مستحيل اني أبيعك لو على السيوف

٢٧

ناظرت همس ناحية عقاب نظرات طويله تشوف حالة المهدود ورجعت تصد وهي تبي تعتمد بيدها تسند نفسها وشهقت بالم تمسك خصرها وفز عقاب بسرعه  يتجه له يمسك كتوفها يبي يساعدها ضربت يدينها همس بزعل ناظر عقاب بعيونها يشوفها حتى ماتناظرها شد كتوفها يساعدها غصب تستند جلس عند راسها وصد بوجهها للناحية الثانية شد عقاب قبضة يدها وهو مايتحمل الصدود منها ابد مد يده يبي يمسك يدها دفعت يده همس وقالت:اطلع برى
عقاب يناظرها تدفع يده وهمس بحنيه:همس
همس بصراخ وبكى:اطلع براا
وقف عقاب يمسك يدينها :همس بس اسمعيني
همس تسحب يدينها تتفلت منه:بعد عني اتركني لاتلمسني
عقاب بخوف عليها:همس بابا اهدي جرحك
همس بدموع تدفعه :اطلع روح ما ابيك ما ابي اشوف وجهك اتركني ليه تجي ليه تنقذني كان تركتني أموت
ناظرها عقاب بصدمه:همس وش هالكلام لاتقولين كذا
صرخت همس بقوه لدرجه الكل سمعوها واتجهو النيرس ركض لها وقف عقاب بخوف يشوفها تمسك جرحها بيدها وتصرخ:اءءءءءءء
عقاب بخوف ييبي يمسكها تهدى بس هي جنت عليه وصراخها خلى جرحها ينزف وبسرعه دخلو النيرس يبعدون عقاب
تجمعو عليها يشوفون جرحها ويركبون المغذي لها ماتحمل عقاب منظرها الباكي وشكلها وهي تمسك جرحها بالم طلع برى تاركها تهدى وفزو اهله يناظرون حنو على عقاب من منظر وجهه الزعلان وصد عقاب يطلع برى المستشفى يسحب بكت زقايره يدخن
طلعو اهله خلفه متجهين للسياره ولف تميم لعقاب يربت كتفه :ماعليه تهدى وتتفاهمون
عقاب:اكيد انتبه لنفسك وحرص على اهلي
تميم  ابتسم:ان شاءالله
صد تميم يركب متجه للمزرعه ورمى عقاب زقارته يدعسها ورجع يدخل لهمس وقف خلف الباب متردد يدخل او لا تنحنح يفتح الباب بهدوء يدخل يشوفها غارقه بنومها مشى بخطوات هاديه يجلس على طرف السرير مسك كف يدها بهدوء يرفعه لمبسمه يبوسه وعينه عليها همس بصوت حاني يمسح راسها:والله اني اشتقت لك
نزلت دمعته يصد يمسحها وحط يدها يتجه للكنب يتمدد عليها ومال على جنبه يتأملها وهو يحمد الله انها نجت بس يتخيل شعور لو فقدها كيف بيقدر يعيش
مد يده يمسك كف يدها ينام وهو ماسك يدها
عند كيان كانت بالرسبشن تخلص أوراق همس واتجهت للغرفة تفتح الباب انصدمت بعقاب الي نايم مع همس بنفس الغرفه وماسك يدها بحنيه ابتسمت تطلع تتركهم تقفل الباب وجات بوجهه مراد وشهقت تمسك فمها
مراد:بسم الله
كيان:علي وعليك
مراد ابتسم:علي وعليك
كيان:دايم داخل فجأة مستحيل تدخل دخلة طبيعية
مراد ابتسم:انتي خوافه مو ذنبي
كيان تضرب كتفه:عن الغلط ترا مافي مساحه اسطوانه الأكسجين هالمره
ضحك مراد يرجع شعرها خلف أذنها :اجل كويس اني بالمستشفى عشان ما أموت يعالجوني بسرعه
ابتسمت كيان من حركته تنزل راسها بخجل
مراد:ودك بشي دافيء؟
كيان:اوكي
مشى مراد وهي بجنبه يتجهون للكوفي بالمستشفى يجلسون يتقهوون وكيان تسولف شوي وتناظره شوي ومراد الي حس من فرحته بشوفتها مو قادر يسكت وبس يسولف ويمزح ووده يشوف ضحكتها الي فقدها شهر كامل