مستحيل اني أبيعك لو على السيوف

٢٦

فز عقاب من طلع صوت طلق ناري وصرخ كل الحضور يهربون ولف عقاب بصدمه وبوسع عينه يشوف ماهر واقف عند بوابه الدخول ورافع سلاحه ارتعب عقاب يلف بهدوء لمصدر الرصاصه فين راحت لحضة حبست انفاس عقاب فيها تثبت رجوله في ألأرض يشوف همس واقفه بصدمه والدموع بعيونها ينزل نظره ليدها الي ماسكة خصرها لحضات بسيطه تنزل همس عينها لمكان يدها ترفع يدها لوجهها تشوف الدم بيدها ترتخي عيونها تطيح على المسرح استوعب هنا عقاب ان الرصاصه فيها صرخ بصوت عالي تارك كل شي متجه لها
مراد ماكان اقل صدمة من عقاب كيف تحرر ماهر وكيف وصل هنا ناظر ماهر بصدمه يشوفه يوجّه السلاح لكيان الي صرخت بس طاحت همس واتجهت ركض لها توسعت عيون مراد بصدمه يركض بدون شعور ينادي بكيان :انتبهييي
دفع كيان محاوطها بيدينه الثنتين من خشبة المسرح يطيحون على الارض
استعد الفريق العسكري يصوبون على ماهر الي دخل بين الحشود يتخبى ورفع لثامه يتلطم يرجع قبوعه على راسه واختفى مع الجمهور الي هربو حاوطو العسكر المنطقه كامله يحمون عقاب وهمس ونفذ ماهر بريشه وهو مقهور انه ماقدر يصاوب كيان
عند مراد وكيان كانت كيان مغمضه عيونها وهي على صدر مراد الي محاوطها بذراعه يناظر بعيونها الي شادتها وأنفاسها الي تعلى وتهبط ورجفه شفايفها ملامح الخوف الي فيها من شدة يدينها لصدر مراد لحتى عيونها الي عجزت تفتحها رفع يده الي محاوطها يمسح راسها ويهمس بحنيه:خلاص انتي بخير لاتخافين فتحي عيونك
فتحت كيان تجي عينها بعيون مراد تشوف كيف محاوطها بحنيه وخايف لا تتعور وهو أنقذها بآخر لحضه وفزت بسرعه من تذكرت همس وهي تصرخ متجهه لها

عند عقاب الي بسرعه رفع همس يحط راسها على ذراعه يضرب خدها بخفيف :همس همس تسمعيني
همس من قوة الالم مو قادرة تتكلم بس تناضره بعيون ترمش من التعب
عقاب بخوف ودموع:ماراح تموتين تماسكي عشاني
همس بدموع تناظره وهي قد ماكانت مشتاقه له عجزت تقدر ترفع يدها واكتفت تناظره وهي مابين الصحوه والإغماء
عقاب بخوف يناظر جرحها ورجع يمسح دموعها ويبعد شعرها يشوف وجهها بدى يتعب :لا لا همس تكفين لا ما اقدر بدونك لاتروحين وتخليني معد لي احد بالدنيا غيرك لاتوجعيني
وصلت كيان عندهم تشوف ملامح عقاب المخطوفه والباكيه ومسكت خد همس :همس همس
توسعت عيون عقاب بصدمه من طاحت يد همس بحضن كيان وشهقت كيان تصارخ ببكى رفع عقاب يد همس يشدها لحضنه يصرخ ببكي يدفن راسها بصدره مو متخيل انها ماتت
بسرعه وصلت سيارة الإسعاف حمل عقاب همس وهو يجري فيها لهم ومراد يشوف كيان الي عجزت من الخوف توقف اتجه لها مراد يوقفها يسندها يمشون خلفهم ركب عقاب وهو ماسك يد همس ودموعه على خدوده وبسرعة البرق طارو للمستشفى
وصلت سيارة الإسعاف ينزلون همس ونزل عقاب معها وهو متشبث بالسرير يمشي بجنبها ويدها بيده حتى انتهى فيه لمن سحبو يدها يدخلونها غرفة العمليات
اعتمد عقاب براسه على الجدار وهو يضرب راسه بالجدار بقهر :كيف صار كذا كيف قدر يهرب كيف
دخلت كيان ومراد خلفه وركض مراد يشوفه يضرب براسه فز يمسك كتف عقاب:عقاب اذكر الله باذن الله تعديها
لف عقاب بحده :كيف هرب ماهر كيف نفذ من السيف كيف
مراد:الي فهمته انه هرب من السجن في احد ساعده بس ماطلع لنا بكيمرات المراقبه
عقاب :والله لجيبه لو كان بحضن امه واذبحه
طلع عقاب من الغضب يجري من المستشفى ومراد خاف عقاب يتهور وربت كتف كيان:طمنيني تمام
ماقدرت كيان ترد تبكي تنزل راسها لف مراد يمسك خدها يمسح دموعها:كيان تماسكي عشان همس تكفين
هزت راسها له مسح راسها بحنيه:كلميني لو جد شي بحالتها
حطت كيان يدها على كف يده تأشر براسها بطيب طلع مراد ركض ورى عقاب الي اتجه للمركز وبسرعه طار له دخل عقاب المركز يسحب ورقة المخطط الي غالبا يجتمع فيها ماهر كل المواقع المشتبه فيها انها تبعهم وركب عقاب بصندوق السياره ومراد معه وانطلق وخلفه الدوريات سحب عقاب الرشاش يثبته وبدى يعبيه بالسلاح ومن الغضب معد يشوف قدامه وبس يتخيل انه فقد همس معد يحتمل عقله