مستحيل اني أبيعك لو على السيوف

٣١

كانت ليله جميله لقايد الي فرح برجعة اخوه وعزم على شرف جيته ابو صالح وكذا رجال من معارفه وجميله لأحمد الي فرحان بجية اهله وهم بس عرفو بموت ماهر رجعو لهم ولأن غدير تحسنت حالتها شوي
وكانت ليله غثيثه للبنات الي مو متقبلين غدير وامها وللأسف ماتغيرو نفس شوفة النفس والغرور ماتحملت همس سوالف غدير الي كلها كانت بعقاب وأيام زواجها منه وقفت بتأفف تنزل من الجلسه انتبه الكل لزعلها وقفت كيان تمشي لها وودها تفقع وجه غدير اما غدير انبسطت انها قدرت تنكد على همس وبداخلها متوعده لهمس وحالفه ماتهنيها بعقاب
ام غدير:وشلونك مع احمد اشوف حاله ضعيف انتي ما تأكلينه
ناظرت أشواق:والله معه يدين يعرف ياكل نفسه مو طفل
كبحت روان ضحكتها ورنا تخزها اما ام غدير ولعت من أشواق مضاوي حست الجلسه متوتره :وشلون غدير ان شاءالله احسن
غدير ابتسمت:طيبه ي عمه انتي كيفك
مضاوي:الحمدلله
ام منير:بكلم احد العيال يجي يشغل لنا نور
غدير :لا ي خاله ارتاحي أنا اشوف احد يجي
وقفت تتجه للعيال وهي قاصده تلفت انتباه عقاب
عند همس وكيان الي واقفين على طرف بس شافوها رايحه اعترضت طريقها همس
غدير:بعدي بكلم عقاب يجي يشغل لنا نور
همس:إرتاحي أنا اشغلها
غدير:انتي ؟؟
همس تكتف:أي أنا مو عاجبك
انقهر غدير ترجع للجلسه وهمس وكيان خلفها كيان بفرحه:كفو رجعتيها غصب
همس:أنا فاهمه حركاتها ذي كلها تبي تلفت انتباه
كيان:عديمه كرامه واحد طلقها وحرمها وش تبي
همس:الهوس احياناً يخليها ترخص حتى كرامتها
كيان:والحين منجدك بتزبطين النور انتي
همس:اي وش فيها شغله بسيطه
مشت همس ناحيه عمود الاناره ام منير:ي بنتي نادي العيال اخاف تأذين نفسك
غدير:لا هي تعرف لكل شي مثل ماتعرف تخطف الرجال
الكل ناظر غدير بصدمه وتقدمت كيان:سدي فمك محد خطف احد انتي بسبب قلبك الاسود دمرتي نفسك
همس:الترفع عن الكلام معك احسن
مضاوي:عيب ي غدير وش هالكلام
انقهرت غدير تصد تدخل للمطبخ وهي مقهوره من همس لانها طنشتها وهالشي استفزها لانها كانت تبيها ترد بس هي ترفعت
اما همس ما اهتميت لغدير تاخذ الكرسي تحطه ورقت عليه تحاول تشغل النور
ام منير:الله يهديها عقلي بنتك ي ام غدير ترا اختطت على همس
ام غدير:بنتي ماغلطت ماقالت إلا الصحيح
أشواق:عادي ما الطيور على اشكالها تقع
ام غدير:وش قصدك
فتحت فمها بترد أشواق بس قطعها امها:خلاص عيب اذكرو الله وش بلاكم
سكتت أشواق تكتف بقهر من ام غدير
روان:لا واضح مهم ناوين خير دام هذي اول ساعتين يطلع منهم كل ذا
رنا:اي والله غدير واضح الحقد بعيونها
عند همس ترفع نفسها تحاول تفرك النور عشان يشتغل وكيان ماسكه الكرسي ناظرت غدير بقهر وحقد لها وناظرت تشوف سلك النور عندها بالمطبخ ناظرت الكل منشغل شالت السلك تتجه للفيش وهي بقصدها تكهرب همس وابتسمت بخبث تشبك السلك وانفجر النور وصرخت همس ترجع على ورى تمسك وجهها تطيح على ضهرها صرخت كيان بخوف عليها ولفو الحريم بنظرهم عليها وفزو العيال بخوف وقف عقاب يشوف الي مجتمعين عليها وبس قالت كيان :همسس
