مستحيل اني أبيعك لو على السيوف

٢٤

ناظرت همس بصدمه يقول :اسف
رمشت همس بعيونها مو مصدقه الشعور الي تحس فيه
عقاب يسحبها تحت ذراعه:خلاص رضينا
همس ابتسمت:ان شاءالله
عقاب يضحك يمشون:طاح الحطب
همس تضحك:طاح
عقاب :دام طاح ابي اكسر راسك بلعبة البلوت
همس:امم ما اعرف لها
عقاب:اعلمك ولايهمك
همس تمسك بذراعه:تمام
اتجهو للي بالجلسة يجلس عقاب وتميم يواجهون بعض وروان وأشواق
همس:أنا بشجع البنات لان البنات للبنات
روان:كفو
تميم:دقايق ونكسر روسهم ويطلعون
عقاب:ماعليك فيها واثقه فيهم وهم ماعندهم سالفه
احمد يتقهوى:عن الغلط ترى زوجتي لعيبة
أشواق بدون شعور ترسل له بوسه:تفهم والله
ابتسم احمد يلتقي بوستها وأشواق انحرجت تحسها جابت العيد من نظرات البنات تميم يقطع فشلتها:نبدأ
بدو يلعبون بحماس والعيال ماسكين اللعبه ومتقدمين عليهم
غمزت روان لهمس عشان تغششها وقفت همس خلف عقاب تناظر اوراقه واتجهت لروان تأشر لها وش عنده
ورجعت توقف خلف تميم تشوف اوراقه وترجع تغشش روان فجاءة قلبت اللعبه وصارو البنات متقدمين والعيال حسو الهيبه بتطير ويتورطون والبنات مستمتعين
في ضل الحماس والصراخ لف عقاب للنفس الي يحس عند اذنه وشاف همس تقز ورقه وارتعبت ترجع على ورى
عقاب بصدمه:غشاشين جالسين يغشون
رنا:صباح الخير من زمان
تميم:غش نعيد اللعبه
أشواق:معليش حنا فايزين متقدمين عليكم
تميم:عقاب شوف زوجتك
وقف عقاب على همس الي توسعت عيونها تنزل من الجلسه تركض عليها وهو خلفها وتميم متعارك مع البنات إلا هم فايزين والبنات غشو وقفو بخرشه من صوت كيان الي صرخت :همسسس
وقفت همس برعب والكل لف لصرختها تتجه لها كيان توريها في الجوال:شوفي انتي متى مغردة انك بتعتزلين الإعلام والصاحفه وكثير مصممين موقعين معهم عقود جالسين يدقون علي انتي كيف كذا فجأة تنزلين بحسابك
همس بصدمه:بس أنا مانزلت شي واصلاً جوالي مو معاي
كيان:كيف مو معك اجل من منزل إذا مو انتي
همس تمسك راسها:لا لا هذا دمار لكل الي بنيته اكيد حسابي مخترق مستحيل
كيان:اهدي جوالك فين
همس لفت لعقاب:جوالي مع عق...انقطع صوتها من شافت ملامح عقاب ورجعت ناظرت كيان استغربت كيان نظرات همس شكت همس بعقاب وناظرته:عقاب قول انه مو انت
الكل وقف يوجّه نظره لعقاب الي وقف بشموخ وقال:أنا نزلت التغريدة
همس توسعت عيونها بصدمه وكيان انزعجت من الرسائل والاتصالات راحت تصد تهدي الوضع
قربت همس لعقاب تدفعه من كتفه :بأمر مين تسوي كذا مين سمح لك تدخل بحياتي من انت تاخذ قرار مثل كذا بحياتي
عقاب قرب بيمسك يدها :همس اهدي
همس بقهر تدفعه على ورى:كيف اهدى انت جالس تتصرف بحياتي بكيفك ولاكانها حياتي أنا الحين تفتح الجوال تمحي هالرساله
