مستحيل اني أبيعك لو على السيوف

٤٤

لافي بصدمه:ي أبوي أنا معد ابي تشرح لي ولا اشرح لك أنا آمني عمي عليها وانا اعتذر عن هالامانه دام من بداية الموضوع كذب وتخفي عني وحامل من رجال غريب فا اعتذر من هالامانه كلها ودام همس اختها تتكفل فيها
عقاب عقد حجاجه بحده ووقفت همس بحده :وش قصدك
لافي :قصدي اختك طالق
توسعت عيونها بصدمه وحاولت تتفلت عليه لكن عقاب مسكها يبعدها همس بقهر:ي كلب وش جالس تقول
لافي:الي سمعتيه
همس:ياحيف ي سافل هذي جزاتها اللي حبتك تخليت عنها وتركتها با اكثر وقت تحتاجك
عقاب:همس اهدي
همس بقهر :ي عديم الرجوله أبوي آمنك عليها كيف ترفض الامانه كيف تخونها بأي وجه بكره راح تقابل ربك الله كيف هانت عندك نفس بنت صغيره ماقدرت تلقى الأمان برى تبيه معك وانت من اول عثره تخليت عنها
لافي:عن المثاليه هذا موضوع طويل وعريض ماني مستعد اتحمل اعيش مع وحده لمسها غيري لا كله كوم وحملها كوم ثاني صاحيه انتي والله لو كانت اختي او بنتي لاذبحها واغسل عاري احمدي ربك اني طلقتها ماذبحتها
همس بصدمه من كلامه اتجهت له تنفلت من عقاب وتضرب صدره بقهر:إذا في عار هنا فهي وقفتك وكلامك الي يدل على مستوى الدناءه الي تعيش فيها
مسك معصم يدها يشده :افهمي الزواج مو بالغصب اختك وطلقتها مستحيل اشيل عار مو عاري
هنا عقاب جن لمن شافه ماسك يدها وشادها بعد تقدم له يضرب على عينه بقوه يرجع على ورى يترك همس  عقاب بحده:إلا همس لو تفكر تلمسها أمحيك ونفس معد يربطك فيها شي نفس صارت تحت حمايتي لو تفكر بس تفكير تجيب طاري بالي صار والله لوريك نجوم الظهر والحين انقلع من وجهي قبل ارتكب فيك جريمه
لافي يمسك عينه:بحريقه انت وهي معك
صد لافي يطلع من المستشفى وتقدم عقاب له بس همس مسكت من عضده توقفه لف عقاب لها ودخلت همس لنفس تاركه عقاب عند الباب دخلت بخطوات هاديه تشوف اختها متمدده والمغذي بيدها عيونها الشاحبه وجهها المخطوف وواضح انها عاشت تجربه صعب اي إنسان يعيشها تقدمت همس بدموع تمسك يدها الي فيها المغذي وبدموع:نفس أنا همس
كانت عين نفس مثبته بنور السقف وتناظر بفراغ وكانّها عايشه بلحضه الاغتصاب ومو قادره تحرر منها
همس بدموع تمسح راسها :نفس أنا أختك أنا بنت عتيق طلعتي اختي من ابوي متخيله الصدفه الحلوه وحتى اسمائنا مثل بعض
دمعت عيونها  نفستناظر للسقف همس بدموع تشد يدها:نفس حبيبي انتي طمنيني انتي تسمعيني صح
نفس بعد صمت :لافي فين ؟
بلعت ريقها بقهر همس :الحين يجي
لفت نفس لها :لافي لازم يروح يذبحهم كلهم اكيد ماراح يرحمهم اكيد راح يعذبهم
همس بغبنه:اكيد
نفس تجلس:طلعي جوالك دقي عليه بعطيك رقمه هو اكيد خايف علي ابي أطمنه عني
همس بتصريفه:ارتاحي بعدين نكلمه
نفس تسحب الجوال من يدها بسرعه وفتحته تدق على رقم لافي يوصلها صوته:هلا
نفس:لافي أنا نفس أنا بالمستشفى لافي أنا محتاجه ل...قاطعها:وش تبين اعتقد انتهينا وش عندك داقه
نفس باستغراب:انتهينا
سحبت الجوال همس منها ورجعت نفس تسحبه:انتظري افهم منه
نفس تكلمه:وش قصدك ؟
لافي:اعتقد اختك ماوصلت لك اني مو مستعد اكمل مع وحده راح تجيب لي العار متعدين عليها وحامل بطفل مو معروف من ابوه
نفس تجمعت الدموع في عينها وهمست:لافي أنا احتاج لك أنا اح..قاطعها:انتي طالق وانتهينا
ارتجفت يد نفس يطيح الجوال من يدها وفزت همس تمسك يدها صرخت نفس بقوه وصارت تضرب وجهها وبطنها وتدفع كل شي على السرير صارت تصارع همس وتحاول تتحرر منها ركضو النيرس بخوف من صراخها وبسرعه ثبّتوها يعطونها مهدى وهي كانت بقمة انهيارها
حطت همس يدها على فمها تكتم شهقاتها على منظر نفس الي يقطع القلب وطلعت من الغرفه ركض لف عقاب عليها وبسرعه ركضت همس له تتعلق برقبته تحضنه وانهارت تبكي بحرقه على نفس الي شالت حمل اكبر من سنها شافت انهيارها وثقتها وضنها بلافي الي ببساطه تركها بحجه كلام المجتمع والعار
شدها عقاب يهديها وهو سمع صراخ نفس بس وانفجع كيف بهمس الي شاهدت كل شي