فز بخوف يتجه ركض لهم وانطلقو العيال خلفه بسرعه دخل عقاب من بين الحريم ينزل على رجوله لها :همس وش فيك وش صار
كيان:النور انفجر عليها
مسك كفوفها يبعدها عن وجهها :همس ناضريني افتحي عينك جاك شي
همس تهز راسها وهي مغمضه عيونها :وجهي يعورني
وقفها عقاب يحاوطها يتجه فيه للمطبخ والبنات خلفه ودفع كتف غدير يبعدها من عند الباب تنازح بصدمه من حركته اتجه للمغسله يفتح المويه يمد يده يغسل وجهها وبدت همس تفتح عيونها بهدوء
رفع طرف شماغه يمسح وجهها عيونها وخدودها :تعورتي تحسين بألم
كانت حنيته تحت نظر غدير الي ولع قلبها غيره
هزت راسها بلا رفع عقاب شعرها عن وجهها يرتبه :وش طلعك للنور
همس:كنت بشغله بس فجاءه انفجر
عقاب:ليه ما ناديتوني او ناديتو احد من العيال
غدير:همس امتدحت انها تعرف تسويها ماكان ندري ان ماعندها سالفه
كيان بهمس لروان:ودي أخيط فمها عشان معد تسولف
روان ضحكت بخلسه على كيان الي مولعه من غدير
ام منير:حصل خير اهم شي همس طيبه
همس ابتسمت:طيبه طيبه
غدير:يالله درس عشان تعرف ان مو كل شي راح تعرفين له
همس تزيح عقاب تحطه خلف ضهرها :انصحك ما تستفزيني لاني ساكته من اول مادخلتي وربك لندمك
سحبت مضاوي غدير تطلعها وعقاب مصدوم من غضب همس وتاكد ان غدير ضغطتها اما كيان وروان انبسطو وأشواق فزت تحب راس همس:من اول ماكنت ابي تسكتين لها
عقاب:وش صاير هنا
همس:سوالف حريم لسا تبي تعرفها
عقاب:لا لا خلاص ما ابي اعرف شي
صد يطلع يشوفها معصبه وبداخله مستأنس انه يحس بغيرتها عليه
رنا:حرام وش ذنبه
همس:رفعت ضغطي الزفت ذي
أشواق:ماعليك فيها تعالي اجلسي وكيديها
طلعو البنات وصدت همس تستغفر وهي حانه على غدير انها بين يوم وليله فقدت بناتها وزوجها لكن كله بسبب غلطتها توقعتها بتهدى وتراجع نفسها بس انصدمت انها نفس ماهي جت بتطلع ولفتها السلك المشبوك وعقدت حواجبها باستغراب لان السلك ماكان مشبوك ورجعت بذاكرتها ان غدير كانت بالمطبخ شدة يدها همس بقهر:تحديني اذيك ي غدير وانا ما ابي
طلعت همس تتجه للبنات تجلس وهي كاره الجلسه من غدير وبالها همس بقضية اهلها بدل النور تميم يركب نور ثاني لهم واستمرت سهرتهم حتى تعشو وتفرقو للنوم والعيال طلعو لصالح يكملون سهره  والبنات اجتمعو بغرفة همس
همس:ببالي شي تساعدوني
أشواق:ابشري
روان:تم
كيان :عاد أنا ضلك
همس ابتسمت:شكراً بنات منجد انتم تهبلون
رنا:حبيبتي وش ببالك
همس:ابي اروح بيت ماما "سكتت همس تستوعب انها مو امها "انتبهو البنات لسكوتها والعبره الي فيها وكملت تعدل لنفسها:اقصد اريج
كيان تقطع الحزن الي فيها:ليه
