مستحيل اني أبيعك لو على السيوف

٣٩

عطتها الشاحن ونزلت تمشي وبس جت طالعه شافت عقاب يدخن ويطقطق بجواله ناظرت حوالينها مافي احد تقدمت بخطوات هاديه تبتسم بخبث وهي تمشي بخلسه  انتبه عقاب لها يشوف ضلها على النور وبسرعه نطت همس تبوس خده بحركه سريعه وشهقت بخوف توسع عيونها من حاوطها بيده من خصرها يثبتها وانحرجت همس تناظر حوالينها شافت مضاوي جايه وضربت صدره :عقاب عمتك جايه بعد عيب
عقاب:زوجتي وش فيها
عدت مضاوي من عندهم مبتسمه تناظر بالارض:خذو راحتكم
غمضت همس بفشله تضربه ووسعت عيونها بغضب:عقاب بعد عيب الي تسويه
رمى الزقاره يدعسها ورجع شعرها خلف اذنها:عيب اني احضن زوجتي
همس:لمني بس مو قدام الكل
عقاب يقرب لوجهها :مايهمني دامك حلالي ماعلي بأحد
همس:طيب خلاص الحين اتركني
ناظر عقاب بعيونها وطفشت همس من الاحراج تحتد بنظرها تخزه وابتسم يترك خصرها:خلاص اهدي تركتك
ضربت همس كتفه بخفيف:قليل ادب
عقاب يضرب شفتها بخفيف بسبابته:غصب عني مو ذنبي إذا انتي حلوه
صدت همس تتركه وهي خايفه يحرجها زياده وتقدمت للبنات تجلس وهي متفشله ومنحرجه ابتسمو البنات
يلطفون لها الجو يخففون عليها من إحراجها
روان:يابنت شكلك ساحره اخوي اجل عقاب الثقيل يصير خفيف
أشواق:منجد
روان:افصحي عن الخلطه وش مسويه فيه لازم اسويها لصويلح
البنات: هههههههههههههههههههههههه
همس بوجه بريئ:أنا اسوي له سحر هالوجه البريئ معقوله يسويها
رنا:حرام صدقتها خلاص ماتسويها
كيان:اي والله علمينا عشان نسحر غدير وامها يصيرون لطيفات وينبلعون
روان:حبيبتي ذول حتى سحر ام عباس ماينفع معهم القلوب سود
أشواق بطقطقه:ماعليه ندعي لهم
همس:حبيبتي ذول وجيههم مغسول بمرق لادعوة وسحر شيلونا من ذكرهم
مضاوي تلطف الجو:يازينكم
همس:انتي يازينك والله
ضحكت مضاوي تربت كف يدها ورجعو البنات يسولفون
وصوت ضحكهم عالي ابتسم عقاب يدخل يتجه للغرفه يتمدد وهو مبسوط ان همس رجعت له يدخل بنومه جداً مريحه
خلصو البنات من سهرتهم الكل يتجه للنوم وكيان طلبت سيارة ترجع لبيتها
ركبت السياره :روح للموقع الي رسلته لك
هز راسه وهو لابس كاب واخذ باقه ورد يمدها لها كيان باستغراب:وش ذا
السايق:لك
كيان:من مين يعني
السايق:مني
كيان:ماشاء الله أعرفك تعرفني من انت حتى تهديني
اتجه السايق لطريق غير طريق بيتها وصرخت تضرب كتفه:وين موديني انت مجنون رجعني بسرعه وش جالس تسوي
وقف بطريق بري ونزلت كيان بخوف تهرب لكن صرخت من مسكها من عضدها ولفها له كيان بخوف ودموع:الله يخليك اتركني بعد عني
كان يناظرها وهو شادنها وهي تتفلت من يدينه وتصرخ بخوف وسحب الكمام عن وجه ينفجر يضحك هدت كيان تناظر تشوفه مراد ومن القهر وهي شوي وينشف دمها صارت تضربه وتبكي وهو يرجع على ورى يتصدى ضرباتها وهي تبكي بقهر وتهاوش:ي غبي احد يمزح كذا كنت راح أموت كيف تسوي فيني كذا عورت قلبي خفت كثير ماكنت عارفه وش اسوي
هرب مراد لمن عورته من ضربها ووقفت كيان تغطي وجهها تبكي با انهيار والموقف جداً جداً أرعبها رجع مراد بخوف عليها من بكاها الي يقطع القلب يمسك يدينها بحنيه يبعدها عن وجهها:كياني اسف ماقصدت ي عيوني قلت امزح معك
كيان ببكي:امزح بس مو كذا
مراد:خلاص اسف حقك علي بس لاتبكين زين
هزت راسها تحاول تلقط نفسها تقدم لها يحاوطها يمشيها للسياره يركبها وركب ناظرها تمسح دموعها:ماتوقعتك جبانه كذا
كيان:لا يشيخ خاطفني وش متوقع يعني
مراد:ماش لازم اعلمك مهارات الدفاع عن النفس
كيان:علمني مهارات تقبل الصدمات لان واضح اني متزوجه واحد خبل
انفجر مراد يضحك عليها يمسك كف يدها يحبه:ي روحي انتي حقك علي اهدي
كيان تلقط نفسها وناظرته وصدت تبتسم بخفيف وهي اكلت رعبه كانت قوية جداً وعرفت ان مراد خبل ومزحه ثقيل شوي