مستحيل اني أبيعك لو على السيوف

٣٠

جلسة همس وتو بتتكلم تفأجات من رمت روان عليها دجاجه ونطت الدجاجه تفرد جناحيها صرخت همس بخوف وخرشه ونطت بسرعة وبسبب نطتها وخوفها تألمت تمسك خصرها
انفجرو البنات يضحكون عليها والتمسو من شافوها تمسك خصرها فز عقاب يسندها وهمس:يعورك شي
همس هزت راسها بلا وهي ماتوجعت مره بس بسبب نطتها نغزها جرحها
عقاب:اجل قوية على الدجاجه هاء
همس:لاتخليني أتهور وأوريك اني ما اخاف وأقدر اروح للجمل
روان:اوهه اتحداك
رنا:ماعندها سالفه ي شيخه
همس :والله؟
أشواق:هي ترا ذا جمل كبير مايمزح
همس:راح اروح له واتصور معه بعد وتشوفون
عقاب:خلاص بكره مو الحين
قال كذا توقع بتنسى او تتجاهل كلام البنات ،صد عقاب يطلع من عندهم يتجه للعيال مجتمعين برى المزرعه مع صالح
جلسو البنات يسولفون ويضحكون يسلون همس وهدو من سمعو صوت صالح يعزف العود ويغني :

إنت مانت إنسان أكثر أكثر
قلبي مو من قلبك أصغـر أصغر
ومثل ماتشعر تأكد إني أشعر
فيني منك فيك مني
غصب عنك غصب عني
إلتقينا واللقا قسمه مقدر

ابتسمت همس تشد وشاحها وتذكرت عقاب وعلاقتهم رغم الصعوبه والألم الي عانوه في البداية رغم الظروف الصعبة رجعو لبعض .كيان كانت تتفكر بمراد الي صار يومها كله تفكر فيه ،أشواق الي علاقتها با احمد صارت من احسن مايكون وعمرها ماتوقعت انها ممكن تحبه كذا ،رنا الي قصة حبها هي وتميم من أروق وأجمل القصص ،روان الي فهت بصوته وهو اسر قلبها حيل ولامس نقطه عميقه بجوفها