همس:اكيد بلقى اوراق مستندات شي يوصلني لاهلي
كيان:فكره ممكن ليه لا
روان:طيب خلونا نكلم عقاب ونروح
همس:لا ما ابي عقاب يعرف لانه مشغول بموضوع سعود ما بشغله زياده
أشواق:طيب متاكدين بنلقى
همس:باذن الله بنلقى بس احتاج وقفتكم
روان:قلنا لك حنا معك وين ما تبين وبعدين حتى لو مالقيتي شي ولو حتى ماوصلتي لأهلك احنا اهلك وانا اختك افا عليك
همس ابتسمت تقبص ذقنها بحنيه:ياحلوك اخت عقاب فعلاً
روان تغمز:ليه وش قايل لك عقاب
همس تنحنح:لا ولاشي
روان:علينا وحضن الجمل وانتو تصورون هاء اقول
البنات بصدمه:كيف؟؟؟
همس تبي تتهرب من طقطقتهم عليها:خلصونا نبي نروح بيت اريج
روان:ي الله
استعدو البنات يطلعون من الغرفه جاهلين غدير الي كانت تجسس عليهم وسمعت كل شي صار واصدمت بهمس انها ماعندها اهل وبدون ابتسمت بخبث وهي اخيراً لقيت شي تعور فيه همس وتذلها فيه اتجهت لغرفة امها تخبرها كل شي سمعته
ام غدير:روحي وراهم شوفي وش يحصلون ببيت الحرمه ذي رايحين لها
فزت غدير تتخبى وتطلع خلفهم ركبو البنات السيارة وانطلقو لبيت اريج واخذت سياره غدير تتبعهم بخلسه وصلو البيت ينزلون يوقفون خلف سور البيت
أشواق:والحين كيف ندخل احد معه مفتاح
همس ناظرت :السور صغير بنط وأفتح لكم
ناظرت روان حولها الحي عشوائي ويخوف:خلصينا لاني مو مرتاحه للمكان
قربت همس تستند على البنات ترقى السور ونطت فتحت لهم الباب يدخلون جاهلين الرجال الي واقف بعيد وبس شاف حركتهم غريبه بلغ عليهم
عند عقاب جالس مع العيال يوصله اتصال من المركز يخبره بالبلاغ ان في حركة غريبه ببيت اريج ولأنها قبل احتوت مهرب مخدرات وقاتل بالبيت صار البيت وضعه مشك
وقف عقاب يأشر لمراد يركبون متجهين لموقع البلاغ "بيت اريج "
نزل عقاب ومراد شايلين أسلحتهم والعسكر محاوطين البيت
مراد:تتوقع عمليه تهريب
عقاب:اكيد لازم نحبطها
دخلو من الباب بسرعه ينشرون بزوايا البيت اما غدير بس جت بتنزل وقفت من شافت سيارة الدوريات محاوطه المكان تشوف عقاب ينزل وخلفه العسكر انتظرت تراقب بصمت

عند البنات كل ثنين دخلو غرفة يقلبون فيها يدورون اي دليل يوصلهم لهدفهم
عند أشواق ورنا وكيان كانو يدورون بين الاغراض حتى شهقت رنا بخوف من حست السلاح على راسها لفو البنات لشهقتها ورجعت كيان على ورى بخوف:مراد
مراد:كيان
دفعت السلاح رنا تهرب خلف كيان
مراد:وش عندكم هنا وش تسوون ؟؟
كيان:انت وش جايبك هنا وليه رافع سلاحك
مراد:وصلنا بلاغ عن عمليه تهريب ببيت اريج
البنات بصدمه:وشهو
فزو بخوف من سمعو صوت رصاصه وارتعب مراد :في احد غيركم هنا
كيان بخوف:همس وروان بالغرفه الثانيه
اتجه مراد ركض وخلفه البنات خايفين احد صوبهم لكن بالغرفه الي فيها همس وروان دخل عقاب بهدوء يناظر وانصدم بهمس الي جالسه تقلب بين اغراض اريج وروان معها أطلق رصاصه في الهواء ينبهم وصرخت روان ترمي الي بيدها وهمس الي كانت تناظر تحت السرير صرخت وجت بتطلع راسها وضرب بالسرير:اوتش