عقاب يشوفها منهاره وقال:ماراح ألغيها وانتي لازم تفهمين ماراح ترجعين لشغلك ماهر جالس يطاردك انتي لازم توق...قاطعته بصراخ:بستين داهيه مايهمني المهم شغلي عقاب انت تجاوزت حدودك كثيييرر
ماتحمل عقاب يشوف نظرات الكل سحب بيدها يتجه بها للسياره يركبها بالقوه وطلعو برى المزرعه تاركين الكل بالجلسه مختضين وقف عقاب تنزل همس بقهر من حركته نزل عقاب يتجه لها يمسك يدها يلفها :همس اهدي
همس تسحب يدها بدموع قهر:كلكم كذابين كلكم انت وامي وماهر كلكم نفس بعض ليه ي عقاب انت تعرف اني ما اقدر بدون شغلي كيف تتصرف بشغل يخصني
غمض عيونه عقاب بقهر متوقع ردة فعلها بتكون كذا وصد للسياره يعتمد على الباب بقهر اتجهت له تسحبه بغضب :لا تسكت برر فعلتك بأي حق تتخذ قرار عني
عقاب مسك خدها :همس تكفين لاتسوين بنفسك كذا اهدي
همس تدفع يدينه :عقاب رد علي ليه تصرفت كذا احكي
صد عقاب بدون رد منه وناظرته همس بخيبة امل :يعني قاصد انك تسوي كذا ي حسافه اني تعشمت فيك وحطيت امل فيك حسافه اني وثقت فيك
همس بقهر:بس تقبض على ماهر لازم تعرف ان همس انتهت من حياتك
لف عقاب يناظرها بصدمه وقال:همس ليه تقولين كذا
همس:أنا كل شي أعديه إلا انك تتعدى حدودك وتتخذ قرار كبير بحياتي نفس كذا انت لاعانيت معاناتي ولا كسرتك الدنيا نفسي أنا وصلت لحلمي لوحدي وراح اكمل فيه لوحدي
ركبت همس السياره :رجعني المزرعه
ضرب عقاب بيده في السياره يركب يرجعون للمزرعه وطول الطريق يسمع شهقات بكاها العاليه وهو شاد الطاره ومو قادر يقول لها انه مخطط منه عشان ماهر ييأس ومايدل لها درب ولأنه ناوي يقبض على ماهر ومحد يعرف بالخطه الي بدماغه غير هو ومراد وطالما الجاسوس موجود فهو مو قادر يأمن في احد
وصلو تنزل المزرعه بسرعه تركض تدخل غرفتها تقفل الباب تنزل تعتمد على الباب تبكي بقهر وهي تضنه قاصد يسوي كذا لانه بالبدايه خبرها انها مستحيل ترجع لشغلها
عند عقاب جلس بالسياره مقهور انه جرحها كذا ومجبور يسكت لانه مايقدر يتكلم يخاف يطلع الكلام بالغلط
قطعه تميم يربت كتفه:عقاب
رفع راسه عقاب يناظره
تميم:وش صار وليه سويت كذا
شغل السياره عقاب :بعدين ي تميم خلي كيان تنتبه لهمس
هز راسه يشوفه طالع من المزرعه
عند كيان اتجهت لهمس بس دخلت فزت همس تحضنها:طلع كذاب نفسهم ي كيان كلهم خانوني كلّهم متأمرين ضدي تركني اوثق فيه كان يتقرب مني وهو راسمها لبعيد
كيان تحضنها:ماعليك فيه والله مايقدر يكسرك وانا خلفك
همس ببكى:كسرني ي كيان ياليتني ماوثقت فيه ياليتني هربت ياليت ماهر ذبحني ولا ذبحني عقاب بفعلته
كيان:لا همس لاتضعفين انتي قوية وراح ترجعين لشغلك بالقوه ماعليك فيه
همس بدموع:راح ارجع ي همس بس قلبي
كيان استغربت:قلبك ليه وش فيه
همس بدموع وبشهقات:قلبي مع عقاب ي كيان
انهارت همس تبكي بحضن كيان الي انصدمت ماتوقعت همس تتعلق بعقاب توسعت عيونها تلم همس وتحاول تقويها ما تضعف