بس وقف غناء ناظرو البنات لبعض وانفجرو يضحكون كيف كل وحدة فهت
روان:ي انكم مخفات لهدرجة اخواني متعبين قلوبكم
رنا:على اساس انتي ماسرحتي
روان:أفكر بصوته انه حلو بس مو مثلكم ،ماش الحب مشكله
كيان:منجد والله انه مشكلة ومشكلة كبيره بعد
همس تخزها:هاء كوكه من خطف قلبك
كيان ابتسمت:مابتصدقون لو أقولكم
البنات بحماس:قولي ي الله
كيان تغطي وجهها:مراد
ناظرو بعض البنات بصدمه وصرخو بحماس فزت همس تحضنها وهي فرحانه لها:طرق عن خشمه يأخذك
روان:سلامات طيب يمكن مايحبها
همس:المهم هي تحبه هو بكيفه
رنا:بديت اخاف منك
همس:ههههههههههههههههههههه
أشواق:تعالو بنلعب
جلست همس وكيان وبدت أشواق تشرح لهم :راح نكتب اسمائنا على ورق والي يطلع اسمها تقولنا وش الشي الي تحبه بزوجها وش الشي الي تتمناه يصير بحياتها معاها
كيان:أنا وروان خارج اللعبه غش والله يعني متأهلين وحنا سناقل
روان تمدد:يازين السنقلة تخيلي اقعد أفكر وش الي احبه فيه مع نفسه هو وحبه
كيان:ياخوفي تغدرين فيني وتعرسين قبلي
روان تجلس:افا وانا اخت عقاب ما اسويها ابد
همس:والنعم
البنات:اوووووو
همس تغطي وجهها بخجل
كيان:وش سوى لك هالعقاب اذكر بباريس شوي وتموتين من الصياح وش تغير
روان:اسمعي أنا بحكيك
صدو روان وكيان يسولفون وبدو البنات يلعبون وبس فهمت كيان السالفه رحمة عقاب مره ورجع لفو من طلع اسم أشواق
همس:سمعينا وش تحبين با احمد
أشواق:الصراحه اكثر شي خلاني احبه حنيته علي هالشي غصب قرّبني له والشي الي أتمناه يصير اني ما اندم اني حبيته وعطيته قلبي ووثقت فيه
همس:يارب لان خيانه الثقه شي صعب مره
رجعو يلعبون وروان فهمت خوف أشواق لانها خايفه من ام غدير تسبب مشاكل بينهم
طلع اسم رنا وابتسم يشوفونها تبتسم:كل الي اقدر أقوله ان تميم عوضي الحلو عن كل أيامي المره اكثر شي احبه فيه انه مايخجل انه يعبر عن حبه لي قدام الملا والشي الي أتمناه يصير بحياتنا "اعتفست ملامحها تجتمع الدموع بعيونها"اني اجيب منه طفل يشبه طيبه قلبه وروحه الحلوه
صدت تمسح دموعها وانكسفو البنات ينزلون عيونهم للأرض ورفعت همس يدها تمسح ضهرها :كم لكم سنه متزوجين
رنا:خمس سنين وكل شهر اتأمل اني احمل ويخيب ضني
همس بتلطف لها:وش دعوه ترا هذي الخمس سنين يادوب تتعرفون على بعض فيها وكمان لاحقه تدلعي عليه بدري على شيل مسؤوليه وأولاد
ابتسمت رنا تهز راسها ورجعو يلعبون يطلع اسم همس
روان بحماس:تكفين عاد ما اصدق انك تحبين عقاب
همس:ليه مو بشر وبعدين اخوك ي المجنونه
أشواق:سمعونا وش تحبين فيها
ناظرت همس تشوف لهفتهم يعرفون وابتسمت:احب صلابته وقوته هيبته وشموخه و
قاطعتها روان:مجانين واجتمعو في احد يحب القوه
همس :عادي يمكن انتي تجذبك أشياء ثانيه بس أنا احب الشخصيه القوية الي رغم قوته تتخلها حنيه واهتمام واحتواء ترا عقاب مو قاسي بس يمكن طبيعة شغله فرضت عليه يضهر كذا
روان:دقيقه دقيقه كنتي ماشيه صح حتى وصلتي حنيه واحتواء واهتمام انتي تتكلمين عن مصمم الأزياء تبعك اكيد مو عقاب
أشواق بضحكة:تخيلو عاد عقاب كذا
رنا:وش فيكم ترا البنت مزيونه اكيد مابيقدر إلا يرضخ
همس:وش فيكم ترا مو وحش
روان:طيب وش تتمنين
همس تنهد بضيق:ماكنت اتمنى يكون زواجنا بهالطريقه الجبريه كنت دايم اقول لكيان ودي الي أتزوجه أتزوجه عن حب وكمان يتقدم لي بساحات لندن قدام الكل يمد لي الخاتم بحب ويقول :تتزوجني
روان:الله وتخيلي شايل باقه ورد كبيره
كيان:ويرقص معك على أنغام موسيقى هاديه
رنا:ويشيلك ويهرب فيك من وسط الجماهير الي مبسوطين لكم
دخلت همس جو مع افكار البنات والكل اخذ جو معها ماحسو إلا من ميل راسه الجمل عليه ياكل من التمر الي بالصحن وصرخت همس والبنات يفزون على جنب
همس بقهر تهشه بوشحها:هش هش روح بعيد
روان:امحق خيال والله الحلم لندن والواقع مزرعه القايد
كيان :لا وتقولك يتقدم لها بالخاتم والجماهير يشجعون
روان:عادي الجماهير حاضرين بعارين ابوي
البنات: هههههههههههههههههههههههه
همس ضحكت:حسبه الله كنت غارقه
أشواق تربت كتفها:معوضه خير
همس:عادي المهم اني مع عقاب كيف ماكنا المهم يكفيني وجوده
ابتسم البنات ونزلو من الجلسه يتجهون كل وحده لغرفتها عند كيان وروان استعدو للنوم ووقفت روان:بشوف عمتي
هزت راسها كيان وطلعت روان لغرفة مضاوي تدق الباب ودخلت تشوف عمتها تمسح دموعها وتخبي شي خلفها تقدمت روان :عميمه صاحيه
مضاوي:الحين بنام وش فيك مانمتي
روان:كنت سهرانه مع البنات شوي نخفف عن همس
هزت راسها مضاوي ومالت روان تشوف صوره طفله تخبيها وعرفت روان انها بنتها مالت روان تبوس راسها وطلعت