مستحيل اني أبيعك لو على السيوف

٤٢

همس انفجرت ضحك على منظره وكل الحريم فطسو ضحك عليهم وقف عقاب ونزل من السياره ونزلت وراه همس وروان وبس هدى الغبار انطلق قايد يرمي بعصاه ورى عقاب الي طار يهرب وهو يضحك والكل ميت ضحك عليهم
قايد بعصبيه:والله أصيدك بس
عقاب بضحكه:همس السبب هي الي طلبت مني اسوي كذا
شهقت همس:لا ي خالي والله يكذب
قايد يلف عليها:اجل انتي السبب تركتيه يرثع فينا
روان:اي ي ابوي أنا اشهد
همس بغدره:اء يبنت ابليس لاتشهدين كذب
روان بهمس:حق تعبي بالكيكه
همس تضرب كتفها وتتجه لقائد:ي خالي معقول أنا اسوي كذا فيك
ظافر:خلاص سامحهم
قايد:أسامحهم ليه ما أسامحهم
ابتسمت همس تلف لروان تسوي حره لكن لفت بصدمه من قال:يذبحون الذبيحه ويشوون لنا وقبل كل هذا ابي تنضفون الخيمه وتقلبونها مزبوط
همس :أنا مالي دخل ولدك هو الي حاسكم
قايد:انتي معه ليه ما توقفينه
عقاب ابتسم لمنظر همس المنقهر وحب يزودها:ي ابوي ترا هي جلست تضحك وتقول لي اشد عليكم
قايد:معكم ربع ساعه بس لو ماجهزت الخيام راح تشوفون مصيركم
اتجهت همس تمشي للخيمه مبوزه وروان تلفح بشعرها :ي زين الراحه اخ بس
رفعت همس المخده تضربها واتجهت ركض روان تضحك عليهم والكل يتذكر منظر قايد وضافر ميتين ضحك يطلعون يتمشون حتى يجهزون الخيمه
تقدم عقاب من همس وهي صاده وتفاجأ من لفت عليه بسرعه تعرقل له ومن الخرشه رجع على ورى طاح على ضهره همس بقهر:ليه تكذب الحين انت راح تنظف ماراح أساعدك
عقاب :يامتوحشه معقوله هالجمال والرقه يطلع منها كذا
همس بغرور ترجع شعرها لورى:ان بغيتني رقيقه مافي ارق مني وان بغيتني شريره مافي اشر مني
استند على يدينه يجلس:زين ي الشريرين ساعديني اوقف
تقدمت همس تمد يدها له:تأدب ولعد تكذ..انقطعت كلمتها من سحبها بقوه يجلسها بحضنه يحاوطها :والحين وش راح تسوين؟
همس بتوتر من حركته:ولا شي
عقاب بضحكه:لا تهايطين اوكي
همس تحتد نظرتها :لا عاد عن الغلط أنا ماهايطت إلا وانا قدها
كتف عقاب يدينها خلف ضهرها يقرب وجهه من وجهها :لسا قدها
همس:حتى لو شديت يدي قدها
مال عقاب يبوس عينها اليمين بحنيه وهمس:لسا قدها
توترت همس من بوسته ناظرها عقاب يبتسم وانقهرت وبغرور:قدها بس اتركني وشوف
مال لعينها اليسار يبوسها:لسا قدها؟
زادت رجفات قلبها وتوترها وهي تعرف عقاب وتماديه وجرائته ترددت تقول مو قدها وقفت بين كبريائها ورجفات قلبها تسرح بعيونه الي ملكت قلبه تشوف كيف يتأمل عيونها بحب وهيام ونزل عيونه لشفايفها تفهم نيته تتوتر حيل منه يقطع سرحانها وفهاوتها فيه عقاب من شد يدينها:قدها؟
ترددت همس والخوف بان برجفه شفايفها وهمس عقاب لها :اشوف الخوف بعيونك
اختارت كبريائها وغرور وحركت يدينها تحاول تفلتها وهمست قدام وجهه بحده:قدها انت بس اتركني وشوف وش بيصير إذا م...توسعت عيونها من كتم صوتها يميل يقبلها قبله طويله حيل قبله تكسر غرورها وخوفها احتبست انفاسها ثواني طويله من جراءته معها وحبه لها رغم حدتها وعصبيتها إلا انها هدت ترتخي أعصابها وتكن بعد عنها عقاب يعطيها النفس يناظر وجهها المحمر خجل ابتسم يوقف ووقفها وهي تصدد بوجهها عنه من الحياء عقاب بضحكه يتجه ينظف الخيمه:راح اكثر من التحديات الي كذا
همس تضربه بالمخده:ي ويلك تعيدها ما تسوي شي فيني بدون اذني
لف عقاب عليها يتجه لها بخطوات هاديه وجريئه رجعت همس بخوف منه وقال:هذاك اول الحين انتي وقلبك كلك ملكي وحرمي اسوي الي ابي
همس بخوف:لا مو على كيفك
ابتسم عقاب يوقف:لانك جبانه وخوافه ليه تبعدين عني
همس توقف :لا مو خوافه ولاجبانه
عقاب بمجاكر:جبانه وخوافه ومغروره كمان
همس تخصر:جد ؟؟