وقفت همس وروان بخوف بجنب بعض يشوفون ملامح عقاب الغاضبه وبلعت ريقها روان بورطه:هذا وش جابه
همس تهمس لها:ما اعرف بس وجهه مايطمن بخير
عقاب بحده:وش عندكم هنا
همس:عقاب اسمع....قاطعها:يعني معد عندك صبر تنتظريني حتى أفضى
همس:عقاب أنا مو مستعده اصبر وانتظر وانا مو بحاجه احد يدور لأهلي أنا أدورهم بنفسي
انقهر عقاب منها يتقدم لها وعينه عليها:روان قدامي على السياره
روان:هاء
عقاب بصراخ:قدامي
فزوالثنتين من صرخته وهربت روان ركض تجي بوجه مراد والبنات:اهربو اهربو عقاب مو شايف قدامه
كيان:لا همس فين
روان :معه
هربت روان والبنات خلفها إلا كيان الي جت بتروح لغرفه همس بس مسكها مراد:وين
كيان:بروح لهمس
مراد يمسك يدها:قدامي السياره
كيان تسحب يدها:لا ما ابي
مراد بحده:كيان ترا الي سويتوه غلط والحين قدامي على السياره
عيت كيان لكن هو شد يدها يسحبها بقوه يطلعها معه وصلو عند السياره تفلت يدها منه
مراد:اركبي
كيان:مو قبل اتطمن على همس
مراد يحاول يهدى مايعصب وقال:كيان خلصيني
رفضت كيان لكن ماتحمل مراد يفتح باب السياره ودفعها بقوه تطيح على المقعد وقفل الباب مسكت كتفها بالم من دفعته
انقهر مراد من حركة بس مجبور عشان العسكر الي يناظرون ومصدومين ان الموقع الي مفروض في مداهمه طلعو فيه البنات

عند عقاب وهمس
عقاب:همس لاتجننيني امشي قدامي
همس:عقاب أنا جيت مو طالعه حتى القى الي جيت عشانه
عقاب بصراخ لانه معصب منهم وبدون وعي :افهمي ي اداميه انتي صعب تلقين اهلك بهذي الطريقه صعب توصلين لهم ويمكن تعيشن عمرك كله وانتي مالقيتيهم
ناظرته همس تبدى تنزل دموعها وارتجف فمها تبوز ببكي وغمض عيونه عقاب الي عرف انه بكلامه قسى عليها تقدم لها يمسك بيدها يسحبها لحضنه وضربت صدره بزعل تبي تطلع من حضنه:بعد عني أنا مو بحاجتك وانا بضل ادور لهم حتى ألقاهم ما ابي توقف معي لو كان لقاهم مستحيل راح أوصل لهم
شدها عقاب يثبتها بقوه لحضنه:خلاص اشش اسف ماقصدت
ارتخت همس تبكي بحرقه بحضنه ومالت تطيح على ركبها وهو ساندها وجلس معها تبكي بحرقة:لاتقول كذا عقاب ليه تصعبها علي اكيد راح ألقاهم صح
عقاب يمسح دموعها ويحاوطها:اكيد واوعدك راح أساعدك ماقصدت بكلامي كنت معصب حقك علي ي عيوني
همس ناظرت بعيونه:ماتكذب علي راح ألقاهم صح
عقاب:اكيد قومي معاي الحين
وقفت همس يساندها وطلعو من البيت تحت أنظار البنات الي يشوفون عقاب هدى شوي وزفرت روان براحه ركبو متجهين للمزرعه

في هالأثناء دخلت غدير البيت خلفهم تنبش بالبيت حتى وصلت لصندوق صغير تقلب فيه تلقى صوره لطفله صغير ابتسمت وهي اكيد صورة همس خبتها بشنطتها تتجه للسواق تسلك طريق مختصر للمزرعه توصل قبلهم وبسرعه اتجهت لغرفتها