يدخلها الغرفه ولفها من يدها بقوه تقابل وجهه مسك كتوفها يشدها:صدقيني ما أنقذتك حب لك او حنان عليك بس حياتك الحين تهمني اكثر من اي شي لان موتك يريحك وانا ما ابي لك الراحه
ناظرته همس بصدمه من كلامه وبيأس من قسوته:ليه قلبك قاسي كذا انت متاكد انك بشر مثلنا أنا اشك ان عندك قلب اصلا
صد عقاب:وفري ارائك لنفسك مايهمني وخلي عندك ذره حياء من الله ولاتزهقين الروح الي زرعها فيك
همس تمسح دموعها وبمسخره:حلوه ذي يعني على اساس انت ماتبي تذبحني الحين صرت تقدر الأرواح
لف عقاب لها :ترا الشجاعه انك تواجهين مو تهربين بعدين كيف تفكرين تنتحرين كيف دخلت الفكره بمخك
ناظرت همس بدون رد خاف عقاب ترجع تكرر فعلتها وتحاول تنتحر وهو غايب مايعرف ليه راوده خوف وقال:القوي الي يوقف ويحارب مو يستسلم من اي عثره
همس ابتسمت بمسخره تنزل نظرها للأرض ورفعت راسها تناظره:تنصحني وتذبحني انت من انت ي عقاب وش طينتك وش التناقض الفضيع الي جالس تعيشه
صد عقاب بدون رد يتجه لغرفه التبديل يبدل وتقدمت همس بعده تبدل طلعت من الحمام بعد دش طويل تهدي فيها أعصابها والي عاشته اليوم جداً سيئ طلعت من الحمام متفاجئه بعقاب الي نايم بعرض السرير تأففت ترمي المنشفه على الارض:من خباثتك حتى السرير مستولي عليه
تقدمت له تناظره تشوفه تميل على وجهه تشوفه بنومه عميق وواضح التعب فيه مدت يدها لرجوله تبي تبعده لكن رجوله ثقيله دفعتها لكن عجزت تندفع وقفت تلهث:ديناصور مو ادمي وش ذا رجله ثقيله اجل جسمه وشلون اخخ بس
اخذت المخده با استسلام تمدد على الكنب وسحبت الرميه تغطى فيها ونامت بسرعه من قوة التعب
رفع راسه عقاب الي كان سامع تعليقها ورجع يتمدد وهو مبتسم ويتذكر كلامها وتذمرها من وزنه ورجع نام بنومه عميقه
عند غدير جلست بالغرفه تنتظر وتنتظر استغربت عقاب طول طلعت تطل تبي تشوف همس طايحه تفاجئت ان همس مو فيه وسياره عقاب موجوده تاكدت ان همس ما انتحرت وعقاب عندها غلى قلبها غيره وولعت اتجهت لغرفة همس تفتح الباب تبي تتاكد تمام تفاجأ من شافت همس نايمه على الكنب وعقاب على السرير انصدمت بهمس عايشه بس ارتاحت لمن شافت كل واحد منهم بصوب رجعت غرفتها تبتسم وهي ناويه تبعدهم عن بعض بأي طريقه