عقاب يهز راسه بتأكيد:اي
تقدمت همس بخطوات سريعه تتجه له ترفع رجولها تمسك رقبته تطبع قبله سريعه على شفايفه وتتجه هاربه من الخيمه وهي تصرخ:مو خوافه شفت
تصنم عقاب بصدمه من قبلتها يحس بشعور جداً جميل وغريب ناظر لها يشوفها هاربه وابتسم يلف ينظف :مو خوافه ي همسه لا والله مو خوافه
كانت هالقبله كفيله تخلي عقاب مبتسم وسعيد طول ماهو يشتغل وبربع ساعه نفض الخيام رجع قايد والعائله يجتمعون ووقفو من شافو مراد وكيان داخلين فزو البنات بفرحه يسلمون على كيان ويرحبون بها
روان:عروس الغفله من صباح عرسها بالمخيم
كيان:انقلعي لا تخليني اندم اني جيتكم
همس:ماعليك فيها بس صباحيه مباركه ي عروس
روان:مباركه وش الله يهديك
كيان:انتي متى تتزوجين وتفكينا منك يختي نكسر القاعده نصبح على وجهك الي يسد النفس
همس ورنا:ههههههههههههههههههههههههه
رنا:والله عاد سددت لك ي روان
روان:ماعليه بكره يسألونها ورعانها ماما وين قضيتي صباح عرسك تقول بالبر مع البعارين
همس:ههههههههههههههعه ماعليه تتخطين ي كيان
كيان:لاتخلوني اروح واخليكم ذي جزاتي ماغدرت فيكم
رنا:خلاص سمعونا قومو خلونا نلعب بالدبابات
كيان:قدام
همس:عاد ذي احلى شي بالبر
روان:ي الله إذا ما رثعت بكم ما اكون بنت قايد
همس:والنعم بخالي اما انتي ماعندك سالفه
مضاوي:وين رايحين
همس:نلعب بالدبابات
ام منير:انتبهو ي بناتي لاتعورون انفسكم
همس:من عيوني كلنا سواقات
روان:في روس أينعت وحان وقت نغير عليها
كيان :قصدك ندفنها استعدي اجل
همس:اركدو ي الله شوفو العيال جايين
وقفو العيال قدامهم معهم الدبابات نزلو يناظرون تميم يوصي رنا:انتبهي على نفسك
رنا :من عيوني
مسك ذقنها بحنيه يقبصه:يسلمهن
ابتسمت رنا تركب ولفت لمراد الي يهمس لكيان:انتبهي ولا تسرعين ولا تتعورين
همس:ي شين العرسان يغثون
كيان ترفسها برجلها وابتسمت لمراد:من عيوني ي حياتي
روان:الله من حومة الكبد
همس تلف الشريط على يدها عشان تمسك مقبض الدباب ولايعورها لاشدته:بدت تطق مرارتي
كيان:طسو ي ناشفات ي عديمات الرومنسيه
ضحك مراد يتجه للعيال وناظرت همس بعقاب :نعم انت وش عندك وصايا كمان
كيان:ماعليه خويتي دفشه امسحها بوجهي
ضحك عقاب يسمع لروان الي تقول:والله على الاقل ثقيله مو مثلكم مخفات ورومنسيات تجيب الهم والغثيان
كيان :اي زين
عقاب:أنا مايحتاج أوصيها لانها تعرف الي بقلبي قبل أقوله ولاني اعرف ان همسي شطوره با السواقه
همس بعدم شعور من إطرائه :ي حياتي
رنا وكيان:هههههههههههههههههههههههههه
ضحك عقاب بقوه عليها وضربت روان كتفها:فضحتينا تو نقول انك ثقيله ماش طلعتي مثلهم
همس تسحب عقاب تنزله:أخذني غدر ماحسيت بنفسي
تقدم عقاب للعيال يذبحون الذبيحه وهو ميت ضحك على همس
بدو البنات يلعبون ويفحطون على بعض وصوت الدبابات يصدح بالجو وضحكاتهم عاليه تقدمت همس تغبر على روان الي اندفنت من البنات وغمضت من التراب الي دخل بعينها وتقدمت خلف همس بعين وحده مفتوحه وشهقت بصدمه من شافت سياره جايه بوجهها ومعد قدرت تسيطر وتصادمت فيها وطاحت يطيح الدباب على يدها وقفو البنات بصدمه وانطلقو لها يصارخون باسمها ومضاوي الي شافت روان لمن اصتدمت بالسياره وصرخت تركض وفزو العيال بخوف ركض خلفهم بالسياره نزل صالح ركض وتوسعت عيونه بصدمه من شاف روان طايحه ويدها تنزف بسرعه ركض لها يبعد الدباب يحملها بين ذراعيه يبعدها يجلسها وانهارت روان تبكي بخوف وألم تشوف صالح الي اصتدمت فيه ضربت كتفه:ماتشوف اعمى عورتيني
صالح:والله ماقصدت طلعتي بوجهي فجأة
روان...

كنت بكمل بس حيل تعبانه نكمل بكره وآسفه هاليومين مسافره بحاول أعوضكم بأحداث نار البارتات بكره باذن الله