مستحيل اني أبيعك لو على السيوف

٢٠

ماهر ابتسم بمكر يشوفهم يتضاربون كل واحد يبي يحمي الثاني وقال:خلاص ارتاحو نذبحكم اثنينكم ونريحكم

توسعت عيون همس بصدمه تقدم عقاب ترفع يدينها تدفعه على ورى بضهرها:لا ماهر انت تبيني أنا عقاب ماله شغل هذا أنا جيتك تبي فلوس راح أعطيك كل الي عندي "وبدموع قالت"بس تكفى خلي عقاب يروح لأتاذيه
عقاب واقف مصدوم منها كيف تقدم للموت تاخذه عنه مسك كتوفهابخوف  :همس ارجعي ورى
همس لفت عليه:لا عقاب انت عندك ام وأب وعائله ينتظرونك أنا ماعندي احد يشيل همي
عقاب بدموع يمسك خدها:وانا تخليني مثل ماتركوني كل الي احبهم
غمضت همس عيونها بقهر وصرخت تمسك أذونها توسع عيونها بصدمه من أطلق ماهر رصاصه في الجو ورجعت تلف على ماهر وهي محاوطه عقاب بظهرها وترجعه على ورى
ماهر:إذا خلصتم رومنسيه ودنا نتفاهم
مسك عقاب همس يخبيها بظهره:خلينا نتفاهم رجال لرجال همس مالها دخل
ماهر ابتسم:او يعجبني الحب الي كذا
تقدم ماهر لعقاب الي تقدم له بنفس الحده ويده شاد فيها يد همس الي خلف ضهره وترجف
تقابلو بمواجهه قويه وما أضعف عقاب بهاللحظة إلا همس الي خاف تتأذى وبحركة سريعه منه يرفع ركبته يضرب يد ماهر يطيح سلاحه ولف ماهر من رقبته يثبت سلاحه على راسه ونزلت همس لسلاح ماهر ترفعه على رجاله
عقاب:الي بيقرب راح اذبحه
تورط ماهر وخاف انهم يرمون ويموت واشر لهم ينزلون أسلحتهم
رجع عقاب على ورى وهمس تحمي ظهره يبعدون عن البيوت شوي وعقاب متشبث بماهر الي يناظر يشوف همس خايفه وتتلفت وبسرعه رفس عقاب من بطنه وسحب السلاح من يد همس الي تشبثت بالسلاح وماهر يجره بقوه يبيها تتركه رفع عقاب نفسه بيرميه لكن انصدم من صوت الرصاصه الي طلعت وصرخ :همسسس
ناظرت همس بصدمه يطيح السلاح من يدها وزفر عقاب براحه من طاح ماهر يمسك خصره الي تصاوب لان همس ضغطت الزناد بالغلط
صارت همس ترجف وهي تبكي وتناظر كفوف يدها وتصارخ ركض عقاب لها يحاوطها تحت ذراعه :انتي بخير اهدي خلاص انتي بأمان
لف عقاب من سمع صوت سيارات رجال ماهر يرمون عليهم مسك كف يد همس يهربون بعيد يختبون بين الأشجار وارسل عقاب لمراد محتاجين دعم دخل عقاب داخل شجره يجلس وسحب همس يدخلها بحضنه وعينه تراقب بهدوء وهو شايل سلاحه نزل نظره لهمس الي تناظره وأنفاسها متسارعه رفع يده يمسح دموعها يشدها له ومسكت كف يده الي محاوط فيها يده
دقايق بسيطه يوصل فيها مراد ووراه دوريات امنيه وبسرعه انتشرو بالمكان وقف عقاب يمسك يدها يتجهون لمراد
مراد:وش صار
عقاب:بلحق ماهر مو بعيد هو متصاًوب ومعتمد على رجاله
همس بخوف:أنا معك ما أخليك
عقاب:لا انتي روحي مع مراد البيت
همس :لا ماراح اروح رجلي على رجلك وين تروح أنا معك
عقاب بطفش يكبح صوته:همس افهمي اخوك خطير ما اقدر آخذك معاي
همس:اجل ماتروح
رفع يده عقاب يشد راسه واشر لمراد:تفاهم معها
مراد عرف ان عقاب نشب بها ولف لهمس:همس عقاب..قاطعته همس تسحب سلاح مراد:بروح معك يعني بروح معك
عقاب بحده:همس روحه مافي بسرعه اركبي السياره
رفضت تهز راسها بلا تكتف
تقدم عقاب لها يشيلها بالقوه  وهي ترافس وتقاوم يفتح باب السياره يركبها وجلسها على المقعد ورفع إصبعه السبابه :ياويلك تلحقيني
همس نزلت راسها بزعل وهي خايفه عليه مره انتبه لزعلها ومسك ذقنها يرفعه يقرب لها يبوس راسها وجاء بيمشي يوقفه صوتها:عقاب
لف لها استرسلت كلامها:تكفى انتبه لنفسك
هز راسه عقاب يتجه ركض مع عسكر كثير يحاوطون المنطقه عند همس ومراد وكذا عسكري رفضت تروح البيت تنتظر عقاب وصارت تدور يمين ويسار ودمها نشف تنتظر عقاب مرة ساعه كامله ماكان فيه طلق ناري والوضع هدوء ركبت السياره تسند راسها على طارة السياره وبس سمعت مراد يهمس:عقاب
رفعت راسها تشوفه راجع معه رجاله ابتسمت بفرحه تتجه له ركض استغرب عقاب ركضتها يشوف البسمه على وجهها وبسرعه حضنته تحاوط رقبته انحرج عقاب من العسكر يحاوطها بيد وحده يشوفها شادته بخوف تنحنح ينبها وبسرعه بعدت عنه :تأخرتم وش صار
عقاب:هرب نفس العاده
مراد:راح يجي يوم ويوقع
هز راسه عقاب يمشي بجنب همس الي مشت معه يركبون ويرجعون للبيت
فزو الكل يوم دخلو يسلمون عليهم ويتطمنون عليهم وام منير تحلف عقاب معد يخاطر بروحه