مستحيل اني أبيعك لو على السيوف

٥٠

تقدمو البنات ينزلون الاغراض يساعدون جاهلين ان الموقع الي هم فيه نفس الموقع الي راح يكون فيه تسليم السلاح المهرب ونفس الموقع الي فيه عقاب ومراد بس ما انتبهو لهم لأنهم بالناحيه الخلفيه

عند عقاب كان يراقب من مكان مرتفع ورجع يتكلم بالسماعه مع الفريق بالمواقع الثانيه ولف من ضربه مراد:شوف وصلت
لف عقاب وتأهب خلف يبلغ الفريق يمسكون مواقعهم
ناظرو الشاحنه الي تقطع طريق رمي توقف ولفو نظرهم للعايله الي جالسين بمسافه شوي عن الشاحنه
عقاب بصدمه:متى جت هالعائله ؟
خلف:ما انتبهت لهم
مراد:شكلهم تو شوف ينزلون عفوشهم
عقاب بقهر :ورطه كيف نصرفهم الحين
خلف:والله مشكله
سحب عقاب السماعه من خلف يبلغ الفريق:ممنوع إطلاق النار إلا بأمر مني في عائله متواجده وسلامتهم اهم
سحب عقاب سلاحه واتجه خلفه مراد وخلف من الناحيه الثانيه يتخبون خلف الشجره

عند ام منير ناظرت تشوف الشاحنه واقفه بمسافه نوعاً ما قريبه :ي بناتي هالشاحنه وقفت هنا وضعها مريب
مضاوي ناظرت:يمكن يبي يريح
كيان:كلام خالتي صح احس وجه السواق مو مريح
أشواق:لا توسوسون فينا
همس:ماعليكم اهدو دام هم بعيد ماعلينا فيهم
مضاوي:والله قلبي ما ارتاح
توسوسو البنات وعيونهم بس على الشاحنه وعشان تهديهم همس اتجهت للسياره تفتح الدرج وسحبت سلاح منه :هذا السلاح معنا لاتخافون
رجعو البنات يسولفون ويتقههون ورغم انها يضحكون إلا عيونهم كل شوي على الشاحنه
وقفت روان بخوف من اتجهت سيارات كثير حوالين الشاحنه :يمه وش قاعد يصير
ام منير :لازم نمشي قومو
وقفو بخوف يجمعون اغراضهم وهمس تناظر تشوف الرجال واقفين وواضح يتفاوضون واتجه رجال يركب الشاحنه
عند عزام نزل من السياره شايل سلاحه على خصره يتفاوض مع الجماعه الثانيه وناظرت نفس حوالينها وبس شافت رجال خلف الشجر عرفت انهم عسكر وأنهم محاصرين سحبت شال عزام تلفه على وجهها خوف من ان عقاب معهم ويعرفها فتحت الباب تشوف احد واقف ورافع سلاحه على ظهر عزام والرصاصه على الصايب فتحت عيونها بصدمه ونزلت تركض بسرعه كبيره لف حميد عليها والرجال يناظرونها تركض استغرب عزام نظراتهم خلفه ومامدى يستوعب ويلف حتى اصتدمت فيه نفس :انتبهه
فتح ذراعه يمسكها وطاح على ضهره تطيح عليه وطلعت رصاصه تصتدم بمقدمه الشاحنه
سحب الكل سلاحه يتخبون وفز عزام بخوف يوقف نفس ومسك يدها يهربون خلف الشاحنه وقفها قدامه محاصرها بيدينه ومال براسه يبي يوايق لكن مرت رصاصه قريبه من قدام وجهه ورجع بسرعه وشهقت نفس تغمض عيونها ورفعت يدينها لياقته تمسك فيها وهي ترجف نزل نظره لها يشوف خوفها ورجفتها ومد يده خلف ضهرها:اهدي لاتخافين أنا معك
فتحت عيونها نفس:انتم محاصرين استسلمو
عزام:ماعليك انتي بس لاتخافين
نفس:عزام لاتنجن انت راح تموت اقول لك محاصرين
توهق عزام ومنجد لازم ينفذ بريشه ناظر حوالينه وسحب السماعه :حميد فجر الشاحنه
نفس بخوف:انت وش تقول راح تذبح نفسك
حميد بصدمه:كيف ؟
عزام :نفذ وبعد الانفجار اهربو
عند همس بس طلع طلق النار شكت انها مداهمه وسحبت سلاحها تناظر بخوف
كيان تصرخ:همس خلينا نمشي
مضاوي:هذول مسلحين ي الله ي بنتي
ام منير:ي رب تحمينا أنا ليه طاوعتكم
نزلت روان لهمس تسحبها؛امشي خلصينا
همس تدفع يدها:اصبري دقيقه
نزلو ام منير ومضاوي يقنعون همس تمشي بس همس متاكده انها عمليه تهريب وان عقاب موجود
عند نفس وعزام مسك يدها:عند الثلاثه راح يفجر حميد وراح تركضين معاي
هزت راسها نفس وشدت يده والخوف اكل قلبها عزام يحس بشده يدها يمسك ذقنها:لاتخافين انتي معاي وباذن الله مايجيك شي
استعدت نفس وبس كمل عزام الثلاثه انطلق بنفس ركض ناحية السياره وهي تصرخ وانفجرت الشاحنه خلفهم والكل انتشر محتمين بنار الانفجار
عقاب وفريقه كانو متقدمين بيحاصرونهم بس الانفجار شتتهم وأذن عقاب قفلت وانطلقو هو ومراد خلفهم يطاردونهم وخلف من الناحيه الثانيه